ಕೊವಿಡ್​ 19 ಕಾರಣಕ್ಕೆ ಬಂದ್​ ಆಗಿದ್ದ ರಾಷ್ಟ್ರಪತಿ ಭವನ ಮ್ಯೂಸಿಯಂ ವೀಕ್ಷಣೆ ಮತ್ತೆ ಪ್ರಾರಂಭ; ಇಲ್ಲಿದೆ ಸಮಯ, ಸ್ಲಾಟ್​​ ಬಗ್ಗೆ ಮಾಹಿತಿ

ಕೊವಿಡ್​ 19 ಕಾರಣಕ್ಕೆ ಬಂದ್​ ಆಗಿದ್ದ ರಾಷ್ಟ್ರಪತಿ ಭವನ ಮ್ಯೂಸಿಯಂ ವೀಕ್ಷಣೆ ಮತ್ತೆ ಪ್ರಾರಂಭ; ಇಲ್ಲಿದೆ ಸಮಯ, ಸ್ಲಾಟ್​​ ಬಗ್ಗೆ ಮಾಹಿತಿ
ಸಾಂದರ್ಭಿಕ ಚಿತ್ರ

ರಾಷ್ಟ್ರಪತಿ ಭವನಕ್ಕೆ ಮಾರ್ಚ್​ 12ರಿಂದ ಸಾರ್ವಜನಿಕರ ಪ್ರವೇಶಕ್ಕೆ ಅವಕಾಶವಿದೆ. ಇಲ್ಲಿ ಪ್ರತಿ ಶನಿವಾರ ಮತ್ತು ಭಾನುವಾರ ವೀಕ್ಷಣೆಗೆ ಅವಕಾಶ ಇದೆ. ಇದೆರಡು ದಿನದಲ್ಲೇ ಯಾವುದಾದರೂ ಗೆಜೆಟೆಡ್​ ರಜಾದಿನ ಬಂದರೆ ಅಂದು ಕ್ಲೋಸ್ ಇರಲಿದೆ.

TV9kannada Web Team

| Edited By: Lakshmi Hegde

Mar 05, 2022 | 1:21 PM

ಕೊವಿಡ್​ 19 ಮೂರನೇ ಅಲೆ (Covid 19 3rd Wave) ಹಿನ್ನೆಲೆಯಲ್ಲಿ ಜನವರಿ 1ರಿಂದಲೇ ಬಂದ್​ ಆಗಿದ್ದ ರಾಷ್ಟ್ರಪತಿ ಭವನ, ರಾಷ್ಟ್ರಪತಿ ಭವನ ಮ್ಯೂಸಿಯಂ ಪ್ರವಾಸ ಮಾರ್ಚ್​ 8ರಿಂದ ಮತ್ತೆ ಪ್ರಾರಂಭವಾಗಲಿದೆ. ಅಂದರೆ ಸಾರ್ವಜನಿಕರ ವೀಕ್ಷಣೆಗೆ ತೆರೆದುಕೊಳ್ಳಲಿದೆ. ಹಾಗೇ, ಕೊವಿಡ್​ 19 ಕಾರಣಕ್ಕೆ ಚೇಂಜ್​ ಆಫ್​ ಗಾರ್ಡ್ ಸಮಾರಂಭ (ಇದು ಮಿಲಿಟರಿ ಸಂಪ್ರದಾಯ. ಪ್ರಸಿದ್ಧ ಸ್ಥಳಗಳು, ಕೋಟೆಗಳು, ರಕ್ಷಣಾ ಸಂಸ್ಥೆಗಳಲ್ಲಿ ನಿಯೋಜಿಸಲಾಗುವ ರಕ್ಷಣಾ ಸಿಬ್ಬಂದಿಯನ್ನು ನಿಯಮಿತವಾಗಿ ಬದಲಾವಣೆ ಮಾಡುವ ಒಂದು ಕಾರ್ಯಕ್ರಮ)ವೂ ಸ್ಥಗಿತಗೊಂಡಿತ್ತು. ಇದೂ ಕೂಡ ಮುಂದಿನ ವಾರ ನಡೆಯಲಿದೆ.

ರಾಷ್ಟ್ರಪತಿ ಭವನ ಸಂಕೀರ್ಣ ಸಾರ್ವಜನಿಕರ ವೀಕ್ಷಣೆಗೆ ಮಾರ್ಚ್​ 8ರಿಂದ ತೆರೆಯಲಿದ್ದು, ವಾರದಲ್ಲಿ ಆರು ದಿನ ಅಂದರೆ ಮಂಗಳವಾರದಿಂದ ಭಾನುವಾರದವರೆಗೆ ಸಾರ್ವಜನಿಕರು ವೀಕ್ಷಣೆಗೆ ಇಲ್ಲಿಗೆ ಬರಬಹುದಾಗಿದೆ. ಗೆಜೆಟೆಡ್​ ರಜಾದಿನಗಳಲ್ಲಿ ವೀಕ್ಷಣೆ ಇರುವುದಿಲ್ಲ ಎಂದು ರಾಷ್ಟ್ರಪತಿ ಭವನ ಹೊರಡಿಸಿದ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ದಿನಕ್ಕೆ ನಾಲ್ಕು ಸ್ಲಾಟ್​ಗಳಿದ್ದು, ಇಲ್ಲಿಗೆ ಆಗಮಿಸುವವರು ಮೊದಲೇ ಬುಕ್ ಮಾಡಿಟ್ಟುಕೊಳ್ಳಬೇಕು. ಒಂದು ಸ್ಲಾಟ್​​ನಲ್ಲಿ 50 ಪ್ರವಾಸಿಗರಿಗೆ ಮಾತ್ರ ಅವಕಾಶ. ಮೊದಲ ಸ್ಲಾಟ್​​ ಅವಧಿ ಬೆಳಗ್ಗೆ 9.30-11 ಗಂಟೆ, ಎರಡನೇ ಸ್ಲಾಟ್​ 11.30ರಿಂದ ಮಧ್ಯಾಹ್ನ 1, ಮೂರನೇ ಸ್ಲಾಟ್​ 13.30-3 ಮತ್ತು ನಾಲ್ಕನೇ ಸ್ಲಾಟ್​​ 15.30ರಿಂದ ಸಂಜೆ 5ಗಂಟೆವರೆಗೆ ಇರಲಿದೆ.

ರಾಷ್ಟ್ರಪತಿ ಭವನಕ್ಕೆ ಮಾರ್ಚ್​ 12ರಿಂದ ಸಾರ್ವಜನಿಕರ ಪ್ರವೇಶಕ್ಕೆ ಅವಕಾಶವಿದೆ. ಇಲ್ಲಿ ಪ್ರತಿ ಶನಿವಾರ ಮತ್ತು ಭಾನುವಾರ ವೀಕ್ಷಣೆಗೆ ಅವಕಾಶ ಇದೆ. ಇದೆರಡು ದಿನದಲ್ಲೇ ಯಾವುದಾದರೂ ಗೆಜೆಟೆಡ್​ ರಜಾದಿನ ಬಂದರೆ ಅಂದು ಕ್ಲೋಸ್ ಇರಲಿದೆ. ರಾಷ್ಟ್ರಪತಿ ಭವನ ವೀಕ್ಷಣೆಗೆ ಸಾರ್ವಜನಿಕರಿಗೆ ಮೂರು ಸ್ಲಾಟ್​​ನಲ್ಲಿ ಸಮಯ ನಿಗದಿ ಮಾಡಲಾಗಿದೆ.  ಬೆಳಗ್ಗೆ 10 ಗಂಟೆಯಿಂದ 11.30 ಮೊದಲೇ ಸ್ಲಾಟ್​, 12.30-13-30ರವರೆಗೆ ಎರಡನೇ ಮತ್ತು 14.30ರಿಂದ 15.30ರವರೆಗೆ ಮೂರನೇ ಸ್ಲಾಟ್​ ಇರಲಿದೆ. ಒಂದು ಸ್ಲಾಟ್​​ನಲ್ಲಿ ಗರಿಷ್ಠ 25 ಜನರಿಗಷ್ಟೇ ಅವಕಾಶ. ಈ ಬಾರಿ ರಾಷ್ಟ್ರಪತಿ ಭವನ ಪ್ರವಾಸದಲ್ಲಿ ಹೊಸದಾಗಿ ಅಭಿವೃದ್ಧಿಯಾಗಿ ಆರೋಗ್ಯ ವನಂ ವೀಕ್ಷಣೆಯೂ ಇರಲಿದೆ. ಇನ್ನು ಚೇಂಜ್​ ಆಫ್ ಗಾರ್ಡ್​ ಸಮಾರಂಭ ಮಾರ್ಚ್​ 12ರಿಂದ ಪ್ರತಿ ಶನಿವಾರ (ಗೆಜೆಟೆಡ್​ ರಜಾದಿನ ಹೊರತು ಪಡಿಸಿ) ಬೆಳಗ್ಗೆ 8ಗಂಟೆಯಿಂದ 9ಗಂಟೆವರೆಗೆ ಇರುತ್ತದೆ.

ಇದನ್ನೂ ಓದಿ: Breaking: ಮಾನವೀಯ ಕಾರಿಡಾರ್​ಗಳನ್ನು ತೆರೆಯಲು ಕದನ ವಿರಾಮ ಘೋಷಿಸಿದ ರಷ್ಯಾ

Follow us on

Most Read Stories

Click on your DTH Provider to Add TV9 Kannada