ಇಟಲಿ ಪ್ರಧಾನಿ ಮೆಲೋನಿಯ ಆತ್ಮಚರಿತ್ರೆಗೆ ಪ್ರಧಾನಿ ಮೋದಿಯ ಮುನ್ನುಡಿ
ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಇಟಾಲಿಯನ್ ಪ್ರಧಾನಿ ಜಾರ್ಜಿಯಾ ಮೆಲೋನಿ ಅವರ ಭಾರತೀಯ ಆವೃತ್ತಿಯ ಆತ್ಮಚರಿತ್ರೆಗೆ ಮುನ್ನುಡಿ ಬರೆದಿದ್ದಾರೆ, ಅದರಲ್ಲಿ ಆಕೆಯ ಮನಸ್ಸಿನ ಮಾತಿದೆ ಎಂದು ವಿವರಿಸಿದ್ದಾರೆ.ಪ್ರಧಾನಿ ಜಾರ್ಜಿಯಾ ಮೆಲೋನಿ ಅವರು ತಮ್ಮ ಆತ್ಮಚರಿತ್ರೆ 'ಐ ಆಮ್ ಜಾರ್ಜಿಯಾ'ವನ್ನು ಬರೆಯುತ್ತಿರುವುದು ನನಗೆ ಸಂತೋಷ ತಂದಿದೆ. ಕಳೆದ 11 ವರ್ಷಗಳಲ್ಲಿ, ಅನೇಕ ವಿಶ್ವ ನಾಯಕರೊಂದಿಗೆ ತೊಡಗಿಸಿಕೊಳ್ಳುವ ಸೌಭಾಗ್ಯ ನನಗೆ ಸಿಕ್ಕಿದೆ, ಪ್ರತಿಯೊಬ್ಬರೂ ವಿಭಿನ್ನ ಜೀವನ ಪ್ರಯಾಣವನ್ನು ಹೊಂದಿದ್ದಾರೆ ಎಂದು ಮೋದಿ ಹೇಳಿದ್ದಾರೆ.
Updated on: Sep 29, 2025 | 6:28 PM
ಇಟಲಿ ಪ್ರಧಾನಿ ಜಾರ್ಜಿಯಾ ಮೆಲೋನಿಯ ಆತ್ಮಚರಿತ್ರೆಯ ಭಾರತದ ಆವೃತ್ತಿಗೆ ಪ್ರಧಾನಿ ನರೇಂದ್ರ ಮೋದಿ(Narendra Modi) ಮುನ್ನುಡಿ ಬರೆದಿದ್ದಾರೆ. ಅದರಲ್ಲಿ ‘Her Mann Ki Baat’ ‘ಆಕೆಯ ಮನಸ್ಸಿನ ಮಾತು’ ಎಂದು ಶೀರ್ಷಿಕೆ ನೀಡಿದ್ದಾರೆ. ಆತ್ಮಚರಿತ್ರೆ “ಐ ಆಮ್ ಜಾರ್ಜಿಯಾ – ಮೈ ರೂಟ್ಸ್, ಮೈ ಪ್ರಿನ್ಸಿಪಲ್ಸ್” ಗೆ ಮುನ್ನುಡಿ ಬರೆದಿದ್ದಾರೆ. ಪುಸ್ತಕಕ್ಕೆ ಮುನ್ನುಡಿ ಬರೆಯಲು ಅವಕಾಶ ಸಿಕ್ಕಿರುವುದು ಸಂತಸದ ಸಂಗತಿ ಎಂದು ಬರೆದಿದ್ದಾರೆ.
ಇಟಲಿ ಪ್ರಧಾನಿ ಜಾರ್ಜಿಯಾ ಮೆಲೋನಿ ಹಾಗೂ ಭಾರತದ ಪ್ರಧಾನಿ ನರೇಂದ್ರ ಮೋದಿ ಒಳ್ಳೆಯ ಸ್ನೇಹಿತರು. ಈಗ ಜಾರ್ಜಿಯಾ ಮೆಲೋನಿ ಅವರ ಆತ್ಮಕತೆಯ ಭಾರತದ ಆವೃತ್ತಿಗೆ ಪ್ರಧಾನಿ ಮೋದಿ ಮುನ್ನುಡಿ ಬರೆದಿದ್ದು ಅವರ ಸ್ನೇಹವನ್ನು ಮತ್ತಷ್ಟು ಎತ್ತರಕ್ಕೆ ಇದು ಕೊಂಡೊಯ್ಯುತ್ತದೆ.
ಮೆಲೋನಿಯನ್ನು ದೇಶಭಕ್ತೆ ಅತ್ಯುತ್ತಮ ಸಮಕಾಲೀನ ನಾಯಕಿ ಎಂದು ಬಣ್ಣಿಸಿದ್ದಾರೆ. ಜಾರ್ಜಿಯಾ ಮೆಲೋನಿ ಅವರ ಆತ್ಮಚರಿತ್ರೆಯ ಭಾರತೀಯ ಆವೃತ್ತಿ ಶೀಘ್ರದಲ್ಲೇ ಬರಲಿದೆ. ರೂಪಾ ಪಬ್ಲಿಕೇಷನ್ಸ್ ಇದನ್ನು ಪ್ರಕಟಿಸಲಿದೆ. ಪುಸ್ತಕದ ಮುನ್ನುಡಿಯಲ್ಲಿ, ಪ್ರಧಾನಿ ಮೋದಿ ಕಳೆದ 11 ವರ್ಷಗಳಲ್ಲಿ ಅನೇಕ ವಿಶ್ವ ನಾಯಕರೊಂದಿಗೆ ಹೇಗೆ ಸಂವಹನ ನಡೆಸಿದ್ದಾರೆ ಎಂಬುದನ್ನು ಬರೆದಿದ್ದಾರೆ.
ಮೆಲೋನಿಯವರ ಈ ಪುಸ್ತಕವನ್ನು ಪರಿಚಯಿಸುತ್ತಾ ಪ್ರಧಾನಿ ಮೋದಿ, ಮೆಲೋನಿಯವರ ಜೀವನವು ರಾಜಕೀಯ ಅಥವಾ ಅಧಿಕಾರದ ಬಗ್ಗೆ ಅಲ್ಲ, ಇದು ಅವರ ಧೈರ್ಯ, ದೃಢನಿಶ್ಚಯ ಮತ್ತು ಸಾರ್ವಜನಿಕ ಸೇವೆ ಮತ್ತು ಇಟಲಿಯ ಜನರ ಬಗ್ಗೆ ಅವರಿಗಿರುವ ಬದ್ಧತೆಯ ಬಗ್ಗೆ ಎಂದು ಹೇಳಿದರು.
ಮತ್ತಷ್ಟು ಓದಿ: ಜಾಗತಿಕ ಸಂಘರ್ಷಗಳ ಕೊನೆಗೊಳಿಸುವಲ್ಲಿ ಭಾರತ ಬಹಳ ಮುಖ್ಯ ಪಾತ್ರವಹಿಸಬಲ್ಲದು: ಮೆಲೋನಿ
ಮುನ್ನುಡಿಯಲ್ಲಿ, ಪ್ರಧಾನಿ ಮೋದಿ ಮೆಲೋನಿ ಅವರನ್ನು ಪದೇ ಪದೇ ಶ್ಲಾಘಿಸುತ್ತಾ ಅವರ ಸ್ಪೂರ್ತಿದಾಯಕ ಮತ್ತು ಐತಿಹಾಸಿಕ ಪ್ರಯಾಣವು ಭಾರತೀಯರೊಂದಿಗೆ ಹೇಗೆ ಆಳವಾಗಿ ಪ್ರತಿಧ್ವನಿಸುತ್ತದೆ ಎಂಬುದನ್ನು ವಿವರಿಸಿದ್ದಾರೆ. ಜಾಗತಿಕ ವೇದಿಕೆಯಲ್ಲಿ ಆತ್ಮವಿಶ್ವಾಸದಿಂದ ತನ್ನ ರಾಷ್ಟ್ರವನ್ನು ಮುನ್ನಡೆಸುತ್ತಾ ಅವರು ತಮ್ಮ ಬೇರುಗಳನ್ನು ದೃಢವಾಗಿ ಹಿಡಿದಿದ್ದಾರೆ.
ಈ ಆತ್ಮಚರಿತ್ರೆಯ ಮೂಲ ಆವೃತ್ತಿಯನ್ನು 2021 ರಲ್ಲಿ ಬರೆಯಲಾಯಿತು, ಆಗ ಮೆಲೋನಿ ಇಟಲಿಯಲ್ಲಿ ವಿರೋಧ ಪಕ್ಷದ ನಾಯಕಿಯಾಗಿದ್ದರು. ಕೇವಲ ಒಂದು ವರ್ಷದ ನಂತರ, ಅವರು ದೇಶದ ಮೊದಲ ಮಹಿಳಾ ಪ್ರಧಾನಿಯಾದರು. ಜೂನ್ 2025 ರ ಆರಂಭದಲ್ಲಿ, ಪುಸ್ತಕದ ಯುಎಸ್ ಆವೃತ್ತಿಯನ್ನು ಬಿಡುಗಡೆ ಮಾಡಲಾಯಿತು, ಇದನ್ನು ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಹಿರಿಯ ಮಗ ಡೊನಾಲ್ಡ್ ಟ್ರಂಪ್ ಜೂನಿಯರ್ ಬರೆದ ಮುನ್ನುಡಿಯೊಂದಿಗೆ ಬಿಡುಗಡೆ ಮಾಡಲಾಯಿತು.
ಜಾರ್ಜಿಯಾ ಮೆಲೋನಿ ಮಹಿಳೆಯರ ಸಂಕಷ್ಟಗಳನ್ನು ಸಹ ಉಲ್ಲೇಖಿಸಿದ್ದಾರೆ. ಅವರು ತಮ್ಮ ಚುನಾವಣಾ ಪೂರ್ವ ಭಾಷಣಗಳಲ್ಲಿಯೂ ಇದನ್ನು ಉಲ್ಲೇಖಿಸಿದ್ದಾರೆ. ಮಹಿಳೆಯರನ್ನು ಪ್ರತಿನಿಧಿಸಲು ಮಾತ್ರ ಮಹಿಳೆ ರಾಜಕೀಯ ಪ್ರವೇಶಿಸಬೇಕು ಎಂದು ನಾನು ಎಂದಿಗೂ ನಂಬಿರಲಿಲ್ಲ. ರಾಜಕೀಯವು ಎಲ್ಲರಿಗೂ – ಎಲ್ಲರ ಒಳಿತಿಗಾಗಿ ಎಂದಿದ್ದಾರೆ.
ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
