Kannada News Photo gallery Astrology Tips Individual House Construction Preferences According To Zodiac Signs Explained Here
Home Astrology: ಯಾವ ರಾಶಿಯ ವ್ಯಕ್ತಿಗಳು ತಮ್ಮ ಮನೆಗಳಲ್ಲಿ ಬಯಸುವುದೇನು? ಇಲ್ಲಿದೆ ಹನ್ನೆರಡು ರಾಶಿಗಳ ನಿರೀಕ್ಷೆ
ಜನ್ಮ ರಾಶಿಗೆ ಅನುಗುಣವಾಗಿ ಯಾವ ರಾಶಿಯವರು ಎಂಥ ಮನೆಯಲ್ಲಿ ಇರಲು ಬಯಸುತ್ತಾರೆ ಎಂಬುದರ ಬಗ್ಗೆ ಆಸಕ್ತಿಕರವಾದ ಲೇಖನ ಇಲ್ಲಿದೆ.
TV9 Web | Updated By: Ghanashyam D M | ಡಿ.ಎಂ.ಘನಶ್ಯಾಮ
Updated on: Dec 12, 2021 | 5:00 PM
ಸ್ವಂತ ಮನೆ ಕಟ್ಟುವುದು ಎಲ್ಲರಿಗೂ ದೊಡ್ಡ ಗುರಿ, ಕನಸು. ಆದರೆ ಮನೆ ಕಟ್ಟುವ ವಿಚಾರ ಬಂದಾಗ ಒಂದೊಂದು ರಾಶಿಯವರ ಆಲೋಚನೆ ಒಂದೊಂದು ಬಗೆಯಲ್ಲಿ ಇರುತ್ತದೆ ಎನ್ನುತ್ತದೆ ಜ್ಯೋತಿಷ. ಆ ವಿಶ್ಲೇಷಣೆಯನ್ನೇ ನಿಮ್ಮ ಮುಂದೆ ತೆರೆದಿಡಲಾಗುತ್ತಿದೆ. ಇಲ್ಲಿರುವ ಸಂಗತಿ ಭಾವನೆ ಹಾಗೂ ಮನಸ್ಸು ಎರಡಕ್ಕೂ ಸಂಬಂಧಿಸಿದ್ದು. ಜತೆಗೆ ಹಣಕಾಸು ಬಹಳ ಮುಖ್ಯವಾದ ಪಾತ್ರ ವಹಿಸುತ್ತದೆ. ಒಟ್ಟಾರೆ ನೋಡಿದಾಗ ಆ ರಾಶಿಯವರು ಮನೆಯ ವಿಚಾರ ಬಂದಾಗ ನಿರೀಕ್ಷೆ ಮಾಡುವ ಸಂಗತಿಗಳು ಏನು ಎಂಬುದನ್ನು ತಿಳಿಯುವುದಕ್ಕೆ ಮುಂದೆ ಓದಿ.
1 / 13
ಮೇಷ
ಈ ರಾಶಿಯವರಿಗೆ ತಮ್ಮ ಮನೆಯ ಅಳತೆ ಚಿಕ್ಕದಿದ್ದರೂ ಪರವಾಗಿಲ್ಲ, ಸೈಟ್ ದೊಡ್ಡದಾಗಿರಬೇಕು ಎಂಬ ಮನಸ್ಥಿತಿ. ಜತೆಗೆ ಭೂಮಿಯ ಬೆಲೆಯ ಬಗ್ಗೆಯೇ ಹೆಚ್ಚಿನ ಆದ್ಯತೆ ನೀಡುವಂಥವರು. ಆದ್ದರಿಂದ ಇವರ ಬಳಿ ಸ್ವಲ್ಪ ಹಣ ಸೇರುತ್ತಿದ್ದಂತೆಯೇ ಮನೆ ಕಟ್ಟಬೇಕು ಎನಿಸುವುದಕ್ಕೆ ಶುರುವಾಗುತ್ತದೆ. ಆದರೆ ಇವರು ಹೆಚ್ಚಿನ ಸಮಯ ಮನೆಯಲ್ಲಿ ಕಳೆಯುವಂತಹವರಲ್ಲ. ತಾವೇ ಇಷ್ಟಪಟ್ಟು ಮಾಡಿಸಿದ ಎಷ್ಟೋ ವ್ಯವಸ್ಥೆಗಳನ್ನು ಪೂರ್ಣ ಪ್ರಮಾಣದಲ್ಲಿ ಬಳಸಿಕೊಳ್ಳಲು ಇವರಿಂದ ಸಾಧ್ಯವಾಗಲ್ಲ.
2 / 13
ಈ ರಾಶಿಯವರಿಗೆ ತಮ್ಮ ಮನೆಯಲ್ಲಿ ಸಾಕು ಪ್ರಾಣಿಗಳಿಗೆ ಒಳ್ಳೆ ವ್ಯವಸ್ಥೆ ಇರಬೇಕು. ಸೈಟ್ ಹುಡುಕುವಾಗಿಂದಲೇ ಅಂಥದ್ದೊಂದು ಆಲೋಚನೆ ಬಂದುಬಿಡುತ್ತದೆ. ಇವರಲ್ಲಿ ಬಹುತೇಕರು ಹೆಚ್ಚಿನ ಸಮಯ ಮನೆಯಲ್ಲೇ ಕಳೆಯುವಂಥವರು. ಆದ್ದರಿಂದ ತುಂಬ ಸ್ವಚ್ಛವಾಗಿ ಮನೆಯನ್ನು ಇರಿಸಿಕೊಳ್ಳುವುದಕ್ಕೆ ಹೆಚ್ಚು ಖರ್ಚು ಮಾಡುತ್ತಾರೆ. ಜನದಟ್ಟಣೆ ಇರುವಂಥ ಸ್ಥಳವನ್ನು ಇಷ್ಟಪಡದ ಜನ ಇವರು. ಆ ಕಾರಣಕ್ಕೆ ನಗರದಿಂದ ಹೊರ ಭಾಗದಲ್ಲಿ ಮನೆ ಕಟ್ಟುವುದಕ್ಕೆ ಬಯಸುತ್ತಾರೆ.
3 / 13
ತಮ್ಮ ಅಗತ್ಯಗಳಿಗೆ ಹೆಚ್ಚಿನ ಗಮನ ನೀಡುವಂಥವರು ಇವರು. ಯಾರಾದರೂ ಸೈಟ್ನ ಪ್ರತಿ ಇಂಚನ್ನೂ ಬಹಳ ಚೆನ್ನಾಗಿ ಬಳಸಿದ್ದಾರೆ ಅಂದರೆ ಅದು ಮಿಥುನ ರಾಶಿಯ ಪ್ಲ್ಯಾನರ್ ಆಗಿರುತ್ತಾರೆ. ಭವಿಷ್ಯವನ್ನೂ ಗಮನದಲ್ಲಿ ಇಟ್ಟುಕೊಂಡ ತುಂಬ ಚೆನ್ನಾಗಿ ಯೋಜನೆ ರೂಪಿಸಬಲ್ಲಂಥ ಜಾಣ- ಜಾಣೆಯರು ಇವರು. ಆದರೆ ಇವರಿಗೆ ಎಲ್ಲದರಲ್ಲೂ ಅನುಮಾನ ಜಾಸ್ತಿ ಇರುತ್ತದೆ. ಆ ಕಾರಣಕ್ಕೆ ಮನೆ ಕಟ್ಟುವಾಗ ವಸ್ತುಗಳಿಗಾಗಿ, ಜನರಿಂದ ಹೆಚ್ಚು ನಷ್ಟ ಅನುಭವಿಸುತ್ತಾರೆ.
4 / 13
ಮನೆ ಅಂದಾಕ್ಷಣ ಭಾವನಾತ್ಮಕವಾದ ಸಂಗತಿ ಇವರಿಗೆ. ಹೋಮ್ ಸಿಕ್ ಎನ್ನುತ್ತಾರಲ್ಲ ಹಾಗೆ. ಆ ದಿನ ಎಷ್ಟೇ ಹೊತ್ತಾಗಿದ್ದರೂ ಮನೆಗೆ ವಾಪಸ್ ಬಂದುಬಿಡಬೇಕು ಎಂದು ಬಯಸುತ್ತಾರೆ. ಮನೆಯಲ್ಲಿನ ಪ್ರತಿ ವಸ್ತು ಬಗ್ಗೆಯೂ ವಿಶೇಷ ಆಸ್ಥೆ ಹೊಂದಿರುತ್ತಾರೆ. ತಮ್ಮ ಮಕ್ಕಳ ಸಲುವಾಗಿ ಅತ್ಯುತ್ತಮವಾದದ್ದನ್ನು ಮನೆಯ ರೂಪದಲ್ಲಿ ನೀಡುವುದಕ್ಕೆ ಬಯಸುತ್ತಾರೆ. ಈ ರಾಶಿಯವರು ಹೆಚ್ಚಿನ ಪಕ್ಷ ಮನಶ್ಶಾಂತಿ ಬಯಸುವುದು ಹಾಗೂ ಕಾಣುವುದು ಮನೆಯಲ್ಲೇ.
5 / 13
ಈ ರಾಶಿಯವರು ಮನೆ ಕಟ್ಟುವ ಅಥವಾ ಕೊಳ್ಳುವ ವಿಚಾರದಲ್ಲಿ ಬಹಳ ನಿರ್ದಿಷ್ಟವಾಗಿ ಇರುತ್ತಾರೆ. ಯಾವುದನ್ನೂ ಹಾಗೂ ಯಾವುದಕ್ಕೂ ಸುಲಭಕ್ಕೆ ಒಪ್ಪದ ಆಸಾಮಿಗಳು ಇವರು. ಹೋಮ್ ಥಿಯೇಟರ್, ಜಿಮ್, ಸ್ವಿಮ್ಮಿಂಗ್ ಪೂಲ್, ಬಾರ್ ಹೀಗೆ ಸೌಲಭ್ಯಗಳನ್ನು ಮನೆಯಲ್ಲೇ ವ್ಯವಸ್ಥೆ ಮಾಡಿಕೊಳ್ಳುವುದಕ್ಕೆ ಬಯಸುತ್ತಾರೆ.
6 / 13
ಮನೆಯಲ್ಲೊಂದು ಆಫೀಸ್ನಂಥ ವ್ಯವಸ್ಥೆ, ಲೈಬ್ರರಿ, ರೀಡಿಂಗ್ ರೂಮ್, ಧ್ಯಾನಕ್ಕೆ ಕೋಣೆ ಹೀಗೆ ಆಲೋಚನೆ ಮಾಡುವಂಥ ಕನ್ಯಾ ರಾಶಿಯವರು ಬ್ರ್ಯಾಂಡ್, ಬಣ್ಣ, ವಸ್ತುಗಳ ಗುಣಮಟ್ಟ ಇಂಥ ವಿಚಾರಗಳಲ್ಲಿ ಬಹಳ ನಿರ್ದಿಷ್ಟವಾಗಿ ಇರುತ್ತಾರೆ. ಇಂಥದ್ದೇ ಬೇಕು ಅಂದರೆ ಅದಕ್ಕಾಗಿ ಹತ್ತಾರು ಅಂಗಡಿ ಬಾಗಿಲುಗಳನ್ನು ಹತ್ತಿಳಿದಿರುತ್ತಾರೆ. ಆದರೆ ಮನೆ ವಿಚಾರದಲ್ಲಿ ಇವರಿಗೆ ಶೇಕಡಾ ನೂರರಷ್ಟು ತೃಪ್ತಿ, ಸಮಾಧಾನ ಸಿಗುವುದೇ ಇಲ್ಲ.
7 / 13
ಮನೆಯಲ್ಲಿ ಪದೇಪದೇ ಬದಲಾವಣೆ, ಅಂದರೆ ಇದನ್ನು ಒಡೆಯುವುದು, ಅದನ್ನು ಒಡೆಯುವುದು ಪದೇ ಪದೇ ನವೀಕರಣ ಮಾಡುವವರು ಅಂತ ಇದ್ದರೆ ಅದು ತುಲಾ ರಾಶಿಯವರು. ಸದಾ ಅಪ್ಡೇಟ್ ಆಗಿರಬೇಕು ಎಂದು ಬಯಸುವವರು ಇವರು. ಹಾಗಂತ ಮನಸೋ ಇಚ್ಛೆ ಖರ್ಚು ಮಾಡುವವರೂ ಅಲ್ಲ. ಸದಾ ಟ್ರೆಂಡ್ನಲ್ಲಿ ಇರುವುದಕ್ಕೆ ಬಯಸುತ್ತಾರೆ.
8 / 13
ಖಾಸಗೀತನವನ್ನು ಬಹುವಾಗಿ ಇಷ್ಟಪಡುವ ವೃಶ್ಚಿಕ ರಾಶಿಯವರು ಮನೆಯ ಬಗ್ಗೆಯೂ ಹಾಗೇ ಆಲೋಚಿಸುತ್ತಾರೆ. ಮನೆಯ ವಿಚಾರ ಅಂತ ಬಂದಾಗ ಹಿಂಜರಿಕೆ ಜಾಸ್ತಿ ಇವರಿಗೆ. ಎಂಥ ಸರಿಯಾದ ನಿರ್ಧಾರವೇ ಆದರೂ ಮುಂದಕ್ಕೆ ಹಾಕುತ್ತಾ ಸಾಗುತ್ತಾರೆ. ಇದರಿಂದಾಗಿ ಜತೆಯಲ್ಲಿ ಇರುವವರಿಗೆ ಇವರ ಬಗ್ಗೆ ಅಸಮಾಧಾನ ಸೃಷ್ಟಿ ಆಗುತ್ತದೆ.
9 / 13
ಮನೆಯೇ ಬೇಡ ಎಂಬಂತೆ ತೋರಿಸಿಕೊಳ್ಳುವ ಇವರು, ಮೂಲತಃ ಅಗಾಧವಾದ ಆಸೆಯನ್ನು ಇಟ್ಟುಕೊಂಡಿರುತ್ತಾರೆ. ಅದು ಕೂಡ ಬಹಳ ದುಬಾರಿಯದಾಗಿರುತ್ತವೆ. ಇವರು ಒಂದಕ್ಕಿಂತ ಹೆಚ್ಚು ಬಾರಿ ಮನೆಯನ್ನು ಕಟ್ಟುವ ಯೋಗ ಹೊಂದಿರುತ್ತಾರೆ. ಆದರೆ ಇವರಿಗೆ ಇಷ್ಟವಾದ ರೀತಿಯಲ್ಲಿ ಕಟ್ಟುವಂಥ ಅವಕಾಶ ಸಿಗುವುದು ಅನುಮಾನ.
10 / 13
ಮನೆ ಕಟ್ಟುವಾಗ ಇರುವಾಗ ಆಸಕ್ತಿ, ಉತ್ಸಾಹ ಇವರಲ್ಲಿ ಆ ನಂತರ ಇರುವುದಿಲ್ಲ. ಮುಖ್ಯವಾಗಿ ತಮ್ಮ ಬಗ್ಗೆ ತಮಗೇ ಇರುವಂಥ ಕೆಲವು ಅಸಮಾಧಾನ, ಕುಂದು- ಕೊರತೆಗಳನ್ನು ಸಹಿಸದ ಗುಣಗಳಿಂದಾಗಿ ಒಂದು ಬಗೆಯಲ್ಲಿ ನಿರ್ಲಿಪ್ತವಾಗಿ ಮನೆಯಲ್ಲಿ ಇರುತ್ತಾರೆ. ಉಳಿದ ರಾಶಿಯವರಲ್ಲಿ ಮನೆ ಕಟ್ಟಿ ಮುಗಿಸಿದ ಮೇಲೆ ಏನನ್ನೋ ಪೂರ್ಣಗೊಳಿಸಿದ ಸಮಾಧಾನ ಸಿಗುತ್ತದೆ. ಆದರೆ ಮಕರ ರಾಶಿಯವರಿಗೆ ಅಂಥದ್ದೊಂದು ಸಾರ್ಥಕತೆ ಸಿಗುವುದೇ ಇಲ್ಲ.
11 / 13
ಮನೆಯ ವಿಚಾರದಲ್ಲಿ ಕುಂಭ ರಾಶಿಯವರು ಬಹಳ ಪ್ರಾಕ್ಟಿಕಲ್. ತಾವು ವಾಸ ಮಾಡುತ್ತಾ ಆದಾಯವೂ ಬಂದು, ಮನೆಯಲ್ಲಿ ಸಕಲ ಸೌಲಭ್ಯವೂ ಇರಲಿ ಎಂದು ಬಯಸುವಂಥವರು. ಆದರೆ ಇದಕ್ಕಾಗಿ ದೀರ್ಘ ಕಾಲದ ಹೊರೆಯನ್ನು ಹೊರುವುದಕ್ಕೆ ಇವರು ಸಿದ್ಧರಿರುವುದಿಲ್ಲ.
12 / 13
ಮನೆಯನ್ನು ಬಹಳ ಕಲಾತ್ಮಕವಾಗಿ ಕಟ್ಟಲು ಬಯಸುವಂಥ ರಾಶಿಗಳ ಪೈಕಿ ಮೀನ ರಾಶಿಯವರು ಮೊದಲ ಸ್ಥಾನದಲ್ಲಿ ನಿಲ್ಲುತ್ತಾರೆ. ಜಾಗ ವ್ಯರ್ಥವಾಗುತ್ತದೆ, ವಾಸ್ತು ದೋಷವಾಗುತ್ತದೆ ಎಂಬಿತ್ಯಾದಿ ಸಲಹೆಗಳನ್ನೂ ಪಕ್ಕಕ್ಕೆ ಇಟ್ಟು, ಬಹಳ ಸುಂದರವಾದ ಮನೆಯನ್ನು ಕಟ್ಟಿಕೊಳ್ಳುವಂಥವರು ಇವರು. ಸಮಸ್ಯೆ ಏನೆಂದರೆ, ದುಡ್ಡಿನ ವಿಚಾರದಲ್ಲಿ ಎಚ್ಚರಿಕೆ ವಹಿಸಬೇಕು. ಊಹೆ- ಕ್ರಿಯೇಟಿವಿಟಿಗೆ ನಿಯಂತ್ರಣ ಇರಬೇಕು.
