2024ರ ವೇಳೆಗೆ ಭಾರತ 9 ಪರಮಾಣು ರಿಯಾಕ್ಟರ್‌ಗಳನ್ನು ಹೊಂದಲಿದೆ: ರಾಜ್ಯಸಭೆಗೆ ಸರ್ಕಾರ ಮಾಹಿತಿ
Rajya Sabha ಕೂಡಂಕುಲಂ ಪರಮಾಣು ಸ್ಥಾವರದ ವಿಸ್ತರಣೆಯ ಕುರಿತು ಮಾತನಾಡಿದ ಸಚಿವರು2021 ರಲ್ಲಿ, ನಾವು ಘಟಕ 5 ಮತ್ತು ಘಟಕ 6 ರ ನಿರ್ಮಾಣವನ್ನು ಪ್ರಾರಂಭಿಸಲು ಯೋಜಿಸಿದ್ದೇವೆ ಎಂದು ಹೇಳಿದರು.
Updated on: Dec 02, 2021 | 7:27 PM
ದೆಹಲಿ: 2024ರ ವೇಳೆಗೆ ಭಾರತವು ಒಂಬತ್ತು ಪರಮಾಣು ರಿಯಾಕ್ಟರ್‌ಗಳನ್ನು(nuclear reactors) ಹೊಂದಲಿದೆ. ಸಿಬ್ಬಂದಿ, ಸಾರ್ವಜನಿಕ ಕುಂದುಕೊರತೆಗಳು ಮತ್ತು ಪಿಂಚಣಿಗಳ ರಾಜ್ಯ ಸಚಿವ ಜಿತೇಂದ್ರ ಸಿಂಗ್ (Jitendra Singh) ಅವರು ಇಂದು ರಾಜ್ಯಸಭೆಯಲ್ಲಿ ಕೇಂದ್ರದ ಪರವಾಗಿ ಈ ವಿಷಯ ತಿಳಿಸಿದರು. ಉತ್ತರ ಭಾರತದಲ್ಲಿ ಮೊದಲ ಹೊಸ ಪರಮಾಣು ಯೋಜನೆ ದೆಹಲಿಯಿಂದ 150 ಕಿಲೋಮೀಟರ್ ದೂರದಲ್ಲಿ ಹರ್ಯಾಣದ ಗೋರಖ್‌ಪುರದಲ್ಲಿ ( Gorakhpur) ಬರಲಿದೆ ಎಂದು ಅವರು ಹೇಳಿದರು. “2024 ರ ವೇಳೆಗೆ ನೀವು ಒಂಬತ್ತು ಪರಮಾಣು ರಿಯಾಕ್ಟರ್‌ಗಳು ಮತ್ತು 9000 MW ಸಾಮರ್ಥ್ಯದೊಂದಿಗೆ 12 ಹೊಸ ಹೆಚ್ಚುವರಿ ರಿಯಾಕ್ಟರ್‌ಗಳನ್ನು ಹೊಂದುತ್ತೀರಿ. ಇವುಗಳನ್ನು ಕೊವಿಡ್ ಸಮಯದಲ್ಲಿ ಅನುಮೋದಿಸಲಾಗಿದೆ. ದೇಶದ ವಿವಿಧ ಭಾಗಗಳಲ್ಲಿ ಐದು ಹೊಸ ಸೈಟ್‌ಗಳನ್ನು ಸಹ ಗುರುತಿಸಲಾಗುತ್ತಿದೆ” ಎಂದು ಸಚಿವರು ಹೇಳಿದರು. ಪ್ರಶ್ನೋತ್ತರ ವೇಳೆಯಲ್ಲಿ ಅವರು ಪೂರಕ ಪ್ರಶ್ನೆಗಳಿಗೆ ಉತ್ತರಿಸುತ್ತಿದ್ದರು. ಸುರಕ್ಷತೆಯ ದೃಷ್ಟಿಯಿಂದ ಪರಮಾಣು ವಿದ್ಯುತ್ ಸ್ಥಾವರಗಳನ್ನು ಹಂತಹಂತವಾಗಿ ಸ್ಥಗಿತಗೊಳಿಸಲು ಸರ್ಕಾರ ಚಿಂತನೆ ನಡೆಸುತ್ತಿದೆಯೇ ಎಂದು ಕೇಳಿದ ಪ್ರಶ್ನೆಗೆ, “ನಾವು ಸಂಖ್ಯೆಯನ್ನು ಹೆಚ್ಚಿಸಿರುವುದು ಮಾತ್ರವಲ್ಲದೆ ಪ್ಯಾನ್-ಇಂಡಿಯಾ ಉತ್ಪಾದನಾ ಯೋಜನೆಯನ್ನು ಮಾಡಲು ಪ್ರಯತ್ನಿಸುತ್ತಿದ್ದೇವೆ” ಎಂದು ಸಚಿವರು ಹೇಳಿದರು. ದೇಶದ ಹೆಚ್ಚುತ್ತಿರುವ ವಿದ್ಯುತ್ ಬೇಡಿಕೆಗಾಗಿ ಪರಮಾಣು ಶಕ್ತಿಯು ಪರ್ಯಾಯ ಅಥವಾ ಶುದ್ಧ ಶಕ್ತಿಯ ಪ್ರಮುಖ ಮೂಲಗಳಲ್ಲಿ ಒಂದಾಗಿ ಶೀಘ್ರದಲ್ಲೇ ಹೊರಹೊಮ್ಮಲಿದೆ ಎಂದು ಸಚಿವರು ಹೇಳಿದರು. ಈ ಸರ್ಕಾರದ ಅವಧಿಯಲ್ಲಿ 10 ಸ್ಥಳೀಯ ರಿಯಾಕ್ಟರ್‌ಗಳ ಬೃಹತ್ ಅನುಮೋದನೆಯನ್ನು ಒಂದೇ ಕ್ಯಾಬಿನೆಟ್ ನಿರ್ಧಾರದಲ್ಲಿ ಮಾಡಲಾಗಿದೆ. ಇದು ಸ್ವತಃ ಒಂದು ದಾಖಲೆಯಾಗಿದೆ ಮತ್ತು ಸ್ವತಂತ್ರ ಭಾರತದ ಇತಿಹಾಸದಲ್ಲಿ ಈವರೆಗೆ ಸಂಭವಿಸಿಲ್ಲ ಎಂದು ಸಿಂಗ್ ಹೇಳಿದರು.
ಕೂಡಂಕುಲಂ ಪರಮಾಣು ಸ್ಥಾವರದ ವಿಸ್ತರಣೆಯ ಕುರಿತು ಮಾತನಾಡಿದ ಸಚಿವರು2021 ರಲ್ಲಿ, ನಾವು ಘಟಕ 5 ಮತ್ತು ಘಟಕ 6 ರ ನಿರ್ಮಾಣವನ್ನು ಪ್ರಾರಂಭಿಸಲು ಯೋಜಿಸಿದ್ದೇವೆ ಎಂದು ಹೇಳಿದರು. 2005 ರ ಮಟ್ಟದಿಂದ 2030 ರ ವೇಳೆಗೆ ತನ್ನ ಆರ್ಥಿಕತೆಯ ಹೊರಸೂಸುವಿಕೆಯ ತೀವ್ರತೆಯನ್ನು ಮೂರನೇ ಒಂದು ಭಾಗದಷ್ಟು ಕಡಿಮೆ ಮಾಡಲು ಪ್ಯಾರಿಸ್ ಹವಾಮಾನದ ಬದ್ಧತೆಗಳನ್ನು ಪೂರೈಸಲು ಸಹಾಯ ಮಾಡಲು ಭಾರತವು ತನ್ನ ಪರಮಾಣು ಕಾರ್ಯಕ್ರಮವನ್ನು ಚುರುಕುಗೊಳಿಸಿದೆ.
ಭಾರತವು ಅಸ್ತಿತ್ವದಲ್ಲಿರುವ ಪರಮಾಣು ಉತ್ಪಾದನಾ ಸಾಮರ್ಥ್ಯವನ್ನು 6.8 ಗಿಗಾವ್ಯಾಟ್‌. ಇದು ರಾಷ್ಟ್ರದ ಒಟ್ಟು ಸಾಮರ್ಥ್ಯದ ಸರಿಸುಮಾರು ಶೇ 2ರಷ್ಟು. ಕಲ್ಲಿದ್ದಲಿನ ಉತ್ಪಾದನೆಯು ಭಾರತದ ಸ್ಥಾಪಿತ ತಳದಲ್ಲಿ ಸುಮಾರು ಶೇ 53 ಆಗಿದೆ. ಆದಾಗ್ಯೂ ಅದರ ಪಾಲು ಶುದ್ಧ ಉತ್ಪಾದನೆ ಮತ್ತು ನವೀಕರಿಸಬಹುದಾದ ಶಕ್ತಿಯ ಪರವಾಗಿ ಕುಸಿಯುತ್ತಿದೆ.
ಇದನ್ನೂ ಓದಿ: Omicron in Karnataka: ಒಮಿಕ್ರಾನ್ ಸೋಂಕಿತರ ಸಂಪರ್ಕದಲ್ಲಿದ್ದ ಐವರಿಗೆ ಕೊವಿಡ್ ದೃಢ; ಬಿಬಿಎಂಪಿ ಆಯುಕ್ತ ಗೌರವ್ ಗುಪ್ತ
