Feb 22, 2020 | 4:04 PM
ಬೆಂಗಳೂರು: ಫಿಟ್ ಇಂಡಿಯಾ ಯೋಜನೆ ಅಡಿ ರೈಲ್ವೇ ಇಲಾಖೆ ಹೊಸ ಪ್ಲಾನ್ಗೆ ಮುಂದಾಗಿದ್ದು, ಜನರನ್ನು ಫಿಟ್ ಆಗಿ ಇರುವಂತೆ ಪ್ರೇರೇಪಿಸಲು ಬಸ್ಕಿ ಹೊಡೆಯಿರಿ ಫ್ರೀ ಟಿಕೆಟ್ ಪಡೆಯಿರಿ ಎಂಬ ಯೋಜನೆ ಜಾರಿಗೆ ತರಲು ಮುಂದಾಗಿದೆ.
ರೈಲು ನಿಲ್ದಾಣಕ್ಕೆ ಎಂಟ್ರಿ ಕೊಡಲು ಪ್ಲಾಟ್‌ಫಾರಂ ಟಿಕೆಟ್ ಖರೀದಿ ಮಾಡ್ಲೇಬೇಕು. ಐದು ನಿಮಿಷ ರೈಲು ಹತ್ತಿಸಿ ಬರ್ತೀನಿ ಅಂದ್ರೂ ಪ್ಲಾಟ್‌ಫಾರಂ ಟಿಕೆಟ್ ತೆಗೆದುಕೊಂಡೇ ಹೋಗಬೇಕು. ಆದ್ರೆ ರೈಲು ಪ್ರಯಾಣಿಕರಿಗೆ ಈಗ ರೈಲ್ವೇ ಇಲಾಖೆ ಸಿಹಿ ಸುದ್ದಿ ನೀಡಿದೆ.
ಮೂರು ನಿಮಿಷದಲ್ಲಿ 30 ಬಸ್ಕಿ ಹೊಡೆದರೆ ಪ್ಲಾಟ್‌ಫಾರಂ ಟಿಕೆಟ್ ಉಚಿತವಾಗಿ ನೀಡಲಾಗುತ್ತೆ. ಅಂದ್ರೆ ಕೇವಲ 180 ಸೆಕೆಂಡ್ಸ್‌ನಲ್ಲಿ ಬರೋಬ್ಬರಿ 30 ಬಸ್ಕಿ ಹೊಡೆಯಬೇಕಾಗುತ್ತೆ. ಈ ಯೋಜನೆ ಈಗಾಗಲೇ ದೆಹಲಿಯಲ್ಲಿ ಜಾರಿಯಲ್ಲಿದ್ದು, ಬೆಂಗಳೂರಿನ ರೈಲ್ವೇ ನಿಲ್ದಾಣಕ್ಕೂ ಶೀಘ್ರದಲ್ಲೇ ಬಸ್ಕಿ ಮಷೀನ್ ಬರಲಿದೆ.
ಈ ಮಷೀನ್ ಅನ್ನು 2013ರಿಂದಲೇ ರಷ್ಯಾದ ಮಾಸ್ಕೋದಲ್ಲಿ ಬಳಸಲಾಗ್ತಿದೆ. ಇನ್ನು ಈ ಬಗ್ಗೆ ಕೇಂದ್ರ ರೈಲ್ವೇ ಸಚಿವ ಪಿಯುಷ್‌ ಗೋಯಲ್‌, ಫಿಟ್ ಆಗಿಯೂ ಇರಿ, ಉಳಿತಾಯವನ್ನೂ ಮಾಡಿ ಎಂದು ಟ್ವೀಟ್ ಮಾಡಿದ್ದಾರೆ.
Exercise & Get Free Platform Ticket: Indian Railways has embarked on a novel initiative to encourage fitness at Anand Vihar Railway Station in Delhi.
Platform tickets will be given free of charge to those who exercise using the ‘Squat Kiosk' installed. pic.twitter.com/4DlqDdRATc
— Piyush Goyal (@PiyushGoyal) February 21, 2020
