Indian Navy Recruitment 2021: ಭಾರತೀಯ ನೌಕಾಪಡೆಯಲ್ಲಿದೆ ಉದ್ಯೋಗಾವಕಾಶ; 2500 ಹುದ್ದೆಗಳ ಭರ್ತಿಗೆ ಅರ್ಜಿ ಆಹ್ವಾನ

ದೆಹಲಿ: ಭಾರತೀಯ ನೌಕಾಪಡೆ 2,500 ನಾವಿಕರ ನೇಮಕಾತಿಗೆ ನೋಂದಣಿ ಪ್ರಕ್ರಿಯೆ ಶೀಘ್ರದಲ್ಲೇ  ಆರಂಭವಾಗಲಿದೆ . ಅರ್ಜಿ ನಮೂನೆಗಳು ಭಾರತೀಯ ನೌಕಾಪಡೆಯ ಅಧಿಕೃತ ವೆಬ್​ಸೈಟ್​ನಲ್ಲಿ joinindiannavya.gov.in ಲಭ್ಯವಿರುತ್ತದೆ. ನೋಂದಣಿ ಮಾಡಿಕೊಳ್ಳಲು ಕೊನೆಯ ದಿನಾಂಕ ಮೇ 5. 

ಈ ನೇಮಕಾತಿಯಲ್ಲಿ ಖಾಲಿ ಇರುವ  2,500 ಹುದ್ದೆಗಳನ್ನು  ಭರ್ತಿ ಮಾಡಲಾಗುವುದು. ಅವಿವಾಹಿತ ಪುರುಷರಿಂದ ಆನ್​ಲೈನ್​ ಮೂಲಕ  ಪ್ರಸ್ತುತ ಹುದ್ದೆಗೆ ಅರ್ಜಿ ಆಹ್ವಾನಿಸಲಾಗಿದೆ. ‘ಆರ್ಟಿಫಿಸರ್​ ಅಪ್ರೆಂಟಿಸ್ (ಎಎ) ಮತ್ತು ಸೀನಿಯರ್​ ಸೆಕೆಂಡರಿ ನೇಮಕಾತಿ (ಎಸ್​ಎಸ್​ಆರ್​)ಗೆ ನಾವಿಕನಾಗಿ ಕ್ರಮವಾಗಿ 500 ಮತ್ತು 2,000 ಖಾಲಿ ಹುದ್ದೆಗಳಿಗೆ ಭಾರತ ಸರ್ಕಾರವು ನಿಗದಿಪಡಿಸಿದ ರಾಷ್ಟ್ರೀಯತೆಯ ಷರತ್ತುಗಳನ್ನು ಪೂರೈಸುವ ಆನ್​ಲೈನ್​ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ ಎಂದು ಭಾರತೀಯ ನೌಕಾಪಡೆ ಹೇಳಿದೆ.

ಆರ್ಟಿಫಿಸರ್​ ಅಪ್ರೆಂಟಿಸ್​ ಉಗಿ ಚಾಲಿತ ಯಂತ್ರೋಪಕರಣಗಳು, ಡೀಸೆಲ್​ ಮತ್ತು ಅನಿಲ ಟರ್ಬೈನ್​ಗಳು ಮಾರ್ಗದರ್ಶಿ ಕ್ಷಿಪಣಿಗಳು ಮತ್ತು ಇತರ ಸ್ವಯಂಚಾಲಿತವಾಗಿ ನಿಯಂತ್ರಿತ ಆಯುಧಗಳು, ಸಂವೇದಕಗಳು, ವೈಮಾನಿಕ​ ಉಪಕರಣಗಳು, ಕಂಪ್ಯೂಟರ್​ಗಳು ಮತ್ತು ಹೆಚ್ಚು ಸುಧಾರಿತ ರೇಡಿಯೋ ಮತ್ತು ವಿದ್ಯುತ್​ ಶಕ್ತಿ ವ್ಯವಸ್ಥೆಗಳಲ್ಲಿ ಕೆಲಸ ಮಾಡಬೇಕಾಗುತ್ತದೆ. ಆಯ್ಕೆಯಾದ ಅಭ್ಯರ್ಥಿಗಳಿಗೆ ಐಎನ್​ಎಸ್​ ಚಿಲ್ಕಾದಲ್ಲಿ 9 ವಾರ ಪ್ರಾಥಮಿಕ ತರಬೇತಿ ಮತ್ತು ನಿಯೋಜಿತ ನೌಕಾ ತರಬೇತಿ ಕೇಂದ್ರಗಳಲ್ಲಿ ವೃತ್ತಿಪರ ತರಬೇತಿ ನೀಡಲಾಗುವುದು.

ಎಸ್​ಎಸ್​ಆರ್​ನ ಕೆಲಸವು, ರಾಡರ್​ಗಳು- ಸೋನಾರ್​ಗಳು ಅಥವಾ ಸಂವಹನ ಅಥವಾ ಕ್ಷಿಪಣಿಗಳು, ಬಂದೂಕುಗಳು, ರಾಕೆಟ್​ಗಳಂತಹ ಶಸ್ತ್ರಾಸ್ತ್ರಗಳ ಗುಂಡಿನಂತಹ ವಿವಿಧ ಸಾಧನಗಳ ಕಾರ್ಯಾಚರಣೆ ಆಗಿರುತ್ತದೆ.  ಆಯ್ಕೆಯಾದ ಅಭ್ಯರ್ಥಿಗಳಿಗೆ ಐಎನ್​ಎಸ್​ ಚಿಲ್ಕಾದಲ್ಲಿ 22 ವಾರ ಪ್ರಾಥಮಿಕ ತರಬೇತಿ ಮತ್ತು ನಿಯೋಜಿತ ನೌಕಾ ತರಬೇತಿ ಕೇಂದ್ರಗಳಲ್ಲಿ ವೃತ್ತಿಪರ ತರಬೇತಿ ನೀಡಲಾಗುವುದು.

ಗಣಿತ, ಭಾತಶಾಸ್ತ್ರ ಮತ್ತು ರಸಾಯನ ಶಾಸ್ತ್ರ, ಜೀವಶಾಸ್ತ್ರ, ಕಂಪ್ಯೂಟರ್​ ವಿಜ್ಞಾನ ಇತರೆ ಯಾವುದೇ ವಿಷಯಗಳೊಂದಿಗೆ ಒಟ್ಟುಶೇ.60ರಷ್ಟು ಹೆಚ್ಚಿನ ಅಂಕಗಳೊಂದಿಗೆ 10+2 ಪರೀಕ್ಷೆಯಲ್ಲಿ ಉತ್ತೀರ್ಣರಾದ ಅಭ್ಯರ್ಥಿಗಳು ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಬಹುದು. ಅಭ್ಯರ್ಥಿಯ ವಯಸ್ಸು 17 ರಿಂದ 20ರ ನಡುವೆ ಇರಬೇಕು.

ಇದನ್ನೂ ಓದಿ: Explainer | ನೌಕಾಪಡೆ ದಿನ Indian Navy Day 2020 ಕರಾಚಿ ಬಂದರು ಮೇಲೆ ಭಾರತೀಯ ಯೋಧರ ಪಾರಮ್ಯದ ನೆನಪು