ಲಷ್ಕರ್ ಎ ಮುಸ್ತಫಾ ಉಗ್ರ ಸಂಘಟನೆಯ ಕಮಾಂಡರ್ ಜಮ್ಮುವಿನಲ್ಲಿ ಅರೆಸ್ಟ್​

ಜಮ್ಮು: ಲಷ್ಕರ್ ಎ ಮುಸ್ತಫಾ ಉಗ್ರಸಂಘಟನೆಯ ಪ್ರಮುಖ ಕಮಾಂಡರ್​ನನ್ನು ಜಮ್ಮು-ಕಾಶ್ಮೀರ ಪೊಲೀಸರು ಇಂದು ಬಂಧಿಸಿದ್ದಾರೆ. ಉಗ್ರ ಹಿದಾಯತ್​ ಉಲ್ಲಾ ಮಲಿಕ್​ನನ್ನು ಜಮ್ಮುವಿನ ಕುಂಜ್​ವಾನಿ ಬಳಿ ಅರೆಸ್ಟ್ ಮಾಡಲಾಗಿದ್ದು, ಆತನಿಂದ ಅಪಾರ ಶಸ್ತ್ರಾಸ್ತ್ರಗಳನ್ನು ವಶಪಡಿಸಿಕೊಳ್ಳಲಾಗಿದೆ.

ಹಿದಾಯತ್ ಉಲ್ಲಾ ಮಲಿಕ್​ ಲಷ್ಕರ್​ ಎ ಮುಸ್ತಫಾ ಉಗ್ರಸಂಘಟನೆಯ ಮುಖ್ಯಸ್ಥನಾಗಿದ್ದು, ಜಮ್ಮು ಮತ್ತು ಅನಂತ್​ನಾಗ್​ ಜಿಲ್ಲೆಯ ಪೊಲೀಸರು ಜಂಟಿ ಕಾರ್ಯಾಚರಣೆ ನಡೆಸಿ ಬಂಧಿಸಿದ್ದಾರೆ. ಬಂಧಿಸಲು ತೆರಳಿದ್ದ ಪೊಲೀಸ್​ ಸಿಬ್ಬಂದಿಯ ಮೇಲೆ ಈತ ದಾಳಿ ನಡೆಸಲು ಮುಂದಾಗಿದ್ದಾನೆ. ಆದರೆ ನಂತರ ಪೊಲೀಸರ ಬಳಿ ಸಿಕ್ಕಿಬಿದ್ದಿದ್ದಾನೆ. ಹಿದಾಯತ್​ ಉಲ್ಲಾ ಪ್ರಯಾಣಿಸುತ್ತಿದ್ದ ಕಾರನ್ನೂ ಪೊಲೀಸರು ವಶಪಡಿಸಿಕೊಂಡು, ತಪಾಸಣೆಗೆ ಕಳಿಸಿದ್ದಾರೆ.

ಲಷ್ಕರ್ ಎ ಮುಸ್ತಫಾ ಎಂಬುದು ಜೈಷ್​ ಎ ಮೊಹಮ್ಮದ್​ ಉಗ್ರಸಂಘಟನೆಯದ್ದೇ ಒಂದು ಭಾಗವಾಗಿದ್ದು, ಕಾಶ್ಮೀರ ಕಣಿವೆಯಲ್ಲಿ ಸಕ್ರಿಯವಾಗಿದೆ. ಬಂಧಿತ ಉಗ್ರ ಮೂಲತಃ ಶೋಪಿಯಾನಾ ಜಿಲ್ಲೆಯವನಾಗಿದ್ದಾನೆ.

ವಧುವಿನ ಫೋಟೋ ತೆಗೆಯಹೋದ ಫೋಟೋಗ್ರಾಫರ್​ ಬುರುಡೆ ಕಳಚಿ ಬೀಳುವಂತೆ ಹೊಡೆದ ಮದುಮಗ: ವಿಡಿಯೋ ವೈರಲ್