ಪ್ರತಿ ಡಿ.11ರಂದು ಎಲ್ಲಾ ವಿಶ್ವವಿದ್ಯಾನಿಲಯಗಳಲ್ಲಿ “ಭಾರತೀಯ ಭಾಷಾ ಉತ್ಸವ” ಆಚರಿಸಲು ಯುಜಿಸಿ ಸೂಚನೆ

ದೆಹಲಿ: ವಿಶ್ವವಿದ್ಯಾನಿಲಯ ಅನುದಾನ ಆಯೋಗ (University Grants Commission) (ಯುಜಿಸಿ) ದೇಶದ ಎಲ್ಲಾ ಉನ್ನತ ಶಿಕ್ಷಣ ಸಂಸ್ಥೆಗಳಿಗೆ ಪ್ರತಿ ಡಿಸೆಂಬರ್ 11ನ್ನು ‘ಭಾರತೀಯ ಭಾಷಾ ಉತ್ಸವ‘ (Bharatiya Bhasha Utsav) ಎಂದು ಆಚರಿಸಲು ಸೂಚನೆಯನ್ನು ನೀಡಿ, ಈ ಬಗ್ಗೆ ದೇಶದ ಎಲ್ಲ ವಿಶ್ವವಿದ್ಯಾನಿಲಯಗಳಿಗೆ ಪತ್ರ ಬರೆದಿದೆ . 11 ಡಿಸೆಂಬರ್ ತಮಿಳು ಕವಿ ಮತ್ತು ಸ್ವಾತಂತ್ರ್ಯ ಹೋರಾಟಗಾರ ಮಹಾಕವಿ ಸುಬ್ರಮಣ್ಯ ಭಾರತಿ ಅವರ ಜನ್ಮದಿನವಾಗಿದೆ.

ಭಾರತಿ ಬಹುಭಾಷಾ ಮತ್ತು ಕಾಶಿಯಲ್ಲಿದ್ದಾಗ ಹಿಂದಿ ಮತ್ತು ಸಂಸ್ಕೃತವನ್ನು ಕಲಿತಿದ್ದರು. ವಿದ್ಯಾರ್ಥಿಗಳಲ್ಲಿ ಭಾಷಾ ಸೌಹಾರ್ದತೆ ಮತ್ತು ಜಾಗೃತಿಯನ್ನು ಉತ್ತೇಜಿಸಲು ಸಂಸ್ಥೆಗಳು ವಿವಿಧ ಕಾರ್ಯಕ್ರಮಗಳು ಮತ್ತು ಚಟುವಟಿಕೆಗಳನ್ನು ಆಯೋಜಿಸುವಂತೆ ಪತ್ರದಲ್ಲಿ ಸೂಚಿಸಲಾಗಿದೆ. ಇದು ಏಕ್ ಭಾರತ್ ಶ್ರೇಷ್ಠ ಭಾರತ್ ಮತ್ತು ಆಜಾದಿ ಕಾ ಅಮೃತ್ ಮಹೋತ್ಸವ (ಸ್ವಾತಂತ್ರ್ಯದ 75 ವರ್ಷಗಳು) ಉಪಕ್ರಮಗಳ ಅಡಿಯಲ್ಲಿ ನಡೆಯಲಿದೆ.

ಇದನ್ನು ಓದಿ: ಪಿಎಚ್​ಡಿ ಪದವಿಗಳ ಬಗ್ಗೆ ಹೊಸ ನಿಯಮಗಳನ್ನು ಪ್ರಕಟಿಸಿದ ಯುಜಿಸಿ

ವಿವಿಧ ರಾಜ್ಯಗಳು ಮತ್ತು ಪ್ರದೇಶಗಳ ಭಾಷೆಗಳಿಗೆ ಮೀಸಲಾದ ಪ್ರದರ್ಶನ ಮಳಿಗೆಗಳು, ಸಾಂಸ್ಕೃತಿಕ ಕಾರ್ಯಕ್ರಮಗಳು, ಜನಾಂಗೀಯ ಉಡುಗೆ ತೊಡುಗೆ, ರಸಪ್ರಶ್ನೆಗಳು, ಪ್ರಬಂಧ ಬರವಣಿಗೆ, ಭಾಷಣ, ‘ನನ್ನ ಭಾಷೆ, ನನ್ನ ಸಹಿ’, ಬಹುಭಾಷಾ ವಿದ್ಯಾರ್ಥಿಗಳಿಗೆ ಸನ್ಮಾನ, ಸ್ಥಳೀಯ ಭಾಷಾ ತಂತ್ರಾಂಶದ ಪ್ರಾತ್ಯಕ್ಷಿಕೆ ಇತ್ಯಾದಿಗಳನ್ನು ಯುಜಿಸಿ ಮುಂದಿಟ್ಟಿರುವ ಪ್ರಸ್ತಾವನೆಗಳು ನೀಡಿದೆ. ಒಂದು ತಿಂಗಳ ಕಾಲ ಕಾಶಿ ತಮಿಳು ಸಂಗಮಂ ಮೂಲಕ ತಮಿಳುನಾಡು ಮತ್ತು ಕಾಶಿ ನಡುವಿನ ಪ್ರಾಚೀನ ಸಾಂಸ್ಕೃತಿಕ ಸಂಬಂಧಗಳನ್ನು ದೇಶವು ಮರುಶೋಧಿಸುವ ಸಮಯದಲ್ಲಿ ಈ ಕಾರ್ಯಕ್ರಮದಲ್ಲಿ ತರಲಾಗಿದೆ.

ದೇಶದ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 6:20 pm, Sat, 10 December 22