ವಿಪರೀತ ಕಿವಿ ನೋವಿನಿಂದ ಬಳಲುತ್ತಿದ್ದೀರಾ? ನೋವು ನಿವಾರಣೆಗೆ ಇಲ್ಲಿವೆ ಮನೆ ಮದ್ದುಗಳು

ಇತ್ತೀಚೆಗಿನ ದಿನಗಳಲ್ಲಿ ಹವಾಮಾನದಲ್ಲಿಯಾಗುವ ಬದಲಾವಣೆಯಿಂದಾಗಿ ಒಂದಲ್ಲ ಒಂದು ಆರೋಗ್ಯ ಸಮಸ್ಯೆಗಳು ಕಾಡುತ್ತಲೇ ಇರುತ್ತದೆ. ಹೆಚ್ಚಿನವರಿಗೆ  ಶೀತ, ನೆಗಡಿ ಸಂಬಂಧಿತ ಅನಾರೋಗ್ಯ ಸಮಸ್ಯೆಗಳು ಸಾಮಾನ್ಯವಾಗಿರುತ್ತದೆ. ಸಹಜವಾಗಿ ಶೀತವಾದಾಗ ಕಿವಿ ನೋವು ಕಾಣಿಸಿಕೊಳ್ಳುತ್ತದೆ. ಕಿವಿ ನೋವಿಗೆ ಇನ್ನಿತ್ತರ ಕಾರಣಗಳು ಇರಬಹುದು. ಆ ತಕ್ಷಣವೇ ಮನೆಯಲ್ಲಿರುವ ಪದಾರ್ಥಗಳಿಂದ ಹಾಗೂ ಮನೆಯ ಸುತ್ತ ಮುತ್ತಲಿನಲ್ಲಿ ಗಿಡಮೂಲಿಕೆಗಳಿಂದ ಮನೆ ಮದ್ದು ತಯಾರಿಸಿ ನೋವಿನಿಂದ ಪಾರಾಗುವುದು ಮುಖ್ಯ.

ಕಿವಿ ನೋವಿಗೆ ಇಲ್ಲಿದೆ ಸುಲಭ ಮನೆ ಮದ್ದುಗಳು

* ಬೆಳ್ಳುಳ್ಳಿಯ ಎಸಳನ್ನು ಹರಳೆಣ್ಣೆಯಲ್ಲಿ ಹುರಿದು, ಆರಿದ ಬಳಿಕ ಕಿವಿಗೆ ಈ ಎಣ್ಣೆ ಬಿಡುವುದರಿಂದ ಕಿವಿ ನೋವು ಶಮನವಾಗುತ್ತದೆ.

* ಕಿವಿಯೊಳಗೆ ಸಣ್ಣಕ್ರಿಮಿ ಕೀಟಗಳು ಹೋದರೆ, ಆ ತಕ್ಷಣವೇ ಅಡುಗೆಯ ಉಪ್ಪನ್ನು ಸ್ವಲ್ಪ ನೀರಿಗೆ ಬೆರಸಿ ಕಿವಿಗೆ ಬಿಡುವುದರಿಂದ ಸಣ್ಣಕ್ರಿಮಿ ಕೀಟಗಳು ಸಾಯುತ್ತವೆ.

* ದಿನನಿತ್ಯ ಹಸಿ ಮೂಲಂಗಿಯ ಸೇವನೆಯಿಂದ ಕಿವಿನೋವು ಶಮನವಾಗುತ್ತದೆ.

* ಕಿವಿಯಲ್ಲಿ ಹುಣ್ಣಾಗಿದ್ದು ಸೋರುತ್ತಿದ್ದರೆ, ತುಳಸಿ ರಸವನ್ನು ಕಿವಿಯೊಳಗೆ ಹಿಂಡುವುದರಿಂದ ಕಿವಿ ನೋವು ಗುಣಮುಖವಾಗುತ್ತದೆ.

* ಬೇವಿನ ಸೊಪ್ಪನ್ನು ನೀರಿನಲ್ಲಿ ಕುದಿಸಿ, ಇದರ ಹಬೆಯನ್ನು ಕಿವಿಯೊಳಗೆ ಬಿಡುವುದು ಈ ನೋವಿಗೆ ಉತ್ತಮವಾದ ಔಷಧಿ.

* ಕಿವಿನೋವು ಇದ್ದಲ್ಲಿ ಈರುಳ್ಳಿ ರಸವನ್ನು ಹಿಂಡುತ್ತಿದ್ದರೆ ನೋವು ಶಮನವಾಗುತ್ತದೆ.

* ಬಾಣಂತಿಯರು ಬೆಳ್ಳುಳ್ಳಿಯ ಚೂರುಗಳನ್ನು ಹತ್ತಿಯಲ್ಲಿ ಸುತ್ತಿ ಕಿವಿಯೊಳಗೆ ಇಟ್ಟುಕೊಳ್ಳುವುದರಿಂದ, ಶೀತದಿಂದ ಕಾಡುವ ಕಿವಿ ನೋವು ಹಾಗೂ ಕಿವಿ ಕಿವುಡಾಗುವ ಸಮಸ್ಯೆಯಿಂದ ಮುಕ್ತರಾಗಬಹುದು.

ಇದನ್ನೂ ಓದಿ: ಸಕರಾತ್ಮಕ ಚಿಂತನೆಯಿಂದ ಜೀವನದ ಯಶಸ್ಸಿಗೆ ದಾರಿ ಸುಲಭ

* ಸ್ವಲ್ಪ ಓಮ ಕಾಳನ್ನು ಕೊಬ್ಬರಿ ಎಣ್ಣೆಯಲ್ಲಿ ಕುದಿಸಿ ಈ ಎಣ್ಣೆಯನ್ನು ಕಿವಿಯೊಳಗೆ ಬಿಡುವುದರಿಂದ ನೋವು ಕಡಿಮೆಯಾಗುತ್ತದೆ.

* ಕಿವಿ ನೋವಿದ್ದರೆ ಮಾವಿನ ಎಲೆಗಳ ರಸವನ್ನು ತೆಗೆದು ಕಿವಿಗೆ ಹಾಕುವುದರಿಂದ ನೋವು ಶಮನವಾಗುತ್ತದೆ.

* ಶುಂಠಿ ರಸಕ್ಕೆ ಆಲಿವ್ ಎಣ್ಣೆಯನ್ನು ಸೇರಿಸಿ ಕಿವಿಗೆ ಹಾಕುವುದು ಈ ಸಮಸ್ಯೆಗೆ ಪರಿಣಾಮಕಾರಿಯಾಗಿದೆ.

* ಆಲಿವ್ ಎಣ್ಣೆಯನ್ನು ಬಿಸಿ ಮಾಡಿ, ಎಣ್ಣೆ ತಣ್ಣಗಾದ ನಂತರ ಕಿವಿಗೆ ಹಾಕುವುದರಿಂದಕುವುದರಿಂದ ನೋವು ಶಮನವಾಗುತ್ತದೆ.

* ಸಾಸಿವೆ ಎಣ್ಣೆಯನ್ನು ಬಿಸಿ ಮಾಡಿ, ತಣ್ಣಗಾದ ಬಳಿಕ ಕಿವಿಗೆ ಬಿಡುತ್ತಿದ್ದರೆ ನೋವು ಮಾಯವಾಗುತ್ತದೆ.

ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ