ಭಾರತದ ಪ್ರಮುಖ ದೇವಾಲಯಗಳಿಗೆ ಭೇಟಿ ನೀಡಬೇಕು ಅಂದುಕೊಂಡಿದ್ದೀರಾ? ನಿಮಗಿಷ್ಟವಾಗುವ ಸ್ಥಳಗಳ ಚಿತ್ರಣ ಇಲ್ಲಿವೆ
ಭಾರತವು ಇಲ್ಲಿನ ಸಂಸ್ಕೃತಿಯ ನೆಲೆಗಟ್ಟಿನಲ್ಲಿ ಅತಿ ಹೆಚ್ಚು ಶ್ರೀಮಂತವಾಗಿದೆ. ಇಲ್ಲಿರುವ ಪ್ರವಾಸಿತಾಣಗಳಷ್ಟೇ ಅಲ್ಲ. ದೇವಾಲಯಗಳು ಕೂಡ ಸದಾ ಕಾಲ ಜನರನ್ನು ತನ್ನತ್ತ ಸೇಳೆಯುತ್ತದೆ.
ರಾಜಸ್ಥಾನದ ಸದ್ರಿ ಪಟ್ಟಣದ ಬಳಿ (ಉದಯಪುರ ಮತ್ತು ರಾಜಸ್ಥಾನದ ನಡುವೆ) ರಣಕಪುರ ಹಳ್ಳಿಯಲ್ಲಿ ರಣಕಪುರ ದೇವಸ್ಥಾನ ಇದೆ. ಈ ದೇವಾಲಯವು ಅತ್ಯಂತ ಪ್ರಮುಖವಾದ ಜೈನ ದೇವಾಲಯಗಳಲ್ಲಿ ಒಂದಾಗಿದೆ. ಇದು 29 ಸಭಾಂಗಣಗಳನ್ನು ಮತ್ತು 80 ಸೊಗಸಾಗಿ ರಚಿಸಲಾದ ಗುಮ್ಮಟಗಳನ್ನು ಹೊಂದಿದೆ.
ಅಕ್ಷರಧಾಮ ದೇವಾಲಯವನ್ನು 2005 ರಲ್ಲಿ ನಿರ್ಮಿಸಲಾಯಿತು. ಸ್ವಾಮಿನಾರಾಯಣ ಅವರ ಮಾರ್ಗದರ್ಶನದಲ್ಲಿ ಈ ದೇವಾಲಯವನ್ನು ನಿರ್ಮಿಸಲಾಗಿದೆ. ನೋಯ್ಡಾದ ಗಡಿಯ ಪೂರ್ವ ದೆಹಲಿಯಲ್ಲಿರುವ ಈ ದೇವಸ್ಥಾನವು ಪ್ರಮುಖ ಪ್ರವಾಸಿ ತಾಣವಾಗಿದೆ. ಇದು ಭಾರತದ ಅತಿದೊಡ್ಡ ಹಿಂದೂ ದೇವಾಲಯಗಳಲ್ಲಿ ಒಂದಾಗಿದೆ.
ಪ್ರೇಮ್ ಮಂದಿರ. ಮಥುರಾದ ಬೃಂದಾವನದಲ್ಲಿರುವ ರಾಧಾಕೃಷ್ಣ ದೇವಸ್ಥಾನವು ನೋಡಲು ಆಕರ್ಷಕವಾಗಿದೆ. ಜಗದ್ಗುರು ಕೃಪಾಲು ಪರಿಷತ್, ಅಂತರಾಷ್ಟ್ರೀಯ ಲಾಭರಹಿತ ಟ್ರಸ್ಟ್ನಿಂದ ನಿರ್ವಹಿಸಲ್ಪಟ್ಟಿರುವ ಈ ದೇವಸ್ಥಾನವು ರಾಧಾ-ಕೃಷ್ಣ ಮತ್ತು ರಾಮನ ಮೂರ್ತಿಯನ್ನು ಒಳಗೊಂಡಿದೆ. ಈ ದೇವಾಲಯವು ಸೂರ್ಯಾಸ್ತದ ಸಮಯದಲ್ಲಿ ಪ್ರಕಾಶಮಾನವಾದ ವರ್ಣಗಳಲ್ಲಿ ಬೆಳಗುತ್ತದೆ.
ಭಾರತದ ಅತ್ಯಂತ ಜನಪ್ರಿಯ ದೇವಾಲಯಗಳಲ್ಲಿ ಒಂದಾದ ಮತ್ತು ಅತ್ಯಂತ ಪವಿತ್ರವಾದ ಸಿಖ್ ದೇಗುಲಗಳಲ್ಲಿ ಸುಮರ್ಣ ದೇವಸ್ಥಾನ ಕೂಡ ಒಂದು. ಅಮೃಸಾರಾದಲ್ಲಿರುವ ಸುವರ್ಣ ದೇವಾಲಯವು ಹೊರಭಾಗದಲ್ಲಿ ಚಿನ್ನದ ಕವಚದಿಂದ ಕೂಡಿದೆ. ಬುದ್ಧ ದೇವಾಲಯದಲ್ಲಿ ವಾಸವಾಗಿದ್ದರು ಎಂಬ ನಂಬಿಕೆ ಇದೆ.
ಮಹಾರಾಷ್ಟ್ರದ ಔರಂಗಾಬಾದ್ನಲ್ಲಿರುವ ಕೈಲಾಸ ದೇವಸ್ಥಾನವು ಭಾರತದ ಅತ್ಯಂತ ಹಳೆಯ ದೇವಾಲಯಗಳಲ್ಲಿ ಒಂದಾಗಿದೆ. ಕೈಲಾಸನಾಥ ಮಂದಿರವನ್ನು ಒಂದೇ ಕಲ್ಲಿನಿಂದ ಕೆತ್ತಲಾಗಿದೆ. ವಾಸ್ತುಶಿಲ್ಪ ಮತ್ತು ಶಿಲ್ಪಕಲಾಕೃತಿಗಳ ಕಾರಣದಿಂದ ಈ ಗುಹಾ ದೇವಾಲಯ ಹೆಚ್ಚು ಮನ್ನಣೆ ಪಡೆದಿದೆ.
ಮಹಾಬೋಧಿ ದೇವಸ್ಥಾನ ಅಥವಾ ಮಹಾಬೋಧಿ ಮಹಾವಿಹಾರ್ ದೇವಾಲಯ ಯುನೆಸ್ಕೋ ವಿಶ್ವ ಪರಂಪರೆಯ ತಾಣವಾಗಿದೆ. ಇದನ್ನು ಬುದ್ಧನು ಜ್ಞಾನೋದಯವನ್ನು ಪಡೆದ ಸ್ಥಳವೆಂದು ಹೇಳಲಾಗುತ್ತದೆ. ನಿರಂಜನ ನದಿಯ ದಡದಲ್ಲಿರುವ ಈ ದೇವಸ್ಥಾನವು ಏಕಾಂತ ಮತ್ತು ಶಾಂತತೆಯ ಪ್ರತಿಬಿಂಬದ ಸ್ಥಳವಾಗಿದೆ.