Weight Gain : ನೀವು ದಪ್ಪಗಾಗಬೇಕಾ ಹತ್ತೇ ನಿಮಿಷದಲ್ಲಿ ಮಾಡಿ ಈ ಶೇಕ್
ಕೆಲವರು ನೋಡುವುದಕ್ಕೆ ತೆಳ್ಳಗೆ ಇರುತ್ತಾರೆ. ಸಣ್ಣಗೆ ಇರುವವರನ್ನು ನೋಡಿ ಇವರೇನಪ್ಪಾ ಡಯಟ್ ಮಾಡುತ್ತಾರಾ ಎಂದೆನಿಸಬಹುದು. ಕೆಲವೊಮ್ಮೆ ಈ ತೆಳ್ಳಗಿನ ಮೈ ಕಟ್ಟು ಹೊಂದಿರುವವರನ್ನು ನೋಡಿ ಹಂಗಿಸಿ ಮಾತನಾಡುವವರೇ ಹೆಚ್ಚು. ಸಮಾರಂಭಗಳಿಗೆ ಹೋದರಂತೂ ಈ ಸಂಬಂಧಿಕರು ಕೇಳುವ ಪ್ರಶ್ನೆಗೆ ಉತ್ತರ ನೀಡುವುದು ಕಷ್ಟವಾಗುತ್ತದೆವಾಗುತ್ತದೆ. ಅದಲ್ಲದೆ ತೆಳ್ಳಗಿನ ವ್ಯಕ್ತಿಗಳು ತಮ್ಮ ಅಳಳನ್ನು ತೋಡಿಕೊಳ್ಳುವುದನ್ನು ನೋಡಿರಬಹುದು. ನಾನು ಎಷ್ಟು ತಿಂದರೂ ದಪ್ಪವಾಗುವುದೇ ಇಲ್ಲ ಎನ್ನುವುದಿದೆ. ಆದರೆ ದಪ್ಪವಾಗಲು ಬೇಕಾದಷ್ಟು ತಿಂದರೆ ಸಾಕಾಗುವುದಿಲ್ಲ. ಪೌಷ್ಟಿಕಾಂಶಯುಕ್ತ ಆಹಾರವೂ ಅಷ್ಟೇ ಅಗತ್ಯವಾಗಿರುತ್ತದೆ. ಆದರೆ ತೂಕ ಹೆಚ್ಚಿಸಿಕೊಳ್ಳಲು ಮನೆಯಲ್ಲೇ ಸಿಂಪಲ್ ಡ್ರೈ ಫ್ರೂಟ್ಸ್ ಮಿಲ್ಕ್ ಶೇಕ್ ಮಾಡಿ ಸೇವಿಸುವುದು ಉತ್ತಮ.
Updated on: Mar 04, 2024 | 6:04 PM
ಕೆಲವರು ಎಷ್ಟೇ ತಿಂದರೂ ದಪ್ಪಗಾಗುವುದಿಲ್ಲ, ಇನ್ನು ಕೆಲವರು ಏನು ತಿಂದರೆ ಹೋದರೂ ಬಲೂನಿನಂತೆ ಊದಿಕೊಂಡು ಬಿಡುತ್ತಾರೆ. ಇದು ನಮ್ಮ ಸುತ್ತ ಮುತ್ತಲಿನಲ್ಲಿ ಕಾಣಸಿಗುವ ಅನೇಕರ ಸಮಸ್ಯೆಯು ಕೂಡ. ಈ ಸಣ್ಣಗೆ ಇದ್ದವರೂ ಮಾರುಕಟ್ಟೆಯಲ್ಲಿ ಸಿಗುವ ನಾನಾ ರೀತಿಯ ಪ್ರಾಡಕ್ಟ್ ಗಳನ್ನು ಸೇವಿಸಿ ತೂಕ ಹೆಚ್ಚಿಸಿಕೊಳ್ಳಲು ಪ್ರಯತ್ನಿಸಿರುವುದನ್ನು ನೋಡಿರಬಹುದು. ಕೆಲವರು ಐಸ್ ಕ್ರೀಮ್, ಸ್ವೀಟ್ ತಿನ್ನುವ ಮೂಲಕ ದಪ್ಪಗಾಗಲು ಪ್ರಯತ್ನಿಸುತ್ತಾರೆ. ಆದರೆ ಪೌಷ್ಟಿಕಾಂಶಯುಕ್ತ ಆಹಾರದ ಜೊತೆಗೆ ಮಾನಸಿಕವಾಗಿ ನೆಮ್ಮದಿಯೊಂದಿದ್ದರೆ ತನ್ನಿಂದ ತಾನೇ ತೂಕದಲ್ಲಿ ಹೆಚ್ಚಳವಾಗುತ್ತದೆ. ಅದಲ್ಲದೇ, ಮನೆಯಲ್ಲಿಯೇ ಆಹಾರ ಕ್ರಮದಲ್ಲಿ ಕೆಲವು ಆಹಾರ ಪದಾರ್ಥಗಳನ್ನು ಸೇವಿಸುವ ಮೂಲಕ ಆರೋಗ್ಯಕರ ರೀತಿಯಲ್ಲಿ ತೂಕವನ್ನು ಹೆಚ್ಚಿಸುವುದು ಕೊಳ್ಳುವುದು ಸುಲಭ ವಿಧಾನವಾಗಿದೆ.
View this post on Instagram
ವೆಯಿಟ್ ಗೇನ್ ಶೇಕ್ ಮಾಡಲು ಬೇಕಾಗುವ ಸಾಮಗ್ರಿಗಳು:
ನಾಲ್ಕೈದು ಒಣದ್ರಾಕ್ಷಿ, ಗೇರು ಬೀಜ, ಪಿಸ್ತಾ, ಮೂರು ಖರ್ಜುರ, ಒಂದು ಲೋಟ ಹಾಲು ಹಾಗೂ ಒಂದು ಬಾಳೆಹಣ್ಣು.
ಇದನ್ನೂ ಓದಿ: ಸಕ್ಕರೆ ಕಾಯಿಲೆಗೆ ಮನೆಯಲ್ಲೇ ಕಂಡುಕೊಳ್ಳಿ ಶಾಶ್ವತ ಪರಿಹಾರ
ವೆಯಿಟ್ ಗೇನ್ ಶೇಕ್ ಮಾಡುವ ವಿಧಾನ:
* ಸಮಪ್ರಮಾಣದಲ್ಲಿ ತೆಗೆದುಕೊಂಡ ಒಣದ್ರಾಕ್ಷಿ, ಗೇರು ಬೀಜ, ಬೀಜ ತೆಗೆದ ಖರ್ಜುರ, ಪಿಸ್ತಾ ಒಂದು ಬಟ್ಟಲಿಗೆ ಹಾಕಿಕೊಳ್ಳಿ.
* ಅದೇ ಬಟ್ಟಲಿಗೆ ಒಂದು ಲೋಟವನ್ನು ಹಾಕಿ ಈ ಮಿಶ್ರಣವನ್ನು ಮಿಕ್ಸಿ ಜಾರಿಗೆ ವರ್ಗಾಯಿಸಿ.
* ಕೊನೆಗೆ ಬಾಳೆಹಣ್ಣನ್ನು ಕತ್ತರಿಸಿ ಮಿಕ್ಸಿ ಜಾರಿಗೆ ಹಾಕಿ ಚೆನ್ನಾಗಿ ರುಬ್ಬಿಕೊಂಡು ಲೋಟಕ್ಕೆ ವರ್ಗಾಯಿಸಿಕೊಳ್ಳಿ. ಡ್ರೈ ಫ್ರೂಟ್ಸ್ ಗಳನ್ನು ಸಣ್ಣಗೆ ಚೂರುಚೂರಾಗಿ ಕತ್ತರಿಸಿ ಮಿಶ್ರಣದ ಮೇಲ್ಗಡೆ ಹಾಕಿದರೆ ವೆಯಿಟ್ ಗೈನ್ ಶೇಕ್ ಸವಿಯಲು ಸಿದ್ಧ.
ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
