IRCTC Ladakh Tour Package: ಆಗಸ್ಟ್ನಲ್ಲಿ ಲಡಾಖ್ನ ಮನೋಹರ ಬಯಲು ಪ್ರದೇಶಕ್ಕೆ ಭೇಟಿ ನೀಡಿ, ರೈಲ್ವೆ ಟೂರ್ ಪ್ಯಾಕೇಜ್ನ ದರ, ಇತರ ವಿವರ ತಿಳಿಯಿರಿ
ಪ್ರವಾಸೋದ್ಯಮವನ್ನು ಉತ್ತೇಜಿಸಲು, IRCTC ಯಿಂದ ಕಾಲಕಾಲಕ್ಕೆ ಪ್ರವಾಸ ಪ್ಯಾಕೇಜ್ಗಳನ್ನು ನಡೆಸುತ್ತಿರುತ್ತದೆ. IRCTC ಈಗ ಲಡಾಖ್ ಪ್ರವಾಸದ ಪ್ಯಾಕೇಜ್ ಅನ್ನು ಪ್ರಾರಂಭಿಸಿದೆ. ಪ್ಯಾಕೇಜ್ಗೆ ಸಂಬಂಧಿಸಿದ ಎಲ್ಲಾ ಪ್ರಮುಖ ವಿವರ ಇಲ್ಲಿದೆ.
Updated on: Jul 29, 2023 | 2:31 PM
ಪ್ರವಾಸೋದ್ಯಮವನ್ನು ಉತ್ತೇಜಿಸಲು, IRCTC ಯಿಂದ ಕಾಲಕಾಲಕ್ಕೆ ಪ್ರವಾಸ ಪ್ಯಾಕೇಜ್ಗಳನ್ನು ನಡೆಸುತ್ತಿರುತ್ತದೆ. ಈ ಪ್ಯಾಕೇಜ್ಗಳ ಅಡಿಯಲ್ಲಿ, ದೇಶ ಮತ್ತು ವಿದೇಶಗಳಲ್ಲಿನ ವಿವಿಧ ಪ್ರವಾಸಿ ಸ್ಥಳಗಳಿಗೆ ಭೇಟಿ ನೀಡುವ ಅವಕಾಶವನ್ನು ನೀವು ಪಡೆಯುತ್ತೀರಿ. IRCTC ಈಗ ಲಡಾಖ್ ಪ್ರವಾಸದ ಪ್ಯಾಕೇಜ್ ಅನ್ನು ಪ್ರಾರಂಭಿಸಿದೆ. ಪ್ಯಾಕೇಜ್ಗೆ ಸಂಬಂಧಿಸಿದ ಎಲ್ಲಾ ಪ್ರಮುಖ ವಿವರಗಳನ್ನು ಇಲ್ಲಿ ನೀಡಲಾಗಿದೆ.
ಒಂದೆಡೆ, IRCTC ದೇಶದ ವಿವಿಧ ಭಾಗಗಳಲ್ಲಿ ರೈಲುಗಳ ಮೂಲಕ ಪ್ರವಾಸ ಪ್ಯಾಕೇಜ್ಗಳನ್ನು ನಿರ್ವಹಿಸುವುದನ್ನು ಮುಂದುವರೆಸಿದೆ. ಅದೇ ಸಮಯದಲ್ಲಿ, ಇದು ದೇಶದ ವಿವಿಧ ಭಾಗಗಳಲ್ಲಿ ನೆಲೆಗೊಂಡಿರುವ ಸುಂದರ ಕಣಿವೆಗಳಿಗೆ ಭೇಟಿ ನೀಡಲು ಏರ್ ಟೂರ್ ಪ್ಯಾಕೇಜ್ಗಳನ್ನು ಸಹ ನಿರ್ವಹಿಸುತ್ತದೆ. IRCTC ಯ ಪ್ರಾದೇಶಿಕ ಕಚೇರಿಗಳು ಲಡಾಖ್ಗೆ ಪ್ರಯಾಣಿಸಲು ಏರ್ ಟೂರ್ ಪ್ಯಾಕೇಜ್ ಅನ್ನು ಪ್ರಾರಂಭಿಸಿದೆ.
06 ರಾತ್ರಿ ಮತ್ತು 07 ಹಗಲುಗಳ ಈ ಪ್ಯಾಕೇಜ್ ಅನ್ನು ಆಗಸ್ಟ್ ಮತ್ತು ಸೆಪ್ಟೆಂಬರ್ಗೆ ಪ್ರಾರಂಭಿಸಲಾಗಿದೆ. ಆಗಸ್ಟ್ ತಿಂಗಳಲ್ಲಿ ಇದನ್ನು ಆಗಸ್ಟ್ 10 ರಿಂದ ಆಗಸ್ಟ್ 16 ರವರೆಗೆ ಮತ್ತು ಸೆಪ್ಟೆಂಬರ್ ತಿಂಗಳಲ್ಲಿ 09 ರಿಂದ 15 ನೇ ಸೆಪ್ಟೆಂಬರ್ ವರೆಗೆ ನಡೆಸಲಾಗುತ್ತದೆ.
Also Read: Leh Ladakh -ಲೇಹ್ ಲಡಾಖ್ ಕಣಿವೆಗಳ ವಿಸ್ಮಯ ಲೋಕದಲ್ಲೊಂದು ಸುತ್ತು
ಈ ಪ್ರವಾಸದ ಪ್ಯಾಕೇಜ್ನಲ್ಲಿ ಪ್ರವಾಸಿಗರು ತಮಗೆ ಸಮೀಪವಿರುವ IRCTC ಪ್ರಾದೇಶಿಕ ಕಚೇರಿಯಿಂದ ಲೇಹ್ಗೆ ನವದೆಹಲಿ ಮೂಲಕ ವಿಮಾನದಿಂದ ಪ್ರಯಾಣಿಸಲು ವ್ಯವಸ್ಥೆ ಮಾಡಲಾಗಿದೆ. ತ್ರಿತಾರಾ ಹೋಟೆಲ್ನಲ್ಲಿ ಊಟ ಮತ್ತು ವಸತಿಗೆ ವ್ಯವಸ್ಥೆ ಮಾಡಲಾಗಿದೆ. ಪ್ರಯಾಣದ ಸಮಯದಲ್ಲಿ ಲೇಹ್ನಲ್ಲಿ ಹೋಟೆಲ್ ತಂಗುವಿಕೆಯೊಂದಿಗೆ ಲೇಹ್ಗೆ ಭೇಟಿ ನೀಡಿ, ಲೇಹ್ ಪ್ಯಾಲೇಸ್, ಶಾಂತಿಸುಪಾ, ಶಾಮ್ ಕಣಿವೆಯ ಗುರುದ್ವಾರ, ನುಬ್ರಾ ಕಣಿವೆಯಲ್ಲಿ ರಾತ್ರಿ ತಂಗುವಿಕೆ, ಡಿಸ್ಕಿಟ್, ಹಂಡರ್ ಮತ್ತು ತುರ್ತುಕ್ ಗ್ರಾಮಗಳು, ಥಾಂಗ್ ಕಣಿವೆ ಮತ್ತು ಭೇಟಿ ನೀಡಲು ಪ್ರಸಿದ್ಧ ಸ್ಥಳೀಯ ಸ್ಥಳಗಳಿಗೆ ಭೆಟಿ ನೀಡಬಹುದಾಗಿದೆ. ಪ್ಯಾಂಗಾಂಗ್ ಸರೋವರ ಪ್ರವಾಸಕ್ಕೆ ಸಹ ಹೋಗಬಹುದಾಗಿದೆ.
ಈ ಪ್ರವಾಸದ ಪ್ಯಾಕೇಜ್ಗೆ, ಒಬ್ಬ ವ್ಯಕ್ತಿಯ ವಾಸ್ತವ್ಯದ ಪ್ಯಾಕೇಜ್ ಬೆಲೆ ಅಂದಾಜು 50 ಸಾವಿರ ರೂ. ಇರುತ್ತದೆ. ಪ್ಯಾಕೇಜ್ನ ವೆಚ್ಚವು ಇಬ್ಬರಿಗೆ, ಮೂವರಿಗೆ, ಪೋಷಕರೊಂದಿಗೆ ಇರುವಾಗ ಪ್ರತಿ ಮಗುವಿಗೆ ಹೀಗೆ ನಾನಾ ಪ್ಯಾಕೇಜ್ ದರಗಳು (ಹಾಸಿಗೆಯೊಂದಿಗೆ) ಮತ್ತು (ಹಾಸಿಗೆ ಇಲ್ಲದೆ) ನಿಗದಿಯಾಗಿರುತ್ತದೆ.
ಬುಕ್ಕಿಂಗ್ ಬಗ್ಗೆ ಹೇಳುವುದಾದರೆ IRCTC ಪ್ರಾದೇಶಿಕ ಮೂಲಕ ಮೊದಲು ಬಂದವರಿಗೆ ಆದ್ಯತೆ ಆಧಾರದ ಮೇಲೆ ಮಾಡಲಾಗುತ್ತದೆ. ಈ ಪ್ರಯಾಣದ ಬುಕಿಂಗ್ಗಾಗಿ IRCTC ವೆಬ್ಸೈಟ್ www.irctctourism.com ನಿಂದ ಆನ್ಲೈನ್ ಬುಕಿಂಗ್ ಮಾಡಬಹುದು.
ಪ್ರವಾಸ ಹಾಗೂ ಜೀವನಶೈಲಿಗೆ ಸಂಬಂಧಿಸಿದ ಮತ್ತಷ್ಟು ಲೇಖನಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
