ಖ್ಯಾತ ನಟಿಯ ಬಯೋಪಿಕ್ನಲ್ಲಿ ಕೃತಿ ಸನೋನ್; ಖುಷಿಪಟ್ಟ ಫ್ಯಾನ್ಸ್
ಬಾಲಿವುಡ್ ನಟಿ ಕೃತಿ ಸನೋನ್ ನಟನೆಯ ‘ಬಚ್ಚನ್ ಪಾಂಡೆ’ ಸಿನಿಮಾ ಇತ್ತೀಚೆಗೆ ತೆರೆಗೆ ಬಂದಿದೆ. ಸಿನಿಮಾದಿಂದ ಸಿನಿಮಾಗೆ ಅವರು ಹೊಸಹೊಸ ಪಾತ್ರಗಳನ್ನು ಒಪ್ಪಿಕೊಳ್ಳುತ್ತಿದ್ದಾರೆ.
ಬಾಲಿವುಡ್ ನಟಿ ಕೃತಿ ಸನೋನ್ ನಟನೆಯ ‘ಬಚ್ಚನ್ ಪಾಂಡೆ’ ಸಿನಿಮಾ ಇತ್ತೀಚೆಗೆ ತೆರೆಗೆ ಬಂದಿದೆ. ಸಿನಿಮಾದಿಂದ ಸಿನಿಮಾಗೆ ಅವರು ಹೊಸಹೊಸ ಪಾತ್ರಗಳನ್ನು ಒಪ್ಪಿಕೊಳ್ಳುತ್ತಿದ್ದಾರೆ. ನಟಿಯಾಗಿ ಮಿಂಚಿದ್ದ ಮೀನಾ ಕುಮಾರಿ ಬಯೋಪಿಕ್ನಲ್ಲಿ ಅವರು ನಟಿಸಲಿದ್ದಾರೆ ಎನ್ನಲಾಗುತ್ತಿದೆ.
ಈ ಮೊದಲು ಮಧುಬಾಲ ಹಾಗೂ ಮೀನಾ ಕುಮಾರಿ ಬಯೋಪಿಕ್ನಲ್ಲಿ ನಟಿಸುವ ಬಗ್ಗೆ ಕೃತಿ ಸನೋನ್ ಇಚ್ಛೆ ವ್ಯಕ್ತಪಡಿಸಿದ್ದರು. ಈ ನಟಿಯರ ಬಗ್ಗೆ ಈಗಿನ ಜನರೇಷನ್ನವರಿಗೆ ಹೆಚ್ಚು ತಿಳಿದಿಲ್ಲ. ಈ ಕಾರಣಕ್ಕೆ ಅವರ ಬಯೋಪಿಕ್ ಸಿದ್ಧಗೊಳ್ಳಲಿ. ಅವರ ಬಗ್ಗೆ ಬಯೋಪಿಕ್ ಬಂದರೆ ನನಗೆ ಅವಕಾಶ ನೀಡಿ ಎಂದು ಕೋರಿದ್ದರು.
ಕಮಲ್ ಅಮ್ರೋಹಿ ಮಗ ತಾಜ್ದಾರ್ ಅಮ್ರೋಹಿ ಅವರು ಮೀನಾ ಕುಮಾರಿ ಕುರಿತು ಬಯೋಪಿಕ್ ಮಾಡುವ ಇಚ್ಛೆ ವ್ಯಕ್ತಪಡಿಸಿದ್ದರು. ಈ ಸಿನಿಮಾದಲ್ಲಿ ಕೃತಿ ನಟಿಸಲಿದ್ದಾರೆ ಎನ್ನಲಾಗುತ್ತಿದೆ. ಈ ವಿಚಾರವನ್ನು ಚಿತ್ರತಂಡದವರು ಅಧಿಕೃತ ಮಾಡಬೇಕಿದೆ.
ಇತ್ತೀಚೆಗೆ ಕೃತಿ ನಟನೆಯ ‘ಬಚ್ಚನ್ ಪಾಂಡೆ’ ಸಿನಿಮಾ ತೆರೆಗೆ ಬಂದಿತ್ತು. ಇದು ರಿಮೇಕ್ ಸಿನಿಮಾ. ಈ ಕಾರಣಕ್ಕೆ ಅಂತಹ ದೊಡ್ಡ ಓಪನಿಂಗ್ ಪಡೆದುಕೊಂಡಿಲ್ಲ.
ಕನ್ನಡದ ‘ಜೇಮ್ಸ್’ ಚಿತ್ರ ತೆರೆಕಂಡ ಒಂದು ದಿನದ ಬಳಿಕ ಈ ಚಿತ್ರ ತೆರೆಗೆ ಬಂದಿತ್ತು. ಈ ವಾರ ‘ಆರ್ಆರ್ಆರ್’ ಸಿನಿಮಾ ತೆರೆಗೆ ಬಂದಿದೆ. ಈ ಕಾರಣಕ್ಕೆ ‘ಬಚ್ಚನ್ ಪಾಂಡೆ’ ಚಿತ್ರಕ್ಕೆ ಸಾಕಷ್ಟು ಸ್ಪರ್ಧೆ ಏರ್ಪಟ್ಟಿದೆ.