ಅನುಮಾನದ ವಾತಾವರಣ ಸೃಷ್ಟಿಸುವ ಯತ್ನ: ಮತದಾರರ ಅಂಕಿ-ಅಂಶಗಳ ಕುರಿತು ಸಿಇಸಿ ರಾಜೀವ್ ಕುಮಾರ್

ದೆಹಲಿ ಮೇ 25: ಫಾರ್ಮ್ 17ಸಿ ಡೇಟಾ ಮತ್ತು ಬೂತ್‌ವಾರು ಮತದಾನದ ಕುರಿತು ಯಾವುದೇ ನಿರ್ದೇಶನ ನೀಡಲು ನಿರಾಕರಿಸಿದ ಸುಪ್ರೀಂ ಕೋರ್ಟ್‌ನ (Supreme  Court) ತೀರ್ಪಿನ ಕುರಿತು ಮುಖ್ಯ ಚುನಾವಣಾ ಆಯುಕ್ತ (CEC) ರಾಜೀವ್ ಕುಮಾರ್ (Rajiv Kumar) ಶನಿವಾರ ಪ್ರತಿಕ್ರಿಯಿಸಿದ್ದಾರೆ. “ಅವರು ಸತ್ಯವನ್ನು ಒಪ್ಪಿಕೊಂಡಿದ್ದಾರೆ. ಅನುಮಾನದ ವಾತಾವರಣವನ್ನು ಸೃಷ್ಟಿಸುವ ಪ್ರಯತ್ನವನ್ನು ಮಾಡಲಾಗಿದೆ. ನಾವು ಈ ಬಗ್ಗೆ ಒಂದು ದಿನ ಖಚಿತವಾಗಿ ಎಲ್ಲರೊಂದಿಗೆ ಚರ್ಚಿಸುತ್ತೇವೆ” ಎಂದು ಕುಮಾರ್ ಹೇಳಿದ್ದಾರೆ ಎಂದು ಎಎನ್ಐ ವರದಿ ಮಾಡಿದೆ.

ದೇಶದ ಚುನಾವಣಾ ಪ್ರಕ್ರಿಯೆಯ ಸಮಗ್ರತೆಗೆ ಸಂಬಂಧಿಸಿದ ಕಳವಳಗಳನ್ನು ಪರಿಹರಿಸಲು ತಮ್ಮ ಬದ್ಧತೆಯನ್ನು ವ್ಯಕ್ತಪಡಿಸಿದ ಚುನಾವಣಾ ಆಯೋಗದ ಮುಖ್ಯಸ್ಥರು, “ಇಲ್ಲಿ ಏನು ನಾಟಕ ಮಾಡಲಾಗಿದೆ, ಸಂಶಯಗಳನ್ನು ಏಕೆ ಸೃಷ್ಟಿಸಲಾಗಿದೆ ಮತ್ತು ಏಕೆ ಅನುಮಾನಗಳನ್ನು ಹುಟ್ಟುಹಾಕಲಾಗಿದೆ ಈ ಬಗ್ಗೆ ನಾವು ಎಲ್ಲವನ್ನು ಒಂದು ದಿನ ಬಹಿರಂಗಪಡಿಸುತ್ತೇವೆ ಎಂದು ಹೇಳಿದರು.

ರಾಜೀವ್ ಕುಮಾರ್ ಮಾತು

“ಇವಿಎಂಗಳು ಸರಿಯಾಗಿ ಕೆಲಸ ಮಾಡುತ್ತಿಲ್ಲ, ಮತದಾರರ ಪಟ್ಟಿ ತಪ್ಪಾಗಿರಬಹುದು, ಅಥವಾ ಮತದಾನದ ಸಂಖ್ಯೆಗಳನ್ನು ತಿರುಚಿರಬಹುದು ಎಂಬ ಅನುಮಾನ ಜನರ ಮನಸ್ಸಿನಲ್ಲಿ ಹೇಗೆ ಹುಟ್ಟುತ್ತದೆ. ಸುಪ್ರೀಂ ಕೋರ್ಟ್ ನಿನ್ನೆ ತನ್ನ ಉತ್ತರವನ್ನು ನೀಡಿದೆ. ಆದರೆ ನಾವು ನಮ್ಮ ಉತ್ತರವನ್ನು ಖಂಡಿತವಾಗಿ ನೀಡುತ್ತೇವೆ ಎಂದು ಅವರು ಹೇಳಿದರು.

ಶುಕ್ರವಾರ, ನ್ಯಾಯಮೂರ್ತಿಗಳಾದ ದೀಪಂಕರ್ ದತ್ತಾ ಮತ್ತು ಸತೀಶ್ ಚಂದ್ರ ಶರ್ಮಾ ಅವರ ರಜಾಕಾಲದ ಪೀಠವು ದೃಢೀಕೃತ ಮತದಾರರ ದಾಖಲೆಗಳನ್ನು ತಕ್ಷಣವೇ ಬಹಿರಂಗಪಡಿಸಬೇಕು ಎಂಬ ಮನವಿಯ ಮೇಲೆ ಚುನಾವಣಾ ಸಮಿತಿಗೆ ಯಾವುದೇ ನಿರ್ದೇಶನಗಳನ್ನು ನೀಡಲು ನಿರಾಕರಿಸಿತು.

ಚುನಾವಣಾ ಪ್ರಕ್ರಿಯೆಯಲ್ಲಿ ನ್ಯಾಯಾಂಗ ಹಸ್ತಕ್ಷೇಪದ ಸಂಭಾವ್ಯ ಪರಿಣಾಮಗಳನ್ನು ಸುಪ್ರೀಂಕೋರ್ಟ್ ಪೀಠವು ಎತ್ತಿ ತೋರಿಸಿದೆ.

ಚುನಾವಣಾ ಆಯೋಗವು ಸುಪ್ರೀಂ ಕೋರ್ಟ್‌ಗೆ ಅಫಿಡವಿಟ್ ಸಲ್ಲಿಸಿದ್ದು, ನಮೂನೆ 17ಸಿ (ಪ್ರತಿ ಮತಗಟ್ಟೆಯಲ್ಲಿ ಚಲಾವಣೆಯಾದ ಮತಗಳ ದಾಖಲೆಗಳು) ಆಧಾರದ ಮೇಲೆ ಮತದಾರರ ಮತದಾನದ ದತ್ತಾಂಶವು ಮತದಾರರಲ್ಲಿ ಗೊಂದಲವನ್ನು ಉಂಟುಮಾಡುತ್ತದೆ. ಏಕೆಂದರೆ ಇದು ಅಂಚೆ ಮತಪತ್ರ ಎಣಿಕೆಗಳನ್ನು ಒಳಗೊಂಡಿರುತ್ತದೆ ಎಂದು ಹೇಳಿದೆ.

“ಈ ಬಾರಿ ನಾವು ಅದನ್ನು ಹೆಚ್ಚು ಒಳಗೊಳ್ಳಲು ಸಾಕಷ್ಟು ಪ್ರಯತ್ನಗಳನ್ನು ಮಾಡಿದ್ದೇವೆ. ಎಲ್ಲರೂ ಬಂದು ಮತ ಹಾಕಿದರು. ಇಡೀ ದೇಶದಾದ್ಯಂತ ಉತ್ತಮ ಮತದಾನವಾಗಿದೆ. ಜಮ್ಮು ಮತ್ತು ಕಾಶ್ಮೀರ, ತ್ರಿಪುರ, ಬಂಗಾಳ, ತಮಿಳುನಾಡು, ಕೇರಳ, ಕರ್ನಾಟಕ, ಆಂಧ್ರಪ್ರದೇಶ, ತೆಲಂಗಾಣ, ಮಧ್ಯಪ್ರದೇಶ ಮತ್ತು ರಾಜಸ್ಥಾನದಲ್ಲಿ ಮತದಾನ ಎಷ್ಟು ಚೆನ್ನಾಗಿ ನಡೆಯುತ್ತಿದೆ ಎಂಬುದನ್ನು ನೋಡಿ. ಎಷ್ಟು ಜನರು ಉತ್ಸಾಹದಿಂದ ಮತ ಚಲಾಯಿಸಲು ಬಂದರು,” ಎಂದು ಸಿಇಸಿ ಹೇಳಿದೆ.

ಇದನ್ನೂ ಓದಿ: ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿ ಗೆಲುವಿನ ಭವಿಷ್ಯ ನುಡಿದ ಯೋಗೇಂದ್ರ ಯಾದವ್; ಲೆಕ್ಕಾಚಾರ ಹೀಗಿದೆ

ಅವರು ತಮ್ಮ 95 ವರ್ಷದ ತಂದೆ, ಪತ್ನಿ ಮತ್ತು ಮಗಳ ಜೊತೆಗೆ ಮತದಾನದ ವೈಯಕ್ತಿಕ ಅನುಭವವನ್ನು ಹಂಚಿಕೊಂಡ ಅವರು ಪ್ರತಿಯೊಬ್ಬ ನಾಗರಿಕರಿಗೂ ಮತದಾನದ ಮಹತ್ವವನ್ನು ಒತ್ತಿ ಹೇಳಿದರು.

“ನಾನು ಮೊದಲ ಬಾರಿಗೆ ಮತ ಚಲಾಯಿಸಿದಾಗ, ನಾನು ನನ್ನ ತಂದೆಯೊಂದಿಗೆ ಹೋಗಿದ್ದೆ. ಇಂದು ನಾನು ನನ್ನೊಂದಿಗೆ 95 ವರ್ಷ ವಯಸ್ಸಿನ ನನ್ನ ತಂದೆಯನ್ನು ನನ್ನೊಂದಿಗೆ ಕರೆತಂದಿದ್ದೇನೆ, ಅವರು ಇಂದು ನನ್ನೊಂದಿಗೆ ಮತ ಹಾಕಿದರು, ಮತ್ತು ನನ್ನ ಹೆಂಡತಿ ಮತ್ತು ಮಗಳು ಸಹ ನನ್ನೊಂದಿಗೆ ಇದ್ದಾರೆ. , ಮೂರು ತಲೆಮಾರುಗಳು ಒಟ್ಟಾಗಿ ಮತ ಚಲಾಯಿಸಿರುವುದು ನನಗೆ ಹೆಮ್ಮೆಯ ವಿಷಯವಾಗಿದೆ. ಪ್ರತಿಯೊಬ್ಬ ಮತದಾರರು ಖಂಡಿತವಾಗಿಯೂ ದೇಶದಾದ್ಯಂತ, ಪ್ರತಿಯೊಬ್ಬ ಯುವಕರು, ಪ್ರತಿಯೊಬ್ಬ ವ್ಯಕ್ತಿಯೂ ಮತ ಚಲಾಯಿಸಬೇಕು ಎಂದು ಚುನಾವಣಾ ಸಮಿತಿಯ ಮುಖ್ಯಸ್ಥರು ಹೇಳಿದ್ದಾರೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ