125 ವರ್ಷದ ಆಮೆ ಮೃಗಾಲಯದ ಉದ್ಯಾನದಲ್ಲಿ ಸಾವನ್ನಪ್ಪಿದೆ, ವಿಡಿಯೋ ನೋಡಿ
ಆದರೆ ಇನ್ನುಮುಂದೆ ಮೃಗಾಲಯದಲ್ಲಿ ಈ ಆಮೆ ಕಾಣಸಿಗುವುದಿಲ್ಲ. 1963 ರಲ್ಲಿ, ಈ ಆಮೆಯನ್ನು ನಾಂಪಲ್ಲಿ ಸಾರ್ವಜನಿಕ ಉದ್ಯಾನದಿಂದ ಮೃಗಾಲಯಕ್ಕೆ ಸ್ಥಳಾಂತರಿಸಲಾಯಿತು, ಅಂದಿನಿಂದ ರಾಕ್ಷಸುಡು ಎಂಬ ಈ ದೈತ್ಯ ಆಮೆ ಮೃಗಾಲಯ ಉದ್ಯಾನವನದಲ್ಲಿ ವಾಸಿಸುತ್ತಿತ್ತು.
Updated on: Mar 19, 2024 | 1:08 PM
ಹೈದರಾಬಾದ್‌ನ ಜವಾಹರ್ ಲಾಲ್ ನೆಹರು ಮೃಗಾಲಯದಲ್ಲಿ 125 ವರ್ಷದ ಆಮೆ ಸಾವನ್ನಪ್ಪಿದೆ. ಮೃಗಾಲಯದಲ್ಲಿ ಈ ಆಮೆ ಬಹಳ ವಿಶೇಷವಾಗಿತ್ತು… ರಾಕ್ಷಸುಡು ಎಂಬ ಹೆಸರಿನ ಈ ಗಂಡು ಆಮೆಗೆ ಮೃಗಾಲಯದ ಉದ್ಯಾನವನದೊಂದಿಗೆ (Nehru Zoological Garden in Hyderabad) ವರ್ಷಗಟ್ಟಲೆ ಅವಿನಾಭಾವ ನಂಟು. ಶತಾಯುಷಿಯಾದ ಈ ಆಮೆ ಕೆಲವು ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿತ್ತು. ಕಳೆದ ಹತ್ತು ದಿನಗಳಂದಲಂತೂ ಯಾವುದೇ ಆಹಾರ ತೆಗೆದುಕೊಳ್ಳುತ್ತಿರಲಿಲ್ಲ. ಸಾಮಾನ್ಯವಾಗಿ ಆಮೆಯ ಜೀವಿತಾವಧಿ 80 ವರ್ಷದಿಂದ 150 ವರ್ಷಗಳು.
ಕಳೆದ ಶನಿವಾರ ಈ ಆಮೆ ಕೊನೆಯುಸಿರೆಳೆದಿದ್ದು, ಅದರ ಆರೋಗ್ಯ ಮತ್ತಷ್ಟು ಹದಗೆಟ್ಟಿತ್ತು. ವಿಷಯ ತಿಳಿದ ಮೃಗಾಲಯದ ಅಧಿಕಾರಿಗಳು ಹಾಗೂ ಕಳೆದ ಕೆಲ ವರ್ಷಗಳಿಂದ ಸೇವೆ ಸಲ್ಲಿಸಿದವರು ಭಾವುಕರಾದರು. ಜವಾಹರಲಾಲ್ ನೆಹರು ಮೃಗಾಲಯಕ್ಕೆ ನಿತ್ಯ ಸಾವಿರಾರು ಪ್ರವಾಸಿಗರು ಭೇಟಿ ನೀಡುತ್ತಾರೆ… ದೇಶದ ವಿವಿಧ ಭಾಗಗಳಿಂದ ಇಲ್ಲಿಗೆ ವಿವಿಧ ರೀತಿಯ ಪ್ರಾಣಿ ಮತ್ತು ಪಕ್ಷಿಗಳನ್ನು ನೋಡಲು ಬರುತ್ತಾರೆ.
ಬೇಸಿಗೆ ರಜೆ ಬಂದರೆ ಉದ್ಯಾನವನವು ವಿದ್ಯಾರ್ಥಿಗಳಿಂದ ತುಂಬಿ ತುಳುಕುತ್ತಿರುತ್ತದೆ. ನೀವು ಮೃಗಾಲಯವನ್ನು ಪ್ರವೇಶಿಸಿದಾಗ ಮೊದಲು ನೋಡುವುದೇ ಈ ದೊಡ್ಡ ಆಮೆ. ಇದನ್ನು ನೋಡಿದ ಯಾರಾದರೂ ಆಶ್ಚರ್ಯಚಕಿತರಾಗುತ್ತಿದ್ದರು. ಇದು ಸಣ್ಣ ಸಣ್ಣ ಹೆಜ್ಜೆಗಳನ್ನು ಇಡುವ ಮೂಲಕ ಮತ್ತು ಬೃಹತ್ ದೇಹದೊಂದಿಗೆ ಚಲಿಸುವ ಮೂಲಕ ಎಲ್ಲರನ್ನು ಆಕರ್ಷಿಸುತ್ತಿತ್ತು.
ಆದರೆ ಇನ್ನುಮುಂದೆ ಮೃಗಾಲಯದಲ್ಲಿ ಈ ಆಮೆ ಕಾಣಸಿಗುವುದಿಲ್ಲ. 1963 ರಲ್ಲಿ, ಈ ಆಮೆಯನ್ನು ನಾಂಪಲ್ಲಿ ಸಾರ್ವಜನಿಕ ಉದ್ಯಾನದಿಂದ ಮೃಗಾಲಯಕ್ಕೆ ಸ್ಥಳಾಂತರಿಸಲಾಯಿತು, ಅಂದಿನಿಂದ ರಾಕ್ಷಸುಡು ಎಂಬ ಈ ದೈತ್ಯ ಆಮೆ ಮೃಗಾಲಯ ಉದ್ಯಾನವನದಲ್ಲಿ ವಾಸಿಸುತ್ತಿತ್ತು.
ಮೃಗಾಲಯ ಉದ್ಯಾನವನಕ್ಕೆ ಬಂದವರು ಮೊದಲು ಈ ಬೃಹತ್ ಆಮೆಯನ್ನು ನೋಡುತ್ತಿದ್ದರು. ಆ ನಂತರವೇ ಉಳಿದ ಪ್ರಾಣಿ ಪಕ್ಷಿಗಳನ್ನು ನೋಡಲು ಹೋಗುತ್ತಿದ್ದರು. ಇನ್ನು ಮುಂದೆ ಈ ಬೃಹತ್ ಆಮೆ ಕಾಣಸಿಗುವುದಿಲ್ಲ ಎಂದು ತಿಳಿದು ಪ್ರವಾಸಿಗರೂ ಭಾವುಕರಾಗುತ್ತಿದ್ದಾರೆ.
