ವಾರಾಣಸಿಯಲ್ಲಿ ವರ್ಷದಿಂದ ತಾಯಿ ಶವದ ಜತೆ ವಾಸವಿದ್ದ ಇಬ್ಬರು ಸಹೋದರಿಯರ ಬಂಧನ

ತಾಯಿಯ ಶವದೊಂದಿಗೆ ಒಂದು ವರ್ಷಗಳಿಂದ ಇಬ್ಬರು ಸಹೋದರಿಯರು ವಾಸಿಸುತ್ತಿದ್ದ ವಿಚಾರ ಬೆಳಕಿಗೆ ಬಂದಿದೆ. ಈ ಘಟನೆ ಉತ್ತರ ಪ್ರದೇಶದ ವಾರಾಣಸಿಯಲ್ಲಿ ನಡೆದಿದೆ. ಇಬ್ಬರು ಸಹೋದರಿಯರು ನಗರದ ಮದರ್ವಾ ಪ್ರದೇಶದಲ್ಲಿನ ತಮ್ಮ ಮನೆಯಲ್ಲಿ ಒಂದು ವರ್ಷದ ಹಿಂದೆ ಸಾವನ್ನಪ್ಪಿದ ತಾಯಿಯ ಶವದೊಂದಿಗೆ ವಾಸಿಸುತ್ತಿರುವುದು ಪತ್ತೆಯಾಗಿದೆ.

ಕೆಲ ದಿನಗಳಿಂದ ಮನೆ ಬಾಗಿಲು ಮುಚ್ಚಿತ್ತು ಹೆಣ್ಣುಮಕ್ಕಳು ಕೂಡ ಕಾಣಿಸಿರಲಿಲ್ಲ, ಆಗ ಅವರ ಸಂಬಂಧಿಕರಿಗೆ ಪಕ್ಕದ ಮನೆಯವರು ವಿಚಾರ ತಿಳಿಸಿದ್ದಾರೆ ತಕ್ಷಣ ಪೊಲೀಸರು ಸ್ಥಳಕ್ಕೆ ಆಗಮಿಸಿದ್ದಾರೆ. ಪೊಲೀಸರು ಮನೆಗೆ ತಲುಪಿ ಮಹಿಳೆಯ ಶವವನ್ನು ಹೊರತೆಗೆದರು ಮತ್ತು ಶವದ ಪಕ್ಕದಲ್ಲಿ ಇಬ್ಬರು ಹೆಣ್ಣುಮಕ್ಕಳು ಕುಳಿತಿದ್ದರು.

ಮತ್ತಷ್ಟು ಓದಿ: ಅಮೆರಿಕದಲ್ಲಿ ದಾವಣಗೆರೆ ಮೂಲದ ದಂಪತಿ, ಮಗು ಸಾವು: ಮೃತದೇಹ ತರಿಸಿಕೊಡುವಂತೆ ಸರ್ಕಾರಕ್ಕೆ ತಾಯಿ ಮನವಿ

ಪೊಲೀಸರ ಪ್ರಕಾರ, ಉಷಾ ದೇವಿ (52) ಎಂದು ಗುರುತಿಸಲಾದ ಮಹಿಳೆಯು ಡಿಸೆಂಬರ್ 8, 2022 ರಂದು ನಿಧನರಾದರು, ಆದರೆ ಅವರ ಹೆಣ್ಣುಮಕ್ಕಳು ಹಣಕಾಸಿನ ಅಡಚಣೆಯಿಂದ ಅಂತಿಮ ವಿಧಿಗಳನ್ನು ಮಾಡಲಿಲ್ಲ ಮತ್ತು ಆಕೆಯ ಬಗ್ಗೆ ಯಾರಿಗೂ ತಿಳಿಸದೆ ಈ ಸಮಯದಲ್ಲಿ ಆಕೆಯ ಶವದೊಂದಿಗೆ ವಾಸಿಸುತ್ತಿದ್ದರು.

ದೇಹದ ಕಟುವಾದ ವಾಸನೆಯನ್ನು ಮರೆಮಾಚಲು ಇಬ್ಬರು ಪುತ್ರಿಯರನ್ನು ಪಲ್ಲವಿ ತ್ರಿಪಾಠಿ (27) ಮತ್ತು ವೈಶ್ವಿಕ್ ತ್ರಿಪಾಠಿ (17) ಎಂದು ಗುರುತಿಸಲಾಗಿದ್ದು, ಅಗರಬತ್ತಿಗಳನ್ನು (ಧೂಪದ್ರವ್ಯದ ತುಂಡುಗಳನ್ನು) ಹಚ್ಚುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಮಹಿಳೆಯ ಪತಿ ಎರಡು ವರ್ಷಗಳ ಹಿಂದೆ ಮನೆ ಬಿಟ್ಟು ಹೋಗಿದ್ದು, ಪತ್ನಿ ಸತ್ತರೂ ಮನೆಗೆ ಬಂದಿರಲಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ. ಶವವನ್ನು ಪತ್ತೆ ಹಚ್ಚಿದ ಪೊಲೀಸರು ಇಬ್ಬರೂ ಹೆಣ್ಣುಮಕ್ಕಳನ್ನು ವಶಕ್ಕೆ ಪಡೆದಿದ್ದು, ಘಟನೆ ಕುರಿತು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ