Mother’s Day 2021 Date: ತಾಯಿಯ ಸಂತೋಷಕ್ಕೆ ನೀವು ಕಾರಣರಾಗಿ, ಹೇಳಿ ವಿಶ್ವ ಅಮ್ಮಂದಿರ ದಿನದ ಶುಭಾಶಯ
ಸಾಮಾನ್ಯವಾಗಿ ಅಮ್ಮಂದಿರಿಗೆ ಉಡುಗೊರೆಗಳನ್ನು ನೀಡುವ ಮೂಲಕ ಅಥವಾ ಅವರಿಗೆ ವಿಶೇಷವಾದದ್ದನ್ನು ಮಾಡುವ ಮೂಲಕ ಈ ದಿನವನ್ನು ಆಚರಿಸಲಾಗುತ್ತದೆ. ಈ ಬಾರಿ ಕೊರೊನಾ ಸೋಂಕು ಹರಡುವಿಕೆಯಿಂದಾಗಿ ಲಾಕ್ಡೌನ್ ಜಾರಿಯಾಗಿದ್ದು, ಅಮ್ಮನೊಂದಿಗೆ ಹೆಚ್ಚಿನ ಸಮಯವನ್ನು ಕಳೆಯಲು ಒಂದು ಒಳ್ಳೆ ಅವಕಾಶ ಸಿಕ್ಕಿದಂತಾಗಿದೆ.
Updated on:May 07, 2021 | 10:12 AM
ಮೇ ತಿಂಗಳ ಎರಡನೇ ಭಾನುವಾರದಂದು ಪ್ರತಿ ವರ್ಷ ಅಮ್ಮಂದಿರ ದಿನವನ್ನಾಗಿ ವಿಶ್ವದಾದ್ಯಂತ ಆಚರಿಸಲಾಗುತ್ತದೆ. ತಾಯಿ ಮಕ್ಕಳ ಜೀವನವನ್ನು ರೂಪಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತಾಳೆ. ಅಷ್ಟೇ ಅಲ್ಲ ಜೀವನದ ಹಾದಿಯಲ್ಲಿನ ಪ್ರತಿಯೊಂದು ಏಳು ಬಿಳಿನಲ್ಲೂ ಬೆನ್ನೆಲುಬಾಗಿರುತ್ತಾಳೆ. ಹೀಗಾಗಿಯೇ ಅಮ್ಮನಿಗೆ ವಿಶೇಷವಾದ ಸ್ಥಾನ ನೀಡಲಾಗಿದೆ.
ಅಮ್ಮ ಮಾಡುವ ಪ್ರತಿಯೊಂದು ತ್ಯಾಗಕ್ಕೆ, ನೀಡುವ ಮಮತೆಗೆ ಧನ್ಯವಾದ ಹೇಳಲು ಕೇವಲ ಒಂದು ದಿನ ಸಾಕಾಗುವುದಿಲ್ಲ. ಆದರೆ ಅಮ್ಮನಿಗಾಗಿ ಏನಾದರೂ ವಿಶೇಷವಾದದನ್ನು ಮಾಡಲು ಅಥವಾ ಅವಳ ಇಚ್ಛೆಯಂತೆ ನಡೆದುಕೊಳ್ಳಲು ಈ ದಿನ ಅವಕಾಶ ಮಾಡಿಕೊಡುತ್ತದೆ ಎನ್ನುವುದು ಮಾತ್ರ ನಿಜ.
ವಿಶ್ವ ಅಮ್ಮಂದಿರ ದಿನವನ್ನು ಮೇ ತಿಂಗಳ ಎರಡನೇ ಭಾನುವಾರದಂದು ಆಚರಿಸಲಾಗುತ್ತದೆ. ಈ ವಿಶೇಷ ದಿನವನ್ನು ಅಮೆರಿಕದ 28 ನೇ ಅಧ್ಯಕ್ಷ ವುಡ್ರೊ ವಿಲ್ಸನ್ ಅಧಿಕೃತವಾಗಿ ಸ್ಥಾಪಿಸಿದರು. ಹಿಸ್ಟರಿ ಡಾಟ್ ಕಾಮ್ ಪ್ರಕಾರ, ವಿಶ್ವ ಅಮ್ಮಂದಿರ ದಿನವು ಪ್ರಾಚೀನ ಗ್ರೀಕರು ಮತ್ತು ರೋಮನ್ನರ ಕಾಲದ್ದಾಗಿದ್ದು, ಅವರು ತಮ್ಮ ಮಾತೃ ದೇವತೆಗಳಾದ ರಿಯಾ ಮತ್ತು ಸೈಬೆಲೆ ಅವರನ್ನು ಗೌರವಿಸಲು ಈ ದಿನವನ್ನು ಮೊದಲು ಆಚರಣೆಗೆ ತಂದರು. ಆದಾಗ್ಯೂ, ಈ ದಿನದ ಆಧುನಿಕ ಉಲ್ಲೇಖವನ್ನು ಮದರಿಂಗ್ ಸಂಡೇಯಲ್ಲಿ ಕಾಣಬಹುದು. ಇದನ್ನು ಯುಕೆ ಮತ್ತು ಯುರೋಪಿನ ಕೆಲವು ಭಾಗಗಳಲ್ಲಿ ನಾಲ್ಕನೇ ಭಾನುವಾರವನ್ನಾಗಿ ಕೂಡ ಆಚರಿಸಲಾಯಿತು.
ಮದರಿಂಗ್ ಸಂಡೇ ಎಂಬ ಈ ಹಬ್ಬವು ಧಾರ್ಮಿಕ ಸ್ವರೂಪವನ್ನು ಪಡೆದುಕೊಂಡಿದೆ. ಜನರು ಚರ್ಚ್ಗೆ ಭೇಟಿ ನೀಡಿ ಅಲ್ಲಿ ಈ ದಿನವನ್ನು ಆಚರಿಸುತ್ತಾರೆ. ಹೀಗೆ ಮೇ 9 ರಂದು ಭೇಟಿ ನೀಡುವ ಚರ್ಚ್ಗೆ ಮದರ್ ಚರ್ಚ್ ಎಂದೂ ಕೂಡ ಕರೆಯುತ್ತಾರೆ.
ಅಂತಿಮವಾಗಿ ಮೇ ಎರಡನೇ ಭಾನುವಾರದಂದು ಅನ್ನಾ ಜಾರ್ವಿಸ್ ಅವರ ಪರಿಶ್ರಮದಿಂದಾಗಿ ವಿಶ್ವ ಅಮ್ಮಂದಿರ ದಿನ ಆಚರಣೆಗೆ ಬಂತು. ನಂತರದಲ್ಲಿ ಯುಎಸ್ನ ಅಧ್ಯಕ್ಷ ವಿಲ್ಸನ್ 1914 ರಲ್ಲಿ ವಿಶ್ವ ಅಮ್ಮಂದಿರ ದಿನವನ್ನು ಅಧಿಕೃತವಾಗಿ ಘೋಷಣೆ ಮಾಡಿದ್ದಾರೆ. ಒಟ್ಟಾರೆಯಾಗಿ ಇವರೆಲ್ಲರ ಪ್ರಯತ್ನದ ಫಲವಾಗಿ ಇಂದು ವಿಶ್ವದಾದ್ಯಂತ ಅಮ್ಮಂದಿರ ದಿನವನ್ನು ಆಚರಿಸಲಾಗುತ್ತಿದೆ. ಅಂತೆಯೇ ಈ ಬಾರಿಯೂ ಮೇ 9 ರಂದು ವಿಶ್ವ ತಾಯಂದಿರ ದಿನಕ್ಕೆ ನಾವು ಸಾಕ್ಷಿಯಾಗುತ್ತಿದ್ದೇವೆ.
ಸಾಮಾನ್ಯವಾಗಿ ಅಮ್ಮಂದಿರಿಗೆ ಉಡುಗೊರೆಗಳನ್ನು ನೀಡುವ ಮೂಲಕ ಅಥವಾ ಅವರಿಗೆ ವಿಶೇಷವಾದದ್ದನ್ನು ಮಾಡುವ ಮೂಲಕ ಅಥವಾ ಅವರ ಇಚ್ಛೆಯಂತೆ ನಡೆದುಕೊಳ್ಳುವ ಮೂಲಕ ಈ ದಿನವನ್ನು ಆಚರಿಸಲಾಗುತ್ತದೆ. ಈ ಬಾರಿ ಕೊರೊನಾ ಸೋಂಕು ಹರಡುವಿಕೆಯಿಂದಾಗಿ ಲಾಕ್ಡೌನ್ ಜಾರಿಯಾಗಿದ್ದು, ಅಮ್ಮನೊಂದಿಗೆ ಹೆಚ್ಚಿನ ಸಮಯವನ್ನು ಕಳೆಯಲು ಒಂದು ಒಳ್ಳೆ ಅವಕಾಶ ಸಿಕ್ಕಿದಂತಾಗಿದೆ. ಹೀಗಾಗಿ ತಾಯಿಯೊಂದಿಗೆ ಒಂದು ದಿನ ಕುಳಿತು ಆಕೆಯ ಸುಖ -ದುಖಃಗಳನ್ನು ಕೇಳಿ ಅಥವಾ ಅಮ್ಮನ ಅಂತರಂಗವನ್ನು ಅರಿಯಲು ಪ್ರಯತ್ನಿಸಿ ಆಗಲೇ ಅಮ್ಮಂದಿರ ದಿನಕ್ಕೆ ಅರ್ಥ ನೀಡಿದಂತಾಗುತ್ತದೆ.
ಈ ವಿಶೇಷ ದಿನದಂದು ನಾವು ತಾಯಂದಿರಿಗೆ ನಮ್ಮ ಕೃತಜ್ಞತೆಯನ್ನು ವ್ಯಕ್ತಪಡಿಸುವ ಕೆಲವು ಸಣ್ಣ ವಿಧಾನಗಳನ್ನು ಗಮನಿಸುವುದಾದರೇ ಅಮ್ಮನಿಗಾಗಿ ಅಡುಗೆಯನ್ನು ಮಾಡಿ ಬಡಿಸಿ, ಆಕೆಯನ್ನು ವಿಶ್ರಾಂತಿ ಪಡೆಯಲು ತಿಳಿಸಿ ಮತ್ತು ಆ ಕೆಲಸವನ್ನು ನೀವು ಮಾಡಿ ಅಥವಾ ಅಮ್ಮನಿಗೆ ಇಷ್ಟವಾಗುವ ಸಣ್ಣ ವಿಷಯವನ್ನಾದರು ಮಾಡಿ ಸಂತೋಷಪಡಿಸಿ. ಒಟ್ಟಾರೆ ವಿಶ್ವ ಅಮ್ಮಂದಿರ ದಿನವನ್ನು ಅಮ್ಮನೊಂದಿಗೆ ಕಳೆಯಿರಿ ಎನ್ನುವುದು ಟಿವಿ9 ಡಿಜಿಟಲ್ನ ಆಶಯ.
ಇದನ್ನೂ ಓದಿ:
ಆರೋಗ್ಯ ಚೆನ್ನಾಗಿರಬೇಕಂದ್ರೆ ಸ್ಮಾರ್ಟ್ಫೋನ್ ಬಳಕೆ ಬಿಟ್ಟುಬಿಡಿ; ಆದರೆ ಹೇಗೆ ಬಿಡೋದು?
World Hand Hygiene Day 2021: ಕೈಗಳನ್ನು ಸ್ವಚ್ಛವಾಗಿಟ್ಟುಕೊಳ್ಳುವಲ್ಲಿ ನಮ್ಮ ಮೊದಲ ಆದ್ಯತೆ ಯಾವುದಾಗಿರಬೇಕು?
Published On - 9:52 am, Fri, 7 May 21
