ಕೊವಿಡ್ ಲಸಿಕೆ ಸ್ಥಿತಿ, ಸೋಂಕಿನ ಪ್ರಮಾಣ ಗಮನಿಸಿದರೆ ಕೊರೊನಾವೈರಸ್ ಸಾಂಕ್ರಾಮಿಕ ರೋಗವು ಶೀಘ್ರದಲ್ಲೇ ಎಂಡೆಮಿಕ್ ಆಗಬಹುದು: ಏಮ್ಸ್ ವೈದ್ಯರು

ದೆಹಲಿ:  ಕೊವಿಡ್ -19 ಸಾಂಕ್ರಾಮಿಕವು ಎಂಡೆಮಿಕ್ (endemic) ಹಂತಕ್ಕೆ(ಸೀಮಿತ ಸೋಂಕು) ಸಾಗುತ್ತಿದೆ ಎಂದು ದೆಹಲಿಯ ಆಲ್ ಇಂಡಿಯಾ ಇನ್‌ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್ (AIIMS) ನ ಹಿರಿಯ ಸಾಂಕ್ರಾಮಿಕ ರೋಗಶಾಸ್ತ್ರಜ್ಞರು ಭಾನುವಾರ ಹೇಳಿದ್ದಾರೆ. ಕೊವಿಡ್ ವ್ಯಾಕ್ಸಿನೇಷನ್ (Covid vaccination) ಸ್ಥಿತಿಯನ್ನು ಗಮನಿಸಿದರೆ  ಬಹುಪಾಲು ಜನರು ಶೀಘ್ರದಲ್ಲೇ ಸೋಂಕಿಗೆ ಒಳಗಾಗುತ್ತಾರೆ. ನಂತರ ವೈರಸ್ ಎಂಡೆಮಿಕ್ ವೈರಸ್ ಆಗುತ್ತದೆ ಆಗುತ್ತದೆ ಎಂದು ತಜ್ಞರು ಹೇಳಿರುವುದಾಗಿ ಎಎನ್ಐ ವರದಿ ಮಾಡಿದೆ. ಎಂಡೆಮಿಕ್ ರೋಗದ ಹಂತ  ಎಂದರೆ ಸ್ಥಿರವಾಗಿ ಕಂಡುಬರುವ ಆದರೆ ಒಂದು ನಿರ್ದಿಷ್ಟ ಪ್ರದೇಶಕ್ಕೆ ಸೀಮಿತವಾದ ರೋಗವಾಗಿದೆ. ಕೊಲಂಬಿಯಾ ವಿಶ್ವವಿದ್ಯಾನಿಲಯದ ಮೇಲ್‌ಮ್ಯಾನ್ ಸ್ಕೂಲ್ ಆಫ್ ಪಬ್ಲಿಕ್ ಹೆಲ್ತ್ ಪ್ರಕಾರ ಇದು ರೋಗ ಹರಡುವಿಕೆ ಮತ್ತು ದರಗಳನ್ನು ಊಹಿಸಬಹುದಾಗಿದೆ. ಲಸಿಕೆ ಹಾಕಿದ ವ್ಯಕ್ತಿಗಳು ಅನುಸರಿಸುತ್ತಿರುವ ವೈಜ್ಞಾನಿಕ ಪುರಾವೆಗಳ ಆಧಾರದ ಮೇಲೆ ಕೊವಿಡ್‌ನಿಂದ ಚೇತರಿಸಿಕೊಂಡವರು ಉತ್ತಮ-ರಕ್ಷಣೆ ಪಡೆದ ಜನರು ಎಂದು ಡಾ ಸಂಜಯ್ ರಾಯ್ ಹೇಳಿದರು. ಒಮಿಕ್ರಾನ್‌ ಒಟ್ಟಾರೆ ತೀವ್ರತೆ ಕಡಿಮೆಯಾಗಿದೆ ಮತ್ತು ಆದ್ದರಿಂದ ನಮ್ಮಲ್ಲಿ ಹೆಚ್ಚಿನವರು ಸೋಂಕಿಗೆ ಒಳಗಾಗುತ್ತಾರೆ ಎಂದು ರಾಯ್ ಹೇಳಿದರು. “ಪ್ರಸ್ತುತ ವೈಜ್ಞಾನಿಕ ಪುರಾವೆಗಳ ಆಧಾರದ ಮೇಲೆ ಕೊವಿಡ್​ನಿಂದ ಚೇತರಿಸಿಕೊಂಡವರನ್ನು ನಾವು ನೋಡಬಹುದು. ಅವರು ಸದ್ಯಕ್ಕೆ ಉತ್ತಮ-ರಕ್ಷಣೆ ಪಡೆದ ವ್ಯಕ್ತಿಯಾಗಿದ್ದಾರೆ, ನಂತರ ಎರಡನೇ ಅತ್ಯುತ್ತಮ ರಕ್ಷಣಾತ್ಮಕ ವ್ಯಕ್ತಿ ಲಸಿಕೆಯನ್ನು ಪಡೆದವರು” ಎಂದು ಅವರು ಹೇಳಿದರು.

ಜನಸಾಂದ್ರತೆಯಿಂದಾಗಿ ದೇಶದಲ್ಲಿ ಮತ್ತು ಮುಖ್ಯವಾಗಿ ದೆಹಲಿ ಮತ್ತು ಮುಂಬೈನಂತಹ ಮೆಟ್ರೋ ನಗರಗಳಲ್ಲಿ ಒಮಿಕ್ರಾನ್ ಹರಡುವಿಕೆ ನಡೆಯುತ್ತಿದೆ ಎಂದು ಡಾ ರಾಯ್ ಹೇಳಿದರು. ಆದರೂ ಗ್ರಾಮೀಣ ಪ್ರದೇಶಗಳಲ್ಲಿ ಮತ್ತು ಭಾರತದ ಪೂರ್ವ ಭಾಗದಲ್ಲಿ ವೈರಸ್‌ನ ಪ್ರಗತಿ ನಿಧಾನವಾಗಿದೆ.

ಏತನ್ಮಧ್ಯೆ, ಒಮಿಕ್ರಾನ್  ರೂಪಾಂತರವು ಭಾರತದಲ್ಲಿ ಸಮುದಾಯ ಪ್ರಸರಣ ಹಂತದಲ್ಲಿದೆ ಮತ್ತು ಹೊಸ ಪ್ರಕರಣಗಳು ಹಲವು ಮೆಟ್ರೊ ನಗರಗಳಲ್ಲಿ ತೀವ್ರವಾಗಿ ಪ್ರಬಲವಾಗಿದೆ ಎಂದು INSACOG ಜನವರಿ 23 ರಂದು ಬಿಡುಗಡೆ ಮಾಡಿದ ಬುಲೆಟಿನ್ ನಲ್ಲಿ ತಿಳಿಸಿದೆ.

ಜನವರಿ 23 ರಂದು ಐಐಟಿ ಮದ್ರಾಸ್‌ನ ಸಂಶೋಧಕರು ನಡೆಸಿದ ಪ್ರಾಥಮಿಕ ವಿಶ್ಲೇಷಣೆಯು ಕೊರೊನಾವೈರಸ್ ಹರಡುವಿಕೆಯ ಪ್ರಮಾಣವನ್ನು ಸೂಚಿಸುವ ಭಾರತದ ಆರ್-ಮೌಲ್ಯವು ಜನವರಿ 14-21 ರ ವಾರದಲ್ಲಿ 1.57 ಕ್ಕೆ ಮತ್ತಷ್ಟು ಕಡಿಮೆಯಾಗಿದೆ ಮತ್ತು ಮೂರನೇ ತರಂಗದ ರಾಷ್ಟ್ರೀಯ ಗರಿಷ್ಠ ಮಟ್ಟವನ್ನು ತೋರಿಸಿದೆ. ಮುಂದಿನ ಹದಿನೈದು ದಿನಗಳಲ್ಲಿ ಸೋಂಕು ಬರುವ ನಿರೀಕ್ಷೆಯಿದೆ ಆರ್-ಮೌಲ್ಯವು ಸೋಂಕಿತ ವ್ಯಕ್ತಿಯು ರೋಗವನ್ನು ಹರಡುವ ಜನರ ಸಂಖ್ಯೆಯನ್ನು ಸೂಚಿಸುತ್ತದೆ. ಈ ಮೌಲ್ಯವು 1 ಕ್ಕಿಂತ ಕಡಿಮೆಯಾದರೆ ಸಾಂಕ್ರಾಮಿಕ ರೋಗವು ಕೊನೆಗೊಳ್ಳುತ್ತದೆ ಎಂದು ಪರಿಗಣಿಸಲಾಗುತ್ತದೆ.

ಇದನ್ನೂ ಓದಿ: ಭಾರತದಲ್ಲಿ 24ಗಂಟೆಯಲ್ಲಿ 3,06,064 ಹೊಸ ಕೊರೊನಾ ಕೇಸ್​ಗಳು ದಾಖಲು; ಪಾಸಿಟಿವಿಟಿ ರೇಟ್ ಏರಿಕೆ, ಚೇತರಿಕೆ ಪ್ರಮಾಣದಲ್ಲಿ ಇಳಿಕೆ

Published On - 12:16 pm, Mon, 24 January 22