Horrible Video: ಕಸದ ರಾಶಿಗೆ ಬಿದ್ದ ಬೆಂಕಿಯ ರೌದ್ರತೆ ಇದು; ಅಗ್ನಿ ಜ್ವಾಲೆಯ ಭೀಕರತೆ ನೋಡಿ ಬೆಚ್ಚಿದ ಸ್ಥಳೀಯರು

Horrible Video: ಕಸದ ರಾಶಿಗೆ ಬಿದ್ದ ಬೆಂಕಿಯ ರೌದ್ರತೆ ಇದು; ಅಗ್ನಿ ಜ್ವಾಲೆಯ ಭೀಕರತೆ ನೋಡಿ ಬೆಚ್ಚಿದ ಸ್ಥಳೀಯರು
ಬೆಂಕಿಯ ದೃಶ್ಯ

ಅಲ್ಲೇ ಸಮೀಪದ ಪ್ರದೇಶಗಳಲ್ಲಿ ಕೆಲವು ಗುಡಿಸಲುಗಳಿದ್ದು, ಮಹಿಳೆಯರು ತೆರೆದ ಪ್ರದೇಶದಲ್ಲಿ ಒಲೆಗೆ ಬೆಂಕಿ ಹಾಕಿ ಅಡುಗೆ ಮಾಡುತ್ತಿದ್ದರು. ಜೋರಾದ ಗಾಳಿ ಬಂದಾಗ ಬೆಂಕಿಯ ಕಿಡಿ ಹಾರಿ ಕಸಕ್ಕೆ ಬೆಂಕಿ ಬಿದ್ದಿದೆ ಎಂದು ವರದಿಯಾಗಿದೆ.

TV9kannada Web Team

| Edited By: Lakshmi Hegde

Apr 26, 2022 | 9:05 AM

ಗುರ್​ಗಾಂವ್​​ನ ಮನೇಸರ್​ ಎಂಬಲ್ಲಿ ತ್ಯಾಜ್ಯದ ರಾಶಿಗೆ ಭಾರಿ ಪ್ರಮಾಣದಲ್ಲಿ ಬೆಂಕಿ ತಗುಲಿದೆ. ಮನೇಸರ್​ನ ಸೆಕ್ಟರ್​ 6ರ ಬಳಿ, ಸೋಮವಾರ ರಾತ್ರಿ ಮೊದಲು ಕಸದ ರಾಶಿಯಲ್ಲಿ ಕಾಣಿಸಿಕೊಂಡ ಬೆಂಕಿ ಕ್ಷಿಪ್ರವಾಗಿ ವಿಶಾಲವಾದ ಪ್ರದೇಶಕ್ಕೆ ಆವರಿಸಿದೆ. ಸೋಮವಾರ ಸಂಜೆ ಹೊತ್ತಿಗೆ ದೆಹಲಿ-ಎನ್​ಸಿಆರ್​ ಪ್ರದೇಶದಲ್ಲಿ ಭಾರಿ ಪ್ರಮಾಣದಲ್ಲಿ ಧೂಳು ಸಹಿತ, ಬಿರುಗಾಳಿ ಕಾಣಿಸಿಕೊಂಡಿತ್ತು. ಅದಾದ ಕೆಲವೇ ಹೊತ್ತಲ್ಲಿ ಬೆಂಕಿ ಹೊತ್ತಿಕೊಂಡಿದೆ.  35 ಫೈರ್​ ಎಂಜಿನ್​​ಗಳ ಸಹಾಯದಿಂದ, ಸತತ ಆರು ತಾಸುಗಳ ಕಾಲ ನಿರಂತರ ಶ್ರಮವಹಿಸಿದ ಬಳಿಕ ಬೆಂಕಿ ಆರಿಸಲಾಗಿದೆ. ಬೆಂಕಿಯ ಭಯಾನಕ ವಿಡಿಯೋ ಸಿಕ್ಕಾಪಟೆ ವೈರಲ್ ಆಗಿದೆ.

ಅಲ್ಲೇ ಸಮೀಪದ ಪ್ರದೇಶಗಳಲ್ಲಿ ಕೆಲವು ಗುಡಿಸಲುಗಳಿದ್ದು, ಮಹಿಳೆಯರು ತೆರೆದ ಪ್ರದೇಶದಲ್ಲಿ ಒಲೆಗೆ ಬೆಂಕಿ ಹಾಕಿ ಅಡುಗೆ ಮಾಡುತ್ತಿದ್ದರು. ಜೋರಾದ ಗಾಳಿ ಬಂದಾಗ ಬೆಂಕಿಯ ಕಿಡಿ ಹಾರಿ ಕಸಕ್ಕೆ ಬೆಂಕಿ ಬಿದ್ದಿದೆ ಎಂದು ವರದಿಯಾಗಿದೆ. ಅಷ್ಟೇ ಅಲ್ಲ, ಬೆಂಕಿ ವಿಪರೀತವಾಗಿ ಪಸರಿಸಿದ ಬೆನ್ನಲ್ಲೇ, ಸಿಲಿಂಡರ್ ಸ್ಫೋಟಗಳೂ ಆಗಿವೆ. ಯಾವುದೇ ಸಾವು-ನೋವುಗಳ ವರದಿಯಾಗಿಲ್ಲ. ಹಾಗಂತ ಬೆಂಕಿಗೆ ಕಾರಣವೇನು ಎಂಬುದನ್ನೂ ಇನ್ನೂ ಸ್ಥಳೀಯ ಆಡಳಿತ ಸ್ಪಷ್ಟ ಪಡಿಸಿಲ್ಲ.

ಬೆಂಕಿಯ ಮತ್ತು ಅದರಿಂದ ಉಂಟಾದ ದಟ್ಟ ಹೊಗೆಯ ವಿಡಿಯೋಗಳು ಸೋಷಿಯಲ್​ ಮೀಡಿಯಾಗಳಲ್ಲಿ ಸಿಕ್ಕಾಪಟೆ ವೈರಲ್ ಆಗುತ್ತಿದೆ. ಅದೆಷ್ಟೋ ಮಂದಿ ತಮ್ಮ ಮನೆಯ ಬಾಲ್ಕನಿಗಳಿಗೆ ಬಂದು ನಿಂತು ಫೋಟೋ-ವಿಡಿಯೋ ಸೆರೆ ಹಿಡಿದಿದ್ದಾರೆ. ಅದಲ್ಲಿ ಎಎನ್​ಐ ಮಾಧ್ಯಮವೂ ಕೂಡ ಒಂದು ವಿಡಿಯೋವನ್ನು ಶೇರ್ ಮಾಡಿದ್ದು, ಆಕಾಶದೆತ್ತರಕ್ಕೆ ಎದ್ದ ಹೊಗೆಯನ್ನು ಅದರಲ್ಲಿ ನೋಡಬಹುದು. ಇದು ನಿಜಕ್ಕೂ ಭಯಾನಕ ದೃಶ್ಯವೇ ಆಗಿದೆ.

ಇದನ್ನೂ ಓದಿ: ಋತುವಿಲಾಸಿನಿ : ಸಾವು ಆವರಿಸುವ ಹೊತ್ತಿನಲ್ಲಿ ನೀನು ಹೊರಗಿರಬೇಕು ಅಂತ ಬಯಸುವವಳು ನಾನು 

Follow us on

Related Stories

Most Read Stories

Click on your DTH Provider to Add TV9 Kannada