Coronavirus cases in India: ಭಾರತದಲ್ಲಿ 18,132 ಹೊಸ ಕೊವಿಡ್ ಪ್ರಕರಣ ಪತ್ತೆ,193 ಮಂದಿ ಸಾವು

ದೆಹಲಿ: ಕಳೆದ 24 ಗಂಟೆಗಳಲ್ಲಿ ಭಾರತವು 18,132 ಹೊಸ ಕೊವಿಡ್ -19 (Covid-19) ಪ್ರಕರಣಗಳನ್ನು ವರದಿ ಮಾಡಿದೆ. ದಿನನಿತ್ಯದ ಧನಾತ್ಮಕ ಪ್ರಕರಣಗಳ ಸಂಖ್ಯೆ 1.75 ಶೇಕಡಾ ಆಗಿದ್ದು, ಸಾಪ್ತಾಹಿಕ ಧನಾತ್ಮಕ ದರವು 1.53 ಶೇಕಡಾ ಆಗಿದೆ. ಸಕ್ರಿಯ ಪ್ರಕರಣಗಳು ಒಟ್ಟು ಸೋಂಕಿನ ಶೇಕಡಾ 1 ಕ್ಕಿಂತ ಕಡಿಮೆ, ಪ್ರಸ್ತುತ ಶೇ 0.67 ಆಗಿದೆ. ಮಾರ್ಚ್ 2020 ರಿಂದ ಕಡಿಮೆ. ಇದೇ ಅವಧಿಯಲ್ಲಿ 193 ಸಂಬಂಧಿತ ಸಾವುಗಳು ದಾಖಲಾಗಿವೆ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ.  ರಾಷ್ಟ್ರೀಯ ಕೊವಿಡ್ -19 ಚೇತರಿಕೆಯ ಪ್ರಮಾಣವು ಶೇಕಡಾ 98 ರಷ್ಟು ದಾಖಲಾಗಿದೆ. ಕಳೆದ 24 ಗಂಟೆಗಳಲ್ಲಿ 21,563 ಚೇತರಿಕೆಗಳೊಂದಿಗೆ ದೇಶದಲ್ಲಿ ಒಟ್ಟು ಚೇತರಿಕೆ 3,32,93,478 ಕ್ಕೆ ಏರಿದೆ. ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯದ ಪ್ರಕಾರ ಭಾರತದ ಕೊವಿಡ್ -19 ಲಸಿಕೆ ವ್ಯಾಪ್ತಿಯು 94 ಕೋಟಿ ಗಡಿ ದಾಟಿದೆ. 66,85,415 ಲಸಿಕೆ ಪ್ರಮಾಣವನ್ನು ಭಾನುವಾರ ನೀಡಲಾಗಿದೆ. ಭಾರತ ಇದುವರೆಗೆ 94,70,10,175 ಕೊವಿಡ್ -19 ಲಸಿಕೆಗಳನ್ನು ನೀಡಿದೆ.

ಕೇರಳದಲ್ಲಿ ಭಾನುವಾರ 10,691 ಹೊಸ ಕೊವಿಡ್ -19 ಪ್ರಕರಣಗಳು ಮತ್ತು 85 ಸಂಬಂಧಿತ ಸಾವುಗಳು ದಾಖಲಾಗಿವೆ. ರಾಜ್ಯವು ಪ್ರಸ್ತುತ 1,11,083 ಸಕ್ರಿಯ ಕೊವಿಡ್ ಪ್ರಕರಣಗಳನ್ನು ಹೊಂದಿದ್ದು, ಪರೀಕ್ಷಾ ಧನಾತ್ಮಕ ದರವು 13.05 ಪ್ರತಿಶತದಷ್ಟಿದೆ.  ತಮಿಳುನಾಡಿನಲ್ಲಿ ಭಾನುವಾರ 1,329 ಹೊಸ ಕೊವಿಡ್ -19 ಪ್ರಕರಣಗಳು ವರದಿ ಆಗಿದ್ದು,  ರಾಜ್ಯದಲ್ಲಿ  ಒಟ್ಟಾರೆ  26,78,265  ಪ್ರಕರಣಗಳಿವೆ. 15 ಸಂಬಂಧಿತ ಸಾವುನೋವುಗಳೊಂದಿಗೆ ಸಾವಿನ ಸಂಖ್ಯೆ 35,783 ಕ್ಕೆ ಏರಿದೆ. ಐದನೇ ಮೆಗಾ ವ್ಯಾಕ್ಸಿನೇಷನ್ ಅಭಿಯಾನದಲ್ಲಿ ತಮಿಳುನಾಡು ಭಾನುವಾರ 22.52 ಲಕ್ಷ ಜನರಿಗೆ  ಕೊವಿಡ್ -19 ವಿರುದ್ಧ ಲಸಿಕೆ ಹಾಕಿತು. ಒಟ್ಟು 11,50,351 ಜನರು ಮೊದಲ ಲಸಿಕೆ ಮತ್ತು 11,02,290 ಎರಡನೆಯದನ್ನು ಪಡೆದಿದ್ದಾರೆ ಎಂದು ರಾಜ್ಯ ಆರೋಗ್ಯ ಇಲಾಖೆ ತಿಳಿಸಿದೆ.

India reports 18,132 new COVID-19 cases, 21,563 recoveries, and 193 deaths in the last 24 hours

Active cases: 2,27,347 Total recoveries: 3,32,93,478 Death toll: 4,50,782

Total vaccination: 95,19,84,373 pic.twitter.com/EgWxWyER0Q

— ANI (@ANI) October 11, 2021

ಮಹಾರಾಷ್ಟ್ರದಲ್ಲಿ  ಭಾನುವಾರ 2,294 ಹೊಸ ಕೊವಿಡ್ ಪ್ರಕರಣಗಳು ಮತ್ತು 28 ಸಾವುಗಳನ್ನು ವರದಿ ಆಗಿದೆ. ಇದೇ ಅವಧಿಯಲ್ಲಿ 1,823 ರೋಗಿಗಳು ಸೋಂಕಿನಿಂದ ಚೇತರಿಸಿಕೊಂಡಿದ್ದಾರೆ ಎಂದು ರಾಜ್ಯದ ಆರೋಗ್ಯ ಬುಲೆಟಿನ್ ತಿಳಿಸಿದೆ. ಜಮ್ಮು ಮತ್ತು ಕಾಶ್ಮೀರವು ಈ ವಾರ 100 ಪ್ರತಿಶತ ಮೊದಲ ಡೋಸ್ ಕೊವಿಡ್ ಲಸಿಕೆ ವ್ಯಾಪ್ತಿಯ ಮೈಲುಗಲ್ಲನ್ನು ಸಾಧಿಸುವ ಹಾದಿಯಲ್ಲಿದೆ.

ಬಂಗಾಳದಲ್ಲಿ 760 ಹೊಸ ಕೊವಿಡ್ -19 ಪ್ರಕರಣ 11 ಸಾವು ಪಶ್ಚಿಮ ಬಂಗಾಳದ ಕೊವಿಡ್ ಪ್ರಕರಣಗಳ ಸಂಖ್ಯೆ ಭಾನುವಾರ 15,76,337 ಕ್ಕೆ ಏರಿದ್ದು 11 ಹೊಸ ಸಾವು ಸಂಭವಿಸಿದೆ. ಈ ಮೂಲಕ ಸಾವಿನ ಸಂಖ್ಯೆ 18,905 ಕ್ಕೆ ತಳ್ಳಿದೆ ಎಂದು ಆರೋಗ್ಯ ಬುಲೆಟಿನ್ ತಿಳಿಸಿದೆ. ರಾಜ್ಯದಲ್ಲಿ ಈಗ 7,649 ಸಕ್ರಿಯ ಪ್ರಕರಣಗಳಿದ್ದು, ಶನಿವಾರದಿಂದ 734 ಸೇರಿದಂತೆ ಇದುವರೆಗೆ 15,49,783 ಜನರು ಈ ಕಾಯಿಲೆಯಿಂದ ಚೇತರಿಸಿಕೊಂಡಿದ್ದಾರೆ ಎಂದು ಅದು ಹೇಳಿದೆ. ಕೊವಿಡ್ -19 ಗಾಗಿ ಪಶ್ಚಿಮ ಬಂಗಾಳವು ಒಟ್ಟು 1,85,07,359 ಮಾದರಿಗಳನ್ನು ಪರೀಕ್ಷಿಸಿದೆ. ಒಟ್ಟಾರೆಯಾಗಿ, 6.41 ಕೋಟಿ ಜನರಿಗೆ ರಾಜ್ಯದಲ್ಲಿ ಲಸಿಕೆ ಹಾಕಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ

ಥಾಣೆಯಲ್ಲಿ 219 ಹೊಸ ಕೊವಿಡ್ -19 ಪ್ರಕರಣಗಳು, 3 ಸಾವು ಮಹಾರಾಷ್ಟ್ರದ ಥಾಣೆ ಜಿಲ್ಲೆಯಲ್ಲಿ 219 ಹೊಸ ಕೊರೊನಾವೈರಸ್ ಪ್ರಕರಣಗಳ ಸೇರ್ಪಡೆಯೊಂದಿಗೆ ಸೋಂಕಿತರ ಸಂಖ್ಯೆ 5,61,878 ಕ್ಕೆ ಏರಿಕೆಯಾಗಿದೆ ಎಂದು ಅಧಿಕಾರಿಯೊಬ್ಬರು ಸೋಮವಾರ ತಿಳಿಸಿದ್ದಾರೆ. ಈ ಹೊಸ ಪ್ರಕರಣಗಳು ಭಾನುವಾರ ವರದಿಯಾಗಿವೆ ಎಂದು ಅವರು ಹೇಳಿದರು. ವೈರಲ್ ಸೋಂಕಿನಿಂದ  ಮೂರು ಜನರು ಸಾವನ್ನಪ್ಪಿದ್ದಾರೆ, ಇದು ಜಿಲ್ಲೆಯಲ್ಲಿ ಸಾವಿನ ಸಂಖ್ಯೆಯನ್ನು 11,433 ಕ್ಕೆ ತಳ್ಳಿತು, ಅವರು ಹೇಳಿದರು. ಥಾಣೆಯಲ್ಲಿ ಕೊವಿಡ್ ಸಾವಿನ ಪ್ರಮಾಣವು 2.03 ಶೇಕಡದಲ್ಲಿತ್ತು. ನೆರೆಯ ಪಾಲ್ಘರ್ ಜಿಲ್ಲೆಯಲ್ಲಿ, ಕೊವಿಡ್ -19 ಪ್ರಕರಣಗಳ ಸಂಖ್ಯೆ 1,37,195 ಕ್ಕೆ ಏರಿಕೆಯಾಗಿದ್ದು, ಸಾವಿನ ಸಂಖ್ಯೆ 3,278 ಆಗಿದೆ ಎಂದು ಮತ್ತೊಬ್ಬ ಅಧಿಕಾರಿ ತಿಳಿಸಿದ್ದಾರೆ.

ಅಂಡಮಾನ್ ಮತ್ತು ನಿಕೋಬಾರ್​​ನಲ್ಲಿ ಒಂದು ಕೊವಿಡ್ ಪ್ರಕರಣ ವರದಿ ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳಲ್ಲಿ ಒಂದು ಹೊಸ ಕೊವಿಡ್ ಪ್ರಕರಣ ವರದಿ ಆಗಿದೆ. ಹಿಂದಿನ ದಿನಕ್ಕಿಂತ ಎರಡು ಕಡಿಮೆ, ಕೇಂದ್ರಾಡಳಿತ ಪ್ರದೇಶದ ಸಂಖ್ಯೆಯನ್ನು 7,633 ಕ್ಕೆ ತಳ್ಳಿದೆ ಎಂದು ಆರೋಗ್ಯ ಇಲಾಖೆಯ ಅಧಿಕಾರಿಯೊಬ್ಬರು ಸೋಮವಾರ ತಿಳಿಸಿದ್ದಾರೆ. ಸಂಪರ್ಕ ಪತ್ತೆಹಚ್ಚುವಿಕೆಯ ಸಮಯದಲ್ಲಿ ಹೊಸ ಪ್ರಕರಣ ಪತ್ತೆಯಾಗಿದೆ ಎಂದು ಅವರು ಹೇಳಿದರು. ದ್ವೀಪಸಮೂಹವು ಈಗ 10 ಸಕ್ರಿಯ ಕೊವಿಡ್ ಪ್ರಕರಣಗಳನ್ನು ಹೊಂದಿದೆ ಮತ್ತು ಎಲ್ಲಾ ರೋಗಿಗಳು ದಕ್ಷಿಣ ಅಂಡಮಾನ್ ಜಿಲ್ಲೆಯಲ್ಲಿದ್ದಾರೆ. ಇತರ ಎರಡು ಜಿಲ್ಲೆಗಳು – ಉತ್ತರ ಮತ್ತು ಮಧ್ಯ ಅಂಡಮಾನ್ ಮತ್ತು ನಿಕೋಬಾರ್ ಕೊವಿಡ್ 19ನಿಂದ ಮುಕ್ತವಾಗಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ. ಕೊವಿಡ್ ನಿಂದ ಇನ್ನೂ ಇಬ್ಬರು ವ್ಯಕ್ತಿಗಳು ಚೇತರಿಸಿಕೊಂಡಿದ್ದು, ಒಟ್ಟು ಚೇತರಿಕೆಯ ಸಂಖ್ಯೆ 7,494 ಕ್ಕೆ ತಲುಪಿದೆ. ಕಳೆದ 24 ಗಂಟೆಗಳಲ್ಲಿ ಯಾವುದೇ ಹೊಸ ಸಾವು ಸಂಭವಿಸಿಲ್ಲವಾದ್ದರಿಂದ ಸಾವಿನ ಸಂಖ್ಯೆ 129 ರಷ್ಟಿದೆ ಎಂದು ಅವರು ಹೇಳಿದರು.

ಇದನ್ನೂ ಓದಿ: 95 ಕೋಟಿ ಡೋಸ್ ಕೊವಿಡ್ ಲಸಿಕೆ ನೀಡಿಕೆ, ಮತ್ತೊಂದು ಮೈಲುಗಲ್ಲು ಸಾಧಿಸಿದ ಭಾರತ: ಮಾಂಡವಿಯಾ