Rafale Jets: ಫ್ರಾನ್ಸ್​ನಿಂದ ಭಾರತಕ್ಕೆ ಬಂದಿಳಿದ 5ನೇ ಬ್ಯಾಚ್​​ನ ರಫೇಲ್​​ ಯುದ್ಧ ವಿಮಾನಗಳು

ಭಾರತಕ್ಕೆ ಬಂದಿಳಿದ ಯುದ್ಧ ವಿಮಾನಗಳ ಪೈಕಿ ನಾಲ್ಕು ರಫೇಲ್​ ವಿಮಾನಗಳು ಹೊಸ ಬ್ಯಾಚ್​ನ ಭಾಗವಾಗಿದೆ ಎಂದು ಭಾರತೀಯ ವಾಯುಪಡೆ ತಿಳಿಸಿದೆ. ಆದರೆ, ಫ್ರಾನ್ಸ್​ನಿಂದ ಭಾರತಕ್ಕೆ ಬಂದಿಳಿದ ಒಟ್ಟು ಯುದ್ಧ ವಿಮಾನಗಳ ಸಂಖ್ಯೆ ಇನ್ನೂ ತಿಳಿದು ಬಂದಿಲ್ಲ.

Rafale Jets: ಫ್ರಾನ್ಸ್​ನಿಂದ ಭಾರತಕ್ಕೆ ಬಂದಿಳಿದ 5ನೇ ಬ್ಯಾಚ್​​ನ ರಫೇಲ್​​ ಯುದ್ಧ ವಿಮಾನಗಳು
ಫ್ರಾನ್ಸ್​ನಿಂದ ಭಾರತಕ್ಕೆ ಬಂದಿಳಿದ ಯುದ್ಧ ವಿಮಾನಗಳು
shruti hegde

| Edited By: Apurva Kumar Balegere

Apr 22, 2021 | 11:33 AM

ದೆಹಲಿ: ಫ್ರಾನ್ಸ್​ ಜೊತೆ ಭಾರತ ಮಾಡಿಕೊಂಡಿರುವ ಯುದ್ಧ ವಿಮಾನಗಳ ಖರೀದಿ ಒಪ್ಪಂದದ ಪ್ರಕಾರ 5ನೇ ಬ್ಯಾಚ್​ನ ರಫೇಲ್​​ ಯುದ್ಧ ವಿಮಾನಗಳು 8,000 ಕಿಲೋ ಮೀಟರ್​ ಸಂಚರಿಸಿ ಫ್ರಾನ್ಸ್​ನಿಂದ ಭಾರತಕ್ಕೆ ಬಂದಿಳಿದಿವೆ. ಈ ಕುರಿತಂತೆ ಭಾರತೀಯ ವಾಯುಪಡೆ ( ಐಎಎಫ್​ ) ಮಾಹಿತಿ ಹಂಚಿಕೊಂಡಿದೆ.

ಭಾರತಕ್ಕೆ ಬಂದಿಳಿದ ಯುದ್ಧ ವಿಮಾನಗಳ ಪೈಕಿ ನಾಲ್ಕು ರಫೇಲ್​ ವಿಮಾನಗಳು ಹೊಸ ಬ್ಯಾಚ್​ನ ಭಾಗವಾಗಿದೆ ಎಂದು ಭಾರತೀಯ ವಾಯುಪಡೆ ತಿಳಿಸಿದೆ. ಆದರೆ, ಫ್ರಾನ್ಸ್​ನಿಂದ ಭಾರತಕ್ಕೆ ಬಂದಿಳಿದ ಒಟ್ಟು ಯುದ್ಧ ವಿಮಾನಗಳ ಸಂಖ್ಯೆ ಇನ್ನೂ ತಿಳಿದು ಬಂದಿಲ್ಲ. ಫ್ರಾನ್ಸ್​ನಿಂದ ಯುದ್ಧ ವಿಮಾನಗಳು ಹೊರಟಾಗ ದಾರಿ ಮಧ್ಯದಲ್ಲಿ ಬೇಕಾದ ಇಂಧನದ ಪೂರೈಕೆಯನ್ನು ಫ್ರಾನ್ಸ್​ನ ವಾಯಪಡೆ ಮತ್ತು ಯುನೈಟೆಡ್​ ಅರಬ್​ ಎಮೀರೇಟ್ಸ್​ (ಯುಎಇ) ನೆರವು ನೀಡಿದೆ ಎಂದು ಭಾರತೀಯ ವಾಯುಪಡೆ ಮಾಹಿತಿ ಹಂಚಿಕೊಂಡಿದೆ.

ಫ್ರಾನ್ಸ್​ ಪ್ರವಾಸದಲ್ಲಿರುವ ಏರ್​ ಚೀಫ್​ ಮಾರ್ಷಲ್​ ಆರ್​ಕೆಎಸ್​ ಭದೌರಿಯಾ ಅವರು ಫ್ರಾನ್ಸ್​ನ ಮೆರಿಗ್ನಾಕ್​ ವಾಯುನೆಲೆಯಲ್ಲಿ ವಿಮಾನಗಳಿಗೆ ಫ್ಲ್ಯಾಗ್​ ಆಫ್​ ಮಾಡಿದ್ದರು. ಏರ್​ಚೀಫ್​ ಮಾರ್ಷಲ್​ ತಮ್ಮ ಐದು ದಿನಗಳ ಫ್ರಾನ್ಸ್​ ಪ್ರವಾಸದಲ್ಲಿ ರಫೇಲ್​ ವಿಮಾನ ತರಬೇತಿ ಕೇಂದ್ರಕ್ಕೂ ಭೇಟಿ ನೀಡಿದ್ದರು. ಏಪ್ರಿಲ್​ ತಿಂಗಳ ಮೊದಲನೇಯ ದಿನ 4ನೇ ಬ್ಯಾಚ್​ನ 3 ರಫೇಲ್​ ಯುದ್ಧ ವಿಮಾಗಳು ಭಾರತಕ್ಕೆ ಬಂದಿದ್ದವು. ಕೊವಿಡ್​ ಸಮಯದಲ್ಲಿಯೂ ಸಮಯಕ್ಕೆ ಸರಿಯಾಗಿ ವಿಮಾನಗಳನ್ನು ವಿತರಣೆ ಮಾಡಿದ ಫ್ರಾನ್ಸ್​ಗೆ ಧನ್ಯವಾದಗಳು ಎಂದು ಶ್ಲಾಘಿಸಲಾಗಿದೆ.

ಇಲ್ಲಿಯವರೆಗೆ 14 ರಫೇಲ್ ಜೆಟ್​ಗಳು ಐಎಎಫ್​ನಲ್ಲಿ ಕಾರ್ಯನಿರ್ವಹಿಸುತ್ತಿದ್ದು, ಹೊಸ ಬ್ಯಾಚ್​ನಲ್ಲಿ ಇನ್ನಷ್ಟು ವಿಮಾನ ಸೇರ್ಪಡೆಯಾದ ನಂತರ ಈ ಸಂಖ್ಯೆ 18ಕ್ಕೆ ಏರಿಕೆಯಾಗಲಿದೆ. ಈಗಾಗಲೇ ಐದು ರಫೇಲ್​ ಜೆಟ್​ಗಳು ಮೊದಲ ಬ್ಯಾಚ್​ನಲ್ಲಿ ಅಂದರೆ ಕಳೆದ ಜುಲೈ 29 ರಂದು ಭಾರತಕ್ಕೆ ಬಂದಿಳಿದಿತ್ತು.

ಇದನ್ನೂ ಓದಿ: ಭಾರತಕ್ಕೆ ಬಂದಿಳಿಯಿತು ಇನ್ನೂ 3 ರಫೇಲ್​ ಯುದ್ಧ ವಿಮಾನ

(four rafale jets for india from french air base iaf chief rks bhadauria flags host)

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada