How to transfer PF balance: ಪ್ರಾವಿಡೆಂಟ್ ಫಂಡ್ ಬಾಕಿಯನ್ನು 6 ಹಂತಗಳಲ್ಲಿ ವರ್ಗಾವಣೆ ಮಾಡುವುದು ಹೇಗೆ?
ಉದ್ಯೋಗ ಬದಲಾವಣೆ ಮಾಡುವಾಗ ಪ್ರಾವಿಡೆಂಟ್ ಫಂಡ್ ವರ್ಗಾವಣೆ ಹೇಗೆ? ಈ ಆರು ಹಂತಗಳನ್ನು ಅನುಸರಿಸಿ ಪಿಎಫ್ ವರ್ಗಾವಣೆ ಮಾಡಬಹುದು.
ಒಂದು ಉದ್ಯೋಗ ಬಿಟ್ಟು, ಮತ್ತೊಂದಕ್ಕೆ ಸೇರುವುದು ಅಂದರೆ ಉದ್ಯೋಗಿಗಳ ಪಾಲಿಗೆ ಹಲವು ಬದಲಾವಣೆಗಳನ್ನು ಮಾಡಬೇಕಾದ ಸನ್ನಿವೇಶ ಎದುರಾಗುತ್ತದೆ. ಕಾಗದ- ಪತ್ರ ವ್ಯವಹಾರಗಳೇ ಬೇಕಾದಷ್ಟು ಇರುತ್ತದೆ. ಅದರಲ್ಲಿ ಬಹಳ ಮುಖ್ಯವಾದದ್ದು ಪ್ರಾವಿಡೆಂಟ್ ಫಂಡ್ ಖಾತೆಯ ಬಾಕಿಯ ವರ್ಗಾವಣೆ (How to transfer PF balance). ಈ ಹಿಂದಿನ ಉದ್ಯೋಗದಾತರಿಂದ ಸದ್ಯದ ಉದ್ಯೋಗದಾತರಿಗೆ ಅದನ್ನು ಬದಲಾಯಿಸಿಕೊಳ್ಳಬೇಕು. ಬಹಳ ಜನಕ್ಕೆ ಇದು ಹೆದರಿಕೆ ಸಂಗತಿ. ಏಕೆಂದರೆ, ಕೆಲಸ ಬದಲಾಯಿಸುತ್ತಾ ಪಿಎಫ್ ವರ್ಗಾವಣೆ ಮಾಡಿಸುವುದನ್ನೇ ಬಿಟ್ಟವರು ಬೇಕಾದಷ್ಟು ಮಂದಿ ಕಾಣಸಿಗುತ್ತಾರೆ. ಎಲ್ಲಿ ಇಪಿಎಫ್ಒ ಕಚೇರಿಗೆ ಅಲೆದಾಡಬೇಕಾಗುತ್ತದೆ ಎಂಬ ಆತಂಕ ಹಲವರದು. ಖಂಡಿತಾ ಈ ರೀತಿ ಅಂಜುವ ಅಗತ್ಯ ಇಲ್ಲ. ಮನೆಯಲ್ಲಿ ಕುಳಿತೇ ಪಿಎಫ್ ವರ್ಗಾವಣೆ ಮಾಡಬಹುದು. ಸರ್ಕಾರದ ಬೆಂಬಲ ಇರುವ ಇಪಿಎಫ್ಒ ಆನ್ಲೈನ್ನಲ್ಲೇ ಪಿಎಫ್ ವರ್ಗಾವಣೆಗೆ ವ್ಯವಸ್ಥೆ ಮಾಡಿಕೊಟ್ಟಿದೆ.
ಯಾವಾಗ ಯೂನಿವರ್ಸಲ್ ಅಕೌಂಟ್ ನಂಬರ್ (ಯುಎಎನ್) ಪರಿಚಯ ಆಯಿತೋ ಪಿಎಫ್ ಬಾಕಿಯನ್ನು ಆನ್ಲೈನ್ನಲ್ಲಿ ವರ್ಗಾವಣೆ ಮಾಡುವ ಪ್ರಕ್ರಿಯೆ ಸಲೀಸಾಗಿದೆ. ಯುಎಎನ್ ಮೂಲಕವಾಗಿ ಉದ್ಯೋಗಿಯ ಎಲ್ಲ ಖಾತೆಯೂ ಒಂದೇ ಕಡೆ ಇರುತ್ತದೆ. ಹಣ ಬೇರೆ ಬೇರೆ ಖಾತೆಯಲ್ಲಿ ಇರಬಹುದು. ಆದ್ದರಿಂದ ನಿಮ್ಮ ಸದ್ಯದ ಉದ್ಯೋಗದಾತರ ಜತೆಗೆ ಯುಎಎನ್ ಹಂಚಿಕೊಂಡರೆ ಸಾಕು. ಆ ಮೂಲಕ ಹಣವು ವರ್ಗಾವಣೆ ಆಗುತ್ತದೆ. ಇದರ ಹೊರತಾಗಿ, ಆನ್ಲೈನ್ ಮೂಲಕ ಆರು ಹಂತಗಳಲ್ಲಿ ಪಿಎಫ್ ವರ್ಗಾವಣೆ ಹೇಗೆ ಮಾಡಬೇಕು ಎಂಬ ಬಗ್ಗೆ 2020ನೇ ಇಸವಿಯಲ್ಲಿ ಇಪಿಎಫ್ಒ ಮಾಹಿತಿ ಹಂಚಿಕೊಂಡಿದೆ.
Know how to transfer EPF online ?#IndiaFightsCorona #SocialSecurity #EPFO pic.twitter.com/zivjtgY1QI
— EPFO (@socialepfo) June 28, 2020
1] ಇಪಿಎಫ್ಒ ಸದಸ್ಯ ಪೋರ್ಟಲ್‌ನಲ್ಲಿ ಲಾಗಿನ್ ಮಾಡಬೇಕು — unifiedportal-mem.epfindia.gov.in/memberinterface/ — ಮತ್ತು UAN ಮತ್ತು ಪಾಸ್‌ವರ್ಡ್‌ನೊಂದಿಗೆ ಲಾಗಿನ್ ಮಾಡಬೇಕು;
2] ‘ಆನ್ಲೈನ್ ಸರ್ವೀಸಸ್’ಗೆ ತೆರಳಿ ಮತ್ತು ‘ಒನ್ ಮೆಂಬರ್ ಒನ್ ಇಪಿಎಫ್ ಅಕೌಂಟ್(ವರ್ಗಾವಣೆ ವಿನಂತಿ)’ ಕ್ಲಿಕ್ ಮಾಡಬೇಕು;
3] ಪ್ರಸ್ತುತ ಉದ್ಯೋಗಕ್ಕಾಗಿ ‘ವೈಯಕ್ತಿಕ ಮಾಹಿತಿ’ ಮತ್ತು ‘PF ಖಾತೆ’ ದೃಢೀಕರಿಸಬೇಕು;
4] ‘ವಿವರಗಳನ್ನು ಪಡೆಯಿರಿ’ನಲ್ಲಿ ಕ್ಲಿಕ್ ಮಾಡಬೇಕು, ಹಿಂದಿನ ಉದ್ಯೋಗದ ಪಿಎಫ್ ಖಾತೆಯ ವಿವರಗಳು ಕಾಣಿಸುತ್ತವೆ;
5] ಫಾರ್ಮ್ ಅನ್ನು ದೃಢೀಕರಿಸಲು ‘ಹಿಂದಿನ ಉದ್ಯೋಗದಾತ’ ಅಥವಾ ‘ಪ್ರಸ್ತುತ ಉದ್ಯೋಗದಾತ’ ಆಯ್ಕೆ ಮಾಡಬೇಕು;
ಮತ್ತು 6] ನಿಮ್ಮ UAN ನೋಂದಾಯಿತ ಮೊಬೈಲ್ ಸಂಖ್ಯೆಯಲ್ಲಿ OTP ಸ್ವೀಕರಿಸಲು ‘OTP ಪಡೆಯಿರಿ’ ಎಂಬುದರ ಮೇಲೆ ಕ್ಲಿಕ್ ಮಾಡಬೇಕು. OTP ನಮೂದಿಸಿ ಮತ್ತು ‘ಸಲ್ಲಿಸು’ (Submit) ಬಟನ್ ಕ್ಲಿಕ್ ಮಾಡಬೇಕು.
ಆಯ್ಕೆ ಮಾಡಿದ ನೇಮಕಾತಿದಾರರಿಂದ ದೃಢೀಕರಣದ ನಂತರ ಇಪಿಎಫ್ಒದಿಂದ ಇಪಿಎಫ್ ಖಾತೆಯನ್ನು ಆನ್ಲೈನ್ನಲ್ಲಿ ವರ್ಗಾಯಿಸುತ್ತದೆ ಮತ್ತು ಅಸ್ತಿತ್ವದಲ್ಲಿರುವ ಇಪಿಎಫ್ ಖಾತೆಯಲ್ಲಿ ಮಾಸಿಕ ಇಪಿಎಫ್ ಕೊಡುಗೆಯನ್ನು ಮುಂದುವರಿಸಲು ಮತ್ತು ನಿಮ್ಮ ಹೊಸ ಖಾತೆಯನ್ನು ಸಕ್ರಿಯಗೊಳಿಸುವುದಕ್ಕೆ ಸಾಧ್ಯಗೊಳಿಸುತ್ತದೆ.
ಇದನ್ನೂ ಓದಿ: EPFO e-nomination: ಇಪಿಎಫ್ಒ ಇ-ನಾಮಿನೇಷನ್ ಮಾಡುವುದು ಹೇಗೆ ಎಂಬ ಬಗ್ಗೆ ಹಂತಹಂತವಾದ ಮಾಹಿತಿ ಇಲ್ಲಿದೆ
Published On - 5:47 pm, Fri, 14 January 22