ಈ ರಾಜ್ಯಗಳಲ್ಲಿ ಲಸಿಕೆ ಹಾಕದವರಿಗೆ ಉಚಿತ ಕೊವಿಡ್ ಚಿಕಿತ್ಸೆ ಇಲ್ಲ, ಪಡಿತರ ಮತ್ತು ಪಿಂಚಣಿಯೂ ಸಿಗಲ್ಲ; ಯಾವ ರಾಜ್ಯ ಯಾವ ರೀತಿಯ ಕ್ರಮ ಕೈಗೊಂಡಿದೆ?

ಈ ರಾಜ್ಯಗಳಲ್ಲಿ ಲಸಿಕೆ ಹಾಕದವರಿಗೆ ಉಚಿತ ಕೊವಿಡ್ ಚಿಕಿತ್ಸೆ ಇಲ್ಲ, ಪಡಿತರ ಮತ್ತು ಪಿಂಚಣಿಯೂ ಸಿಗಲ್ಲ; ಯಾವ ರಾಜ್ಯ ಯಾವ ರೀತಿಯ  ಕ್ರಮ ಕೈಗೊಂಡಿದೆ?
ಪ್ರಾತಿನಿಧಿಕ ಚಿತ್ರ

ನವೆಂಬರ್ 16 ರ ಹೊತ್ತಿಗೆ 100 ಜನಸಂಖ್ಯೆಗೆ ಜಾಗತಿಕ ಸರಾಸರಿ 96 ಡೋಸ್‌ಗಳ ವಿರುದ್ಧ, ಭಾರತವು ಪ್ರತಿ 100 ಕ್ಕೆ 81 ಅನ್ನು ಸಾಧಿಸಿದೆ. ಹಾಗೆಯೇ, ವಿಶ್ವದ ಜನಸಂಖ್ಯೆಯ ಶೇ 41 ಸಂಪೂರ್ಣವಾಗಿ ಲಸಿಕೆಯನ್ನು ಪಡೆದಿದೆ.

TV9kannada Web Team

| Edited By: Rashmi Kallakatta

Dec 01, 2021 | 11:39 AM

ಒಮ್ರಿಕಾನ್ (Omicron) ದಕ್ಷಿಣ ಆಫ್ರಿಕಾದಲ್ಲಿ ಕಂಡು ಬಂದ ಹೊಸ ಕೊವಿಡ್-19 (Covid 19) ರೂಪಾಂತರವು ಜಗತ್ತಿನಾದ್ಯಂತ ಆತಂಕಕಾರಿ ಸಂಕೇತಗಳನ್ನು ಕಳುಹಿಸುತ್ತಿದೆ. ಭೀತಿಯನ್ನು ಉಂಟುಮಾಡುವ, ಸುಮಾರು ಎರಡು ವರ್ಷಗಳ ನಂತರ ಪ್ರಯಾಣ ನಿಷೇಧವನ್ನು ತೆರೆಯುವ ದೇಶಗಳು ಮತ್ತೊಮ್ಮೆ ನಿರ್ಧಾರವನ್ನು ಪರಿಶೀಲಿಸುತ್ತಿವೆ. ಲಸಿಕೆ ಅಸಮಾನತೆಯು ರೂಪಾಂತರಕ್ಕೆ ಕಾರಣವಾಗಿದೆ ಎಂದು ತಜ್ಞರು ನಂಬಿರುವಾಗ, ಕೊವಿಡ್ ಲಸಿಕೆಗಳನ್ನು ತೆಗೆದುಕೊಳ್ಳಲು ಇನ್ನೂ ಇಷ್ಟವಿಲ್ಲದವರ ವಿರುದ್ಧ ಹಲವಾರು ದೇಶಗಳು ಕಠಿಣ ನಿಲುವು ತೆಗೆದುಕೊಳ್ಳುತ್ತಿವೆ. ಜಾಗತಿಕ ಸರಾಸರಿಯನ್ನು ಪರಿಗಣಿಸಿ, ಭಾರತದಲ್ಲಿ ಲಸಿಕೆ ವ್ಯಾಪ್ತಿಯು ತೀರಾ ಕಡಿಮೆಯಾಗಿದೆ. ಬುಧವಾರದ ಹೊತ್ತಿಗೆ ಭಾರತವು 1,24,10,86,850 ಜನರಿಗೆ ಲಸಿಕೆ ಹಾಕಿದೆ. ಟೈಮ್ಸ್ ಆಫ್ ಇಂಡಿಯಾ ವರದಿ ಪ್ರಕಾರ 5 ಕೋಟಿಗಿಂತಲೂ ಹೆಚ್ಚು ಜನಸಂಖ್ಯೆಯನ್ನು ಹೊಂದಿರುವ 29 ದೇಶಗಳಲ್ಲಿ ಭಾರತದ ಶ್ರೇಯಾಂಕವು ಕಳೆದ ಎರಡು ತಿಂಗಳುಗಳಲ್ಲಿ 100 ಜನಸಂಖ್ಯೆಗೆ ಡೋಸ್‌ಗಳ ಸಂಖ್ಯೆ ಮತ್ತು ಸಂಪೂರ್ಣವಾಗಿ ಲಸಿಕೆ ಪಡೆದ ಜನರ ಶೇಕಡಾವಾರು ಪ್ರಮಾಣದಲ್ಲಿ ಕುಸಿದಿದೆ. ನವೆಂಬರ್ 16 ರ ಹೊತ್ತಿಗೆ 100 ಜನಸಂಖ್ಯೆಗೆ ಜಾಗತಿಕ ಸರಾಸರಿ 96 ಡೋಸ್‌ಗಳ ವಿರುದ್ಧ, ಭಾರತವು ಪ್ರತಿ 100 ಕ್ಕೆ 81 ಅನ್ನು ಸಾಧಿಸಿದೆ. ಹಾಗೆಯೇ, ವಿಶ್ವದ ಜನಸಂಖ್ಯೆಯ ಶೇ 41 ಸಂಪೂರ್ಣವಾಗಿ ಲಸಿಕೆಯನ್ನು ಪಡೆದಿದೆ. ಭಾರತವು ತನ್ನ ಜನಸಂಖ್ಯೆಯ ಶೇ 27ಗೆ ಮಾತ್ರ ಎರಡೂ ಡೋಸ್‌ಗಳನ್ನು ನೀಡಿದೆ. ಕಡಿಮೆ ವ್ಯಾಕ್ಸಿನೇಷನ್ ದರಗಳ ಮಧ್ಯೆ, ಇನ್ನೂ ಲಸಿಕೆ ಹಾಕದಿರುವವರ ವಿರುದ್ಧ ಈ ಕ್ರಮ ತೆಗೆದುಕೊಳ್ಳಲು ಈ ಕೆಳಗಿನ ರಾಜ್ಯಗಳು ನಿರ್ಧರಿಸಿವೆ:

ಕೇರಳ ಕೊವಿಡ್ -19 ಲಸಿಕೆ ಪಡೆಯಲು ಇನ್ನೂ ಹಿಂಜರಿಯುತ್ತಿರುವ ಜನರಿಗೆ ಉಚಿತ ಕೊವಿಡ್ ಚಿಕಿತ್ಸೆಯನ್ನು ನೀಡದಿರಲು ಕೇರಳ ಸರ್ಕಾರ ಮಂಗಳವಾರ ನಿರ್ಧರಿಸಿದೆ. ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅಧ್ಯಕ್ಷತೆಯಲ್ಲಿ ನಡೆದ ಪರಿಶೀಲನಾ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ.

ಕರ್ನಾಟಕ ಕರ್ನಾಟಕದ ತಾಂತ್ರಿಕ ಸಲಹಾ ಸಮಿತಿಯು (TAC) ಸಾರ್ವಜನಿಕ ಸೌಲಭ್ಯಗಳಿಗೆ ಪ್ರವೇಶವನ್ನು ನಿರ್ಬಂಧಿಸಲು ಶಿಫಾರಸು ಮಾಡಿದೆ ಮತ್ತು ಲಸಿಕೆ ಹಾಕದ ನಿವಾಸಿಗಳಿಗೆ ಪಡಿತರ ಮತ್ತು ಪಿಂಚಣಿಯಂತಹ ಸರ್ಕಾರಿ ಪ್ರಯೋಜನಗಳನ್ನು ನಿರ್ಬಂಧಿಸುತ್ತದೆ. ಸಾರ್ವಜನಿಕ ಸಾರಿಗೆ, ಮೆಟ್ರೋ ರೈಲುಗಳು, ಹೋಟೆಲ್‌ಗಳು, ಶಾಪಿಂಗ್ ಕಾಂಪ್ಲೆಕ್ಸ್ ಮತ್ತು ಮಾಲ್‌ಗಳು, ಚಿತ್ರಮಂದಿರಗಳು ಮತ್ತು ಸಭಾಂಗಣಗಳು, ಈಜುಕೊಳಗಳು, ಉದ್ಯಾನಗಳು ಮತ್ತು ಉದ್ಯಾನವನಗಳು, ಗ್ರಂಥಾಲಯಗಳು, ಕಾರ್ಖಾನೆಗಳು ಮತ್ತು ಪ್ರದರ್ಶನಗಳಂತಹ ಸಾರ್ವಜನಿಕ ಸೌಲಭ್ಯಗಳನ್ನು ಬಳಸಲು ಸಂಪೂರ್ಣವಾಗಿ ಲಸಿಕೆ ಪಡೆದ ವಯಸ್ಕರಿಗೆ ಮಾತ್ರ ಅವಕಾಶ ನೀಡಬೇಕು ಎಂದು ಸಮಿತಿ ಸೂಚಿಸಿದೆ.

ಮಹಾರಾಷ್ಟ್ರ ಒಮಿಕ್ರಾನ್ ಭಯದ ನಡುವೆ, ಥಾಣೆ ಮೇಯರ್ ನರೇಶ್ ಮ್ಹಾಸ್ಕೆ ಅವರು ಯಾವುದೇ ಲಸಿಕೆ ಹಾಕದ ಪ್ರಯಾಣಿಕರು ಶೀಘ್ರದಲ್ಲೇ ಥಾಣೆ ನಿಗಮದ ಸಾರಿಗೆ ಬಸ್‌ಗಳನ್ನು ಹತ್ತಲು ಸಾಧ್ಯವಾಗುವುದಿಲ್ಲ. ಪ್ರಸ್ತುತ, ಸುಮಾರು ಶೇ 70 ಮಂದಿ ಥಾಣೆಯಲ್ಲಿ ಮೊದಲ ಡೋಸ್ ತೆಗೆದುಕೊಂಡಿದ್ದಾರೆ. ಆರಂಭದಲ್ಲಿ, ಒಂದೇ ಡೋಸ್ ಹೊಂದಿರುವವರಿಗೆ ಅನುಮತಿಸಲಾಗುವುದು, ಆದರೆ ಸ್ಥಳೀಯ ರೈಲುಗಳಂತೆ ಕ್ರಮೇಣ ಪೂರ್ಣ ವ್ಯಾಕ್ಸಿನೇಷನ್ ಅಗತ್ಯವಿರುತ್ತದೆ. ಪ್ರಯಾಣಿಕರಿಗೆ ಮೊದಲ ಕೊವಿಡ್ ವ್ಯಾಕ್ಸಿನೇಷನ್ ಪ್ರಮಾಣಪತ್ರವನ್ನು ತೋರಿಸಲು ಕೇಳಲಾಗುತ್ತದೆ ಆದರೆ ಸಂಪೂರ್ಣವಾಗಿ ಲಸಿಕೆಯನ್ನು ಪಡೆದವರು ತಮ್ಮ ಸಾರ್ವತ್ರಿಕ ಪ್ರಯಾಣದ ಪಾಸ್ ಅನ್ನು ಸಹ ನಗರದ ಮಿತಿಯೊಳಗೆ ಮತ್ತು ಅದರಾಚೆಗೆ ಬಸ್‌ಗಳಲ್ಲಿ ಪ್ರಯಾಣಿಸಲು ತೋರಿಸಬಹುದು ಎಂದಿದ್ದಾರೆ.

ಮಧ್ಯ ಪ್ರದೇಶ ಮಧ್ಯಪ್ರದೇಶದ   ಖಾಂಡ್ವಾ ಜಿಲ್ಲಾ ಅಬಕಾರಿ ಕಚೇರಿಯಲ್ಲಿ ಕೊವಿಡ್ -19 ಲಸಿಕೆಯ ಎರಡೂ ಡೋಸ್‌ಗಳನ್ನು ಪಡೆದವರಿಗೆ ಮಾತ್ರ ಮದ್ಯವನ್ನು ಮಾರಾಟ ಮಾಡಲಾಗುವುದು ಎಂದು ಘೋಷಿಸಿದರು. ಖಾಂಡ್ವಾದಾದ್ಯಂತ ಇರುವ 74 ಮದ್ಯದಂಗಡಿಗಳಿಗೆ ಈ ಹೊಸ ನಿಯಮದ ಬಗ್ಗೆ ತಿಳಿಸಲಾಗಿದೆ ಎಂದು ಆದೇಶವು ಹೇಳುತ್ತದೆ. ಇದು ಮದ್ಯವನ್ನು ಖರೀದಿಸಲು ಅರ್ಹರಾಗಲು ಗ್ರಾಹಕರು ಸಂಪೂರ್ಣವಾಗಿ ಚುಚ್ಚುಮದ್ದನ್ನು ಪಡೆಯಬೇಕಾಗುತ್ತದೆ. ರಾಜ್ಯವು ತನ್ನ ಮೆಗಾ ವ್ಯಾಕ್ಸಿನೇಷನ್ ಅಭಿಯಾನವನ್ನು ಮುಂದುವರೆಸುತ್ತಿರುವುದರಿಂದ ನಾಗರಿಕರಲ್ಲಿ ವ್ಯಾಕ್ಸಿನೇಷನ್ ಅನ್ನು ಹೆಚ್ಚಿಸುವ ಪ್ರಯತ್ನದಲ್ಲಿ ಈ ಕ್ರಮವನ್ನು ತೆಗೆದುಕೊಳ್ಳಲಾಗಿದೆ ಎಂದು ಆದೇಶವು ಸೂಚಿಸಿದೆ.

ಇದನ್ನೂ ಓದಿ: ಸ್ಥಾನಿಕ ವೈದ್ಯರಿಗೆ ಕೊವಿಡ್ ಭತ್ಯೆ ಲಭ್ಯವಾಗಿಲ್ಲ; ಭರವಸೆ ಈಡೇರಿಸದ ಸರ್ಕಾರದ ವಿರುದ್ಧ ವೈದ್ಯರ ಪ್ರತಿಭಟನೆ

Follow us on

Related Stories

Most Read Stories

Click on your DTH Provider to Add TV9 Kannada