Navratri 2022: ನವರಾತ್ರಿಯಲ್ಲಿ ಈರುಳ್ಳಿ, ಬೆಳ್ಳುಳ್ಳಿ ತಿನ್ನುವುದಿಲ್ಲ ಏಕೆ?

ನವರಾತ್ರಿ( Navratri) ಯಲ್ಲಿ ಪ್ರತಿ ದಿನವೂ ವಿಶೇಷ ಬಗೆಯ ಖಾದ್ಯಗಳನ್ನು ದೇವರ ನೈವೇದ್ಯಕ್ಕೆಂದು ಮಾಡುವುದು ವಾಡಿಕೆ. ಆದರೆ ಈ 9 ದಿನಗಳಲ್ಲಿ ಎಂದೂ ಈರುಳ್ಳಿ, ಬೆಳ್ಳುಳ್ಳಿಯನ್ನು ಸೇವಿಸುವುದಿಲ್ಲ. ಸಾತ್ವಿಕ ಆಹಾರವನ್ನು ಮಾತ್ರ ಸೇವಿಸಲಾಗುತ್ತದೆ, ಈ ಸಾತ್ವಿಕ ಆಹಾರಗಳು ಮೂಲಭೂತವಾಗಿ ಸಸ್ಯಾಹಾರಗಳಾಗಿವೆ, ಕೇವಲ ಆರೋಗ್ಯಕರ, ಸಾವಯವ, ಸಸ್ಯ ಆಧಾರಿತ ಮತ್ತು ಡೈರಿ ಉತ್ಪನ್ನಗಳನ್ನು ಬಳಸಿ ತಯಾರಿಸಲಾಗುತ್ತದೆ, ಈ ಸಮಯದಲ್ಲಿ ಮಾಂಸ ಸೇವನೆಯನ್ನು ನಿಷೇಧಿಸಲಾಗುತ್ತದೆ.

ಹಣ್ಣುಗಳು, ಮೊಳಕೆಕಾಳುಗಳು, ತರಕಾರಿಗಳು, ಬೀಜಗಳು, ಹಾಲು, ದ್ವಿದಳ ಧಾನ್ಯಗಳನ್ನು ಹೆಚ್ಚಾಗಿ ಬಳಕೆ ಮಾಡಲಾಗುತ್ತದೆ. ಆಯುರ್ವೇದ ತಜ್ಞರ ಪ್ರಕಾರ, ಈ ಸಾತ್ವಿಕ ಆಹಾರವು ಜೀರ್ಣಿಸಿಕೊಳ್ಳುವುದು ಸುಲಭ, ಆದ್ದರಿಂದ ನಾವು ಅದನ್ನು ತಿಂದಾಗ, ನಮ್ಮ ದೇಹವು ಜೀರ್ಣಿಸಿಕೊಳ್ಳಲು ಕಡಿಮೆ ಸಮಯವನ್ನು ತೆಗೆದುಕೊಳ್ಳುತ್ತದೆ.

ಇದು ಜೀರ್ಣಕ್ರಿಯೆಯನ್ನು ಉತ್ತೇಜಿಸುವುದು, ಚಯಾಪಚಯವನ್ನು ಹೆಚ್ಚಿಸುವುದು, ಪ್ರತಿರಕ್ಷಣಾ ಕಾರ್ಯಗಳನ್ನು ಸುಧಾರಿಸುವುದು, ಚರ್ಮ, ಕೂದಲಿನ ಕ್ಷೇಮವನ್ನು ಸಮೃದ್ಧಗೊಳಿಸುವುದು.

ಅನಾದಿ ಕಾಲದಿಂದಲೂ ಆಹಾರವನ್ನು ಬೇಯಿಸುವುದು ಮತ್ತು ತಿನ್ನುವ ಸಾಂಪ್ರದಾಯಿಕ ಪದ್ಧತಿಯನ್ನು ಆಧರಿಸಿದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ ನವರಾತ್ರಿಯ 9 ದಿನಗಳಲ್ಲಿ ದೇವಿಯನ್ನು ಪೂಜಿಸಲು ಭಕ್ತರಿಗೆ ಆಧ್ಯಾತ್ಮಿಕ ಶಕ್ತಿಯ ಅಗತ್ಯವಿದೆ. ಆದರೆ ಈರುಳ್ಳಿ ಮತ್ತು ಬೆಳ್ಳುಳ್ಳಿಯಂತಹ ಪದಾರ್ಥಗಳನ್ನು ಸೇವಿಸಿದ ನಂತರ ದೇಹದಲ್ಲಿ ಶಾಖ ಹೆಚ್ಚಾಗುತ್ತದೆ.

ಈ ಕಾರಣದಿಂದ ಮನಸ್ಸಿನಲ್ಲಿ ಅನೇಕ ರೀತಿಯ ಆಸೆಗಳು ಹುಟ್ಟುತ್ತವೆ ಮತ್ತು ವ್ಯಕ್ತಿಯು ಪೂಜೆಯ ಮಾರ್ಗದಿಂದ ವಿಮುಖನಾಗಬಹುದು. ಇದಲ್ಲದೇ ಉಪವಾಸದ ಸಮಯದಲ್ಲಿ ಹಗಲಿನಲ್ಲಿ ಮಲಗುವುದನ್ನು ಸಹ ನಿಷೇಧಿಸಲಾಗಿದೆ. ಆದರೆ ಈರುಳ್ಳಿ-ಬೆಳ್ಳುಳ್ಳಿಯಂತಹ ಪದಾರ್ಥಗಳನ್ನು ಸೇವಿಸಿದ ನಂತರ ದೇಹದಲ್ಲಿ ಆಲಸ್ಯ ಇರುತ್ತದೆ. ನವರಾತ್ರಿಯ 9 ದಿನಗಳಲ್ಲಿ ಈರುಳ್ಳಿ ಮತ್ತು ಬೆಳ್ಳುಳ್ಳಿಯನ್ನು ತಿನ್ನದಿರಲು ಇದೇ ಮುಖ್ಯ ಕಾರಣವಾಗಿದೆ.

ಹಿಂದಿನ ಕಥೆ ಏನು? ರಾಹು ಮತ್ತು ಕೇತುಗಳ ತಲೆಯು ವಿಷ್ಣುವಿನಿಂದ ಶಿರಚ್ಛೇದಗೊಂಡಾಗ ಅವುಗಳ ಕಡಿದ ತುದಿಗಳಿಂದ ಕೆಲವು ಹನಿ ಅಮೃತಗಳು ನೆಲದ ಮೇಲೆ ಬಿದ್ದವು. ಅದು ಈರುಳ್ಳಿ-ಬೆಳ್ಳುಳ್ಳಿಯನ್ನು ಉತ್ಪಾದಿಸಿತು. ಏಕೆಂದರೆ ಈ ಎರಡೂ ತರಕಾರಿಗಳು ಅಮೃತದ ಹನಿಗಳಿಂದ ಮಾಡಲ್ಪಟ್ಟಿವೆ. ಆದ್ದರಿಂದ ಇದು ರೋಗಗಳು ಮತ್ತು ಸೂಕ್ಷ್ಮಜೀವಿಗಳನ್ನು ನಾಶಪಡಿಸುವಲ್ಲಿ ಅಮೃತದಂತೆ ಕೆಲಸ ಮಾಡುತ್ತದೆ. ಆದರೆ ಇವುಗಳು ರಾಕ್ಷಸರ ಬಾಯಿಯಿಂದ ಬಿದ್ದಿದ್ದರಿಂದ ವಾಸನೆಯುಕ್ತ ಮತ್ತು ಅಶುದ್ಧವೆಂದು ಪರಿಗಣಿಸಲಾಗಿದೆ.

ಇದನ್ನು ಎಂದಿಗೂ ದೇವರ ಆನಂದಕ್ಕಾಗಿ ಬಳಸುವುದಿಲ್ಲ. ಯಾರು ಈರುಳ್ಳಿ-ಬೆಳ್ಳುಳ್ಳಿಯನ್ನು ತಿನ್ನುತ್ತಾರೋ ಅವರ ದೇಹವು ರಾಕ್ಷಸರ ದೇಹದಂತೆ ಬಲಗೊಳ್ಳುತ್ತದೆ. ಇದೇ ಸಮಯದಲ್ಲಿ ಅವರ ಬುದ್ಧಿಶಕ್ತಿ ಮತ್ತು ಆಲೋಚನೆ ಕೂಡ ಹಾಳಾಗುತ್ತದೆ ಎಂದು ನಂಬಲಾಗಿದೆ.

ಈರುಳ್ಳಿ  ಹಾಗೂ ಬೆಳ್ಳುಳ್ಳಿಯನ್ನು ತಾಮಸ ಪ್ರವೃತ್ತಿಯ ಆಹಾರವೆಂದು ಪರಿಗಣಿಸಲಾಗುತ್ತದೆ. ಧರ್ಮಗ್ರಂಥಗಳ ಪ್ರಕಾರ ಈರುಳ್ಳಿ ಮತ್ತು ಬೆಳ್ಳುಳ್ಳಿಯಂತಹ ತರಕಾರಿಗಳು ಭಾವೋದ್ರೇಕ, ಮನೋವಿಕಾರ ಮತ್ತು ಅಜ್ಞಾನವನ್ನು ಉತ್ತೇಜಿಸುತ್ತವೆ.

ಹೀಗಾಗಿ ಇದು ಆಧ್ಯಾತ್ಮಿಕ ಮಾರ್ಗವನ್ನು ತಡೆಯುತ್ತದೆ. ಆದ್ದರಿಂದ ನವರಾತ್ರಿಯ 9 ದಿನಗಳಲ್ಲಿ ಉಪವಾಸವಿಲ್ಲದವರು ರಾಜಸಿಕ ಮತ್ತು ತಾಮಸಿಕ ಆಹಾರದಿಂದ ದೂರವಿರಬೇಕು ಮತ್ತು ಸಾತ್ವಿಕ ಆಹಾರವನ್ನು ಮಾತ್ರ ಸೇವಿಸಬೇಕು ಎಂದು ತಿಳಿಸಲಾಗಿದೆ.

ಈ 9 ದಿನಗಳಲ್ಲಿ ತಾಯಿ ದುರ್ಗಾ ದೇವಿಯ 9 ರೂಪಗಳನ್ನು ಪೂಜಿಸಲಾಗುತ್ತದೆ. ನವರಾತ್ರಿಯ ಸಮಯದಲ್ಲಿ ಯಾರು ಉಪವಾಸ ಮಾಡುತ್ತಾರೋ ಅವರು ಹಣ್ಣುಗಳು ಅಥವಾ ಧಾನ್ಯಗಳನ್ನು ಮಾತ್ರ ಸೇವಿಸುತ್ತಾರೆ. ಆದರೆ ಉಪವಾಸ ಮಾಡದವರು ಈ 9 ದಿನಗಳಲ್ಲಿ ಸಾತ್ವಿಕ ಆಹಾರವನ್ನು ಸೇವಿಸುತ್ತಾರೆ. ಮಾಂಸಾಹಾರದಿಂದ ದೂರವಿರುವ ಜನರು ಈ ದಿನಗಳಲ್ಲಿ ಈರುಳ್ಳಿ ಮತ್ತು ಬೆಳ್ಳುಳ್ಳಿ ಸೇವಿಸುವುದಿಲ್ಲ.