Summer Juice: ಬಿರುಬಿಸಿಲಿಗೆ ದೇಹಕ್ಕೆ ತಂಪು ನೀಡುವ ಸೋರೆಕಾಯಿ ಜ್ಯೂಸ್, ಇಲ್ಲಿದೆ ರೆಸಿಪಿ

ಕಳೆದ ಕೆಲವು ದಿನಗಳಿಂದ ಬಿಸಿಲಿನ ಧಗೆಯು ಹೆಚ್ಚಾಗುತ್ತಿದ್ದು, ಹೀಗಾಗಿ ಹೊರಗಡೆ ಕಾಲಿಡಲು ಸಾಧ್ಯವಾಗುತ್ತಿಲ್ಲ. ಈ ಬಿಸಿಲಿನ ಝಳಕ್ಕೆ ದೇಹವನ್ನು ತಂಪಾಗಿಸುವ ಪಾನೀಯ (Drinks) ಗಳನ್ನು ಸೇವಿಸುವ ಬಯಕೆಯಾಗುವುದು ಸಹಜ. ಹೀಗಾಗಿ ಹೆಚ್ಚಿನವರು ಮಾರುಕಟ್ಟೆಯಲ್ಲಿ ಸಿಗುವ ಪಾನೀಯಗಳ ಮೊರೆ ಹೋಗುತ್ತಾರೆ. ಆದರೆ ಮನೆಯಲ್ಲಿ ಸೋರೆಕಾಯಿ (Bottle Gourd) ಯಿದ್ದರೆ ಈ ಬೇಸಿಗೆಗೆ ಇದರ ಜ್ಯೂಸ್ ಮಾಡಿ ಕುಡಿಯುವುದು ಒಳ್ಳೆಯದು. ಈ ತರಕಾರಿಯ ಜ್ಯೂಸ್ (Juice) ದೇಹವನ್ನು ತಂಪಾಗಿಸುವುದಲ್ಲದೆ, ರಕ್ತದೊತ್ತಡ (Blood Pressure) ವನ್ನು ಕಡಿಮೆ ಮಾಡುತ್ತದೆ ಹೀಗೆ ಹತ್ತಾರು ಆರೋಗ್ಯ ಪ್ರಯೋಜನಗಳಿವೆ. ಹಾಗಾದ್ರೆ ಮನೆಯಲ್ಲೇ ಸುಲಭವಾಗಿ ಸೋರೆಕಾಯಿ ಜ್ಯೂಸ್ ಮಾಡುವ ಸಿಂಪಲ್ ವಿಧಾನ ಇಲ್ಲಿದೆ.

ಸೋರೆ ಕಾಯಿ ಜ್ಯೂಸ್ ಮಾಡಲು ಬೇಕಾಗುವ ಸಾಮಗ್ರಿಗಳು

* ಒಂದು ಕಪ್ ಸೋರೆಕಾಯಿ

* ಒಂದು ಹಿಡಿ ಪುದೀನ

* ಅರ್ಧ ಚಮಚ ಜೀರಿಗೆ ಪುಡಿ

* ಅರ್ಧ ಚಮಚ ಕಾಳು ಮೆಣಸಿನ ಪುಡಿ

* ಒಂದು ಇಂಚು ಶುಂಠಿ

* ರುಚಿಗೆ ತಕ್ಕಷ್ಟು ಉಪ್ಪು

* ಎರಡು ಚಮಚ ನಿಂಬೆ ರಸ

* ನೀರು

* ಮಂಜುಗಡ್ಡೆ

ಇದನ್ನೂ ಓದಿ: ಸ್ಲೀಪ್ ಡೈವೋರ್ಸ್ ನಲ್ಲಿ ಚೀನಾ, ದಕ್ಷಿಣ ಕೊರಿಯಾವನ್ನೇ ಹಿಂದಿಕ್ಕಿದ ಭಾರತ

ಜ್ಯೂಸ್ ಮಾಡುವ ವಿಧಾನ

* ಮೊದಲನೆಯದಾಗಿ ಒಂದು ಮಿಕ್ಸಿ ಜಾರಿಗೆ ಒಂದು ಕಪ್ ಸಿಪ್ಪೆ ಸುಲಿದು ಕತ್ತರಿಸಿದ ಸೋರೆಕಾಯಿಯನ್ನು ಹಾಕಿ ಕೊಳ್ಳಿ.

* ತದನಂತರ ಒಂದು ಹಿಡಿ ಪುದೀನಾ, ಜೀರಿಗೆ ಪುಡಿ, ಕಾಳು ಮೆಣಸಿನ ಪುಡಿ, ಒಂದು ಇಂಚು ಶುಂಠಿ, ನಿಂಬೆ ರಸ, ರುಚಿಗೆ ತಕ್ಕಷ್ಟು ಉಪ್ಪು ಹಾಗೂ ನೀರನ್ನು ಹಾಕಿ ಚೆನ್ನಾಗಿ ರುಬ್ಬಿಕೊಳ್ಳಿ.

* ಒಂದು ಲೋಟಕ್ಕೆ ಈ ಸೋರೆಕಾಯಿ ಮಿಶ್ರಣ ಸುರಿದು, ಐಸ್ ಕ್ಯೂಬ್ ಸೇರಿಸಿಕೊಂಡರೆ ಸೋರೆಕಾಯಿ ಜ್ಯೂಸ್ ಸಿದ್ಧ.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ