Global Hunger Index 2021 ಜಾಗತಿಕ ಹಸಿವು ಸೂಚ್ಯಂಕದಲ್ಲಿ ಭಾರತದ ಸ್ಥಾನ ಕುಸಿತ; ಈ ಸೂಚ್ಯಂಕ ಏನನ್ನು ಸೂಚಿಸುತ್ತದೆ?

ಗುರುವಾರ ಬಿಡುಗಡೆಯಾದ ಜಾಗತಿಕ ಹಸಿವಿನ ಸೂಚ್ಯಂಕ (Global Hunger Index 2021) ವರದಿಯಲ್ಲಿ ಭಾರತವು 135 ರಾಷ್ಟ್ರಗಳ ಪೈಕಿ 101 ನೇ ಸ್ಥಾನಕ್ಕೆ ಕುಸಿದಿದೆ. ಅಂದರೆ ಭಾರತ ಈಗ ಪಾಕಿಸ್ತಾನ (92), ಬಾಂಗ್ಲಾದೇಶ (76) ಮತ್ತು ನೇಪಾಳ (76) ಕ್ಕಿಂತ ಹಿಂದೆ ಇದೆ. ಭಾರತ ಕಳೆದ ವರ್ಷ 94 ನೇ ಸ್ಥಾನದಲ್ಲಿತ್ತು. ಐರಿಶ್ ನೆರವು ಸಂಸ್ಥೆ ಕನ್ಸರ್ನ್ ವರ್ಲ್ಡ್ ವೈಡ್ (Concern Worldwide ) ಮತ್ತು ಜರ್ಮನಿಯ ಸಂಸ್ಥೆಯಾದ ವೆಲ್ಟ್ ಹಂಗರ್ ಹಿಲ್ಫೆ (Welt Hunger Hilfe ) ಜಂಟಿಯಾಗಿ ತಯಾರಿಸಿದ ಈ ವರದಿ ಪ್ರಕಾರ ಭಾರತದ ಹಸಿವಿನ ಮಟ್ಟವನ್ನು “ಆತಂಕಕಾರಿ” ಎಂದು ಹೇಳುತ್ತದೆ. ಏಕೆಂದರೆ ಭಾರತದ ಜಾಗತಿಕ ಹಸಿವು ಸೂಚ್ಯಂಕದ ಸ್ಕೋರ್ ವರ್ಷಗಳಲ್ಲಿ ಕಡಿಮೆಯಾಗುತ್ತಿದೆ. 2000 ರಲ್ಲಿ ಭಾರತದ ಜಿಎಚ್ಐ ಸ್ಕೋರ್ 38.8 ಆಗಿದ್ದು, 2021 ರಲ್ಲಿ 27.5 ಕ್ಕೆ ಇಳಿದಿದೆ.

ಜಿಎಚ್‌ಐ ಎನ್ನುವುದು ಜಾಗತಿಕ, ಪ್ರಾದೇಶಿಕ ಮತ್ತು ರಾಷ್ಟ್ರೀಯ ಹಸಿವಿನ ಮಟ್ಟವನ್ನು ಅಳೆಯಲು ಮತ್ತು ಟ್ರ್ಯಾಕ್ ಮಾಡಲು ವಿನ್ಯಾಸಗೊಳಿಸಲಾದ ಸಾಧನವಾಗಿದೆ. ಸ್ಕೋರ್‌ಗಳನ್ನು ಪ್ರತಿ ವರ್ಷವೂ ಲೆಕ್ಕಹಾಕಲಾಗುತ್ತದೆ. ಹಸಿವು ನಿವಾರಣೆ, ಹಸಿವು ನಿವಾರಣೆ ಮಾಡುವುದಕ್ಕೆ ಬೇಕಾಗುವ ಹೆಚ್ಚುವರಿ ಪ್ರಯತ್ನಗಳನ್ನು ಗಣನೆಗೆ ತೆಗೆದುಕೊಳ್ಳಲಾಗುತ್ತದೆ. ಜಿಎಚ್‌ಐ ಮತ್ತು ಈ ಸೂಚ್ಯಂಕ ಭಾರತದ ಬಗ್ಗೆ ಏನು ಹೇಳುತ್ತದೆ ಎಂಬುದನ್ನು ಕೆಳಗೆ ವಿವರಿಸಲಾಗಿದೆ.

ಭಾರತದ ಪ್ರಗತಿ ಏನು? 2000 ರಿಂದ ಭಾರತವು ಗಣನೀಯ ಪ್ರಗತಿಯನ್ನು ಸಾಧಿಸಿದೆ, ಆದರೆ ವಿಶೇಷವಾಗಿ ಮಕ್ಕಳ ಪೌಷ್ಟಿಕಾಂಶದ ಬಗ್ಗೆ ಇನ್ನೂ ಕಳವಳದ ಕ್ಷೇತ್ರವಾಗಿ ಉಳಿದಿದೆ. ಭಾರತದ ಜಿಎಚ್ಐ ಸ್ಕೋರ್ 2000ರಲ್ಲಿ 38.8 ಪಾಯಿಂಟ್ ಆಗಿದ್ದು, 2021ರಲ್ಲಿ ಇದು 27.5 ಕ್ಕೆ ಇಳಿದಿದೆ. 2000ರ ಸ್ಕೋರ್ ಆತಂಕಕಾರಿ ಎಂದು ಪರಿಗಣಿಸಲಾಗಿದ್ದು, 2021ರ ಸ್ಕೋರ್ ಗಂಭೀರವೆಂದು ಪರಿಗಣಿಸಲಾಗಿದೆ. ಜನಸಂಖ್ಯೆಯಲ್ಲಿ ಅಪೌಷ್ಟಿಕತೆಯ ಪ್ರಮಾಣ ಮತ್ತು ಐದು ವರ್ಷದೊಳಗಿನ ಮಕ್ಕಳ ಮರಣ ಪ್ರಮಾಣವು ಈಗ ತುಲನಾತ್ಮಕವಾಗಿ ಕಡಿಮೆ ಮಟ್ಟದಲ್ಲಿದೆ.

ಮಕ್ಕಳ ಬೆಳವಣಿಗೆಯಲ್ಲಿ ಗಮನಾರ್ಹವಾದ ಇಳಿಕೆಯನ್ನು ಕಂಡಿದೆ. 1998-1999ರಲ್ಲಿ 54.2 ಶೇಕಡಾ ಇದ್ದದ್ದುದ 2016-2018ರಲ್ಲಿ 34.7 ಪ್ರತಿಶತದಷ್ಟು ಆಗಿದೆ. ಇದು ಇನ್ನೂ ಹೆಚ್ಚು ಎಂದು ಪರಿಗಣಿಸಲಾಗಿದೆ. 17.3 ಪ್ರತಿಶತದಲ್ಲಿ ಜಿಎಚ್‌ಐ ವ್ಯಾಪ್ತಿಗೆ ಒಳಪಡುವ ಎಲ್ಲ ದೇಶಗಳಿಗಿಂತ ಭಾರತವು ಈಗಲೂ ಅತಿಹೆಚ್ಚು ಮಕ್ಕಳ ಕುಂಠಿತ ಬೆಳವಣಿಗೆಯನ್ನು ಹೊಂದಿದೆ. ಈ ದರವು 1998-1999ರಲ್ಲಿ 17.1 ಶೇಕಡಾ ಇದ್ದದ್ದು ಈಗ ಸ್ವಲ್ಪ ಏರಿಕೆ ಆಗಿದೆ.

ಸೂಚ್ಯಂಕ ಯಾವೆಲ್ಲ ಮಾಹಿತಿಯನ್ನು ಆಧರಿಸಿರುತ್ತದೆ? ಭಾರತದ 2021 ಜಿಎಚ್ಐ ಸ್ಕೋರ್ ಈ ನಾಲ್ಕು ಘಟಕ ಸೂಚಕಗಳ ಅಂಕಿ ಅಂಶಗಳನ್ನು ಬಳಸುತ್ತದೆ. 1. ಅಪೌಷ್ಟಿಕತೆಯ ಮೌಲ್ಯಗಳು ಎಫ್‌ಎಒ ಆಹಾರ ಭದ್ರತಾ ಸೂಚಕಗಳ 2021 ರ ಆವೃತ್ತಿಯಿಂದ (ಜುಲೈ 12, 2021 ರಂದು ಪ್ರಕಟಿಸಲಾಗಿದೆ) 2. 2. ಮಕ್ಕಳ ಕುಂಠಿತ ಬೆಳವಣಿಗೆ ಮತ್ತು ಅಪೌಷ್ಟಿಕತೆ ಬಗ್ಗೆ ಯುನಿಸೆಫ್, ಡಬ್ಲ್ಯುಎಚ್‌ಒ ಮತ್ತು ವಿಶ್ವಬ್ಯಾಂಕ್ ಜಂಟಿ ಮಕ್ಕಳ ಅಪೌಷ್ಟಿಕತೆಯ ಅಂದಾಜುಗಳ 2021 ರ ಆವೃತ್ತಿಯಿಂದ (ಏಪ್ರಿಲ್ 2021 ರಂದು ಪ್ರಕಟಿಸಲಾಗಿದೆ), ಭಾರತದ ಸಮಗ್ರ ರಾಷ್ಟ್ರೀಯ ಪೌಷ್ಟಿಕಾಂಶ ಸಮೀಕ್ಷೆ 2016–2018 (ಸಿಎನ್‌ಎನ್‌ಎಸ್) ದತ್ತಾಂಶ, ರಾಷ್ಟ್ರೀಯ ವರದಿ (2019 ರಲ್ಲಿ ಪ್ರಕಟಿಸಲಾಗಿದೆ)ಯನ್ನೊಳಗೊಂಡಿದೆ. 3. ಯುಎನ್ ಐಜಿಎಂಇ (ಮಕ್ಕಳ ಏರಿಳಿತದ ಅಂದಾಜುಗಾಗಿ ಇಂಟರ್-ಏಜೆನ್ಸಿ ಗ್ರೂಪ್) 2020 ರ ಆವೃತ್ತಿಯಿಂದ ಐದು ವರ್ಷದೊಳಗಿನ ಮರಣ ಪ್ರಮಾಣವನ್ನು ತೆಗೆದುಕೊಳ್ಳಲಾಗಿದೆ ಮಕ್ಕಳ ಮರಣದ ಅಂದಾಜುಗಳು (ಸೆಪ್ಟೆಂಬರ್ 9, 2020 ಪ್ರಕಟಿತ). ದೇಶದ ಮಟ್ಟದಲ್ಲಿ ಮಕ್ಕಳ ಮರಣದ ದತ್ತಾಂಶದ ಗುಣಮಟ್ಟ ಮತ್ತು ಲಭ್ಯತೆಯ ವಿಶಾಲ ವ್ಯಾಪ್ತಿಯನ್ನು ಗಮನಿಸಿದರೆ, ಯುಎನ್ ಐಜಿಎಂಇ( UN IGME) ಇಂದ ಎಲ್ಲಾ ದೇಶಗಳಿಗೆ ಮೌಲ್ಯಗಳನ್ನು ಸರಿಯಾಗಿ ಪರಿಶೀಲಿಸಲಾಗಿದೆಯೆ ಎಂದು ಜಿಎಚ್ಐ ಖಚಿತಪಡಿಸಿಕೊಳ್ಳುತ್ತದೆ.

ಜಿಎಚ್ಐ ಸೂಚಕಗಳ ಆಯ್ಕೆಗೆ ಕಾರಣ? ಹಸಿವಿನ ಸಮಸ್ಯೆ ಸಂಕೀರ್ಣವಾಗಿದೆ. ಹಸಿವಿನ ಬಹು ಆಯಾಮದ ಸ್ವಭಾವವನ್ನು ಪ್ರತಿಬಿಂಬಿಸಲು ಜಿಎಚ್ಐ ನಾಲ್ಕು ಸೂಚಕಗಳನ್ನು ಒಳಗೊಂಡಿದೆ. ಒಟ್ಟಾಗಿ, ಅವು ಕ್ಯಾಲೋರಿ ಹಾಗೂ ಮೈಕ್ರೋನ್ಯೂಟ್ರಿಯಂಟ್‌ಗಳ ಕೊರತೆಯನ್ನು ಪ್ರತಿಬಿಂಬಿಸುತ್ತವೆ.

ಜನಸಂಖ್ಯೆಯಲ್ಲಿ ಅಪೌಷ್ಟಿಕತೆಯ ಪ್ರಮಾಣವನ್ನು (GHI ಅಂಕದ 1/3) ಐದು ವರ್ಷದೊಳಗಿನ ಮಕ್ಕಳಿಗೆ (GHI ಅಂಕದ 2/3) ಸಂಬಂಧಿಸಿದ ಸೂಚಕಗಳೊಂದಿಗೆ ಸಂಯೋಜಿಸುವ ಮೂಲಕ, ಜಿಎಚ್ಐ ಜನಸಂಖ್ಯೆಯ ಆಹಾರ ಪೂರೈಕೆ ಪರಿಸ್ಥಿತಿ ಎರಡನ್ನೂ ಖಚಿತಪಡಿಸುತ್ತದೆ. ಸಂಪೂರ್ಣ ಮತ್ತು ಅಸಮರ್ಪಕ ಪೋಷಣೆಯ ಪರಿಣಾಮಗಳನ್ನೂ ಇಲ್ಲಿ ಉಲ್ಲೇಖಿಸಲಾಗಿದೆ. ಮಕ್ಕಳ ದೈಹಿಕ ಯೋಗಕ್ಷೇಮದ ಮೇಲೆ ನಂತರದ ಪರಿಣಾಮವನ್ನು ಪ್ರತಿಬಿಂಬಿಸಲು ಮನೆಗಳ ನಡುವೆ ಮತ್ತು ಮನೆಯೊಳಗಿನ ಅಸಮವಾದ ಸಂಪನ್ಮೂಲ ಹಂಚಿಕೆಗಳನ್ನು ಸಹ ಪರಿಗಣಿಸಲಾಗುತ್ತದೆ. ಮನೆಯ ಮಟ್ಟದಲ್ಲಿ ಸಾಕಷ್ಟು ಆಹಾರ ಲಭ್ಯತೆಯು ಎಲ್ಲಾ ಮನೆಯ ಸದಸ್ಯರು ಸಮಾನ ಪ್ರಮಾಣದಲ್ಲಿ ಅದರಿಂದ ಪ್ರಯೋಜನ ಪಡೆಯುವುದನ್ನು ಖಾತರಿಪಡಿಸುವುದಿಲ್ಲ.

ಇದನ್ನೂ ಓದಿ: Global Hunger Index ಜಾಗತಿಕ ಹಸಿವು ಸೂಚ್ಯಂಕದಲ್ಲಿ 101ನೇ ಸ್ಥಾನಕ್ಕೆ ಕುಸಿದ ಭಾರತ: ಮೋದಿಗೆ ಅಭಿನಂದನೆ ಎಂದು ಟ್ವೀಟ್ ಮಾಡಿದ ಕಪಿಲ್ ಸಿಬಲ್