World Food Day: ಪೌಷ್ಟಿಕ ಆಹಾರ ಕೊರತೆಯಿಂದ ಬಳಲುತ್ತಿದ್ದಾರೆ ಯುವಜನತೆ

ಜಗತ್ತಿನಲ್ಲಿ ಪ್ರತಿನಿತ್ಯ ಆಹಾರವಿಲ್ಲದೆ ಸಾವಿರಾರು ಜನ ಸಾಯ್ತಾ ಇದ್ದಾರೆ. ಅದರ ವಿರುದ್ಧ ಹೋರಾಡಲೆಂದು ಇರುವುದೇ ವಿಶ್ವ ಆಹಾರ ದಿನ. 1945ರಲ್ಲಿ ವಿಶ್ವಸಂಸ್ಥೆಯು ಅಕ್ಟೋಬರ್ 16ರಂದು ಕೃಷಿ ಸಂಸ್ಥೆಯ ಸ್ಥಾಪನೆಯ ದಿನಾಂಕದ ಗೌರವಾರ್ಥವಾಗಿ ಆಹಾರ ದಿನವನ್ನು ಆಚರಿಸಲಾಗುತ್ತಿದೆ. ಆಹಾರ ಎನ್ನುವುದು ಮಾನವನ ಬದುಕಲು ಬೇಕಾಗಿರುವ ಬಹಳ ಪ್ರಮುಖ ಅಂಶವಾಗಿದೆ. ಮನುಷ್ಯ ಪ್ರತಿನಿತ್ಯ ತನ್ನ ಜೀವನದಲ್ಲಿ ಹೋರಾಟ ನಡೆಸುವುದೇ ಒಂದು ಹೊತ್ತಿನ ಆಹಾರಕ್ಕಾಗಿ. ತುತ್ತು ಅನ್ನವು ಕೂಡ ಒಬ್ಬನ ಪ್ರಾಣ ಉಳಿಸಬಹುದು. ಇವತ್ತು ದೇಶದಲ್ಲಿ ಪ್ರತಿನಿತ್ಯ ಹಸಿವಿನಿಂದ ಸಾಕಷ್ಟು ಜನ ಸಾಯ್ತಾ ಇದ್ದಾರೆ. ಇದರ ವಿರುದ್ಧ ಹೋರಾಡುವುದಕ್ಕಾಗಿಯೇ ವಿಶ್ವ ಆಹಾರ ದಿನವನ್ನ ಮಾಡಲಾಗುತ್ತಿದೆ.

ಇತ್ತೀಚಿಗೆ ಯುವಜನತೆ ಜಂಕ್ ಫುಡ್ ನ ಹಿಂದೆ ಬಿದ್ದು  ಪೌಷ್ಟಿಕ ಆಹಾರ ಕೊರತೆಯಿಂದ ಬಳಲುತ್ತಿದ್ದಾರೆ. ಜಂಕ್ ಫುಡ್ ಗಳಿಂದ ಉತ್ತಮ ಆರೋಗ್ಯದ ಕೊರತೆ ಕಾಡುತ್ತಿದೆ. ಮತ್ತು ಪಾರ್ಟಿ ಎಂಬ ಹೆಸರಲ್ಲಿ ಬಹಳಷ್ಟು ಆಹಾರವನ್ನು ವ್ಯರ್ಥ ಮಾಡುವುದು ಕಾಣುತ್ತಿದೆ. ಪಾರ್ಟಿ ಹೆಸರಲ್ಲಿ ಹೋಟೆಲ್ ಅಲ್ಲಿ ಹೆಚ್ಚಾಗಿ ಆರ್ಡರ್ ಮಾಡಿ ಅದನ್ನ ತಿನ್ನದೆ ಹಾಗೆ ಬಿಟ್ಟು ಬರುವುದು, ಇಲ್ಲವೆಂದರೆ ತಮಗೆ ಬೇಕಾಗಿರುವುದಕ್ಕಿಂತ ಹೆಚ್ಚಾಗಿ ತಟ್ಟೆ ಅಲ್ಲಿ ಬಳಸಿಕೊಂಡು ಆಹಾರವನ್ನು ವೇಸ್ಟ್ ಮಾಡುತ್ತಿದ್ದಾರೆ. ಇದನ್ನೂ ಓದಿ: Global Hunger Index: ಹಸಿವಿನ ಸೂಚ್ಯಂಕದಲ್ಲಿ ಭಾರತಕ್ಕೆ 107ನೇ ಸ್ಥಾನ; ದೇಶದ ವರ್ಚಸ್ಸಿಗೆ ಮಸಿ ಬಳಿಯುವ ಪ್ರಯತ್ನ ಎಂದ ಸರ್ಕಾರ

ಪ್ರತಿಯೊಂದು ಅನ್ನದ ಆಗಳಿನ ಹಿಂದೆ ಸಾಕಷ್ಟು ರೈತರ ಶ್ರಮ ವಿರುತ್ತದೆ. ಅದ್ದೂರಿ ಮದುವೆ ಭರದಲ್ಲಿ ವಿವಿಧ ರೀತಿಯ ಆಹಾರ ತಯಾರಿಸಿ ಬಂದವರಿಗೆ ಬಳಸಿದ ನಂತರ ಉಳಿದ ಆಹಾರವನ್ನು ವ್ಯರ್ಥ ಮಾಡುತ್ತಾರೆ. ಪ್ರತಿನಿತ್ಯ ಆಹಾರವಿಲ್ಲದೆ ಏಷ್ಟೋ ಜೀವಗಳು ತಮ್ಮ ಪ್ರಾಣವನ್ನು ಕಳೆದುಕೊಳ್ಳುತ್ತಿವೆ. ಅದರಲ್ಲೂ 5 ವರುಷದ ಕೆಳಗಿನ ಮಕ್ಕಳೇ ಹೆಚ್ಚು ಆಹಾರ ಕೊರತೆಯಿಂದ ಹಸುನೀಗುತಿದ್ದಾರೆ. ಭಾರತದಲ್ಲಿ ಅಧಿಕವಾಗಿ ಆಹಾರ ಕೊರತೆ ಇಂದ ಮರಣ ಹೊಂದುತ್ತಿರುವವರ ಸಂಖ್ಯೆ ಹೆಚ್ಚಿದೆ. ಇನ್ನಾದರೂ ಎಚ್ಚೆತ್ತು ಕೊಂಡು ಅಹಾರವನ್ನು ವ್ಯರ್ಥ ಮಾಡದೆ ಮಿತವಾಗಿ ತಮಗೆ ಬೇಕಾದಷ್ಟು  ಬಳಸಿ ಕೊಳ್ಳಿ  ಮೋಜು ಮಸ್ತಿ ಹೆಸರಲ್ಲಿ ಆಹಾರವನ್ನು ವ್ಯರ್ಥ ಮಾಡಬೇಡಿ  ಇನ್ನೊಂದು ಜೀವ ಅಲ್ಲಿ ಆಹಾರವಿಲ್ಲದೆ ನರಳುತ್ತಿದೆ ಎಂಬುದನ್ನು ಗಮನದಲ್ಲಿ ಇಟ್ಟುಕೊಳ್ಳಿ. ಇದನ್ನೂ ಓದಿ: Instant Foods: ಎರಡೇ ನಿಮಿಷದಲ್ಲಿ ತಯಾರಾಗುವ ಆಹಾರ ದೇಹಕ್ಕೆ ಮಾರಕವಾ?

ಬರಹ: ಐಶ್ವರ್ಯ ಕೋಣನ