ಜಾರ್ಖಂಡ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ಕಾಡ್ಗಿಚ್ಚಿನ ಅಬ್ಬರ; ಬೆಂಕಿ ನಂದಿಸಲು ಅರಣ್ಯ ಇಲಾಖೆಯ ಹರಸಾಹಸ

ಜಾರ್ಖಂಡ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ಕಾಡ್ಗಿಚ್ಚಿನ ಅಬ್ಬರ; ಬೆಂಕಿ ನಂದಿಸಲು ಅರಣ್ಯ ಇಲಾಖೆಯ ಹರಸಾಹಸ
ಕಾಡ್ಗಿಚ್ಚು

ಮಾರ್ಚ್​ನಿಂದಲೂ ಬೆಂಕಿ ಆವರಿಸಿದ್ದು ಅದನ್ನು ನಿಯಂತ್ರಣಕ್ಕೆ ತರಲು ಸ್ಥಳೀಯ ಅರಣ್ಯ ಇಲಾಖೆ ಪ್ರಯತ್ನ ಮಾಡುತ್ತಲೇ ಇದೆ. ಸುತ್ತಲಿನ ಹಳ್ಳಿಗಳ ಜನರ ಸಹಾಯವನ್ನೂ ತೆಗೆದುಕೊಂಡು ಬೆಂಕಿ ಆರಿಸುವ ಕೆಲಸದಲ್ಲಿ ನಿರತವಾಗಿದೆ.

TV9kannada Web Team

| Edited By: Lakshmi Hegde

Apr 07, 2022 | 6:13 PM

ಜಾರ್ಖಂಡ್​​ನ ಲತೇಹಾರ್​ನಲ್ಲಿರುವ ಪಲಮು ಹುಲಿ ಸಂರಕ್ಷಿತ ಪ್ರದೇಶದ ಮಧ್ಯ ಭಾಗದಲ್ಲಿ ಭಯಂಕರ ಕಾಡ್ಗಿಚ್ಚು ಆವರಿಸಿದ್ದು, ಅತಿ ವೇಗವಾಗಿ ಬೆಂಕಿ ಪಸರಿಸುತ್ತಿದೆ. ಬೆಂಕಿಯನ್ನು ನಂದಿಸುವ ಪ್ರಯತ್ನಗಳು ನಡೆಯುತ್ತಿವೆ. ಬರೇಸಂಧ್, ಗಾರು ಪೂರ್ವ, ಗಾರು ಪಶ್ಚಿಮ ಮತ್ತು ಮಹುವದಂಡ್ ಅರಣ್ಯ ಪ್ರದೇಶಗಳಲ್ಲಿ ಮಾರ್ಚ್​ ತಿಂಗಳಿಂದಲೂ ಬೆಂಕಿ ಕಾಣಿಸಿಕೊಂಡಿದ್ದು, ಅದನ್ನು ನಂದಿಸುವ ಪ್ರಯತ್ನಗಳ ನಡುವೆಯೂ ವೇಗವಾಗಿ ಪಸರಿಸುತ್ತಿದೆ.

ಈ ಭಾಗದ ಕಾಡುಗಳಲ್ಲಿ ಈಗ ಮಹುವಾ ಎಂಬ ಒಂದು ಬಗೆಯ ಹಣ್ಣು ಆಗುತ್ತದೆ. ಹಲವು ಔಷಧೀಯ ಗುಣಗಳನ್ನು ಹೊಂದಿರುವ ಮಹುವಾ ಹಣ್ಣುಗಳನ್ನು ಕೊಯ್ಯಲು ಸ್ಥಳೀಯರು ಅರಣ್ಯದೊಳಗೆ ಹೋಗುತ್ತಾರೆ. ಅಲ್ಲಿ ಸೊಳ್ಳೆ ಮತ್ತಿತರ ಕೀಟಗಳಿಂದ ಪಾರಾಗಲು ಒಣಗಿದ ಎಲೆಗಳಿಗೆ ಬೆಂಕಿ ಹಾಕಿಕೊಳ್ಳುತ್ತಾರೆ. ಅವರು ಸರಿಯಾಗಿ ಅದನ್ನು ಆರಿಸದೆ ಬರದೆ ಇದ್ದರೆ ಹೀಗೆ ಕಾಡ್ಗಿಚ್ಚು ಉಂಟಾಗುತ್ತದೆ.  ಇನ್ನು ಕೆಲವು ಬಾರಿ ಅರಣ್ಯದಲ್ಲಿಯೇ ವಾಸವಾಗಿರುವ ಜನರು ದಟ್ಟಾರಣ್ಯದಲ್ಲಿ ದಾರಿ ಮಾಡಿಕೊಳ್ಳಲು ಪೊದೆಗಳನ್ನು ಸುಡುತ್ತಾರೆ. ಅದೂ ಕೂಡ ಕಾಡ್ಗಿಚ್ಚಿಗೆ ಕಾರಣವಾಗುತ್ತದೆ. ಇಂಥದ್ದೇ ಕಾರಣಕ್ಕೆ ಬೆಂಕಿ ಹೊತ್ತಿದೆ ಎಂದು ಹೇಳಲು ಸಾಧ್ಯವಿಲ್ಲ. ಆದರೆ ಹೊತ್ತಿದ ಬೆಂಕಿ ಬೇಗ ಆರುವುದೂ ಇಲ್ಲ.

ಮಾರ್ಚ್​ನಿಂದಲೂ ಬೆಂಕಿ ಆವರಿಸಿದ್ದು ಅದನ್ನು ನಿಯಂತ್ರಣಕ್ಕೆ ತರಲು ಸ್ಥಳೀಯ ಅರಣ್ಯ ಇಲಾಖೆ ಪ್ರಯತ್ನ ಮಾಡುತ್ತಲೇ ಇದೆ. ಸುತ್ತಲಿನ ಹಳ್ಳಿಗಳ ಜನರ ಸಹಾಯವನ್ನೂ ತೆಗೆದುಕೊಂಡು ಬೆಂಕಿ ಆರಿಸುವ ಕೆಲಸದಲ್ಲಿ ನಿರತವಾಗಿದೆ. ಅರಣ್ಯಕ್ಕೆ ಹಬ್ಬಿದ ಕಾಡ್ಗಿಚ್ಚಿನಿಂದ ಈಗಾಗಲೇ ಭಾರಿ ಪ್ರಮಾಣದಲ್ಲಿ ನಷ್ಟವಾಗಿದ್ದಾಗಿ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ. ಇನ್ನು ಪ್ರಾಣಿಗಳನ್ನು ಕಾಪಾಡಲೂ ಕೂಡ ಕ್ರಮ ಕೈಗೊಂಡಿದ್ದಾಗಿ ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ: ಮನೆ ಮೇಲಿನ ದಾಳಿ ಬಿಜೆಪಿ ಗೂಂಡಾಗಿರಿ; ಕಾಶ್ಮೀರದಲ್ಲಿ ಹತ್ಯಾಕಾಂಡ ನಡೆದಾಗ ಬಿಜೆಪಿ ಸರ್ಕಾರವಿತ್ತು, ಯಾಕೆ ಪುನರ್ವಸತಿ ಕಲ್ಪಿಸಿಲ್ಲ?: ಕೇಜ್ರಿವಾಲ್

Follow us on

Related Stories

Most Read Stories

Click on your DTH Provider to Add TV9 Kannada