Delhi Chalo ಪ್ರತಿಭಟನಾ ನಿರತ ರೈತರಿಗಾಗಿ ಉಚಿತ ಶೂ ಪಾಲಿಷ್ ಸೇವೆ, ಕುಸ್ತಿ ಪಂದ್ಯಾವಳಿ!
ಕೇಂದ್ರ ಸರ್ಕಾರದ ಮೂರು ಕೃಷಿ ಕಾಯ್ದೆಗಳ ವಿರುದ್ಧ ಸಿಡಿದೆದ್ದಿರುವ ಪಂಜಾಬ್ ರೈತರು ತಮ್ಮ ದೆಹಲಿ ಚಲೋ ಪ್ರತಿಭಟನೆಯಿಂದ ಹಿಂದೆ ಸರಿಯುವ ಯಾವುದೇ ಸೂಚನೆ ತೋರುತ್ತಿಲ್ಲ. ಕೇಂದ್ರ ಸರ್ಕಾರದ ಜೊತೆ ಏಳು ಬಾರಿ ಮಾತುಕತೆ ವಿಫಲವಾಗಿದೆ. ಆದರೂ ಕೃಷಿ ಕಾಯ್ದೆಯನ್ನ ಸಂಪೂರ್ಣವಾಗಿ ರದ್ದುಪಡಿಸುವವರೆಗೂ ಧರಣಿ ವಾಪಸ್ ಪಡೆಯೋದಿಲ್ಲ ಎಂದು ಚಳಿಯನ್ನೂ ಲೆಕ್ಕಿಸದೆ ಪ್ರತಿಭಟನೆ ನಡೆಸುತ್ತಿದ್ದಾರೆ.
Updated on:Jan 10, 2021 | 11:56 PM
ದೆಹಲಿ: ಕೇಂದ್ರ ಸರ್ಕಾರದ ಮೂರು ಕೃಷಿ ಕಾಯ್ದೆಗಳ ವಿರುದ್ಧ ಸಿಡಿದೆದ್ದಿರುವ ಪಂಜಾಬ್ ರೈತರು ತಮ್ಮ ದೆಹಲಿ ಚಲೋ ಪ್ರತಿಭಟನೆಯಿಂದ ಹಿಂದೆ ಸರಿಯುವ ಯಾವುದೇ ಸೂಚನೆ ತೋರುತ್ತಿಲ್ಲ. ಕೇಂದ್ರ ಸರ್ಕಾರದ ಜೊತೆ ಏಳು ಬಾರಿ ಮಾತುಕತೆ ವಿಫಲವಾಗಿದೆ. ಆದರೂ ಕೃಷಿ ಕಾಯ್ದೆಯನ್ನ ಸಂಪೂರ್ಣವಾಗಿ ರದ್ದುಪಡಿಸುವವರೆಗೂ ಧರಣಿ ವಾಪಸ್ ಪಡೆಯೋದಿಲ್ಲ ಎಂದು ಚಳಿಯನ್ನೂ ಲೆಕ್ಕಿಸದೆ ಪ್ರತಿಭಟನೆ ನಡೆಸುತ್ತಿದ್ದಾರೆ.
ಇತ್ತ, ಘಾಜಿಪುರ್ ಬಳಿ ಪ್ರತಿಭಟನಾ ನಿರತ ರೈತರ ನೆರವಿಗೆ ಹಲವರು ಮುಂದಾಗಿದ್ದಾರೆ. ಅನ್ನದಾತರ ಅಳಲನ್ನು ಸರ್ಕಾರ ಆಲಿಸುವವರೆಗೂ ತಮ್ಮ ಕೈಲಾದ ಅಳಿಲು ಸೇವೆಯನ್ನು ಮಾಡಲು ಸ್ವಸಹಾಯಕರು ಮುಂದಾಗಿದ್ದಾರೆ.
ಹಾಗಾಗಿ, ಇಂದು ರೈತರಿಗೆ ಹತ್ತಿರದ ಗುರುದ್ವಾರ ಸಿಸ್ ಗಂಜ್ ಸಾಹೀಬ್ನ ಸ್ವಸಹಾಯಕರು ಉಚಿತ ಶೂ ಪಾಲಿಷ್ ಸೇವೆಯನ್ನು ಒದಗಿಸಿದರು. ನಮ್ಮ ರೈತ ಬಾಂಧವರು ಬಲು ದೂರದಿಂದ ಮಳೆ, ಚಳಿಯನ್ನು ಲೆಕ್ಕಿಸದೆ ಇಲ್ಲಿಯವರೆಗೆ ನಡೆದುಕೊಂಡೇ ಬಂದು ಧರಣಿ ನಡೆಸುತ್ತಿದ್ದಾರೆ. ಹೀಗಾಗಿ, ಕೆಸರಿನಲ್ಲಿ ಕೊಳಕಾದ ಅವರ ಶೂಗಳನ್ನು ಸ್ವಚ್ಛಗೊಳಿಸಿ, ಪಾಲಿಷ್ ಮಾಡಲು ಬಂದಿದ್ದೇವೆ ಎಂದು ಸ್ವಸಹಾಯಕರೊಬ್ಬರು ಹೇಳಿದರು. ಜೊತೆಗೆ, ಅನ್ನದಾತರ ಋಣ ತೀರಿಸಲು ನಾವು ಇದನ್ನು ಮಾಡುತ್ತಿದ್ದೇವೆ ಎಂದು ಸಹ ಹೇಳಿದರು.
ಇದಲ್ಲದೆ, ರೈತರ ಮನರಂಜನೆಗಾಗಿ ಇಂದು ಘಾಜಿಪುರ್ ಬಳಿ ಕುಸ್ತಿ ಪಂದ್ಯಾವಳಿಯನ್ನು ಆಯೋಜನೆ ಮಾಡಲಾಗಿತ್ತು. ಕುಸ್ತಿಪಟುಗಳ ಜಬರ್ದಸ್ತ್ ದಂಗಲ್ನ ವೀಕ್ಷಿಸಿದ ರೈತರು ಸಖತ್ ಖುಷಿಪಟ್ಟರು.
Published On - 11:54 pm, Sun, 10 January 21
