National Carrot Cake Day: ಮನೆಯಲ್ಲಿಯೇ ರುಚಿಕರ ಹಾಗೂ ಆರೋಗ್ಯಕರ ಕ್ಯಾರೆಟ್ ಕೇಕ್ ತಯಾರಿಸಿ, ಪಾಕ ವಿಧಾನ ಇಲ್ಲಿದೆ
ಪ್ರತಿ ವರ್ಷ ಫೆಬ್ರವರಿ 3 ರಂದು ರಾಷ್ಟ್ರೀಯ ಕ್ಯಾರೆಟ್ ಕೇಕ್ ದಿನವನ್ನು ಆಚರಿಸಲಾಗುತ್ತದೆ. ಈ ದಿನವನ್ನು ಅಮೇರಿಕಾದಲ್ಲಿ ಸಂಭ್ರಮದಿಂದ ಆಚರಿಸಲಾಗುತ್ತದೆ. ಆದ್ದರಿಂದ ಈ ವಿಶೇಷ ದಿನದಂದು ಮನೆಯಲ್ಲಿಯೇ ಆರೋಗ್ಯಕರ ಕ್ಯಾರೆಟ್ ಕೇಕ್ ಮಾಡಿ ಸವಿಯಿರಿ.
ಪ್ರತಿ ವರ್ಷ ಫೆಬ್ರವರಿ 3 ರಂದು ರಾಷ್ಟ್ರೀಯ ಕ್ಯಾರೆಟ್ ಕೇಕ್ ದಿನ(National Carrot Cake Day) ವನ್ನು ಆಚರಿಸಲಾಗುತ್ತದೆ. ಈ ದಿನವನ್ನು ಅಮೇರಿಕಾದಲ್ಲಿ ಸಂಭ್ರಮದಿಂದ ಆಚರಿಸಲಾಗುತ್ತದೆ. ಕ್ಯಾರೆಟ್ನಿಂದ ಸಾಕಷ್ಟು ಆರೋಗ್ಯ ಪ್ರಯೋಜನಗಳಿವೆ. ಆದ್ದರಿಂದ ಈ ವಿಶೇಷ ದಿನದಂದು ಮನೆಯಲ್ಲಿಯೇ ಆರೋಗ್ಯಕರ ಕ್ಯಾರೆಟ್ ಕೇಕ್ ಮಾಡಿ ಸವಿಯಿರಿ. ಕ್ಯಾರೆಟ್ನಲ್ಲಿ ಪೊಟ್ಯಾಸಿಯಮ್ ಸಮೃದ್ಧವಾಗಿದ್ದು, ರಕ್ತದೊತ್ತಡವನ್ನು ನಿಯಂತ್ರಿಸುವಲ್ಲಿ ಬಹಳ ಮುಖ್ಯವಾದ ಪಾತ್ರವನ್ನು ವಹಿಸುತ್ತದೆ. ಜೊತೆಗೆ ಇದರಲ್ಲಿರುವ ಬೀಟಾ ಕೆರೋಟಿನ್ ದೇಹದಲ್ಲಿ ವಿಟಮಿನ್ ಎ ಆಗಿ ಪರಿವರ್ತನೆಗೊಳ್ಳುತ್ತದೆ ಮತ್ತು ಕಣ್ಣಿನ ದೃಷ್ಟಿ ದೋಷ ಸಮಸ್ಯೆಯಿಂದ ನಿಮ್ಮನ್ನು ದೂರವಿರಿಸುತ್ತದೆ.
ಕ್ಯಾರೆಟ್ ಕೇಕ್ ರೆಸಿಪಿ:
ಕ್ಯಾರೆಟ್ ಕೇಕ್ಗೆ ಬೇಕಾಗಿರುವ ಸಾಮಾಗ್ರಿಗಳು:
1 ಕಪ್ ತುರಿದ ಕ್ಯಾರೆಟ್
2 ಚಮಚ ಕೋಕೋ ಪೌಡರ್
1/2 ಕಪ್ ಖರ್ಜೂರ
1 ಕಪ್ ಮೈದಾ ಹಿಟ್ಟು
1 ಕಪ್ ಪುಡಿ ಸಕ್ಕರೆ
1 ಚಮಚ ಬೇಕಿಂಗ್ ಪೌಡರ್
1 ಕಪ್ ಚೋಕೋ ಚಿಪ್ಸ್
2 ಚಮಚ ಡ್ರೈಫೂಟ್ಸ್
ಇದನ್ನೂ ಓದಿ: ಗಂಜಿ ಊಟಕ್ಕೆ ಸೂಪರ್ ಕಾಂಬಿನೇಷನ್ ಕೇರಳ ಶೈಲಿಯ ನರಂಗ ಉಪ್ಪಿನಕಾಯಿ
ಕ್ಯಾರೆಟ್ ಕೇಕ್ ಮಾಡುವ ವಿಧಾನ:
ಹಂತ 1:
ಮೊದಲಿಗೆ ಒಂದು ಪ್ಯಾನ್ನಲ್ಲಿ ಮೈದಾ ಹಿಟ್ಟು, ನೀರು, ಬೆಣ್ಣೆ, ಬೇಕಿಂಗ್ ಪೌಡರ್, ಕೋಕೋ ಪೌಡರ್ ಹಾಗೂ ಸೋಡಾ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. ನಂತರ ಇನ್ನೊಂದು ಪಾತ್ರೆಯಲ್ಲಿ ಡ್ರೈಫೂಟ್ಸ್ ತುರಿದ ಕ್ಯಾರೆಟ್, ಸಕ್ಕರೆ ಪುಡಿ ಬೆಣ್ಣೆ, ಖರ್ಜೂರ, ಚಾಕೋ ಚಿಪ್ಸ್ ಹಾಗೂ ಚಾಕೋಲೇಟ್ ಚಿಪ್ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.
ಹಂತ 2:
ಈಗ ಒಂದು ಕೇಕ್ ಟಿನ್ ಅಥವಾ ಅಗಲವಾದ ಪಾತ್ರೆಯಲ್ಲಿ ಈ ಮೇಲಿನ ಎಲ್ಲ ಮಿಶ್ರಣವನ್ನು ಸುರಿಯಿರಿ. ಕೇಕ್ ಟಿನ್ಗೆ ಮಿಶ್ರಣವನ್ನು ಹಾಕುವ ಮುನ್ನ ಸ್ವಲ್ಪ ಎಣ್ಣೆಯನ್ನು ಸವರಿಕೊಳ್ಳಿ. ನಂತರ ಒವೆನ್ನಲ್ಲಿ 20 ನಿಮಿಷ ಬೇಕ್ ಮಾಡಿ. ಈಗ ರುಚಿಯಾದ ಕ್ಯಾರೆಟ್ ಕೇಕ್ ಸಿದ್ಧವಾಗಿದೆ. ಹೆಚ್ಚಿನ ರುಚಿಗಾಗಿ ನೀವು ಇದರ ಮೇಲೆ ಚಾಕೋ ಚಿಪ್ ಹಾಗೂ ಡ್ರೈ ಫೂಟ್ಸ್ಗಳಿಂದ ಅಲಂಕರಿಸಬಹುದು.
ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ:
Published On - 10:29 am, Fri, 3 February 23