SBI Cash Withdrawal Rules ಎಸ್​ಬಿಐ ಎಟಿಎಂನಿಂದ ಹಣ ಹಿಂಪಡೆಯುವ ನಿಯಮದಲ್ಲಿ ಬದಲಾವಣೆ !

ಎಸ್​ಬಿಐ ಎಟಿಎಂಗಳಲ್ಲಿ 10,000 ರೂ. ಎಂದು ನಮೂದಿಸುತ್ತಿದ್ದಂತೆ ನಿಮ್ಮ ರಿಜಿಸ್ಟರ್​ ಮೊಬೈಲ್​ಗೆ ಒಟಿಪಿ ಬರುತ್ತದೆ. ಆ ಒಟಿಪಿಯನ್ನು ಸರಿಯಾಗಿ ನಮೂದಿಸಿದರೆ ಮಾತ್ರ ಅಷ್ಟು ಹಣವನ್ನು ಪಡೆಯಬಹುದು.

SBI Cash Withdrawal Rules ಎಸ್​ಬಿಐ ಎಟಿಎಂನಿಂದ ಹಣ ಹಿಂಪಡೆಯುವ ನಿಯಮದಲ್ಲಿ ಬದಲಾವಣೆ !
ಎಟಿಎಂ ನಿಯಮ ಪರಿಷ್ಕರಿಸಿದ ಎಸ್​ಬಿಐ
Lakshmi Hegde

| Edited By: Rajesh Duggumane

Feb 06, 2021 | 7:42 PM

ದೇಶದ ಅತಿದೊಡ್ಡ ಬ್ಯಾಂಕ್ ಎಸ್​ಬಿಐ (State Bank of India-SBI), ಗ್ರಾಹಕರ ಸುರಕ್ಷತೆ ದೃಷ್ಟಿಯಿಂದ, ತನ್ನ ಎಟಿಎಂ ನಗದು ತೆಗೆಯುವ ನಿಯಮಗಳನ್ನು ಪರಿಷ್ಕರಿಸಿದೆ. ಅದರ ಅನ್ವಯ ಗ್ರಾಹಕರು ತಮ್ಮ ಅಕೌಂಟ್​​ನಲ್ಲಿ ಕಡಿಮೆ ಬ್ಯಾಲೆನ್ಸ್​ ಇದ್ದಾಗ ಎಟಿಎಂನಲ್ಲಿ ಟ್ರಾನ್ಸಾಕ್ಷನ್​ ಮಾಡಲು ಹೋಗಿ, ವಿಫಲವಾದರೆ ಶುಲ್ಕ ಬೀಳುತ್ತದೆ. ಅಕೌಂಟ್​ನಲ್ಲಿ ಕಡಿಮೆ ಹಣ ಇರುವ ಕಾರಣಕ್ಕೆ ಎಟಿಎಂ ಟ್ರಾನ್ಸಾಕ್ಷನ್ ವಿಫಲವಾದರೆ ಪ್ರತಿಬಾರಿಯೂ 20 ರೂ. ಮತ್ತು ಜಿಎಸ್​ಟಿ ತೆರಬೇಕಾಗುತ್ತದೆ. ಇದನ್ನು ಎಸ್​ಬಿಐ ತನ್ನ ಅಧಿಕೃತ ವೆಬ್​​ಸೈಟ್​ನಲ್ಲಿ ಸ್ಪಷ್ಟಪಡಿಸಿದೆ. ಇದರೊಂದಿಗೆ ಹಣಕಾಸೇತರ ವ್ಯವಹಾರಗಳಿಗೆ ಕೂಡ ಶುಲ್ಕ ವಿಧಿಸುವುದಾಗಿ ತಿಳಿಸಿದೆ.

ಎಸ್​ಬಿಐ ವೆಬ್​​ಸೈಟ್​ನಲ್ಲಿ ಹೇಳಿದ್ದೇನು? ಎಸ್​​ಬಿಐ ಡೆಬಿಟ್​ ಕಾರ್ಡ್​ ಹೊಂದಿರುವ ಪ್ರತಿಯೊಬ್ಬರೂ ಎಸ್​ಬಿಐ ಎಟಿಎಂ ವ್ಯವಹಾರದ ಲಿಮಿಟ್​​ ಬಗ್ಗೆ ತಿಳಿದಿರಬೇಕು. ಯಾಕೆಂದರೆ ವಿಧಿಸಲಾದ ಮಿತಿಯನ್ನು ಮೀರಿದ ಯಾವುದೇ ವ್ಯವಹಾರಗಳಿಗೆ ಎಸ್​ಬಿಐ 10 ರೂ.-20.ರೂ.ಗೂ ಹೆಚ್ಚು ಶುಲ್ಕ ವಿಧಿಸುತ್ತದೆ. ಅಲ್ಲದೆ ಗ್ರಾಹಕರು ಜಿಎಸ್​ಟಿಯನ್ನೂ ತೆರಬೇಕಾಗುತ್ತದೆ. ಹಣದ ನಷ್ಟ ತಪ್ಪಿಸಬೇಕೆಂದರೆ ಎಸ್​ಬಿಐ ಜಾರಿಗೊಳಿಸಿದ ಎಟಿಎಂ ವಿತ್​ಡ್ರಾ ನಿಯಮಗಳನ್ನು ಪ್ರತಿಯೊಬ್ಬರೂ ಪಾಲಿಸಲೇಬೇಕು ಎಂದು ವೆಬ್​ಸೈಟ್​ನಲ್ಲಿ ತಿಳಿಸಿದೆ. ಇನ್ನು ಎಸ್​ಬಿಐ ಗ್ರಾಹಕರು, ತಮ್ಮ ಅಕೌಂಟ್​​ನಲ್ಲಿರುವ ಬ್ಯಾಲೆನ್ಸ್​ ಚೆಕ್​ ಮಾಡಲು ಮಿಸ್​ಕಾಲ್​, ಎಸ್​ಎಂಎಸ್​ ಸೌಲಭ್ಯಗಳಿದ್ದು, ಅದನ್ನು ಬಳಸಿಕೊಳ್ಳಬೇಕು ಎಂದೂ ಎಸ್​ಬಿಐ ತಿಳಿಸಿದೆ.

8 ಟ್ರಾನ್ಸಾಕ್ಷನ್​ಗಳು ಉಚಿತ ಇನ್ನು ಎಸ್​ಬಿಐನಲ್ಲಿ ಸೇವಿಂಗ್ಸ್​ ಅಕೌಂಟ್​ ಹೊಂದಿರುವ ಮೆಟ್ರೋ ಸಿಟಿಯಲ್ಲಿನ ಗ್ರಾಹಕರಿಗೆ ಒಂದು ತಿಂಗಳಲ್ಲಿ 8 ಎಟಿಎಂ ಟ್ರಾನ್ಸಾಕ್ಷನ್​ಗಳನ್ನು ಉಚಿತವಾಗಿ ನೀಡುತ್ತದೆ. ಹಾಗೇ ಉಳಿದ ನಗರಗಳ ಗ್ರಾಹಕರಿಗೆ 10 ಎಟಿಎಂ ವ್ಯವಹಾರಗಳನ್ನು ಉಚಿತವಾಗಿ ನೀಡುತ್ತದೆ. ಹಾಗೇ, ಎಸ್​ಬಿಐ ಹೊರತಾದ ಬ್ಯಾಂಕ್​ನಲ್ಲಿ ಸೇವಿಂಗ್ಸ್​ ಅಕೌಂಟ್​ ಹೊಂದಿದ್ದವರು, ಎಸ್​ಬಿಐ ಎಟಿಎಂನಲ್ಲಿ 5 ಟ್ರಾನ್ಸಾಕ್ಷನ್​​ಗಳನ್ನು ಫ್ರೀಯಾಗಿ ಮಾಡಬಹುದು.

ಎಸ್​ಬಿಐ ಎಟಿಎಂಗಳಲ್ಲಿ ಒಂದು ಬಾರಿಗೆ 10,000 ರೂ.ವಿತ್​ಡ್ರಾ ಮಾಡಬಹುದು. ಆದರೆ ಇದಕ್ಕೆ ಒಟಿಪಿ ಅಗತ್ಯವಾಗಿರುತ್ತದೆ. ನೀವು ಎಸ್​ಬಿಐ ಎಟಿಎಂಗಳಲ್ಲಿ 10,000 ರೂ. ಎಂದು ನಮೂದಿಸುತ್ತಿದ್ದಂತೆ ನಿಮ್ಮ ರಿಜಿಸ್ಟರ್​ ಮೊಬೈಲ್​ಗೆ ಒಟಿಪಿ ಬರುತ್ತದೆ. ಆ ಒಟಿಪಿಯನ್ನು ಸರಿಯಾಗಿ ನಮೂದಿಸಿದರೆ ಮಾತ್ರ ಅಷ್ಟು ಹಣವನ್ನು ಪಡೆಯಬಹುದು. ಇದರಿಂದಾಗಿ ಹಣ ವಂಚನೆ ಪ್ರಕರಣ ತಗ್ಗಿಸಬಹುದು ಎಂದು ಎಸ್​ಬಿಐ ತಿಳಿಸಿದೆ.

ರೈಲಿನಿಂದ ಬೀಳುತ್ತಿದ್ದ ವ್ಯಕ್ತಿಯನ್ನು ದೇವರ ರೂಪದಲ್ಲಿ ಬಂದು ರಕ್ಷಿಸಿದ ಸಿಬ್ಬಂದಿ!: ಇಲ್ಲಿದೆ ನೋಡಿ ವಿಡಿಯೋ

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada