Lachit Borphukan: ಅಪ್ರತಿಮ ಧೈರ್ಯದ ಪ್ರತಿರೂಪ ಲಾಚಿತ್ ಬರ್ಫುಕನ್: ಅಹೋಮ್ ಸಾಮ್ರಾಜ್ಯದ ಸೇನಾಧಿಪತಿಗೆ ನರೇಂದ್ರ ಮೋದಿ ನಮನ
17ನೇ ಶತಮಾನದ ಅಹೋಮ್ ಜನರಲ್ ಲಚಿತ್ ಬೊರ್ಫುಕನ್ ಅವರ 400ನೇ ಜನ್ಮದಿನದಂದು ಜನರಿಗೆ ಶುಭಾಶಯ ಕೋರಿದ ಪ್ರಧಾನಿ ನರೇಂದ್ರ ಮೋದಿ ಅವರು ಅಹೋಮ್ ಅವರು ಅಪ್ರತಿಮ ಧೈರ್ಯವನ್ನು ಬಿಂಬಿಸಿದ್ದಾರೆ ಎಂದು ಹೇಳಿದರು.
Updated on:Nov 25, 2022 | 8:39 AM
ನವದೆಹಲಿ: ಜನರಲ್ ಲಾಚಿತ್ ಬರ್ಫುಕನ್ ಅವರು ಹಿಂದಿನ ಅಹೋಮ್ ಸಾಮ್ರಾಜ್ಯದಲ್ಲಿ ಕಮಾಂಡರ್ ಆಗಿದ್ದರು ಮತ್ತು 1671 ರ ಸರೈಘಾಟ್ ಯುದ್ಧದಲ್ಲಿ ನಾಯಕತ್ವವಹಿಸಿಕೊಂಡಿದ್ದರು. ಇದು ಅಸ್ಸಾಂ ಅನ್ನು ವಶಪಡಿಸಿಕೊಳ್ಳಲು ಮೊಘಲ್ ಪಡೆಗಳ ಪ್ರಯತ್ನವನ್ನು ವಿಫಲಗೊಳಿಸಿತು. ಅಸ್ಸಾಂನಲ್ಲಿ ನವೆಂಬರ್ 24 ರಂದು ಲಚಿತ್ ದಿವಸ್ ಎಂದು ಜನರಲ್ ಲಾಚಿತ್ ಬರ್ಫುಕನ್ ಅವರ ಶೌರ್ಯಕ್ಕೆ ಗೌರವವಾಗಿ ಆಚರಿಸುತ್ತದೆ.
ಬರ್ಫುಕನ್ ಅವರ 400 ನೇ ಜನ್ಮ ವಾರ್ಷಿಕೋತ್ಸವದ ಮೂರು ದಿನಗಳ ಕಾರ್ಯಕ್ರಮವು ಬುಧವಾರ (ನ.23) ನವದೆಹಲಿಯಲ್ಲಿ ಪ್ರಾರಂಭವಾಯಿತು. ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಬುಧವಾರ ಬೆಳಗ್ಗೆ ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ ಅವರ ಸಮ್ಮುಖದಲ್ಲಿ ಕಾರ್ಯಕ್ರಮವನ್ನು ಉದ್ಘಾಟಿಸಿದರು.
ಪ್ರಧಾನಿ ನರೇಂದ್ರ ಮೋದಿ ‘ಲಚಿತ್ ದಿವಸ್ನ ಶುಭಾಶಯಗಳು, ಈ ಲಾಚಿತ್ ದಿವಸ್ ವಿಶೇಷವಾಗಿದೆ ಏಕೆಂದರೆ ನಾವು ಶ್ರೇಷ್ಠ ಲಾಚಿತ್ ಬರ್ಫುಕನ್ ಅವರ 400 ನೇ ಜನ್ಮ ವಾರ್ಷಿಕೋತ್ಸವವನ್ನು ಆಚರಿಸುತ್ತಿದ್ದೇವೆ, ಅವರು [ಬರ್ಫುಕನ್] ಅಪ್ರತಿಮ ಧೈರ್ಯವನ್ನು ಬಿಂಬಿಸಿದವರು. ಅವರು ಎಲ್ಲಕ್ಕಿಂತ ಹೆಚ್ಚಾಗಿ ಜನರ ಯೋಗಕ್ಷೇಮದ ಜೊತೆಗೆ ದೂರದೃಷ್ಟಿಯ ನಾಯಕರಾಗಿದ್ದರು ಎಂದು ಮೋದಿ ಟ್ವೀಟ್ ಮಾಡಿದ್ದಾರೆ.
ಇನ್ನು ಶುಕ್ರವಾರ (ನ.25) ನವದೆಹಲಿಯ ವಿಜ್ಞಾನ ಭವನದಲ್ಲಿ ಬರ್ಫುಕನ್ ಅವರ 400 ನೇ ಜನ್ಮ ವಾರ್ಷಿಕೋತ್ಸವದ ಸಮಾರಂಭದಲ್ಲಿ ಪ್ರಧಾನಿ ಮೋದಿ ಭಾಗವಹಿಸಲಿದ್ದಾರೆ. ಲಾಚಿತ್ ಬರ್ಫುಕನ್ ಅವರ ಜೀವನ ಚರಿತ್ರೆಯ ಪುಸ್ತಕವನ್ನು ಬಿಡುಗಡೆ ಮಾಡಲಾಗುವುದು ಮತ್ತು ಅವರ ಕುರಿತಾದ ಸಾಕ್ಷ್ಯಚಿತ್ರವನ್ನು ವಿಜ್ಞಾನ ಭವನದಲ್ಲಿ ಪ್ರದರ್ಶಿಸಲಾಗುತ್ತದೆ.
ಗುವಾಹಟಿ ಬಳಿ ನದಿ ಯುದ್ಧದಲ್ಲಿ ಆಕ್ರಮಣಕಾರಿ ಮೊಘಲ್ ಸೈನ್ಯವನ್ನು ಸೋಲಿಸಿದ ಅಹೋಮ್ ಸಾಮ್ರಾಜ್ಯದ 17 ನೇ ಶತಮಾನದ ಅಸ್ಸಾಮಿ ಜನರಲ್ ಲಾಚಿತ್ ಬರ್ಫುಕನ್ ಅವರ 400 ನೇ ಜನ್ಮದಿನದ ಸ್ಮರಣಾರ್ಥವಾಗಿ ನವೆಂಬರ್ 25 ರಂದು ಪ್ರಧಾನಿ ನರೇಂದ್ರ ಮೋದಿ ಅವರು ರಾಷ್ಟ್ರೀಯವಾಗಿ ಸಮರ್ಪಣಾ ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ. 1671 ರ ಬ್ರಹ್ಮಪುತ್ರದ ಸಾರೈಘಾಟ್ ಕದನವನ್ನು ಮುನ್ನಡೆಸಿದ್ದಕ್ಕಾಗಿ ಮತ್ತು ಮೊಘಲ್ ಜನರಲ್ ರಾಮ್ಸಿಂಗ್ I ಅಸ್ಸಾಂನ ಅಹೋಮ್ ಸಾಮ್ರಾಜ್ಯವನ್ನು ವಶಪಡಿಸಿಕೊಳ್ಳಲು ನೌಕಾಪಡೆಯ ಮೂಲಕ ಒಳನುಗ್ಗುವಿಕೆಯನ್ನು ತಡೆದಿದ್ದಕ್ಕಾಗಿ ಬರ್ಫುಕನ್ ಅಸ್ಸಾಂನಲ್ಲಿ ದೇವರಾಗಿದ್ದಾರೆ.
ಇನ್ನಷ್ಟು ರಾಜ್ಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 7:24 am, Fri, 25 November 22
