World Wildlife Day 2023: ನೀವು ಭೇಟಿ ನೀಡಲೇಬೇಕಾದ ಭಾರತದ ಪ್ರಮುಖ 5 ವನ್ಯಜೀವಿ ಅಭಯಾರಣ್ಯಗಳು

ವಿಶ್ವ ವನ್ಯಜೀವಿ ದಿನಾಚರಣೆ(World Wildlife Day) ಯನ್ನು ಪ್ರತಿ ವರ್ಷ ಮಾರ್ಚ್ 3ರಂದು ಆಚರಿಸಲಾಗುತ್ತದೆ. ವನ್ಯಜೀವಿ ಸಸ್ಯ ಸಂಕುಲ ಹಾಗೂ ಪ್ರಾಣಿ ಸಂಕುಲದ ಕುರಿತು ಜಾಗೃತಿ ಮೂಡಿಸಲು ಈ ದಿನವನ್ನು ಆಚರಿಸಲಾಗುತ್ತದೆ. ವನ್ಯಜೀವಿಗಳ ಬಗ್ಗೆ ಅರಿವು ಹಾಗೂ ಶಿಕ್ಷಣ ನೀಡಲು, ವನ್ಯಜೀವಿ ವೈವಿದ್ಯತೆಯ ಮತ್ತು ಪ್ರಾಮುಖ್ಯತೆಯ ತಿಳುವಳಿಕೆ ಹೆಚ್ಚಿಸಲು ಈ ದಿನವನ್ನು ಮೀಸಲಿಡಲಾಗಿದೆ. ಆದ್ದರಿಂದ ಈ ವಿಶೇಷ ದಿನದಂದು ನೀವು ಭೇಟಿ ನೀಡಲೇಬೇಕಾದ ಭಾರತದ ಪ್ರಮುಖ 5 ವನ್ಯಜೀವಿ ಅಭಯಾರಣ್ಯಗಳು ಕುರಿತು ಮಾಹಿತಿ ಇಲ್ಲಿದೆ.

ಗಿರ್, ಗುಜರಾತ್:

ಗಿರ್ ರಾಷ್ಟ್ರೀಯ ಉದ್ಯಾನವನವು ಭವ್ಯವಾದ ಏಷ್ಯನ್ ಸಿಂಹಗಳಿಗೆ ಏಷ್ಯಾದ ಏಕೈಕ ನೈಸರ್ಗಿಕ ಆಶ್ರಯವಾಗಿದೆ. ಆಫ್ರಿಕಾವನ್ನು ಹೊರತುಪಡಿಸಿ, ಗಿರ್​​ನಲ್ಲಿ ಮಾತ್ರ ಸಿಂಹಗಳು ಮುಕ್ತವಾಗಿ ಅಲೆದಾಡುವುದನ್ನು ನೀವು ನೋಡಬಹುದು. ಇಡೀ ದೇಶದಲ್ಲಿ ನೀವು ಇಲ್ಲಿ ಕಾಡಿನ ಹಾದಿಯನ್ನು ಆನಂದಿಸಬಹುದು.

ಬಂಡೀಪುರ ಅಭಯಾರಣ್ಯ :

912.04 ಚದರ ಕಿ. ಮೀ ವಿಸ್ತೀರ್ಣದಲ್ಲಿ ವ್ಯಾಪಿಸಿರುವ ಬಂಡೀಪುರ ರಾಷ್ಟ್ರೀಯ ಉದ್ಯಾನ ಮತ್ತು ಹುಲಿ ಮೀಸಲು ಪ್ರದೇಶ ಭಾರತದ ಎರಡನೇ ಅತಿ ದೊಡ್ಡ ಹುಲಿ ಸಂರಕ್ಷಣಾ ನೆಲೆಯಾಗಿದೆ. ಬಂಡೀಪುರ ರಾಷ್ಟ್ರೀಯ ಉದ್ಯಾನವು ವಯನಾಡ್, ಮುದುಮಲೈ ಮತ್ತು ನಾಗರಹೊಳೆಗಳೊಂದಿಗೆ ಗಡಿಯನ್ನು ಹಂಚಿಕೊಂಡಿದೆ.

ಇದನ್ನೂ ಓದಿ: ಮಾರ್ಚ್​​ ರಜಾ ದಿನಗಳಲ್ಲಿ ಬೆಂಗಳೂರಿನಿಂದ ಈ ಪ್ರವಾಸಿ ತಾಣಗಳಿಗೆ ನೀವು ಭೇಟಿ ನೀಡಿ, ಇಲ್ಲಿದೆ ಮಾಹಿತಿ

ರಣಥಂಬೋರ್, ರಾಜಸ್ಥಾನ:

ರಣಥಂಬೋರ್ ರಾಷ್ಟ್ರೀಯ ಉದ್ಯಾನವನವು ಉತ್ತರ ಭಾರತದಲ್ಲಿನ ಹುಲಿಗಳ ಅತಿದೊಡ್ಡ ಮತ್ತು ಅತ್ಯಂತ ಪ್ರಸಿದ್ಧವಾದ ರಾಷ್ಟ್ರೀಯ ಉದ್ಯಾನವನವಾಗಿದೆ. ಇದು ಆಗ್ನೇಯ ರಾಜಸ್ಥಾನದ ಸವಾಯಿ ಮಾಧೋಪುರ್ ಜಿಲ್ಲೆಯಲ್ಲಿದೆ ಮತ್ತು ಜೈಪುರದಿಂದ ಸುಮಾರು 130 ಕಿ.ಮೀ ದೂರದಲ್ಲಿದೆ. ಈ ಸುಂದರವಾದ ವನ್ಯಜೀವಿ ಅಭಯಾರಣ್ಯದಲ್ಲಿ ಹುಲಿಗಳಲ್ಲದೆ, ವಿವಿಧ ಸಸ್ಯ ಮತ್ತು ಪ್ರಾಣಿಗಳನ್ನು ವೀಕ್ಷಿಸಬಹುದು.

ಕಾಜಿರಂಗ, ಅಸ್ಸಾಂ:

ಪ್ರಬಲವಾದ ಬ್ರಹ್ಮಪುತ್ರದ ದಡದಲ್ಲಿ ನೆಲೆಗೊಂಡಿರುವ ಈ ಉದ್ಯಾನವನದಲ್ಲಿ ವಿಶ್ವದ ಅತಿದೊಡ್ಡ ಜನಸಂಖ್ಯೆಯ ಒಂದು ಕೊಂಬಿನ ಘೇಂಡಾಮೃಗಗಳು ಮತ್ತು ಆನೆಗಳು ಮತ್ತು ಸುಂದರವಾದ ಪಕ್ಷಿಗಳಂತಹ ಇತರ ಸಸ್ತನಿಗಳು ವಾಸಿಸುತ್ತವೆ. ಯುನೆಸ್ಕೋ ವಿಶ್ವ ಪರಂಪರೆ, ಭಾರತೀಯ ಒಂದು ಕೊಂಬಿನ ಘೇಂಡಾಮೃಗಗಳನ್ನು ನಾಶವಾಗದಂತೆ ಉಳಿಸುವಲ್ಲಿ ಕಾಜಿರಂಗದ ಕೊಡುಗೆಯನ್ನು ಅದ್ಭುತ ಸಂರಕ್ಷಣಾ ಸಾಧನೆ ಎಂದು ಪರಿಗಣಿಸಲಾಗಿದೆ.

ಸುಂದರಬನ್ಸ್, ಪಶ್ಚಿಮ ಬಂಗಾಳ:

ಸುಂದರಬನ್ಸ್ ಡೆಲ್ಟಾ ಪ್ರಪಂಚದಲ್ಲೇ ಅತಿ ದೊಡ್ಡ ನದಿ ಮುಖಜಭೂಮಿಯಾಗಿದೆ. ಇದು ಪ್ರಪಂಚದಲ್ಲೇ ಭಾರತದ ಅತಿದೊಡ್ಡ ಮ್ಯಾಂಗ್ರೋವ್ ಅರಣ್ಯವಾಗಿದೆ ಮತ್ತು ಭವ್ಯವಾದ ರಾಯಲ್ ಬೆಂಗಾಲ್ ಹುಲಿಗಳಿಗೆ ನೆಲೆಯಾಗಿದೆ. ಸುಂದರಬನ್ಸ್ ಯುನೆಸ್ಕೋ ವಿಶ್ವ ಪರಂಪರೆಯ ತಾಣವಾಗಿದ್ದು, ಈ ಪ್ರದೇಶವು ಮ್ಯಾಂಗ್ರೋವ್‌ಗಳಿಂದ ದಟ್ಟವಾಗಿ ಆವರಿಸಲ್ಪಟ್ಟಿದೆ.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ: 

Published On - 12:35 pm, Fri, 3 March 23