G 20 Summit; ಶೃಂಗಸಭೆಗೂ ಮುನ್ನ ಜಿ 20 ಅಧ್ಯಕ್ಷತೆಯಲ್ಲಿ ಭಾರತದ ಸಾಧನೆಗಳಿವು

ನವದೆಹಲಿ, ಸೆಪ್ಟೆಂಬರ್ 7: ಭಾರತವು ವಾರ್ಷಿಕ ಜಿ20 (G 20) ವಿದೇಶಾಂಗ ಮಂತ್ರಿಗಳ ಸಭೆಯನ್ನು ಯಶಸ್ವಿಯಾಗಿ ನಡೆಸಿ ‘ಫಾರಿನ್ ಮಿನಿಸ್ಟರ್ಸ್ ಔಟ್​​ಕಂ ಡಾಕ್ಯುಮೆಂಟ್ ಆ್ಯಂಡ್ ಚೇರ್ ಸಮ್ಮರಿ (FMM ODCS)’ ದಾಖಲೆ ಸಿದ್ಧಪಡಿಸುವ ಮೂಲಕ ಮುನ್ನಡೆ ಸಾಧಿಸಿದೆ. ಬಹುಪಕ್ಷೀಯತೆಯನ್ನು ಬಲಪಡಿಸುವುದು, ಭಯೋತ್ಪಾದನೆಯನ್ನು ಎದುರಿಸುವುದು ಮತ್ತು ಜಾಗತಿಕ ಆರೋಗ್ಯ ಕಾಳಜಿಗಳನ್ನು ಪರಿಹರಿಸುವುದು ಸೇರಿದಂತೆ ಸದಸ್ಯ ರಾಷ್ಟ್ರಗಳಿಗೆ ಸಂಬಂಧಿಸಿದ ನಿರ್ಣಾಯಕ ವಿಷಯಗಳನ್ನು ಈ ಸಮಗ್ರ ದಾಖಲೆ ಎತ್ತಿ ತೋರಿಸಿದೆ.

ಭಾರತದ ಅಧ್ಯಕ್ಷತೆಯಲ್ಲಿ ‘ವಾಯ್ಸ್ ಆಫ್ ದಿ ಗ್ಲೋಬಲ್ ಸೌತ್ ಸಮ್ಮಿಟ್’ ನಡೆಯಲಿದೆ. ಎರಡು ದಿನಗಳ ಕಾಲ ಹತ್ತು ಸೆಷನ್‌ಗಳಲ್ಲಿ 125 ದೇಶಗಳ ಭಾಗವಹಿಸುವಿಕೆಯೊಂದಿಗೆ, ಈ ಪ್ರಮುಖ ಶೃಂಗಸಭೆಯು ಅಭಿವೃದ್ಧಿಶೀಲ ರಾಷ್ಟ್ರಗಳ ಕಾಳಜಿ, ಆಲೋಚನೆಗಳು, ಸವಾಲುಗಳು ಮತ್ತು ಆದ್ಯತೆಗಳನ್ನು ಧ್ವನಿಸಲು ವೇದಿಕೆಯನ್ನು ಒದಗಿಸುತ್ತಿದೆ.

ಭಾರತದ ಅಧ್ಯಕ್ಷತೆಯ ಅವಧಿಯಲ್ಲಿ ಅಗ್ರಿಕಲ್ಚರ್ ಚೀಫ್ ಸೈಂಟಿಸ್ಟ್​​ಗಳ (MACS) ಜಿ 20 ಸಭೆಯು ಸಿರಿಧಾನ್ಯ ಮತ್ತು ಇತರ ಪ್ರಾಚೀನ ಧಾನ್ಯಗಳ ಅಂತರರಾಷ್ಟ್ರೀಯ ಸಂಶೋಧನಾ ಉಪಕ್ರಮವನ್ನು (MAHARISHI), ಪ್ರಾರಂಭಿಸುವುದನ್ನು ಬೆಂಬಲಿಸಿದೆ. ಇದು ಸಂಶೋಧಕರು ಮತ್ತು ಸಂಸ್ಥೆಗಳನ್ನು ಸಂಪರ್ಕಿಸಲು ಕಾರ್ಯವಿಧಾನಗಳನ್ನು ಸ್ಥಾಪಿಸುವ ಪ್ರಯತ್ನವಾಗಿದೆ. ಇತರ ಜಿ 20 ದೇಶಗಳಾದ್ಯಂತ ಮಾಹಿತಿ ಹಂಚಿಕೆಯನ್ನು ಉತ್ತೇಜಿಸಲು ಮತ್ತು ಸಾಮರ್ಥ್ಯ-ವರ್ಧನೆಯನ್ನು ಸಂಘಟಿಸಲು ಇದು ಒಂದು ಪ್ರಯತ್ನವಾಗಿದೆ.

ಜಿ 20 ಎಂಪವರ್ ಗುಂಪಿನ ಆರಂಭಿಕ ಸಭೆಯು ಭಾರತದ ಅಧ್ಯಕ್ಷತೆಯಲ್ಲಿ ನಡೆಯಿತು. ಮಹಿಳಾ ಆರ್ಥಿಕ ಪ್ರಾತಿನಿಧ್ಯದ ಸಬಲೀಕರಣ ಮತ್ತು ಪ್ರಗತಿಗಾಗಿ ಜಿ 20 ಅಲೈಯನ್ಸ್ (EMPOWER) ಎಂಬುದು ಜಿ 20 ವ್ಯಾಪಾರ ನಾಯಕರು ಮತ್ತು ಸರ್ಕಾರಗಳ ಒಕ್ಕೂಟವಾಗಿದ್ದು, ಖಾಸಗಿ ವಲಯದಲ್ಲಿ ಮಹಿಳಾ ನಾಯಕತ್ವ ಮತ್ತು ಸಬಲೀಕರಣವನ್ನು ವೇಗಗೊಳಿಸುವ ಗುರಿಯನ್ನು ಹೊಂದಿದೆ.

ಜಿ20 ಡಿಜಿಟಲ್ ಹಣಕಾಸು ಸಚಿವರ ಸಭೆಯ ನಂತರ, ಡಿಜಿಟಲ್ ಸಾರ್ವಜನಿಕ ಮೂಲಸೌಕರ್ಯಗಳನ್ನು (DPIs) ರಚಿಸುವ ಬಗ್ಗೆ ಒಮ್ಮತಕ್ಕೆ ಬರಲಾಯಿತು. ಅಲ್ಲದೆ, ‘ಡಿಜಿಟಲ್ ಆರ್ಥಿಕತೆಯಲ್ಲಿ ಸೈಬರ್ ಭದ್ರತೆ’ ಮತ್ತು ಡಿಜಿಟಲ್ ಕೌಶಲ್ಯಗಳ ಬಗ್ಗೆ ಒಮ್ಮತಕ್ಕೆ ಬರಲಾಯಿತು.

ಇದನ್ನೂ ಓದಿ: G20ಗಾಗಿ ದೆಹಲಿಯ ಬೀದಿಗಳಲ್ಲಿ ಚಿತ್ರ ಬಿಡಿಸಿ ಚಂದಗಾಣಿಸಿದ ಕಲಾವಿದ ಯೋಗೇಶ್ ಸೈನಿ ಪರಿಚಯ ಇಲ್ಲಿದೆ

ಜಿ20 ಅಧ್ಯಕ್ಷತೆಯಲ್ಲಿ, ಜಿ 20-ಮುಖ್ಯ ವಿಜ್ಞಾನ ಸಲಹೆಗಾರರ ​​ದುಂಡುಮೇಜಿನ (G20-CSAR) ಸಭೆಯನ್ನು ಸಹ ಪ್ರಾರಂಭಿಸಲಾಯಿತು. ಇದು ‘ರೋಗ ನಿಯಂತ್ರಣ ಮತ್ತು ಸಾಂಕ್ರಾಮಿಕ ಸನ್ನದ್ಧತೆಗಾಗಿ ಅವಕಾಶಗಳು; ವಿದ್ವತ್ಪೂರ್ಣ ವೈಜ್ಞಾನಿಕ ಜ್ಞಾನಕ್ಕೆ ಪ್ರವೇಶವನ್ನು ವಿಸ್ತರಿಸಲು ಜಾಗತಿಕ ಪ್ರಯತ್ನಗಳನ್ನು ಸಂಯೋಜಿಸುವುದು’ ವಿಷಯದಲ್ಲಿ ಕ್ರಿಯಾ-ಆಧಾರಿತ ಜಾಗತಿಕ ನೀತಿ ಸಂವಾದಕ್ಕಾಗಿ ಸಾಂಸ್ಥಿಕ ಕಾರ್ಯವಿಧಾನ ರೂಪುಗೊಳಿಸಲು ನೆರವಾಯಿತು.

ಬಹುಪಕ್ಷೀಯತೆಯನ್ನು ಸುಧಾರಿಸುವ ಮತ್ತು ಬಲಪಡಿಸುವ ಪ್ರಯತ್ನದಲ್ಲಿ, ಭಾರತವು ವಿಶ್ವಸಂಸ್ಥೆಯ ಭದ್ರತಾ ಮಂಡಳಿ ಮತ್ತು ಮಲ್ಟಿಲ್ಯಾಟರಲ್ ಡೆವಲಪ್‌ಮೆಂಟ್ ಬ್ಯಾಂಕ್‌ಗಳು (ಎಮ್‌ಡಿಬಿ) ಸೇರಿದಂತೆ ಅಂತರರಾಷ್ಟ್ರೀಯ ಸಂಸ್ಥೆಗಳ ಸುಧಾರಣೆಗಳ ಸುತ್ತಲಿನ ಚರ್ಚೆಗಳನ್ನು ಪುನರುಜ್ಜೀವನಗೊಳಿಸಿತು. 21 ನೇ ಶತಮಾನದ ಸವಾಲುಗಳನ್ನು ಎದುರಿಸಲು ಎಮ್‌ಡಿಬಿಗಳನ್ನು ಬಲಪಡಿಸಲು ಮತ್ತು ಅದರ ದಕ್ಷತೆಯನ್ನು ಸುಧಾರಿಸಲು ಶಿಫಾರಸುಗಳನ್ನು ಒದಗಿಸಲು ಸ್ವತಂತ್ರ ತಜ್ಞರ ಗುಂಪನ್ನು ಸ್ಥಾಪಿಸಲಾಯಿತು.

(ಮಾಹಿತಿ; ವಿವಿಧ ಮೂಲಗಳಿಂದ)

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ