G20 ಶೃಂಗಸಭೆ ವೇಳೆ ಐಷಾರಾಮಿ ಕೊಠಡಿಯಲ್ಲಿ ತಂಗಲು ನಿರಾಕರಿಸಿತ್ತು ಕೆನಡಾ ಪ್ರಧಾನಿ ಜಸ್ಟಿನ್ ಟ್ರುಡೊ ನಿಯೋಗ
Justin Trudeau: ಜಸ್ಟಿನ್ ಟ್ರುಡೊ ಅವರ ನಿಯೋಗವು ಸೂಟ್‌ನಲ್ಲಿ ಉಳಿಯದಿರಲು ನಿರ್ಧರಿಸಿತು. ಬದಲಿಗೆ ಸಾಮಾನ್ಯ ಕೊಠಡಿಗಳನ್ನು ಆರಿಸಿಕೊಂಡಿತು. ಮುಂದಿನ ಕೆಲವು ಗಂಟೆಗಳಲ್ಲಿ ಹಲವಾರು ಸುತ್ತಿನ ಮಾತುಕತೆಗಳನ್ನು ನಡೆದಾಗ ಭಾರತೀಯ ಸಿಬ್ಬಂದಿ ಭದ್ರತೆಯನ್ನು ಖಚಿತಪಡಿಸಿಕೊಳ್ಳಲು ಸಹಾಯ ಮಾಡಲು ಪ್ರೋಟೋಕಾಲ್‌ಗಳನ್ನು ಅನುಸರಿಸಬೇಕೆಂದು ಒತ್ತಾಯಿಸಿದರು. ಆದಾಗ್ಯೂ, ಕೆನಡಾದ ಸಿಬ್ಬಂದಿ ಇದಕ್ಕೆ ಒಪ್ಪಲೇ ಇಲ್ಲ.
Updated on: Sep 21, 2023 | 1:09 PM
ದೆಹಲಿ ಸೆಪ್ಟೆಂಬರ್ 21: ಕೆನಡಾದ (Canada) ಪ್ರಧಾನಿ ಜಸ್ಟಿನ್ ಟ್ರುಡೊ (Justin Trudeau) ಅವರ ಭದ್ರತಾ ಸಿಬ್ಬಂದಿಗಳು ಪ್ರೆಸಿಡೆನ್ಶಿಯಲ್ ಸೂಟ್‌ನಲ್ಲಿ ಉಳಿಯಲು ನಿರಾಕರಿಸಿದ್ದು, ಗುಪ್ತಚರ ಸಿಬ್ಬಂದಿಗಳ ನಡುವೆ ಜಗಳವಾಡಿವೆ. ಇತ್ತೀಚೆಗೆ ಮುಕ್ತಾಯಗೊಂಡ G20 ಶೃಂಗಸಭೆಗಾಗಿ (G20 Summit) ಭದ್ರತಾ ಸಂಸ್ಥೆಯು ರಾಷ್ಟ್ರಗಳ ಮುಖ್ಯಸ್ಥರಿಗೆ ನಿಗದಿಪಡಿಸಿದ ಭದ್ರತಾ ಪ್ರೋಟೋಕಾಲ್‌ಗಳ ಪ್ರಕಾರ ಈ ಐಷಾರಾಮಿ ಹೋಟೆಲ್ ಕೊಠಡಿ ಸಿದ್ದಪಡಿಸಿತ್ತು ಎಂದು ಮೂಲಗಳು ಹೇಳಿರುವುದಾಗಿ ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ.
ಕೆನಡಾ ಪ್ರಧಾನಿ ಟ್ರಡೊ ತಂಗಿದ್ದ ಮಧ್ಯ ದೆಹಲಿಯ ಲಲಿತ್ ಎಂಬ ಹೋಟೆಲ್ನಲ್ಲಿ, ಸ್ನೈಪರ್ ಬುಲೆಟ್‌ಗಳನ್ನು ತಡೆಯಬಲ್ಲ ದಪ್ಪನಾದ ಪಾಲಿಕಾರ್ಬೊನೇಟ್ ಪ್ಲಾಸ್ಟಿಕ್‌ನ ದಪ್ಪನಾದ ಬುಲೆಟ್ ಪ್ರೂಫ್ ಗಾಜುಗಳನ್ನು ಒಳಗೊಂಡಿರುವ ಸುಧಾರಿತ ಭದ್ರತಾ ಶೀಲ್ಡ್ ಅನ್ನು ಸ್ಥಾಪಿಸಿದೆ ಎಂದು ಭದ್ರತಾ ಸಂಸ್ಥೆಯ ಮೂಲಗಳು ತಿಳಿಸಿವೆ. ಇತರ ಭದ್ರತಾ ಸಾಧನಗಳನ್ನು ಸ್ಥಾಪಿಸಲಾಗಿದೆ ಎಂದು ಭದ್ರತಾ ಸಿಬ್ಬಂದಿ ಹೇಳಿದ್ದಾರೆ.
ಆದಾಗ್ಯೂ, ಟ್ರುಡೊ ಅವರ ನಿಯೋಗವು ಸೂಟ್‌ನಲ್ಲಿ ಉಳಿಯದಿರಲು ನಿರ್ಧರಿಸಿತು. ಬದಲಿಗೆ ಸಾಮಾನ್ಯ ಕೊಠಡಿಗಳನ್ನು ಆರಿಸಿಕೊಂಡಿತು. ಮುಂದಿನ ಕೆಲವು ಗಂಟೆಗಳಲ್ಲಿ ಹಲವಾರು ಸುತ್ತಿನ ಮಾತುಕತೆಗಳನ್ನು ನಡೆದಾಗ ಭಾರತೀಯ ಸಿಬ್ಬಂದಿ ಭದ್ರತೆಯನ್ನು ಖಚಿತಪಡಿಸಿಕೊಳ್ಳಲು ಸಹಾಯ ಮಾಡಲು ಪ್ರೋಟೋಕಾಲ್‌ಗಳನ್ನು ಅನುಸರಿಸಬೇಕೆಂದು ಒತ್ತಾಯಿಸಿದರು. ಆದಾಗ್ಯೂ, ಕೆನಡಾದ ಸಿಬ್ಬಂದಿ ಇದಕ್ಕೆ ಒಪ್ಪಲೇ ಇಲ್ಲ, ಕೆನಡಿಯನ್ನರು ಸಾಮಾನ್ಯ ಕೊಠಡಿಗಳಲ್ಲಿ ತಂಗಿದ್ದರೂ ಪ್ರೆಸಿಡೆನ್ಶಿಯಲ್ ಸೂಟ್‌ಗೆ ಪಾವತಿಸಲು ಮುಂದಾಗಿದ್ದಾರೆ ಎಂದು ತಿಳಿದು ಬಂದಿದೆ.
ಎರಡೂ ದೇಶಗಳ ನಡುವಿನ ಉದ್ವಿಗ್ನ ಸಂಬಂಧದ ಹಿನ್ನೆಲೆಯಲ್ಲಿ ತಮ್ಮದೇ ಆದ ಆತಂಕಗಳನ್ನು ಹೊಂದಿದ್ದ ಟ್ರುಡೊ, ಅವರ ಭದ್ರತಾ ತಂಡದ ಸೂಚನೆಗಳನ್ನು ಅನುಸರಿಸುತ್ತಿರಬಹುದು ಎಂದು ಮೂಲಗಳು ಊಹಿಸಿವೆ.
ಇದನ್ನೂ ಓದಿ: ನಿಜ್ಜಾರ್ ಹತ್ಯೆ ಪ್ರಕರಣ: ಕೆನಡಾ ಪ್ರಧಾನಿ ಜಸ್ಟಿನ್ ಟ್ರುಡೊ ಬಹಿರಂಗ ಆರೋಪಕ್ಕೆ ಕಳವಳ ವ್ಯಕ್ತಪಡಿಸಿದ ಯುಎಸ್
ಶೃಂಗಸಭೆಯ ನಂತರ ಟ್ರುಡೊ ಅವರ ವಿಮಾನದಲ್ಲಿ ದೋಷ ಕಂಡು ಬಂದ ನಂತರ 36 ಗಂಟೆಗಳ ವಿಳಂಬದ ನಂತರವೇ ಕೆನಡಾಕ್ಕೆ ತೆರಳಲು ಸಾಧ್ಯವಾಯಿತು. ಅವರು ಸೆಪ್ಟೆಂಬರ್ 10 ರ ರಾತ್ರಿ (ಭಾನುವಾರ) ಹೊರಡಬೇಕಿತ್ತು ಆದರೆ ತಾಂತ್ರಿಕ ಅಡಚಣೆಯಿಂದಾಗಿ ಅವರಿಗೆ ಪ್ರಯಾಣಿಸಲು ಸಾಧ್ಯವಾಗಿಲ್ಲ. ವಿಮಾನದ ಹಾರಾಟದ ಪೂರ್ವ ತಪಾಸಣೆಯ ಸಮಯದಲ್ಲಿ ಈ ಸಮಸ್ಯೆ ಪತ್ತೆಯಾಗಿದ್ದು, ವಿಮಾನವನ್ನು ಇಳಿಸಲು ಅಧಿಕಾರಿಗಳನ್ನು ಪ್ರೇರೇಪಿಸಿತು. ದೋಷವನ್ನು ಸರಿಪಡಿಸಿದ ನಂತರ ಕೆನಡಾದ ಪ್ರಧಾನಿ ಮಂಗಳವಾರ ಮಧ್ಯಾಹ್ನ ಸ್ವದೇಶಕ್ಕೆ ತೆರಳಿದರು. ಆದಾಗ್ಯೂ, ಟ್ರುಡೊ ಅವರ ವಿಮಾನದಲ್ಲಿ ದೋಷ ಕಂಡು ಬಂದಿರುವುದು ಮೊದಲ ನಿದರ್ಶನವಲ್ಲ. 2016 ಮತ್ತು 2019 ರಲ್ಲೂ ಇದೇ ರೀತಿಯ ಘಟನೆಗಳು ವರದಿಯಾಗಿವೆ.
ಟ್ರುಡೊ ಅವರನ್ನು ಕೆನಡಾಕ್ಕೆ ಹಿಂತಿರುಗಿಸಲು ಭಾರತ ವಿಮಾನವನ್ನು ನೀಡಿತ್ತು. ಆದರೆ ಕೆನಡಾ ಅದನ್ನು ನಿರಾಕರಿಸಿತ್ತು.
ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
