Rambagh Palace: ಜೈಪುರದ ರಾಮ್‌ಬಾಗ್ ಅರಮನೆಯು ವಿಶ್ವದ ಉನ್ನತ ದರ್ಜೆಯ ಹೋಟೆಲ್: ಸಮೀಕ್ಷೆ

ದೆಹಲಿ: ಭಾರತ ದೊಡ್ಡ ಗರಿಯೊಂದನ್ನು ಪಡೆದುಕೊಂಡಿದೆ, ದೇಶದಲ್ಲಿ ಅನೇಕ ಹೊಟೇಲ್​​​ಗಳು ತಲೆ ಎತ್ತಿ ನಿಂತಿದೆ. ಅದರಲ್ಲಿ ಜೈಪುರದ ರಾಂಬಾಗ್ ಪ್ಯಾಲೇಸ್ ಕೂಡ ಒಂದು, ಆದರೆ ಇದು ಇತರ ಹೊಟೇಲ್​​​ಗಳಿಗಿಂತ ವಿಭಿನ್ನವಾಗಿದೆ, ಆನ್‌ಲೈನ್ ಟ್ರಾವೆಲ್ ಏಜೆನ್ಸಿಯಾದ ಟ್ರಿಪ್‌ಅಡ್ವೈಸರ್‌ನ ಟ್ರಾವೆಲರ್ಸ್ ಚಾಯ್ಸ್ ಅವಾರ್ಡ್ 2023ರಲ್ಲಿ ಜೈಪುರದ ರಾಂಬಾಗ್ ಪ್ಯಾಲೇಸ್​​​ನ್ನು (Rambagh Palace) ವಿಶ್ವದ ಉನ್ನತ ದರ್ಜೆಯ ಹೋಟೆಲ್ ಎಂದು ಶ್ರೇಣೀಕರಿಸಲಾಗಿದೆ. ರಾಮ್‌ಬಾಗ್ ಅರಮನೆಯು ಮಾಲ್ಡೀವ್ಸ್‌ನ ಬೊಲುಫುಶಿ ದ್ವೀಪದಲ್ಲಿನ ಓಜೆನ್ ರಿಸರ್ವ್ ಮತ್ತು ಬ್ರೆಜಿಲ್‌ನ ಗ್ರಾಮಡೊದಲ್ಲಿನ ಹೋಟೆಲ್ ಕೊಲಿನ್ ಡಿ ಫ್ರಾನ್ಸ್‌ನಂತಹ ಆಸ್ತಿಗಳನ್ನು ಬಿಟ್ಟು ಅಗ್ರ ಸ್ಥಾನವನ್ನು ಪಡೆದುಕೊಂಡಿದೆ. ಕಳೆದ ವರ್ಷ ಜನವರಿ 1 ರಿಂದ ಡಿಸೆಂಬರ್ 31 ರವರೆಗಿನ 1.5 ಮಿಲಿಯನ್ ಹೋಟೆಲ್‌ಗಳ ವಿಮರ್ಶಾ ದತ್ತಾಂಶಗಳ ವಿಶ್ಲೇಷಣೆಯ ಆಧಾರದ ಮೇಲೆ ಶ್ರೇಯಾಂಕಗಳನ್ನು ನೀಡಲಾಗಿದೆ. ಟ್ರಿಪ್ಯಾಡ್ವೈಸರ್ ಪ್ರಕಾರ, ಅದರ ಪ್ಲಾಟ್‌ಫಾರ್ಮ್‌ನಲ್ಲಿ 8 ಮಿಲಿಯನ್ ಪಟ್ಟಿಗಳಲ್ಲಿ 1 ಪ್ರತಿಶತಕ್ಕಿಂತ ಕಡಿಮೆ ಟ್ಯಾಂಕಿಂಗ್‌ನಲ್ಲಿ ಅತ್ಯುತ್ತಮವಾದ ಟ್ಯಾಂಕಿಂಗ್ ಅನ್ನು ನೀಡಲಾಗುತ್ತದೆ, ಇದು ಆತಿಥ್ಯದಲ್ಲಿ ಅತ್ಯುನ್ನತ ಮಟ್ಟದ ಶ್ರೇಷ್ಠತೆಯನ್ನು ಸೂಚಿಸುತ್ತದೆ ಎಂದು ಹೇಳಲಾಗಿದೆ.

“ದಿ ಜ್ಯುವೆಲ್ ಆಫ್ ಜೈಪುರ” ಎಂದೂ ಕರೆಯಲ್ಪಡುವ ರಾಂಬಾಗ್ ಅರಮನೆಯು ಪಟ್ಟಿಯಲ್ಲಿರುವ ಟಾಪ್ 10ರ ಪೈಕಿ ಏಕೈಕ ಭಾರತೀಯ ಆಸ್ತಿಯಾಗಿದೆ. 1835ರ ಅರಮನೆ ಐಷಾರಾಮಿ ಹೋಟೆಲ್ ಆಗಿದೆ, ಅದರ ಭವ್ಯತೆಗೆ ಹೆಸರುವಾಸಿಯಾಗಿದೆ, 5,000 ಕ್ಕೂ ಹೆಚ್ಚು ಐದು-ಬಬಲ್ ವಿಮರ್ಶೆಗಳನ್ನು ಹೊಂದಿದೆ ಮತ್ತು ಅದರ ಪೊಲೊ ಬಾರ್, ಐತಿಹಾಸಿಕ ಸೂಟ್‌ಗಳು ಮತ್ತು ಇಲ್ಲಿ ಹೆಚ್ಚಾಗಿ ಚಹಾಕ್ಕೆ ಹೆಸರು ವಾಸಿಯಾಗಿದೆ.

ಇದನ್ನೂ ಓದಿ:Narendra Modi: ಟರ್ಕಿ ಅಧ್ಯಕ್ಷರಾಗಿ ಮರು ಆಯ್ಕೆಯಾದ ಎರ್ಡೋಗನ್, ಅಭಿನಂದನೆ ತಿಳಿಸಿದ ಪ್ರಧಾನಿ ಮೋದಿ

ವಿಶ್ವದ 10 ಉನ್ನತ ದರ್ಜೆಯ ಹೋಟೆಲ್‌ಗಳಲ್ಲಿ ಏಷ್ಯಾದ ಹೋಟೆಲ್‌ಗಳ ಪ್ರಾಬಲ್ಯ ಹೆಚ್ಚು, ಪ್ರವಾಸೋದ್ಯಮದಲ್ಲಿ ಈ ಪ್ರದೇಶ ಮತ್ತೆ ಪುಟಿದೇಳಿದೆ ಎಂದು ಟ್ರಿವಡ್ವೈಸರ್ ಹೇಳಿದೆ.

ವಿಶ್ವದ ಟಾಪ್ 10 ಹೋಟೆಲ್‌ಗಳು

1 ರಾಂಬಾಗ್ ಅರಮನೆ – ಜೈಪುರ, ಭಾರತ

2 ಓಝೆನ್ ​​ರಿಸರ್ವ್ ಬೊಲಿಫುಶಿ – ಬೊಲಿಫುಶಿ ದ್ವೀಪ, ಮಾಲ್ಡೀವ್ಸ್

3 ಹೋಟೆಲ್ ಕೊಲಿನ್ ಡಿ ಫ್ರಾನ್ಸ್ – ಗ್ರಾಮಡೊ, ಬ್ರೆಜಿಲ್

4 ಶಾಂಗ್ರಿ-ಲಾ ದಿ ಶಾರ್ಡ್, ಲಂಡನ್ – ಲಂಡನ್, ಯುನೈಟೆಡ್ ಕಿಂಗ್‌ಡಮ್

5 ದಿ ರಿಟ್ಜ್-ಕಾರ್ಲ್ಟನ್, ಹಾಂಗ್ ಕಾಂಗ್ – ಹಾಂಗ್ ಕಾಂಗ್, ಚೀನಾ

6 JW ಮ್ಯಾರಿಯಟ್ ಮಾರ್ಕ್ವಿಸ್ ಹೋಟೆಲ್ ದುಬೈ – ದುಬೈ, ಯುನೈಟೆಡ್ ಅರಬ್ ಎಮಿರೇಟ್ಸ್

7 ರೋಮ್ಯಾನ್ಸ್ ಇಸ್ತಾಂಬುಲ್ ಹೋಟೆಲ್ – ಇಸ್ತಾನ್ಬುಲ್, ಟರ್ಕಿ

8 ಐಕೋಸ್ ದಾಸ್ಸಿಯಾ – ದಾಸ್ಸಿಯಾ, ಗ್ರೀಸ್

9 ಐಕೋಸ್ ಆಂಡಲೂಸಿಯಾ – ಎಸ್ಟೆಪೋನಾ, ಸ್ಪೇನ್

10 ಪದ್ಮಾ ರೆಸಾರ್ಟ್ ಉಬುದ್ – ಪುಹು, ಇಂಡೋನೇಷ್ಯಾ

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ