Rose Water for Skin: ಬೇಸಿಗೆಯಲ್ಲಿ ಚರ್ಮದ ಆರೈಕೆಗಾಗಿ ರೋಸ್ ವಾಟರ್ ಬಳಸಿ

ರೋಸ್ ವಾಟರ್‌ನ್ನು ಗುಲಾಬಿ ಸಾರಗಳಿಂದ ತಯಾರಿಸಲಾಗುತ್ತದೆ. ಇದು ಅದ್ಭುತ ಸುಗಂಧವನ್ನು ಹೊಂದಿರುವುದರ ಜೊತೆಗೆ ನಿಮ್ಮ ತ್ವಚೆಯನ್ನು ಉತ್ತಮವಾಗಿ ಆರೈಕೆ ಮಾಡುತ್ತದೆ. ಇದು ಹೈಡ್ರೇಟರ್ ಮತ್ತು ಟೋನರ್ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತದೆ. ಈ ರೋಸ್ ವಾಟರ್ ಎಲ್ಲಾ ಪ್ರಕಾರದ ಚರ್ಮಗಳಿಗೂ ಸೂಕ್ತವಾಗಿದ್ದು, ಚರ್ಮವನ್ನು ಹೈಡ್ರೇಟಿಕರಿಸಿ ತ್ವಚೆಗೆ ಹೊಳಪನ್ನು ನೀಡುತ್ತದೆ. ಚರ್ಮದ ಆರೋಗ್ಯವನ್ನು ಕಾಪಾಡುವುದರೊಂದಿಗೆ ತಲೆ ಸ್ನಾನ ಮಾಡಿದ ನಂತರ ರೋಸ್ ವಾಟರ್‌ನ್ನು ಕೂದಲಿಗೆ ಹಚ್ಚುವುದರಿಂದ ಕೂದಲಿನ ಹೊರ ಪೊರೆಯನ್ನು ಮುಚ್ಚಲು ಸಹಾಯ ಮಾಡುತ್ತದೆ ಹಾಗೂ ಕೂದಲಿಗೆ ಹೊಳಪನ್ನು ನೀಡುತ್ತದೆ.

ತ್ವಚೆಯ ಆರೈಕೆಗಾಗಿ ರೋಸ್ ವಾಟರ್‌ನ ಪ್ರಯೋಜನಗಳು:

ಮೇಕಪ್ ರಿಮೂವರ್:

ರೋಸ್ ವಾಟರ್‌ನ್ನು ಮೇಕಪ್ ರಿಮೂವರ್ ಆಗಿ ಕೂಡಾ ಬಳಸಲಾಗುತ್ತದೆ. ರೋಸ್ ವಾಟರ್‌ನ ನೈಸರ್ಗಿಕ ಸಂಕೋಚಕ ಗುಣಲಕ್ಷಣಗಳು ಮತ್ತು ಅದರ ಪೋಷಣೆ ಮತ್ತು ಜಲಸಂಚಯನ ಗುಣಲಕ್ಷಣಗಳು ವಿಶೇಷವಾಗಿ ಒಣಚರ್ಮದ ಮೇಕಪ್‌ನ್ನು ನಿಧಾನವಾಗಿ ಮತ್ತು ಪರಿಣಾಮಕಾರಿಯಾಗಿ ತೆಗೆದುಹಾಕಲು ಸಹಾಯ ಮಾಡುತ್ತದೆ.

ಹೈಡ್ರೇಷನ್ ಮತ್ತು ನೈಸರ್ಗಿಕ ಟೋನರ್:

ರೋಸ್ ವಾಟರ್ ತ್ವಚೆಯನ್ನು ಹೈಡ್ರೇಟಿಕರಿಸುತ್ತದೆ ಮತ್ತು ತ್ವಚೆಯ ಆರೈಕೆಗಾಗಿ ಇದನ್ನು ಸೀರಮ್ ಮತ್ತು ಟೋನರ್ ರೂಪದಲ್ಲೂ ಬಳಸಲಾಗುತ್ತದೆ. ಇದು ಚರ್ಮದಿಂದ ಹೆಚ್ಚುವರಿ ಎಣ್ಣೆ ಮತ್ತು ಕೊಳೆಯನ್ನು ತೆಗೆದು ಹಾಕಲು ಸಹಾಯ ಮಾಡುತ್ತದೆ. ಚರ್ಮವನ್ನು ಸ್ವಚ್ಛವಾಗಿರಿಸುತ್ತದೆ ಹಾಗೂ ತ್ವಚೆಯನ್ನು ನಯವಾಗಿ ಆರೋಗ್ಯಕರವನ್ನಾಗಿ ಮಾಡುತ್ತದೆ.

ಚರ್ಮವನ್ನು ರಕ್ಷಣೆ ಮಾಡುತ್ತದೆ:

ರೋಸ್ ವಾಟರ್ ಚರ್ಮದ ತಡೆಗೋಡೆಯನ್ನು ಬಲಪಡಿಸುತ್ತದೆ ಮತ್ತು ಧೂಳು ಹಾಗೂ ಮಾಲಿನ್ಯಗಳಿಂದ ತ್ವಚೆಯನ್ನು ರಕ್ಷಣೆ ಮಾಡುತ್ತದೆ.

ಚರ್ಮದ ಕಿರಿಕಿರಿಯನ್ನು ಶಮನಗೊಳಿಸುತ್ತದೆ:

ರೋಸ್ ವಾಟರ್ ಉರಿಯೂತ ವಿರೋಧಿ ಲಕ್ಷಣವನ್ನು ಹೊಂದಿದೆ. ಇದರ ರೋಸಾಸಿಯಾ ಅಂಶ ಚರ್ಮದ ಕಿರಿಕಿರಿಯನ್ನು ಶಮನಗೊಳಿಸಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ: ನಿಮ್ಮ ವಯಸ್ಸಿನ ಆಧಾರದ ಮೇಲೆ ಬಾಯಿಯ ಆರೋಗ್ಯ ಕಾಪಾಡಲು ತಜ್ಞರು ನೀಡಿರುವ ಸಲಹೆ ಇಲ್ಲಿದೆ

ವಯಸ್ಸಾಗುವಿಕೆಯ ವಿರೋಧಿ ಗುಣಲಕ್ಷಣಗಳು:

ರೋಸ್ ವಾಟರ್‌ನ್ನು ಹಲವಾರು ಸೌಂದರ್ಯವರ್ಧಕ ಉತ್ಪನ್ನಗಳಲ್ಲಿ ಬಳಸಲಾಗುತ್ತದೆ. ರೊಸ್ ವಾಟರ್ ಮೊಡವೆಗಳು, ಕಪ್ಪು ಕಲೆಗಳು, ಸುಕ್ಕುಗಳನ್ನು ಹಾಗೂ ತ್ವಚೆಯನ್ನು ವಯಸ್ಸಾದಂತೆ ಕಾಣುವುದನ್ನು ತಡೆಗಟ್ಟುತ್ತದೆ.

ಸೋಂಕುಗಳಿಗೆ ಚಿಕಿತ್ಸೆ ನೀಡಲು ಸಹಾಯ ಮಾಡುತ್ತದೆ:

ರೋಸ್ ವಾಟರ್ ಬ್ಯಾಕ್ಟೀರಿಯಾ ವಿರೋಧಿ ಗುಣಲಕ್ಷಣಗಳನ್ನು ಹೊಂದಿದ್ದು, ಚರ್ಮದ ಗಾಯಗಳನ್ನು ವೇಗವಾಗಿ ವಾಸಿ ಮಾಡಲು ಸಹಾಯ ಮಾಡುತ್ತದೆ.

ಒತ್ತಡವನ್ನು ಶಮನ ಮಾಡುತ್ತದೆ:

ನಿಮ್ಮ ಮನಸ್ಸು ಮತ್ತು ದೇಹದಲ್ಲಿ ಉಂಟಾಗುವ ಎಲ್ಲಾ ಒತ್ತಡ ಮತ್ತು ಉದ್ವೇಗಗಳನ್ನು ತಡೆಯಲು ರೋಸ್ ವಾಟರ್ ಬಳಸಬಹುದು. ರೋಸ್ ವಾಟರನ್ನು ಕುತ್ತಿಗೆ, ಮಣಿಕಟ್ಟು, ಕಿವಿಯ ಹಿಂದೆ ಸಿಂಪಡಿಸುವ ಮೂಲಕ ಅದರ ಸಿಹಿ ಸುಗಂಧವು ನಿಮ್ಮ ಒತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ: