ವೀರ್ ದಾಸ್ ಅವರ ‘ಟು ಇಂಡಿಯಾಸ್’ ವಿಷಯ ಟೀಕಿಸಿದ ಚೇತನ್ ಭಗತ್‌ಗೆ ಟ್ವೀಟಿಗರ ತಪರಾಕಿ

ಸ್ಟ್ಯಾಂಡ್-ಅಪ್ ಕಾಮಿಡಿಯನ್ ವೀರ್ ದಾಸ್ (Vir Das )ಅವರು ಕೆನಡಿ ಸೆಂಟರ್‌ನಲ್ಲಿ ‘ಟು ಇಂಡಿಯಾಸ್’ (Two Indias) ಕುರಿತು ಸ್ವಗತವನ್ನು ನೀಡಿ ಸುದ್ದಿಯಾದ ನಂತರ, ಲೇಖಕ ಚೇತನ್ ಭಗತ್ (Chetan Bhagat) ಗೆ ವೀರ್ ದಾಸ್ ನ್ನು ಟ್ವಿಟರ್ ನಲ್ಲಿ ಟೀಕೆ ಮಾಡಿದ್ದಾರೆ. ಏತನ್ಮಧ್ಯೆ, ನಟಿ ಕಂಗನಾ ರನೌತ್ (Kangana Ranaut) ವೀರ್ ದಾಸ್ ಅವರನ್ನು “ಕ್ರಿಮಿನಲ್” ಎಂದು ಹೇಳಿದ್ದು, ನವೆಂಬರ್ 16 ಮಂಗಳವಾರದಂದು “ಭಾರತದ ವಿರುದ್ಧ ಅವಹೇಳನಕಾರಿ ಹೇಳಿಕೆಗಳನ್ನು” ನೀಡಿದ ದಾಸ್ ವಿರುದ್ಧ ದೂರು ದಾಖಲಿಸಲಾಗಿದೆ. ಬಿಜೆಪಿ-ಮಹಾರಾಷ್ಟ್ರ ಪಾಲ್ಘರ್ ಜಿಲ್ಲೆಯ ಕಾನೂನು ಸಲಹೆಗಾರರಾಗಿ ಸೇವೆ ಸಲ್ಲಿಸುತ್ತಿರುವ ಹೈಕೋರ್ಟ್ ವಕೀಲ ಅಶುತೋಷ್ ದುಬೆ (Ashutosh Dubey) ಅವರು ವೀರ್ ದಾಸ್ ವಿರುದ್ಧ ಮುಂಬೈ ಪೊಲೀಸರಿಗೆ ದೂರು ನೀಡಿದ್ದಾರೆ. ವಿವಾದದ ಕುರಿತು ಚೇತನ್ ಭಗತ್ ಟ್ವೀಟ್ ಮಾಡಿದ್ದು ನೆಟ್ಟಿಗರಿಗೆ ರುಚಿಸಲಿಲ್ಲ. “ನಾನು ನನ್ನ ತಾಯಿಯೊಂದಿಗೆ ಜಗಳವಾಡಬಹುದು ಅಥವಾ ಅನೇಕ ತಪ್ಪುಗಳನ್ನು ಕಂಡುಕೊಳ್ಳಬಹುದು. ಆದರೆ ನಾನು ನೆರೆಯ ಮನೆಯಲ್ಲಿ ಅವಳನ್ನು ಟೀಕಿಸಲು ಹೋಗುವುದಿಲ್ಲ. ನನ್ನ ದೇಶದಲ್ಲಿ ನೂರು ತಪ್ಪುಗಳನ್ನು ನಾನು ಕಾಣಬಹುದು ಆದರೆ ಅಂತರಾಷ್ಟ್ರೀಯ ವೇದಿಕೆಯಲ್ಲಿ ನಾನು ಅದನ್ನು ಸಾರ್ವಜನಿಕವಾಗಿ ಟೀಕಿಸುವುದಿಲ್ಲ. ಬಹುಶಃ ಇದು ನಾನು ಮಾತ್ರ, ಆದರೆ ಕೆಲವು ಕೆಲಸಗಳನ್ನು ಮಾಡಲಾಗಿಲ್ಲ.” ಎಂದು ಚೇತನ್ ಭಗತ್ ಟ್ವೀಟಿಸಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿದ ಟ್ವೀಟಿಗರು ಕುಟುಂಬದ ವಿಷಯಗಳು ಎಷ್ಟೇ ವಿಷಕಾರಿಯಾಗಿದ್ದರೂ ಅದನ್ನು ಮರೆಮಾಚಬಾರದು ಎಂದು ಪ್ರತಿಕ್ರಿಯಿಸಿದ್ದಾರೆ . 

I may fight or find many faults with my mother but I won’t go criticising her in the neighbours house. I may find a hundred things wrong with my country but I won’t go criticise it publicly on an international stage. Maybe it’s just me, but some things are just not done.

— Chetan Bhagat (@chetan_bhagat) November 18, 2021

ಕೆಲವೊಂದು ಪ್ರತಿಕ್ರಿಯೆ ಹೀಗಿದೆ ನಿಮ್ಮ ಪತಿ ನಿಮ್ಮನ್ನು ಹೊಡೆಯುತ್ತಾರೆ ಎಂದು ಹೊರಗಿನವರಿಗೆ ಹೇಳಬೇಡಿ, ನಿಮ್ಮ ಕೊಳಕು ಬಟ್ಟೆಯನ್ನು ಸಾರ್ವಜನಿಕವಾಗಿ ತೊಳೆಯಬೇಡಿ ಬ್ಲಾ ಬ್ಲಾ”. ಇಂದಿನ ಡಿಜಿಟಲ್, ಜಾಗತೀಕರಣದ ಜಗತ್ತಿನಲ್ಲಿ ಭಾರತದಲ್ಲಿ ಏನಾಗುತ್ತದೆ, ಒಳ್ಳೆಯದು ಅಥವಾ ಕೆಟ್ಟದು ಎಂದು ಜನರಿಗೆ ತಿಳಿದಿಲ್ಲ ಎಂದು ನೀವು ಭಾವಿಸುತ್ತೀರಾ?ಎಂದು ನಿಧಿ ರಜ್ದಾನ್ ಟ್ವೀಟ್ ಮಾಡಿದ್ದಾರೆ.

“Don’t tell outsiders your husband beats you, don’t wash your dirty linen in public blah blah”. Do you think in today’s digital, globalised world people don’t know what happens in India, good or bad ? Come on Chetan https://t.co/rOjgYnWgPS

— Nidhi Razdan (@Nidhi) November 18, 2021

ಟ್ವೀಟ್ ಪುಸ್ತಕಕ್ಕಿಂತ ಕೆಟ್ಟದಾಗಿದೆ ಎಂದು ಆರಿಫ್ ಇಕ್ಬಾಲ್ ಎಂಬವರು ಪ್ರತಿಕ್ರಿಯಿಸಿದ್ದಾರೆ.

The tweet is worse than the books! ?

— Arif Iqbal (@TheAdvIqbal) November 18, 2021

‘ಈ ಪೆಟ್ಟು ನಿಮ್ಮ ಒಳಿತಿಗಾಗಿ’ ಎಂದು ನಿಮ್ಮನ್ನು ನಂಬುವಂತೆ ಮಾಡುವ ನಿಂದನೀಯ ಪೋಷಕರನ್ನು ನೀವು ಹೊಂದಿರುವಾಗ, ಉಳಿದಿರುವ ಏಕೈಕ ಆಶ್ರಯವೆಂದರೆ ಬಾಹ್ಯ ಸಹಾಯವನ್ನು ಪಡೆಯುವುದು ಎಂದು ನೀರಜ್ ಘಯ್ವಾನ್ ಟ್ವೀಟ್ ಮಾಡಿದ್ದಾರೆ.

When you have abusive parents who gaslight you into believing ‘these lashes are for your own good,’ the only recourse left is to seek external help. https://t.co/HMXS9g6SAq

— Neeraj Ghaywan (@ghaywan) November 18, 2021

ಇದು ನಿಮ್ಮ ತಂದೆ ನಿಮ್ಮ ತಾಯಿಯನ್ನು ಪ್ರತಿದಿನ ಹೊಡೆಯುತ್ತಾರೆ ಎಂದು ಹೇಳುವಂತಿದೆ. ಆದರೆ ನೀವು ಅವರನ್ನು ಅಕ್ಕಪಕ್ಕದ ಮನೆಯಲ್ಲಿ ಟೀಕಿಸಲು ಹೋಗುವುದಿಲ್ಲ ಅಥವಾ ದೂರು ದಾಖಲಿಸಲು ಹೋಗುವುದಿಲ್ಲ . ಘರ್ ಕಿ ಬಾತ್ ಘರ್ ಮೈ ರೆಹನಿ ಚಾಹಿಯೇ(ಮನೆ ವಿಷಯ ಮನೆಯಲ್ಲೇ ಇರಬೇಕು) ದೇಶದಲ್ಲಿ ನೂರು ತಪ್ಪುಗಳನ್ನು ಕಾಣಬಹುದು ಆದರೆ ನೀವು ಅದನ್ನು ಸಾರ್ವಜನಿಕವಾಗಿ ಅಥವಾ ಅಂತರರಾಷ್ಟ್ರೀಯ ವೇದಿಕೆಯಲ್ಲಿ ಟೀಕಿಸಬಾರದು ಎಂದು ಅಮನ್ ಎಂಬವರು ಟ್ವೀಟ್ ಮಾಡಿದ್ದಾರೆ.

It’s like saying your father beats your mom everyday, but u won’t go criticising him in d neighbours house or register a complaint cz ghar ki baat ghar mai rehni chahiye.

U may find a hundred things wrong with d country but u can’t criticise it publicly or on an int. stage.

— Aman???? (@BhaiKuchBhi) November 18, 2021

ಮಂಗಳವಾರ ವೀರ್ ಅವರು ತಮ್ಮ ಸ್ವಗತದಲ್ಲಿ “ನಾನು ಎರಡು ಭಾರತದಿಂದ ಬಂದಿದ್ದೇನೆ” ಎಂಬ ತನ್ನ ಕಾಮೆಂಟ್‌ಗಳು ದೇಶವನ್ನು ಅವಮಾನಿಸುವ ಉದ್ದೇಶವನ್ನು ಹೊಂದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ದಾಸ್ ಅವರು “ನಾನು ಎರಡು ಭಾರತದಿಂದ ಬಂದಿದ್ದೇನೆ” ಎಂಬ ಶೀರ್ಷಿಕೆಯ ವಿಡಿಯೊವನ್ನು ಯೂಟ್ಯೂಬ್‌ನಲ್ಲಿ ಅಪ್‌ಲೋಡ್ ಮಾಡಿದ್ದಾರೆ. ವಾಷಿಂಗ್ಟನ್ DC ಯಲ್ಲಿನ ಜಾನ್ ಎಫ್ ಕೆನಡಿ ಕೇಂದ್ರದಲ್ಲಿ ಇತ್ತೀಚಿನ ಪ್ರದರ್ಶನದಲ್ಲಿ ವೀರ್ ದಾಸ್ ಈ ಸ್ವಗತ ಹೇಳಿದ್ದರು. ಆರು ನಿಮಿಷಗಳ ವಿಡಿಯೊದಲ್ಲಿ ಅವರು ದೇಶದ ದ್ವಂದ್ವವನ್ನು ವಿವರಿಸುತ್ತಾರೆ ಮತ್ತು ಭಾರತವು ಎದುರಿಸುತ್ತಿರುವ ಕೆಲವು ನಿರ್ಣಾಯಕ ಸಮಸ್ಯೆಗಳನ್ನು ಉಲ್ಲೇಖಿಸಿದ್ದಾರೆ. ಕೊವಿಡ್ -19 ವಿರುದ್ಧದ ಹೋರಾಟ, ಮಹಿಳಾ ಸುರಕ್ಷತೆ, ಹಾಸ್ಯನಟರ ವಿರುದ್ಧ ರೈತರ ಪ್ರತಿಭಟನೆಗಳವರೆಗೆ ಅವರು ವಿಷಯಗಳನ್ನು ತಮ್ಮ ಸ್ವಗತದಲ್ಲಿ ಹೇಳಿದ್ದರು. ಅನೇಕರು ಧೈರ್ಯದ ಕಾರ್ಯವನ್ನು ಶ್ಲಾಘಿಸಿದರೆ, ಕೆಲವರು ಸಾರ್ವಜನಿಕವಾಗಿ ‘ಕೊಳಕು ಬಟ್ಟೆ ತೊಳೆದಿದ್ದಾರೆ’ ಎಂದು ಟೀಕಿಸಿದರು.

ಇದನ್ನೂ ಓದಿ: Vir Das: ಭಾರತದ ಕುರಿತು ವಿವಾದಿತ ಹೇಳಿಕೆ ನೀಡಿದ್ದ ಕಾಮಿಡಿಯನ್ ವೀರ್ ದಾಸ್ ವಿರುದ್ಧ ದೂರು ದಾಖಲು