1949ರ ಬಳಿಕ ಇದೇ ಮೊದಲ ಬಾರಿಗೆ ದೆಹಲಿಯ ಹೊರಗೆ ಆರ್ಮಿ ಡೇ ಪರೇಡ್

ದೆಹಲಿಯಲ್ಲಿ ನಡೆಯುತ್ತಿದ್ದ ಆರ್ಮಿ ಡೇ ಪರೇಡ್ (Army Day parade) ಅನ್ನು ಇದೇ ಮೊದಲ ಬಾರಿ ರಾಷ್ಟ್ರ ರಾಜಧಾನಿಯಿಂದ ಹೊರಗೆ ನಡೆಸುತ್ತಿದ್ದು ಬೆಂಗಳೂರಿನಲ್ಲಿ ಪೆರೇಡ್ ಗ್ರೌಂಡ್, MEG & ಸೆಂಟರ್‌ನಲ್ಲಿ ಇದು ನಡೆಯಲಿದೆ. 1949 ರಲ್ಲಿ ಆಚರಣೆಗಳು ಪ್ರಾರಂಭವಾದಾಗಿನಿಂದ ದೆಹಲಿಯ ಹೊರಗೆ ನಡೆಯುತ್ತಿರುವ 75 ನೇ ಸೇನಾ ದಿನ ವಿಶೇಷವಾಗಿದೆ. ಸೇನಾ ಮುಖ್ಯಸ್ಥ ಜನರಲ್ ಮನೋಜ್ ಪಾಂಡೆ ಅವರು ಪರೇಡ್ ಅನ್ನು ಪರಿಶೀಲಿಸಲಿದ್ದು, ಶೌರ್ಯ ಪ್ರಶಸ್ತಿಗಳನ್ನು ನೀಡುತ್ತಾರೆ. ಆರ್ಮಿ ಸರ್ವೀಸ್ ಕಾರ್ಪ್ಸ್ (ಎಎಸ್‌ಸಿ) ಟೊರ್ನಾಡೋಸ್‌ನಿಂದ  ಮೋಟಾರ್‌ಸೈಕಲ್ ಪ್ರದರ್ಶನ, ಪ್ಯಾರಾಟ್ರೂಪರ್‌ಗಳಿಂದ ಸ್ಕೈಡೈವಿಂಗ್ ಪ್ರದರ್ಶನ, ಡೇರ್‌ಡೆವಿಲ್ ಜಂಪ್‌ಗಳು ಮತ್ತು ಆರ್ಮಿ ಏವಿಯೇಷನ್ ಕಾರ್ಪ್ಸ್ ನ ಹೆಲಿಕಾಪ್ಟರ್‌ಗಳ ಹಾರಾಟ ನಡೆಯಲಿದೆ.

1949 ರಲ್ಲಿ ಜನರಲ್ (ನಂತರ ಫೀಲ್ಡ್ ಮಾರ್ಷಲ್) ಕೆಎಂ ಕಾರಿಯಪ್ಪ ಅವರು ಕೊನೆಯ ಬ್ರಿಟಿಷ್ ಕಮಾಂಡರ್-ಇನ್-ಚೀಫ್ ಜನರಲ್ ಸರ್ ಫ್ರಾನ್ಸಿಸ್ ರಾಬರ್ಟ್ ರಾಯ್ ಬುಚೆರ್ ಅವರಿಂದ ಭಾರತೀಯ ಸೇನೆಯ ಕಮಾಂಡರ್ ಅನ್ನು ವಹಿಸಿಕೊಂಡ ಸಂದರ್ಭದ ನೆನಪಿಗಾಗಿ ಪ್ರತಿ ವರ್ಷ ಜನವರಿ 15 ರಂದು ಸೇನಾ ದಿನವನ್ನು ಆಚರಿಸಲಾಗುತ್ತದೆ.

On Army Day, I convey my best wishes to all army personnel, veterans and their families. Every Indian is proud of our Army and will always be grateful to our soldiers. They have always kept our nation safe and are widely admired for their service during times of crisis. pic.twitter.com/EJvbkb9bmD

— Narendra Modi (@narendramodi) January 15, 2023

ಸಮಾಜದೊಂದಿಗೆ ಆಳವಾದ ಸಂಪರ್ಕವನ್ನು ಸುಲಭಗೊಳಿಸಲು ಭಾರತದ ವಿವಿಧ ಕ್ಷೇತ್ರ ಕಮಾಂಡ್‌ಗಳಲ್ಲಿ ಮೆರವಣಿಗೆಯನ್ನು ನಡೆಸಲಾಗುವುದು ಎಂದು ದಕ್ಷಿಣ ಕಮಾಂಡ್‌ನ ಸ್ಟೇಷನ್ ಕಮಾಂಡರ್ ತಿಳಿಸಿದ್ದಾರೆ.

ಇದನ್ನೂ ಓದಿ: Army Day: ಇಂದು ಸೇನಾ ದಿನ; ಬೆಂಗಳೂರಿನಲ್ಲಿ ವಿಶೇಷ ಪರೇಡ್ ಕಾರ್ಯಕ್ರಮ

ಈ ವರ್ಷ, ಪುಣೆಯಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ ದಕ್ಷಿಣ ಕಮಾಂಡ್‌ನ ಮೇಲ್ವಿಚಾರಣೆಯಲ್ಲಿ ಆಚರಣೆಗಳು ನಡೆಯುತ್ತಿವೆ. 2023 ರ ಮೊದಲು, ದೆಹಲಿ ಕಂಟೋನ್ಮೆಂಟ್‌ನ ಕಾರಿಯಪ್ಪ ಪರೇಡ್ ಮೈದಾನದಲ್ಲಿ ಸೇನಾ ದಿನದ ಪರೇಡ್ ನಡೆಯುತ್ತಿತ್ತು. ಕಳೆದ ವರ್ಷ, ಭಾರತೀಯ ವಾಯುಪಡೆಯು ತನ್ನ ವಾರ್ಷಿಕ ಫ್ಲೈ-ಪಾಸ್ಟ್ ಮತ್ತು ಪರೇಡ್ ಅನ್ನು ವಾಯುಪಡೆಯ ದಿನದಂದು ದೆಹಲಿಯ ಬಳಿಯ ಹಿಂಡನ್ ವಾಯುನೆಲೆಯಿಂದ ಚಂಡೀಗಢಕ್ಕೆ ಸ್ಥಳಾಂತರಿಸಿತು.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 3:43 pm, Sun, 15 January 23