ಕಂಪ್ಯೂಟರ್​ನ ಅತಿಯಾದ ಬಳಕೆಯಿಂದ ಮಣಿಕಟ್ಟಿನ ನೋವಿನ ಅಪಾಯ: ಜಾಗ್ರತೆವಹಿಸುವುದು ಹೇಗೆ?

ಪ್ರತಿದಿನ ಕಂಪ್ಯೂಟರ್‌ಗಳಲ್ಲಿ ಎಂಟರಿಂದ ಹತ್ತು ಗಂಟೆಗಳ ಕಾಲ ಕೆಲಸ ಮಾಡುವವರಿಗೆ ಸಾಮಾನ್ಯವಾಗಿ ಮಣಿಕಟ್ಟಿನ ನೋವು ಕಾಡುತ್ತದೆ.
ನೀವು ತಪ್ಪಾದ ರೀತಿಯಲ್ಲಿ ಕೀ ಬೋರ್ಡ್​ ಬಳಕೆ ಮಾಡುತ್ತಿದ್ದರೆ ಶಾಶ್ವತ ಅಂಗವೈಕಲ್ಯ ಸಮಸ್ಯೆಯನ್ನು ಎದುರಿಸುವ ಸಾಧ್ಯತೆ ಹೆಚ್ಚಿರುತ್ತದೆ. ನೀವು ಕೀಬೋರ್ಡ್ ಅನ್ನು ಸರಿಯಾಗಿ ಬಳಸದಿದ್ದರೆ, ನೀವು ಬೆನ್ನು ನೋವು, ಕುತ್ತಿಗೆ ನೋವು ಮತ್ತು ಮಣಿಕಟ್ಟು ಮತ್ತು ಬೆರಳುಗಳಲ್ಲಿ ಬಿಗಿತ ಕಂಡುಬರುತ್ತದೆ.

ದೀರ್ಘಕಾಲದವರೆಗೆ ನಿರ್ಲಕ್ಷಿಸಿದಾಗ ಮುಂದಿನ ಹಂತ ಮರಗಟ್ಟುವಿಕೆ ಮತ್ತು ಸಂಧಿವಾತ ಮತ್ತು ಟೆಂಡೈನಿಟಿಸ್ನ ಆಗಮನಕ್ಕೆ ಕಾರಣವಾಗಬಹುದು.
ನೀವು ಟೈಪ್ ಮಾಡುವಾಗ ಮಣಿಕಟ್ಟು ಕಾರ್ಪಲ್ ಟನಲ್ ಮೇಲೆ ಅಪಾರ ಒತ್ತಡ ಬೀಳುತ್ತದೆ ಹಾಗೂ ಮತ್ತೆ ಮತ್ತೆ ಕೀಬೋರ್ಡ್ ಬಳಸಿದಾಗ ನೋವು, ಉರಿಯೂತ ಮತ್ತು ಮರಗಟ್ಟುವಿಕೆಗೆ ಕಾರಣವಾಗುತ್ತವೆ.

ಹಾಗಾದರೆ ಈ ಮಣಿಕಟ್ಟು ನೋವು ಬರದಂತೆ ಎಚ್ಚರವಹಿಸುವುದು ಹೇಗೆ?

ಯಾವಾಗಲೂ ನೇರವಾಗಿ ಕುಳಿತುಕೊಳ್ಳಿ: ನೀವು ಬಿಡುವಿಲ್ಲದೆ ಎಂಟರಿಂದ ಹತ್ತು ಗಂಟೆಗಳ ಕಾಲ ಕುಳಿತಲ್ಲೇ ಕುಳಿತಿರುತ್ತೀರಿ, ಶಿಫ್ಟ್​ ಮುಗಿಯುವ ವೇಳೆಗೆ ನಿಮಗೆ ಏಳುವಾಗ ಅಥವಾ ಬಗ್ಗುವಾಗ ಬೆನ್ನು ನೋವಿನ ಅನುಭವವುಂಟಾಗುತ್ತದೆ. ಹಾಗಾಗಿ ನೀವು ಕಂಪ್ಯೂಟರ್ ಪರದೆ ಎದುರು ಕೂರುವಾಗ ಬೆನ್ನು ಕತ್ತು ನೇರ ಇರಲಿ. ಕಂಪ್ಯೂಟರ್‌ನಿಂದ ಅಂತರವನ್ನು ಕಾಯ್ದುಕೊಳ್ಳಿ: ಕಂಪ್ಯೂಟರ್ ಪರದೆಯನ್ನು ನಿಮ್ಮಿಂದ ಕನಿಷ್ಠ 20 ಇಂಚುಗಳಷ್ಟು ದೂರದಲ್ಲಿ ಇರಿಸಲು ಪ್ರಯತ್ನಿಸಿ. ನಿಮ್ಮ ಕುಳಿತುಕೊಳ್ಳುವ ಸ್ಥಾನಕ್ಕೆ ತೊಂದರೆಯಾಗದಂತೆ ಪರದೆಯು ಯಾವಾಗಲೂ ಕಣ್ಣಿನ ಮಟ್ಟದಲ್ಲಿರಬೇಕು.

ಕುರ್ಚಿಯ ಎತ್ತರವನ್ನು ಹೊಂದಿಸಿ: ಮೊದಲಿಗೆ, ಆರಾಮದಾಯಕವಾದ ಕುರ್ಚಿಯ ಮೇಲೆ ಕುಳಿತುಕೊಳ್ಳಿ, ಅದರ ಎತ್ತರವನ್ನು ಕೀಬೋರ್ಡ್ ಮಟ್ಟಕ್ಕೆ ಹೊಂದಿಸಿ ಮೊಣಕೈಗಿಂತ ಸ್ವಲ್ಪ ಕೆಳಗೆ ಕೈಗಳನ್ನು ಇರಿಸಿ. ಅಲ್ಲದೆ, ನಿಮ್ಮ ಭುಜಗಳು ಎಲ್ಲಾ ಹಂತಗಳಲ್ಲಿ ವಿಶ್ರಾಂತಿ ಪಡೆಯುತ್ತವೆ ಎಂದು ಖಚಿತಪಡಿಸಿಕೊಳ್ಳಿ.

ವಿರಾಮ ತೆಗೆದುಕೊಳ್ಳಿ: ಪ್ರತಿ 30 ನಿಮಿಷಗಳಿಗೊಮ್ಮೆ ವಿರಾಮವನ್ನು ತೆಗೆದುಕೊಳ್ಳಿ, ಕಂಪ್ಯೂಟರ್​ನ ಪರದೆಯಿಂದ ಕಣ್ಣನ್ನು ಪಕ್ಕಕ್ಕಿರಿಸಿ. ಫೋನ್ ಕರೆಗಳನ್ನು ಮಾಡುವುದು ಅಥವಾ ಯಾರನ್ನಾದರೂ ಭೇಟಿ ಮಾಡುವಂತಹ ಕೆಲಸಕ್ಕೆ ಸಂಬಂಧಿಸಿದ ಇತರ ಪ್ರಮುಖ ಕಾರ್ಯಗಳನ್ನು ಮುಗಿಸಿ.

ಈ ಲೇಖನವು ಟಿವಿ9ನ ಅಧಿಕೃತ ಮಾಹಿತಿಯಾಗಿರುವುದಿಲ್ಲ, ಸಾಮಾನ್ಯ ಮಾಹಿತಿಯನ್ನು ಒಳಗೊಂಡಿರುತ್ತದೆ.