Mia Khalifa: ಜಾಮೂನು, ಸಮೋಸಾ ತಿಂದು ರೈತರ ಪರವಾಗಿ ಮತ್ತೆ ಟ್ವೀಟ್​ ಮಾಡಿದ ಮಿಯಾ ಖಲೀಫಾ

ಈ ವೀಡಿಯೊವನ್ನು ಹಂಚಿಕೊಳ್ಳುವಾಗ ಮಿಯಾ ಶೀರ್ಷಿಕೆ ಒಂದನ್ನು ಬರೆದಿದ್ದಾರೆ. ಅದರಲ್ಲಿ, ನಿತ್ಯ ಒಂದು ಗುಲಾಬ್​ ಜಾಮೂನ್​ ತಿಂದರೆ ಫ್ಯಾಸಿಸಂ ದೂರವಾಗುತ್ತದೆ ಎಂದು ಬರೆದುಕೊಂಡಿದ್ದಾರೆ.

Mia Khalifa: ಜಾಮೂನು, ಸಮೋಸಾ ತಿಂದು ರೈತರ ಪರವಾಗಿ ಮತ್ತೆ ಟ್ವೀಟ್​ ಮಾಡಿದ ಮಿಯಾ ಖಲೀಫಾ
ಮಿಯಾ ಖಲೀಫಾ
Rajesh Duggumane

|

Feb 07, 2021 | 5:27 PM

ನವದೆಹಲಿ: ಕೇಂದ್ರ ಸರ್ಕಾರ ಜಾರಿಗೆ ತರಲು ಮುಂದಾಗಿರುವ ಕೃಷಿ ಕಾಯ್ದೆ ವಿರೋಧಿಸಿ ನಡೆಯುತ್ತಿರುವ ರೈತರ ಪ್ರತಿಭಟನೆಗೆ ಬೆಂಬಲವಾಗಿ ಲೆಬನಾನ್​ನ ಮಾಡೆಲ್ ಮತ್ತು ಮಾಜಿ ಪಾರ್ನ್​​ ತಾರೆ ಮಿಯಾ ಖಲೀಫಾ ನಿರಂತರವಾಗಿ ಟ್ವೀಟ್ ಮಾಡುತ್ತಿದ್ದಾರೆ. ರೈತರ ಬಗ್ಗೆ ಅವರು ಮಾಡಿದ್ದ ಟ್ವೀಟ್​ ಇಟ್ಟುಕೊಂಡು ಟ್ರೋಲ್​ ಮಾಡಲಾಗಿತ್ತು. ಮಿಯಾ ಖಲೀಫಾ ಆ ಟ್ರೋಲ್‌ಗಳಿಗೆ ಸೂಕ್ತ ಉತ್ತರ ನೀಡಿದ್ದರು. ಏತನ್ಮಧ್ಯೆ, ಮಿಯಾ ಅವರು ವಿಡಿಯೋವೊಂದನ್ನು ಹಂಚಿಕೊಂಡಿದ್ದು, ಅದರಲ್ಲಿ ಭಾರತೀಯ ಖಾದ್ಯವನ್ನು ಅವರು ಆನಂದಿಸುತ್ತಿದ್ದಾರೆ. ಅಲ್ಲದೆ, ಆಹಾರವನ್ನು ಕಳುಹಿಸಿದ್ದಕ್ಕಾಗಿ ಮಿಯಾ ರೈತರಿಗೆ ಧನ್ಯವಾದ ಅರ್ಪಿಸಿದ್ದಾರೆ.

ರೈತರ ಪರವಾಗಿ ಟ್ವೀಟ್​ ಮಾಡುತ್ತಿರುವುದಕ್ಕೆ ಪ್ರತಿಯಾಗಿ ಮಿಯಾ ಹಣ ಪಡೆಯುತ್ತಿದ್ದಾರೆ ಎನ್ನುವ ವಿಚಾರ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿತ್ತು. ಇದಕ್ಕೆ ಪ್ರತಿಯಾಗಿ ಮಿಯಾ ಉತ್ತರಿಸಿದ್ದಾರೆ. ಕಷ್ಟಪಟ್ಟು ಕೆಲಸ ಮಾಡಿ ಏನನ್ನಾದರೂ ಪಡೆಯುವುದು ನಿಜಕ್ಕೂ ಖುಷಿ ನೀಡುತ್ತದೆ. ಸಾಮಾಜಿಕ ಜಾಲತಾಣದಲ್ಲಿ ರೈತರ ಪರವಾಗಿ ಟ್ವೀಟ್​ ಮಾಡಿದ್ದಕ್ಕೆ ಪ್ರತಿಯಾಗಿ ನನಗೆ ಈ ಊಟ ಸಿಕ್ಕಿದೆ. ಪ್ರತಿಯೊಂದಕ್ಕೂ ಮೌಲ್ಯವಿದೆ ಎಂದು ನಾನು ಭಾವಿಸಿದ್ದೇನೆ. ನನ್ನ ಕೆಲಸಕ್ಕಾಗಿ ನನಗೆ ಸಮೋಸಾ ಸಿಕ್ಕಿದೆ. ಈ ರುಚಿಕರವಾದ ಭೋಜನವನ್ನು ಕಳುಹಿಸಿದವರಿಗೆ ಧನ್ಯವಾದ ಎಂದಿದ್ದಾರೆ. ಈ ವೇಳೆ ರೈತರ ಬಗ್ಗೆಯೂ ಅವರು ಉಲ್ಲೇಖಿಸಿದ್ದಾರೆ.

ವಿಡಿಯೋವನ್ನು ಹಂಚಿಕೊಳ್ಳುವಾಗ ಮಿಯಾ ಶೀರ್ಷಿಕೆ ಒಂದನ್ನು ಬರೆದಿದ್ದಾರೆ. ‘ಸುಂದರ ಹಬ್ಬದೂಟಕ್ಕೆ ರೂಪಿ ಕೌರ್​​ ಅವರಿಗೆ ಧನ್ಯವಾದಗಳು. ಜಾಮೂನ್​ ನೀಡಿದ ಜಗ್ಮೀತ್ ಸಿಂಗ್​ಗೆ ಧನ್ಯವಾದ. ನಿತ್ಯ ಒಂದು ಗುಲಾಬ್​ ಜಾಮೂನ್​ ತಿಂದರೆ ಫ್ಯಾಸಿಸಂ ದೂರವಾಗುತ್ತದೆ’ ಎಂದು ಬರೆದುಕೊಂಡಿದ್ದಾರೆ.

ಮೂರು ತಿಂಗಳ ಕಾಲವಷ್ಟೇ  ಪೋರ್ನ್ ಇಂಡಸ್ಟ್ರಿಯಲ್ಲಿ ಕೆಲಸ ಮಾಡಿದ್ದರು ಮೀಯಾ.  ನೀಲಿ ಚಿತ್ರಗಳಲ್ಲಿ ನಟನೆ ನಿಲ್ಲಿಸಿದ್ದ ಮಿಯಾ ಇತ್ತೀಚೆಗೆ ಹೋರಾಟಗಳಲ್ಲಿ ಸಕ್ರಿಯವಾಗಿದ್ದಾರೆ. ಕೆಲವು ದಿನಗಳ ಹಿಂದೆ ಹಾಲಿವುಡ್ ನಟಿ ಈವನ್ ರಾಚೆಲ್​ವುಡ್ ತನ್ನ ಮೇಲೆ ರಾಕ್ ಸ್ಟಾರ್ ಮೆರ್ಲಿನ್ ಮಾನ್ಸನ್ ದೌರ್ಜನ್ಯವೆಸಗಿದ್ದಾರೆ ಎಂದು ಹೇಳಿ ಮುಂದೆ ಬಂದಾಗ, ಮಿಯಾ ಈವಾನ್ ಪರ ನಿಂತು ದೌರ್ಜನ್ಯದ ವಿರುದ್ಧ ದನಿಯೆತ್ತಿದ್ದರು.

Farmers Protest | ವ್ಯಂಗ್ಯವಾಡಿದ ಟ್ರೋಲಿಗರಿಗೆ ತಕ್ಕ ಉತ್ತರ ನೀಡಿದ ಮಿಯಾ ಖಲೀಫಾ

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada