ಮಹಾರಾಷ್ಟ್ರದ ನಂದೂರ್ಬಾರ್ ಜಿಲ್ಲೆಯಲ್ಲಿ 3 ತಿಂಗಳಲ್ಲಿ 179 ಶಿಶುಗಳ ಸಾವು
ಮಹಾರಾಷ್ಟ್ರದಲ್ಲಿರುವ ನಂದೂರ್ಬಾರ್ ಜಿಲ್ಲೆಯಲ್ಲಿ ಬುಡಕಟ್ಟು ಸಮುದಾಯದ ಜನರೇ ಹೆಚ್ಚಾಗಿದ್ದಾರೆ ಎಂಬುದು ಗಮನಾರ್ಹ ಸಂಗತಿ. ಈ ಮರಣಗಳಲ್ಲಿ ಶೇ. 70ರಷ್ಟು 28 ದಿನಗಳ ಒಳಗಿನ ಮಕ್ಕಳೇ ಸಾವನ್ನಪ್ಪಿದ್ದಾರೆ. ಈ ಪ್ರದೇಶವು ಮಹಾರಾಷ್ಟ್ರ ರಾಜ್ಯದಲ್ಲಿ ಅತಿ ಹೆಚ್ಚು ಅಪೌಷ್ಟಿಕತೆಯ ಪ್ರಮಾಣವನ್ನು ಹೊಂದಿದೆ.
ಮುಂಬೈ: ಕಳೆದ 3 ತಿಂಗಳಲ್ಲಿ ಮಹಾರಾಷ್ಟ್ರದ ನಂದೂರ್ಬಾರ್ ಸಿವಿಲ್ ಆಸ್ಪತ್ರೆಯಲ್ಲಿ 179 ಮಕ್ಕಳು ಸಾವನ್ನಪ್ಪಿದ್ದಾರೆ. ಜನನದ ವೇಳೆ ಕಡಿಮೆ ತೂಕ, ಜನನದ ವೇಳೆ ಉಸಿರುಗಟ್ಟುವಿಕೆ, ಸೆಪ್ಸಿಸ್ ಮತ್ತು ಉಸಿರಾಟದ ಕಾಯಿಲೆಗಳು ಸೇರಿದಂತೆ ಹಲವಾರು ಕಾರಣಗಳಿಂದ ನವಜಾತ ಶಿಶುಗಳ ಸಾವಿನ ಸಂಖ್ಯೆ ಹೆಚ್ಚಳವಾಗಿದೆ. ಮಹಾರಾಷ್ಟ್ರದಲ್ಲಿರುವ ನಂದೂರ್ಬಾರ್ ಜಿಲ್ಲೆಯಲ್ಲಿ ಬುಡಕಟ್ಟು ಸಮುದಾಯದ ಜನರೇ ಹೆಚ್ಚಾಗಿದ್ದಾರೆ ಎಂಬುದು ಗಮನಾರ್ಹ ಸಂಗತಿ.
ಈ ಮರಣಗಳಲ್ಲಿ ಶೇ. 70ರಷ್ಟು 28 ದಿನಗಳ ಒಳಗಿನ ಮಕ್ಕಳೇ ಸಾವನ್ನಪ್ಪಿದ್ದಾರೆ. ಈ ಪ್ರದೇಶವು ಮಹಾರಾಷ್ಟ್ರ ರಾಜ್ಯದಲ್ಲಿ ಅತಿ ಹೆಚ್ಚು ಅಪೌಷ್ಟಿಕತೆಯ ಪ್ರಮಾಣವನ್ನು ಹೊಂದಿದೆ. ಅಕಾಲಿಕ ಜನನಗಳು, ಕಡಿಮೆ ಜನನ ತೂಕ, ಹಾವು ಕಡಿತಗಳು, ಹೆರಿಗೆಯ ಸಮಯದಲ್ಲಿ ಸೆಪ್ಸಿಸ್, ನ್ಯುಮೋನಿಯಾ ಮತ್ತು ಅಪಘಾತಗಳಂತಹ ಅಸಂಖ್ಯಾತ ಕಾರಣಗಳಿಂದ ಶಿಶು ಮರಣವು ಹೆಚ್ಚುತ್ತಿದೆ.
ಇದನ್ನೂ ಓದಿ: ಮಕ್ಕಳಲ್ಲಿ ಹೆಚ್ಚುತ್ತಿದೆ ಡೆಂಗ್ಯೂ ಜ್ವರ; ಪೋಷಕರು ವಹಿಸಬೇಕಾದ ಮುನ್ನೆಚ್ಚರಿಕಾ ಕ್ರಮಗಳಿವು
ಜುಲೈನಲ್ಲಿ ಆಸ್ಪತ್ರೆಯಲ್ಲಿ 75 ಮಕ್ಕಳ ಸಾವುಗಳು ದಾಖಲಾಗಿತ್ತು. ಇದು ಆಗಸ್ಟ್‌ನಲ್ಲಿ 86ಕ್ಕೆ ಏರಿದೆ. ಸೆಪ್ಟೆಂಬರ್‌ನಲ್ಲಿ ಇಲ್ಲಿಯವರೆಗೆ 18 ಸಾವುಗಳು ವರದಿಯಾಗಿವೆ. ಅಸಮರ್ಪಕ ಸೌಲಭ್ಯಗಳಿಂದ ಗರ್ಭಿಣಿಯರು ಮತ್ತು ನವಜಾತ ಶಿಶುಗಳ ಜೀವನಕ್ಕೆ ತೊಂದರೆಯಾಗುತ್ತಿದೆ ಎಂದು ಸ್ಥಳೀಯ ಶಾಸಕ ಅಂಶ ಪದ್ವಿ ಆರೋಪಿಸಿದ್ದಾರೆ.