ಈ ಸುಲಭ ಹಾಗಲಕಾಯಿ ಟಿಕ್ಕಿ ತೂಕ ಕಳೆದುಕೊಳ್ಳಲು, ಮಧುಮೇಹ ನಿರ್ವಹಿಸಲು, ಇನ್ನಷ್ಟು ಆರೋಗ್ಯ ಪ್ರಯೋಜನವನ್ನು ನೀಡುತ್ತದೆ

ಹಾಗಲಕಾಯಿ (Bitter Gourd) ಸಾಕಷ್ಟು ಜನರಿಗೆ ಇಷ್ಟವಿಲ್ಲದ ತರಕಾರಿಯಾಗಿದ್ದರು, ಇದು ಸಾಕಷ್ಟು ಅರೋಗ್ಯ ಪ್ರಯೋಜನಗಳನ್ನು ನೀಡುತ್ತದೆ. ಕಹಿ ರುಚಿ ಕೊಡುವ ಈ ತರಕಾರಿಯಲ್ಲಿ ಹಲವಾರು ರುಚಿಕರ ಅಡುಗೆಯನ್ನು ಮಾಡಬಹುದು. ಇದು ತೂಕ ಕಳೆದುಕೊಳ್ಳಲು, ಮಧುಮೇಹ ನಿಯಂತ್ರದಲ್ಲಿಡಲು ಮತ್ತು ಒಟ್ಟಾರೆ ಆರೋಗ್ಯವನ್ನು ಕಾಪಾಡಿಕೊಳ್ಳುಲು ಸಹಾಯ ಮಾಡುತ್ತದೆ. ಹಾಗಲಕಾಯಿ ಟಿಕ್ಕಿ ರುಚಿಕರ ಮಾತ್ರವಲ್ಲದೆ ಕಹಿ ರುಚಿಯನ್ನು ತೆಗೆದು ಹಾಕುತ್ತದೆ. ಮಾಡುವ ವಿಧಾನ ತಿಳಿಯಲು ಈ ಲೇಖನವನ್ನು ಪರಿಶೀಲಿಸಿ.

ಆರೋಗ್ಯಕರ ಹಾಗಲಕಾಯಿ ಟಿಕ್ಕಿ ರೆಸಿಪಿ: ಈ ಟಿಕ್ಕಿಗೆ ಹಾಗಲಕಾಯಿ, ಈರುಳ್ಳಿ, ಕಡಲೆಹಿಟ್ಟು, ಪನೀರ್ ಮತ್ತು ಇತರ ಮಸಾಲೆಗಳು ಬೇಕಾಗುತ್ತದೆ. ಹಾಗಲಕಾಯಿ ಟಿಕ್ಕಿ ಒಂದು ಆರೋಗ್ಯಕರ ತಿಂಡಿಯಾಗಿದ್ದು, ತೂಕ ಇಳಿಸುವ ಆಹಾರದಲ್ಲಿ ಮತ್ತು ಮಧುಮೇಹಿಗಳು ಆನಂದಿಸಬಹುದು. ಈ ರುಚಿಕರವಾದ ಪ್ಯಾನ್-ಫ್ರೈಡ್ ಟಿಕ್ಕಿಯನ್ನು ನಿಮ್ಮ ನೆಚ್ಚಿನ ಚಟ್ನಿಯೊಂದಿಗೆ ಸವಿಯಬಹುದು.

ಬೇಕಾದುವ ಪದಾರ್ಥಗಳ ಪಟ್ಟಿ:

• 2 ಹಾಗಲಕಾಯಿ
• 1/2 ಕಪ್ ಕಡಿಮೆ ಕೊಬ್ಬಿನ ಪನೀರ್,
• 1 ತುರಿದ ಈರುಳ್ಳಿ
• 2 ಹಸಿ ಮೆಣಸಿನಕಾಯಿ
• 1-ಇಂಚಿನ ಶುಂಠಿ
• 4 ಬೆಳ್ಳುಳ್ಳಿ, ಲವಂಗ
• 1/2 ಕಪ್ ಕೊತ್ತಂಬರಿ ಸೊಪ್ಪು
• 1 ಕಪ್ ಕಡಲೆ ಹಿಟ್ಟು
• 1 ಟೀಸ್ಪೂನ್ ಆಮ್ಚೂರ್ ಪುಡಿ / ಚಾಟ್ ಮಸಾಲಾ
• 1 ಟೀಸ್ಪೂನ್ ಮೆಣಸಿನ ಪುಡಿ
• 1/2 ಟೀಸ್ಪೂನ್ ಅರಿಶಿನ
• 2 ಟೀಸ್ಪೂನ್ ಅಜ್ವೈನ್
• ಉಪ್ಪು ರುಚಿಗೆ ತಕ್ಕಷ್ಟು
• ಪ್ಯಾನ್-ಫ್ರೈ ಮಾಡಲು

ಇದನ್ನೂ ಓದಿ: ಬೆಳಗ್ಗಿನ ಉಪಹಾರಕ್ಕೆ ತಯಾರಿಸಿ ಆರೋಗ್ಯಕರ ಓಟ್ಸ್ ರೆಸಿಪಿ

ಮಾಡುವ ವಿಧಾನ:

1.  ಹಾಗಲಕಾಯಿಯನ್ನು ಚೆನ್ನಾಗಿ ತೊಳೆಯಿರಿ ಮತ್ತು ಹೊರಭಾಗವನ್ನು ಚೆನ್ನಾಗಿ ತುರಿಯಿರಿ. ತುರಿದ ಹಾಗಲಕಾಯಿಯನ್ನು ಮಿಕ್ಸರ್-ಗ್ರೈಂಡರ್ಗೆ ವರ್ಗಾಯಿಸಿ ಮತ್ತು ಒರಟಾದ ಮಿಶ್ರಣವನ್ನು ರೂಪಿಸಿ. ಈ ಮಿಶ್ರಣಕ್ಕೆ 1 ಟೀಸ್ಪೂನ್ ಉಪ್ಪನ್ನು ಸೇರಿಸಿ ಮತ್ತು 30 ನಿಮಿಷಗಳ ಕಾಲ ಪಕ್ಕಕ್ಕೆ ಇಡಿ.
2. ಈರುಳ್ಳಿ, ಮೆಣಸಿನಕಾಯಿ, ಶುಂಠಿ, ಬೆಳ್ಳುಳ್ಳಿ ಮತ್ತು ಕೊತ್ತಂಬರಿ ಸೊಪ್ಪನ್ನು ನುಣ್ಣಗೆ ಕತ್ತರಿಸಿ. ದೊಡ್ಡ ಮಿಕ್ಸಿಂಗ್ ಬೌಲ್‌ನಲ್ಲಿ ಅವುಗಳನ್ನು ಸಿದ್ಧವಾಗಿಡಿ.
3. ನಂತರ, ಹಾಗಲಕಾಯಿ ಮಿಶ್ರಣದಿಂದ ನೀರನ್ನು ಹಿಂಡಿ ಬಟ್ಟಲಿಗೆ ಸೇರಿಸಿ.
4. ಪನೀರ್ ಮತ್ತು ಮೇಲೆ ಪಟ್ಟಿ ಮಾಡಲಾದ ಮಸಾಲಾಗಳನ್ನು ಸೇರಿಸಿ. ಪದಾರ್ಥಗಳನ್ನು ಮಿಶ್ರಣ ಮಾಡಿ ನಂತರ ಅಜ್ವೈನ್ ಬೀಜಗಳು ಮತ್ತು ಕಡಲೆ ಹಿಟ್ಟು ಸೇರಿಸಿ. ಚೆನ್ನಾಗಿ ಕಲಸಿ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ.
5. ಗೋಲ್ಡನ್ ಬ್ರೌನ್ ಆಗುವ ವರೆಗೂ ಮಧ್ಯಮ ಉರಿಯಲ್ಲಿ ಟಿಕ್ಕಿಯನ್ನು ಪ್ಯಾನ್-ಫ್ರೈ ಮಾಡಿ. ಹಾಗಲಕಾಯಿ ಟಿಕ್ಕಿಗಳನ್ನು ಹಸಿರು ಚಟ್ನಿಯೊಂದಿಗೆ ಬಡಿಸಿ.

ಆರೋಗ್ಯಕ್ಕೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 6:29 am, Fri, 11 August 23