ಫಂಡ್ ಆಫ್ ಫಂಡ್ಗಳಲ್ಲಿ ಹೂಡಿಕೆ ಮಾಡುವುದು ಉತ್ತಮವೇ..? ಇಲ್ಲಿದೆ ಮಾಹಿತಿ
ಯಾವ ರೀತಿಯ ಫಂಡ್ಗಳಲ್ಲಿ ಹೂಡಿಕೆ ಮಾಡಬೇಕೆಂದು ಗೊತ್ತಾಗದೆ ಕಷ್ಟಪಡುವ ಹೂಡಿಕೆದಾರರಿಗೆ ಫಂಡ್ಗಳ ಫಂಡ್ ಅಂದರೆ ಫಂಡ್ ಆಫ್ ಫಂಡ್ ವರದಾನವೆಂದೇ ಭಾವಿಸಲಾಗಿದೆ. ಆ ಕುರಿತು ಒಂದು ಮಾಹಿತಿ ಇಲ್ಲಿದೆ ನೋಡಿ.
Updated on: Jan 26, 2022 | 3:29 PM
ಯಾವ ರೀತಿಯ ಫಂಡ್ಗಳಲ್ಲಿ ಹೂಡಿಕೆ ಮಾಡಬೇಕೆಂದು ನಿರ್ಧರಿಸಲು ಆಗದೇ ಕಷ್ಟಪಡುವ ಹೂಡಿಕೆದಾರರಿಗೆ ಫಂಡ್ಗಳ ಫಂಡ್ ಅಂದರೆ ಫಂಡ್ ಆಫ್ ಫಂಡ್ ವರದಾನವೆಂದೇ ಭಾವಿಸಲಾಗಿದೆ. ಹೂಡಿಕೆದಾರರು ಹೂಡಿಕೆ ಮಾಡುವ ಮೊದಲು ಯಾವ ಅಂಶಗಳನ್ನು ಗಮನಿಸಬೇಕೆಂಬ ಮಾಹಿತಿ ಇಲ್ಲಿದೆ.
ಮಿತವ್ಯಯಕಾರಿ:
ಭಾರತದಲ್ಲಿ ನೀಡಲಾಗುವ ಹೆಚ್ಚಿನ ಸಂಖ್ಯೆಯ ಎಫ್ಓಎಫ್ಗಳು ಅಂತರರಾಷ್ಟ್ರೀಯ ಹೂಡಿಕೆಗೆ ಲಭ್ಯವಿರುವ ಫಂಡ್ಗಳಾಗಿವೆ. ಈ ಸ್ಕೀಮ್ಗಳು ಬೇರೊಂದು ದೇಶದಲ್ಲಿ ನೋಂದಾಯಿತವಾದ ಅಂತರರಾಷ್ಟ್ರೀಯ ಫಂಡ್ಗಳಲ್ಲಿ ಹೂಡಿಕೆ ಮಾಡುತ್ತವೆ. ಈ ಸಾಗರೋತ್ತರ ನಿಧಿಗಳು, ಇತರ ದೇಶಗಳಲ್ಲಿ ಸಾರ್ವಜನಿಕವಾಗಿ ವ್ಯಾಪಾರ ಮಾಡುವ ಕಂಪನಿಗಳಲ್ಲಿ ಈಕ್ವಿಟಿಗಳನ್ನು ಹೊಂದಿವೆ. ಇದು ಭಾರತೀಯ ಹೂಡಿಕೆದಾರರಿಗೆ ಆಲ್ಫಾಬೆಟ್ ಇಂಕ್., ಆಪಲ್ ಇಂಕ್., ಮೈಕ್ರೋಸಾಫ್ಟ್ ಕಾರ್ಪೊರೇಷನ್ ಮತ್ತು ಟೆಸ್ಲಾ ಇಂಕ್ನಂತಹ ಸ್ಟಾಕ್ಗಳನ್ನು ಮಿತವ್ಯಯಕಾರಿ ಬೆಲೆಗಳಲ್ಲಿ ಕೊಳ್ಳಲು ಅವಕಾಶ ಕೊಡುತ್ತದೆ.
ತೆರಿಗೆ ಅನುಕೂಲತೆ:
ಈಕ್ವಿಟಿ ಮ್ಯೂಚುಯಲ್ ಫಂಡ್ ಸ್ಕೀಮ್ಗಳಲ್ಲೇ ಫಂಡ್ ಹೂಡಿಕೆ ಮಾಡಿದ್ರೂ, ಹೆಚ್ಚಿನ ಎಫ್ಓಎಫ್ಗಳ ಮೇಲೆ ಡೆಟ್ ಫಂಡ್ ಸ್ಕೀಮ್ಗಳ ಮೇಲೆ ಹಾಕುವಂತೆಯೇ ತೆರಿಗೆ ಹಾಕಲಾಗುತ್ತೆ. ಎಫ್ಓಎಫ್ ಏನಾದ್ರೂ ತನ್ನ ಫಂಡ್ನ 90%ಕ್ಕೂ ಹೆಚ್ಚಿನ ಮೊತ್ತವನ್ನು ಈಕ್ವಿಟಿಗಳಲ್ಲಿ ಹೂಡಿಕೆ ಮಾಡಿದರೆ, ಅದಕ್ಕೆ ಈಕ್ವಿಟಿ ತೆರಿಗೆಯನ್ನು ಕಟ್ಟಬೇಕಾಗುತ್ತೆ.
ಎಕ್ಸ್ಪೆನ್ಸ್ ರೇಷಿಯೋ ಬಗ್ಗೆ ಎಚ್ಚರವಿರಲಿ:
ಸಾಮಾನ್ಯ ಮ್ಯೂಚುಯಲ್ ಫಂಡ್ ಎಕ್ಸ್ಪೆನ್ಸ್ ರೇಷಿಯೋಗೆ ಹೋಲಿಸಿದರೆ,ಎಫ್ಓಎಫ್ನ ಎಕ್ಸಪೆನ್ಸ್ ರೇಷಿಯೋ ಹೆಚ್ಚಿರುತ್ತದೆ. ಇದಕ್ಕೆ ಕಾರಣವೆಂದರೆ ಫಂಡ್ ಮ್ಯಾನೇಜರ್ ಈ ಫಂಡ್ನ ಹೂಡಿಕೆಯನ್ನು ಮತ್ತೊಂದು ಫಂಡ್ನಲ್ಲಿ ವಿನಿಯೋಗಿಸುತ್ತಾನೆ. ಹೂಡಿಕೆಗೆ ಸರಿಯಾದ ಆಯ್ಕೆ ಪತ್ತೆ ಮಾಡಲು ಹೆಚ್ಚಿನ ಅಪಾಯವನ್ನು ತೊಗೊಂಡಿರ್ತಾನೆ. ಎಕ್ಸ್ಪೆನ್ಸ್ ರೇಷಿಯೋ ಹೆಚ್ಚಾಗಲು ಇದು ಮುಖ್ಯ ಕಾರಣ.
ಕಡಿಮೆ ಬಂಡವಾಳವಿದ್ದರೂ ವಿವಿಧ ಬಗೆಯ ಆಸ್ತಿಗಳಲ್ಲಿ ಹೂಡಿಕೆ ಮಾಡುವ ಅವಕಾಶ:
ಕಡಿಮೆ ಬಂಡವಾಳವಿರುವ ವ್ಯಕ್ತಿಯೂ ಅತ್ಯುತ್ತಮ ಫಂಡ್ಗಳಲ್ಲಿ ಹೂಡಿಕೆ ಮಾಡಿ ಹೆಚ್ಚಿನ ಲಾಭವನ್ನು ಪಡೆಯಬಹುದು.
ಫಂಡ್ ಆಫ್ ಫಂಡ್ಸ್ಗಳ ವಿಧಗಳು:
ಅಂತರರಾಷ್ಟ್ರೀಯ ಫಂಡ್ಗಳಲ್ಲಿ ಹೂಡಿಕೆ ಮಾಡುವ ಎಫ್ಓಎಫ್ಗಳೇ ಎಫ್ಓಎಫ್ಗಳಲ್ಲ. ಅನೇಕ ವಿಧದ ಎಫ್ಒಎಫ್ಗಳಿದ್ದು ಇಟಿಎಫ್ ಎಫ್ಓಎಫ್ಗಳು, ದೇಶೀಯ ಎಫ್ಓಎಫ್ಗಳು, ಹಾಗೂ ಚಿನ್ನದ ಎಫ್ಓಎಫ್ಗಳು ಅವುಗಳಲ್ಲಿ ಸೇರಿವೆ.
ತೀವ್ರ ಏರಿಳಿತಗಳ ಅಪಾಯ:
ಅಪಾಯದ ಅಂಶವು ಕಡಿಮೆಯಿದ್ದರೂ ಸಕ್ರಿಯ ನಿರ್ವಹಣೆ ಹಾಗೂ ವಿವಿಧ ಬಗೆಯ ಹೂಡಿಕೆಗಳಿಂದ ಕೂಡಿರುವುದರಿಂದ ತೀವ್ರ ಮಾರುಕಟ್ಟೆ ಏರಿಳಿತಗಳ ಅಪಾಯ ಯಾವಾಗಲೂ ಇದ್ದೇ ಇರುತ್ತೆ.
ಸಣ್ಣ ಮೊತ್ತದಿಂದ ಪ್ರಾರಂಭಿಸಿ:
ಸಣ್ಣ ಮೊತ್ತದ ಹೂಡಿಕೆ ಸಾಧ್ಯವಿರುವುದು ಇತರ ಬಗೆಯ ಹೂಡಿಕೆಗಳಿಂದ ಇದಕ್ಕೆ ವಿಶೇಷ ಸ್ಥಾನವನ್ನು ನೀಡಿದೆ. ಕೇವಲ 500/= ರೂಪಾಯಿಗಳಷ್ಟು ಸಣ್ಣ ಮೊತ್ತದ ಹೂಡಿಕೆದಾರರಿಗೂ ಇದು ಸೂಕ್ತವಾಗಿದ್ದು ನಂತರ ದೊಡ್ಡ, ಮಧ್ಯಮ, ಹಾಗೂ ಸಣ್ಣಗಾತ್ರದ ಹೂಡಿಕೆ ಹಾಗೂ ಇತರ ಕಮಾಡಿಟಿಗಳಲ್ಲೂ ಹೂಡಿಕೆಗೆ ಅವಕಾಶ ಇದೆ.
ನಿಮ್ಮ ಅಪಾಯ ತೆಗೆದುಕೊಳ್ಳುವ ಸಾಮರ್ಥ್ಯವನ್ನು ನಿರ್ಧರಿಸಿಕೊಳ್ಳಿ:
ಎಫ್ಓಎಫ್ಗಳು ಮ್ಯೂಚುಯಲ್ ಫಂಡ್ಗಳಾಗಿರುವುದರಿಂದ ಹೂಡಿಕೆದಾರರು ಹೂಡಿಕೆ ಮಾಡುವ ಮೊದಲು ತಮ್ಮ ಅಪಾಯ ತಾಳಿಕೊಳ್ಳುವ ಸಾಮರ್ಥ್ಯ ಹಾಗೂ ಅವರು ಹೂಡಿಕೆ ಮಾಡಲು ಉದ್ದೇಶಿಸಿರುವ ಹಣದ ಮೊತ್ತವನ್ನು ನಿರ್ಧರಿಸಿಕೊಳ್ಳಬೇಕು.
ನಿಮ್ಮ ಗುರಿಗಳನ್ನು ಮರೆಯಲೇಬೇಡಿ:
ಒಬ್ಬ ಹೂಡಿಕೆದಾರರಾಗಿ, ತಮ್ಮ ಹೂಡಿಕೆಯ ಗುರಿ ಹಾಗೂ ಉದ್ದೇಶಗಳನ್ನು ಸದಾ ನೆನಪಿನಲ್ಲಿಟ್ಟುಕೊಂಡು ವಿಶ್ಲೇಷಿಸುತ್ತಿರಬೇಕು. ಒಂದು ವೇಳೆ, ದಾರಿ ತಪ್ಪಿದರೆ ಅದು ಅವರ ಒಟ್ಟಾರೆ ಪೋರ್ಟ್ಫೋಲಿಯೋದ ಮೇಲೆ ತೀವ್ರ ಪರಿಣಾಮಗಳನ್ನು ಬೀರಬಹುದು.
ಇದನ್ನೂ ಓದಿ;
Union Budget 2022: 10 ವರ್ಷದಲ್ಲಿ ಬಜೆಟ್ ದಿನದಂದು ಷೇರುಪೇಟೆ ಸೂಚ್ಯಂಕಗಳ ಪರ್ಫಾರ್ಮೆನ್ಸ್ ಹೇಗಿತ್ತು?
