ಸಂಬಂಧವನ್ನು ಒತ್ತಡದಿಂದ ರಕ್ಷಿಸುವುದು ಹೇಗೆ? ಇಲ್ಲಿದೆ ಸಿಂಪಲ್ ಟಿಪ್ಸ್

ಸಂಬಂಧದಲ್ಲಿ ಪ್ರೀತಿಯ ಜೊತೆ ಜೊತೆಗೆ ಹೊಂದಿಕೆ ಎನ್ನುವುದು ಬಹಳ ಮುಖ್ಯ. ಸಂಬಂಧದಲ್ಲಿ ಪ್ರೀತಿ ಎನ್ನುವುದು ತಟಸ್ಟವಾಗಿರಲು ಸಾಧ್ಯವಿಲ್ಲ. ಕೆಲವೊಮ್ಮೆ ಒತ್ತಡವು ದಾಂಪತ್ಯ ಜೀವನದ ಏರುಪೇರುಗಳಿಗೆ ಕಾರಣವಾಗಬಹುದು. ಸಂಬಂಧದಲ್ಲಿ ಒತ್ತಡ ಏರ್ಪಟ್ಟಾಗ ಒಬ್ಬರ ಮಾತುಗಳು ಇನ್ನೊಬ್ಬರಿಗೆ ಕಿರಿಕಿರಿ ಭಾವವನ್ನು ಉಂಟು ಮಾಡಬಹುದು. ಈ ಸಮಯದಲ್ಲಿ ದಂಪತಿಗಳು ಸಂಬಂಧವನ್ನು ಜಾಣ್ಮೆಯಿಂದ ನಿಭಾಯಿಸಿಕೊಂಡು ಹೋಗುವುದು ಮುಖ್ಯವಾಗುತ್ತದೆ.

ಒತ್ತಡದ ನಡುವೆ ಸಂಬಂಧವನ್ನು ನಿಭಾಯಿಸಲು ಈ ಟಿಪ್ಸ್ ಅನುಸರಿಸಿ

* ಸಂಗಾತಿಯ ಪ್ರತಿ ಒಳ್ಳೆಯ ಕೆಲಸಗಳನ್ನು ಶ್ಲಾಘಿಸುವುದನ್ನು ಕಲಿಯಿರಿ. ನಿಮ್ಮ ಸಂಗಾತಿಯ ಕೆಲಸವನ್ನು ಶ್ಲಾಘಿಸುವುದರಿಂದ ಪ್ರೀತಿ ಮತ್ತು ಗೌರವವನ್ನು ಬೆಳೆಸುವುದರ ಜೊತೆಗೆ ಸ್ನೇಹವನ್ನು ಬಲಪಡಿಸುತ್ತದೆ. ಹಾಗೂ ಸಂಬಂಧದಲ್ಲಿ ಒತ್ತಡಮುಕ್ತಗೊಳಿಸಲು ಸಾಧ್ಯವಾಗುತ್ತದೆ.

* ಪರಸ್ಪರರ ಯೋಜನೆಗಳನ್ನು ಗೌರವಿಸಿ. ಕಠಿಣ ಸಮಯದಲ್ಲಿ ಸಹಾಯ ಮಾಡುವುದರಿಂದ ಸಂಬಂಧಗಳಲ್ಲಿ ವಿಶ್ವಾಸಾರ್ಹ ಬಂಧವು ಬೆಳೆಯಲು ಸಾಧ್ಯವಾಗುತ್ತದೆ. * ಪರಸ್ಪರರ ಅಗತ್ಯಗಳಿಗೆ ಸ್ಪಂದಿಸುವುದನ್ನು ಕಲಿಯಿರಿ. ಸಂಬಂಧಗಳಲ್ಲಿ ಪರಸ್ಪರರ ಆದ್ಯತೆಗಳನ್ನು ಬೆಂಬಲಿಸುವುದರಿಂದ ಸಂಬಂಧಗಳಲ್ಲಿ ಭಾವನಾತ್ಮಕ ಬಂಧವು ಗಟ್ಟಿಯಾಗುತ್ತದೆ.

* ಸಂಗಾತಿಗಳಿಬ್ಬರೂ ಸಂವಹನದ ಮೂಲಕ ಸಮಸ್ಯೆಗಳನ್ನು ಒಟ್ಟಿಗೆ ಪರಿಹರಿಸಿಕೊಳ್ಳಿ. ಒತ್ತಡದ ವೇಳೆ ಸಂಬಂಧದಲ್ಲಿ ಸಂಘರ್ಷವನ್ನು ತಪ್ಪಿಸಲು ಆರೋಗ್ಯಕರ ಮಾತುಗಳನ್ನು ಅನುಸರಿಸುವುದು ಒಳ್ಳೆಯದು.

* ಸಂಬಂಧದಲ್ಲಿ ಸಂಗಾತಿಯ ಅಭಿಪ್ರಾಯಗಳಿಗೆ ಮಹತ್ವ ನೀಡಿ. ನಿಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸುವುದರಿಂದ ಪರಸ್ಪರ ವಿನಿಮಯವು ನಿಮ್ಮಿಬ್ಬರ ಸಂಬಂಧದಲ್ಲಿ ಒತ್ತಡವನ್ನು ಕಡಿಮೆ ಮಾಡುತ್ತದೆ.

ಇದನ್ನೂ ಓದಿ:ನಿಮ್ಮಲ್ಲಿ ಈ ಗುಣವಿದ್ದರೆ ಮಾತ್ರ ನಿಮ್ಮ ಪ್ರೀತಿ ನಿಜವಾಗಿರಲು ಸಾಧ್ಯ 

* ಒಳ್ಳೆಯ ಮತ್ತು ಕೆಟ್ಟ ಸಮಯಗಳಲ್ಲಿ ಪರಸ್ಪರರನ್ನು ಬೆಂಬಲಿಸಿ ಜೊತೆಯಲ್ಲಿರುವುದು ಮುಖ್ಯ. ಒತ್ತಡ ತುಂಬಿದ ಸಮಯದಲ್ಲಿ ನಿಮ್ಮ ಸಂಗಾತಿಯ ಜೊತೆಗೆ ನೀವು ನಿಂತುಕೊಳ್ಳುವುದರಿಂದ ಸಂಗಾತಿಗೆ ನಿಮ್ಮ ಮೇಲೆ ಪ್ರೀತಿ ಹಾಗೂ ನಂಬಿಕೆಯೂ ಹೆಚ್ಚಾಗುತ್ತದೆ.

* ಜೀವನದ ಬದಲಾವಣೆಗಳು ಧನಾತ್ಮಕವಾಗಿರಲಿ ಅಥವಾ ಸವಾಲಾಗಿರಲಿ ಒಟ್ಟಿಗೆ ಸ್ವೀಕರಿಸುವುದನ್ನು ಕಲಿಯಿರಿ. ಸಂಗಾತಿಗಳಿಬ್ಬರೂ ತಮಗೆ ಅನಿಸುವುದನ್ನು ಮುಕ್ತವಾಗಿ ಹೇಳಿಕೊಳ್ಳಿ. ಹೊಸ ಸನ್ನಿವೇಶಗಳಿಗೆ ಹೊಂದಿಕೊಳ್ಳುವಾಗ ಪರಸ್ಪರ ಬೆಂಬಲವಿರಲಿ.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​​ ಮಾಡಿ: