UP T20 League 2024: ಲಕ್ನೋ ಫಾಲ್ಕನ್ಸ್ ತಂಡದ ಪರ ಆಡುತ್ತಿರುವ ಭುವಿ ತನ್ನ ಮಾರಕ ಬೌಲಿಂಗ್ನಿಂದ ಎದುರಾಳಿ ತಂಡದ ಬ್ಯಾಟ್ಸ್ಮನ್ಗಳ ಬೆವರಿಳಿಸಿದರು. ಈ ಪಂದ್ಯದಲ್ಲಿ 4 ಓವರ್ ಬೌಲ್ ಮಾಡಿದ ಅವರು ಕೇವಲ 4 ರನ್ ನೀಡಿದರು. ಅವರ 24 ಎಸೆತಗಳಲ್ಲಿ 20 ಎಸೆತಗಳಲ್ಲಿ ಡಾಟ್ ಬಾಲ್ಗಳಾಗಿದ್ದವು. ಅಂದರೆ ಈ 20 ಎಸೆತಗಳಲ್ಲಿ ಭುವಿ ಯಾವುದೇ ರನ್ ಬಿಟ್ಟುಕೊಡಲಿಲ್ಲ. ಉಳಿದ 4 ಎಸೆತಗಳಲ್ಲಿ ತಲಾ ಒಂದು ರನ್ ಬಂದವು.
ಟೀಂ ಇಂಡಿಯಾದ ವೇಗದ ಬೌಲರ್ ಭುವನೇಶ್ವರ್ ಕುಮಾರ್ ಸದ್ಯ ಯುಪಿ ಟಿ20 ಲೀಗ್ನಲ್ಲಿ ಆಡುತ್ತಿದ್ದಾರೆ. ಈ ಲೀಗ್‌ನ 25 ನೇ ಪಂದ್ಯ ಶುಕ್ರವಾರ ಸೆಪ್ಟೆಂಬರ್ 6 ರಂದು ನಡೆಯಿತು. ಲಕ್ನೋ ಫಾಲ್ಕನ್ಸ್ ಮತ್ತು ಕಾಶಿ ರುದ್ರಾಸ್ ನಡುವಿನ ಈ ಪಂದ್ಯದಲ್ಲಿ ಭುವನೇಶ್ವರ್ ಕುಮಾರ್ ತಮ್ಮ ಅತ್ಯುತ್ತಮ ಬೌಲಿಂಗ್ ಮೂಲಕ ಅಭಿಮಾನಿಗಳ ಮನ ಗೆದ್ದರು.
1 / 7
ಲಕ್ನೋ ಫಾಲ್ಕನ್ಸ್ ತಂಡದ ಪರ ಆಡುತ್ತಿರುವ ಭುವಿ ತನ್ನ ಮಾರಕ ಬೌಲಿಂಗ್ನಿಂದ ಎದುರಾಳಿ ತಂಡದ ಬ್ಯಾಟ್ಸ್ಮನ್ಗಳ ಬೆವರಿಳಿಸಿದರು. ಈ ಪಂದ್ಯದಲ್ಲಿ 4 ಓವರ್ ಬೌಲ್ ಮಾಡಿದ ಅವರು ಕೇವಲ 4 ರನ್ ನೀಡಿದರು. ಅವರ 24 ಎಸೆತಗಳಲ್ಲಿ 20 ಎಸೆತಗಳಲ್ಲಿ ಡಾಟ್ ಬಾಲ್ಗಳಾಗಿದ್ದವು. ಅಂದರೆ ಈ 20 ಎಸೆತಗಳಲ್ಲಿ ಭುವಿ ಯಾವುದೇ ರನ್ ಬಿಟ್ಟುಕೊಡಲಿಲ್ಲ. ಉಳಿದ 4 ಎಸೆತಗಳಲ್ಲಿ ತಲಾ ಒಂದು ರನ್ ಬಂದವು.
2 / 7
ಭುವನೇಶ್ವರ್ ಕುಮಾರ್ ಅವರ ಈ ಬೌಲಿಂಗ್ ಬಲದಿಂದ ಲಕ್ನೋ ಫಾಲ್ಕನ್ಸ್ ತಂಡವು ಕಾಶಿ ರುದ್ರಾಸ್ ತಂಡವನ್ನು ಕೇವಲ 111 ರನ್‌ಗಳಿಗೆ ಕಟ್ಟಿಹಾಕಿತು. ಭುವನೇಶ್ವರ್ ಕುಮಾರ್ ಒಂದೂ ವಿಕೆಟ್ ಪಡೆಯದಿದ್ದರೂ ಅವರ ಬೌಲಿಂಗ್ ಕಾಶಿ ತಂಡದ ಬ್ಯಾಟ್ಸ್ಮನ್ಗಳ ಮೇಲೆ ಒತ್ತಡ ಹೇರಿತು. ಈ ಒತ್ತಡದಲ್ಲಿ, ಅವರು ಇತರ ಬೌಲರ್‌ಗಳ ವಿರುದ್ಧ ರನ್ ಗಳಿಸಲು ಪ್ರಯತ್ನಿಸಿ, ವಿಕೆಟ್ ಕಳೆದುಕೊಂಡರು. 112 ರನ್‌ಗಳ ಸುಲಭ ಗುರಿಯನ್ನು ಲಕ್ನೋ ತಂಡ 13.5 ಓವರ್‌ಗಳಲ್ಲಿ ಕೇವಲ ಒಂದು ವಿಕೆಟ್ ಕಳೆದುಕೊಂಡು ಬೆನ್ನಟ್ಟಿತು.
3 / 7
ಈ ಗೆಲುವಿನೊಂದಿಗೆ ಲಕ್ನೋ ತಂಡ ಯುಪಿ ಟಿ20 ಲೀಗ್‌ನ ಪಾಯಿಂಟ್ಸ್ ಪಟ್ಟಿಯಲ್ಲಿ ಎರಡನೇ ಸ್ಥಾನಕ್ಕೆ ಏರಿದೆ. ಲಕ್ನೋ ಆಡಿರುವ 9 ಪಂದ್ಯಗಳಲ್ಲಿ 5ರಲ್ಲಿ ಗೆಲುವು ಸಾಧಿಸಿದ್ದು, ತಂಡವು 10 ಅಂಕಗಳನ್ನು ಹೊಂದಿದೆ. ತಂಡದ ನೆಟ್ ರನ್ ರೇಟ್ ಕೂಡ ಉತ್ತಮವಾಗಿದ್ದು, ಪ್ಲೇಆಫ್‌ಗೆ ಪ್ರಬಲ ಸ್ಪರ್ಧಿಯಾಗಿದೆ. ಆದರೆ ರಿಂಕು ಸಿಂಗ್ ನಾಯಕತ್ವದ ಮೀರತ್ ಮೇವರಿಕ್ಸ್ 14 ಅಂಕಗಳೊಂದಿಗೆ ಲೀಗ್ನಲ್ಲಿ ಅಗ್ರಸ್ಥಾನದಲ್ಲಿದೆ.
4 / 7
ಸೆಪ್ಟೆಂಬರ್ 5 ರಂದು ಯುಪಿ ಟಿ20 ಲೀಗ್ನಲ್ಲಿ ಲಕ್ನೋ ತಂಡ ಗೋರಖ್‌ಪುರ ವಿರುದ್ಧ ಆಡಿತ್ತು. ಈ ಪಂದ್ಯದಲ್ಲೂ ಭುವನೇಶ್ವರ್ ಅತ್ಯುತ್ತಮ ಬೌಲಿಂಗ್ ಮಾಡಿದ್ದರು. ಅವರು 3 ಓವರ್‌ಗಳನ್ನು ಎಸೆದು, ಅದರಲ್ಲಿ ಕೇವಲ 5 ರನ್‌ಗಳನ್ನು ನೀಡಿದರು.
5 / 7
34 ವರ್ಷದ ಭುವನೇಶ್ವರ್ ಕುಮಾರ್ ಸುಮಾರು 2 ವರ್ಷಗಳಿಂದ ಟೀಂ ಇಂಡಿಯಾದಿಂದ ಹೊರಗುಳಿದಿದ್ದಾರೆ. 2022 ರ ನವೆಂಬರ್ನಲ್ಲಿ ಭಾರತದ ಪರ ತಮ್ಮ ಕೊನೆಯ ಪಂದ್ಯವನ್ನು ಆಡಿದ್ದ ಭುವಿ, ಈ ಟಿ20 ಪಂದ್ಯದಲ್ಲಿ 4 ಓವರ್‌ಗಳಲ್ಲಿ 35 ರನ್ ನೀಡಿ ಯಾವುದೇ ವಿಕೆಟ್ ಪಡೆಯಲು ಸಾಧ್ಯವಾಗಿರಲಿಲ್ಲ. ಭಾರತದ ಪರ ಇದುವರೆಗೆ 87 ಪಂದ್ಯಗಳನ್ನಾಡಿರುವ ಭುವಿ 1791 ಎಸೆತಗಳನ್ನು ಬೌಲ್ ಮಾಡಿ 2079 ರನ್ ನೀಡಿ 90 ವಿಕೆಟ್ ಪಡೆದಿದ್ದಾರೆ.
6 / 7
ಇನ್ನು ಭಾರತ ಏಕದಿನ ತಂಡದಲ್ಲಿ ಕೊನೆಯ ಬಾರಿಗೆ 2022 ರ ಜನವರಿಯಲ್ಲಿ ಕಾಣಿಸಿಕೊಂಡಿದ್ದ ಭುವನೇಶ್ವರ್, ಜನವರಿ 2018 ರಲ್ಲಿ ತಮ್ಮ ಕೊನೆಯ ಅಂತಾರಾಷ್ಟ್ರೀಯ ಟೆಸ್ಟ್ ಪಂದ್ಯವನ್ನು ಆಡಿದರು. ಐಪಿಎಲ್‌ನ ಕಳೆದ 3 ಸೀಸನ್‌ಗಳಲ್ಲಿಯೂ ಭುವಿಗೆ ವಿಶೇಷ ಪ್ರದರ್ಶನ ನೀಡಲು ಸಾಧ್ಯವಾಗಿಲ್ಲ. ಹೀಗಾಗಿ ಭುವಿ ಮತ್ತೊಮ್ಮೆ ಭಾರತ ತಂಡದಲ್ಲಿ ಕಾಣಿಸಿಕೊಳ್ಳುವುದು ಅಸಾಧ್ಯ ಎನ್ನಲಾಗುತ್ತಿದೆ.
