25 ವರ್ಷಗಳ ಲೆಕ್ಕ ಪರಿಶೋಧನೆಗೆ ವಿನಾಯಿತಿ ಕೋರಿದ ಕೇರಳದ ಪದ್ಮನಾಭ ಸ್ವಾಮಿ ದೇವಾಲಯದ ಟ್ರಸ್ಟ್ ಮನವಿ ತಿರಸ್ಕರಿಸಿದ ಸುಪ್ರೀಂಕೋರ್ಟ್

ತಿರುವನಂತಪುರಂ: ಕೇರಳದ ತಿರುವನಂತಪುರದಲ್ಲಿರುವ ಪದ್ಮನಾಭ ಸ್ವಾಮಿ ದೇವಸ್ಥಾನ ಟ್ರಸ್ಟ್ ಕಳೆದ 25 ವರ್ಷಗಳಿಂದ ಆದಾಯ ಮತ್ತು ವೆಚ್ಚಗಳ ಲೆಕ್ಕಪರಿಶೋಧನೆಗೊಳಗಾಗಲಿದೆ ಎಂದು ಸುಪ್ರೀಂ ಕೋರ್ಟ್ ಬುಧವಾರ ಹೇಳಿದೆ. ದೇಗುಲಕ್ಕೆ ಸಂಬಂಧಿಸಿ ಕಳೆದ 25 ವರ್ಷಗಳ ಲೆಕ್ಕಪರಿಶೋಧನೆ ನಡೆಸುವುದರಿಂದ ವಿನಾಯಿತಿ ನೀಡಬೇಕು ಎಂದು ಟ್ರಸ್ಟ್ ಮನವಿ ಮಾಡಿದ್ದು ಈ ಮನವಿಯನ್ನು ಸುಪ್ರೀಂಕೋರ್ಟ್‌ ತಿರಸ್ಕರಿಸಿದೆ. ಅದೇ ವೇಳೆ ‘ಲೆಕ್ಕಪರಿಶೋಧನೆ ಕಾರ್ಯವನ್ನು ಮೂರು ತಿಂಗಳೊಳಗೆ ಪೂರ್ಣಗೊಳಿಸಬೇಕು’ ಎಂದು ಸುಪ್ರೀಂಕೋರ್ಟ್‌ ಸೂಚಿಸಿದೆ. ನ್ಯಾಯಮೂರ್ತಿ ಯುಯು ಲಲಿತ್, ನ್ಯಾಯಮೂರ್ತಿ ಎಸ್ ಆರ್ ಭಟ್ ಮತ್ತು ನ್ಯಾಯಮೂರ್ತಿ ಬೇಲಾ ಎಂ ತ್ರಿವೇದಿ ಅವರ ತ್ರಿಸದಸ್ಯ ಪೀಠವು ಲೆಕ್ಕಾಚಾರವು ದೇವಸ್ಥಾನ ಮತ್ತು ಟ್ರಸ್ಟ್ ಎರಡರ ಹಣಕಾಸು ಒಳಗೊಂಡಿರಬೇಕು ಮತ್ತು ಇದು ಮೂರು ತಿಂಗಳಲ್ಲಿ ನಡೆಯಬೇಕು ಎಂದು ಹೇಳಿದೆ.

ಹಿಂದಿನ ತಿರುವಾಂಕೂರು ರಾಜಮನೆತನದವರು ರಚಿಸಿದ ಪದ್ಮನಾಭ ಸ್ವಾಮಿ ದೇವಸ್ಥಾನ ಟ್ರಸ್ಟ್ ಕಳೆದ ವರ್ಷ ಸುಪ್ರೀಂಕೋರ್ಟ್ ಆದೇಶಿಸಿದ ಲೆಕ್ಕಪರಿಶೋಧನೆಯಿಂದ ವಿನಾಯಿತಿ ಕೋರಿ ನ್ಯಾಯಾಲಯದ ಮೊರೆ ಹೋಗಿತ್ತು.

ಟ್ರಸ್ಟ್ ವಾದಿಸಿದಂತೆ (ನ್ಯಾಯಾಲಯದ ಹಿಂದಿನ ಆದೇಶಗಳ ಮೇರೆಗೆ) “ಕುಟುಂಬವನ್ನು ಒಳಗೊಂಡ ದೇವಾಲಯದ ಪೂಜೆಗಳು ಮತ್ತು ಆಚರಣೆಗಳನ್ನು ಮೇಲ್ವಿಚಾರಣೆ ಮಾಡಲು, ಆಡಳಿತದಲ್ಲಿ ಯಾವುದೇ ಪಾತ್ರವಿಲ್ಲದೆ” ಇದನ್ನು ಸ್ಥಾಪಿಸಲಾಗಿದೆ. ಇದು ದೇವಸ್ಥಾನದಿಂದ ಒಂದು ಪ್ರತ್ಯೇಕ ಘಟಕವಾಗಿದೆ ಲೆಕ್ಕಪರಿಶೋಧನೆಯಲ್ಲಿ ಇದನ್ನು ಸೇರಿಸಲಾಗಿಲ್ಲ.

ದೇವಾಲಯದ ಆಡಳಿತ ಸಮಿತಿಯು (ಜಿಲ್ಲಾ ನ್ಯಾಯಾಧೀಶರ ನೇತೃತ್ವದಲ್ಲಿ), ಸಾಂಪ್ರದಾಯಿಕ ಧಾರ್ಮಿಕ ರಚನೆಯು ದೊಡ್ಡ ಆರ್ಥಿಕ ಒತ್ತಡದಲ್ಲಿದೆ ಎಂದು ವಾದಿಸಿದರು. ಕೊವಿಡ್‌ನಿಂದಾಗಿ ದೇಣಿಗೆಗಳು ಮತ್ತು ಆನ್‌ -ಸೈಟ್ ಸಂಗ್ರಹಣೆಗಳು ಸಾಮಾನ್ಯ ಮಟ್ಟಕ್ಕಿಂತ ಕಡಿಮೆಯಾಗಿದೆ. ದೈನಂದಿನ ಖರ್ಚುಗಳನ್ನು ಪೂರೈಸಲು ಟ್ರಸ್ಟ್ ಕಷ್ಟಪಡುತ್ತಿದೆ ಎಂದು ಹೇಳಿದೆ.

ದೇವಾಲಯಕ್ಕೆ ₹ 60-70 ಲಕ್ಷ (ಮಾಸಿಕ ವೆಚ್ಚ ₹ 1.25 ಕೋಟಿ) ಕೂಡಾ ಸಿಗುತ್ತಿಲ್ಲ” ಎಂದು ನ್ಯಾಯಾಲಯಕ್ಕೆ ತಿಳಿಸಲಾಯಿತು. ಟ್ರಸ್ಟ್‌ನಿಂದ ಹಣಕಾಸಿನ ಕೊಡುಗೆಗಳ ಅಗತ್ಯವಿದೆ. ಆಡಳಿತ ಸಮಿತಿಯು ಟ್ರಸ್ಟ್ 8 2.8 ಕೋಟಿ ನಗದು ಮತ್ತು ಸುಮಾರು ₹ 1.9 ಕೋಟಿ ಮೌಲ್ಯದ ಆಸ್ತಿ ಹೊಂದಿದೆ ಎಂದು ಹೇಳಿಕೊಂಡಿದೆ.

” ದೇವಾಲಯದ ಹಣವನ್ನು ಎಷ್ಟು ಟ್ರಸ್ಟ್ ಹೊಂದಿದೆ?”ಎಂದು ಕೇಳಿದಾಗ ಟ್ರಸ್ಟ್‌ನ ವಕೀಲರು ಆಕ್ಷೇಪಣೆ ಆಡಿಟ್‌ಗೆ ಕಡಿಮೆ ಎಂದು ಸ್ಪಷ್ಟಪಡಿಸಿದರು, ಟ್ರಸ್ಟ್ ಸ್ವತಃ ಆಡಳಿತಾತ್ಮಕ ಸಮಿತಿಗೆ ಒಳಪಟ್ಟಿರುತ್ತದ ಎಂದಿದ್ದಾರೆ.  ಶುಕ್ರವಾರ  ವಾದಗಳನ್ನು ಆಲಿಸಿದ ನಂತರ  ನ್ಯಾಯಾಲಯವು ತನ್ನ ಆದೇಶವನ್ನು ಕಾಯ್ದಿರಿಸಿತ್ತು.

ಕಳೆದ ವರ್ಷ, ನ್ಯಾಯಾಲಯವು ದೇವಸ್ಥಾನದ ಆಡಳಿತವನ್ನು ಹಿಂದಿನ ತಿರುವಾಂಕೂರು ರಾಜಮನೆತನದ ಕಮಿಟಿಗೆ ಹಸ್ತಾಂತರಿಸಿತು ಮತ್ತು ದೇವಾಲಯದ ಆದಾಯ ಮತ್ತು 25 ವರ್ಷಗಳ ವೆಚ್ಚಗಳ ಲೆಕ್ಕಪರಿಶೋಧನೆಗೆ ಆದೇಶಿಸಿತು. ಹೀಗೆ ತೊಡಗಿರುವ ಸಂಸ್ಥೆಯು ತನ್ನ ಆದಾಯ ಮತ್ತು ವೆಚ್ಚದ ದಾಖಲೆಗಳನ್ನು ಸಲ್ಲಿಸಲು ಟ್ರಸ್ಟ್ ಅನ್ನು ಕೇಳಿತ್ತು. ಈ ಕೋರಿಕೆಯನ್ನು ಎದುರಿಸಲು ಟ್ರಸ್ಟ್ ನ್ಯಾಯಾಲಯವನ್ನು ಸಂಪರ್ಕಿಸಿತು.

ಕಳೆದ ವರ್ಷ ತಿರುವಾಂಕೂರಿನ ಮಾಜಿ ಆಡಳಿತಗಾರರ ಕಾನೂನು ಉತ್ತರಾಧಿಕಾರಿಗಳು ಕೇರಳ ಹೈಕೋರ್ಟ್ ತೀರ್ಪನ್ನು ಪ್ರಶ್ನಿಸಿ ಕುಟುಂಬಕ್ಕೆ ದೇವಾಲಯದ ಮೇಲೆ ಯಾವುದೇ ಹಕ್ಕಿಲ್ಲ ಎಂದು ಹೇಳಿದ್ದರು.
ಸುಪ್ರೀಂ ಕೋರ್ಟ್ ‘ಶೆಬೈಟ್’ ಹಕ್ಕುಗಳನ್ನು ಅಥವಾ ದೇವರಿಗೆ ಸೇವೆ ಸಲ್ಲಿಸುವ ವ್ಯಕ್ತಿಗಳ ಹಕ್ಕುಗಳನ್ನು ಗುರುತಿಸಿದೆ. ಆದರೆ ತಿರುವನಂತಪುರಂ ಜಿಲ್ಲಾ ನ್ಯಾಯಾಧೀಶರ ನೇತೃತ್ವದ ಸಮಿತಿಗೆ ಆಡಳಿತವನ್ನು ಹಸ್ತಾಂತರಿಸಿದೆ.

ಇದನ್ನೂ ಓದಿ: ದೇವಸ್ಥಾನದ ಹಣ ಎಷ್ಟಿದೆ ಎಂದು ತಿಳಿಯಲು ಶ್ರೀ ಪದ್ಮನಾಭ ಸ್ವಾಮಿ ದೇವಸ್ಥಾನ ಟ್ರಸ್ಟ್​​ನ ಲೆಕ್ಕ ಪರಿಶೋಧನೆ ಮಾಡಬೇಕಿದೆ: ಆಡಳಿತ ಸಮಿತಿ

(Padmanabha Swamy Temple Trust in Kerala Will Face 25 Years Audit says Supreme Court )