IPL 2023: ಐಪಿಎಲ್ ಇತಿಹಾಸದಲ್ಲಿ ಅಜೇಯ 99 ರನ್ ಬಾರಿಸಿದ 4 ಆಟಗಾರರಿವರು
IPL 2023: ಪಂಜಾಬ್ ಪರ ಅಜೇಯ 99 ರನ್ ಬಾರಿಸಿದ ಧವನ್ ಐಪಿಎಲ್ನಲ್ಲಿ 1 ರನ್ಗಳಿಂದ ಶತಕ ವಂಚಿತರಾಗಿ ಉಳಿದ 4ನೇ ಆಟಗಾರ ಎನಿಸಿಕೊಂಡರು.
ಉಪ್ಪಳ ಕ್ರೀಡಾಂಗಣದಲ್ಲಿ ನಡೆದ ಪಂಜಾಜ್ ಕಿಂಗ್ಸ್ ಹಾಗೂ ಸನ್ರೈಸರ್ಸ್ ಹೈದರಾಬಾದ್ ನಡುವಿನ ಮುಖಾಮುಖಿಯಲ್ಲಿ ಹೈದರಾಬಾದ್ ತಂಡ ಕೊನೆಗೂ ಟೂರ್ನಿಯ ಮೊದಲ ಗೆಲುವು ಸಾಧಿಸಿದೆ.
ಈ ಮೊದಲು ಬ್ಯಾಟ್ ಮಾಡಿದ ಪಂಜಾಬ್ ತಂಡ 20 ಓವರ್‌ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 143 ರನ್ ಗಳಿಸಿತು. ತಂಡದ ಪರ ಏಕಾಂಗಿ ಹೋರಾಟ ನಡೆಸಿದ ತಂಡದ ನಾಯಕ ಶಿಖರ್ ಧವನ್ 99 ರನ್ ಗಳಿಸಿ ಅಜೇಯರಾಗಿ ಉಳಿದರು.
ಈ ಗುರಿ ಬೆನ್ನಟ್ಟಿದ ಹೈದರಾಬಾದ್ ತಂಡ 17.1 ಓವರ್‌ಗಳಲ್ಲಿ 2 ವಿಕೆಟ್ ಕಳೆದುಕೊಂಡು ಐಪಿಎಲ್ 2023 ರಲ್ಲಿ ಮೊದಲ ಗೆಲುವು ಸಾಧಿಸಿತು. ಆದರೆ ಪಂಜಾಬ್ ಪರ ಅಜೇಯ 99 ರನ್ ಬಾರಿಸಿದ ಧವನ್ ಐಪಿಎಲ್ನಲ್ಲಿ 1 ರನ್ಗಳಿಂದ ಶತಕ ವಂಚಿತರಾಗಿ ಉಳಿದ 4ನೇ ಆಟಗಾರ ಎನಿಸಿಕೊಂಡರು.
ಧವನ್ಗಿಂತ ಮೊದಲು 3 ಆಟಗಾರರು ಅಜೇಯ 99 ರನ್ ಬಾರಿಸಿದ್ದು, ಅವರಲ್ಲಿ ಮೊದಲಿಗರು ಸುರೇಶ್ ರೈನಾ. ಮಿಸ್ಟರ್ ಐಪಿಲ್ ಖ್ಯಾತಿಯ ರೈನಾ ಟೂರ್ನಿಯ ಇತಿಹಾಸದಲ್ಲಿ 99 ರನ್ ಗಳಿಸಿ ಅಜೇಯರಾಗಿ ಉಳಿದ ಮೊದಲ ಆಟಗಾರ ಎನಿಸಿಕೊಂಡರು. 2013ರ ಐಪಿಎಲ್ನಲ್ಲಿ ಹೈದರಾಬಾದ್ ವಿರುದ್ಧ ರೈನಾ ಅಜೇಯ 99 ರನ್ ಬಾರಿಸಿದ್ದರು.
ರೈನಾ ನಂತರ 2019 ರ ಐಪಿಎಲ್ನಲ್ಲಿ ಪಂಜಾಬ್ ಕಿಂಗ್ಸ್ ಪರ ಕಣಕ್ಕಿಳಿದಿದ್ದ ಕ್ರಿಸ್ ಗೇಲ್, ಆರ್ಸಿಬಿ ವಿರುದ್ಧ 64 ಎಸೆತಗಳಲ್ಲಿ ಅಜೇಯ 99 ರನ್ ಬಾರಿಸಿದ್ದರು.
ಕ್ರಿಸ್ ಗೇಲ್ ಬಳಿಕ ಎರಡು ವರ್ಷಗಳ ನಂತರ ಪಂಜಾಬ್ ಕಿಂಗ್ಸ್ ಪರ ಆಡುತ್ತಿದ್ದ ಮಯಾಂಕ್ ಅಗರ್ವಾಲ್ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 58 ಎಸೆತಗಳಲ್ಲಿ ಅಜೇಯ 99 ರನ್ ಬಾರಿಸಿದ್ದರು.
ಇದೀಗ ಈ ಐಪಿಎಲ್ನಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ನಾಯಕ ಶಿಖರ್ ಧವನ್ 66 ಎಸೆತಗಳಲ್ಲಿ ಅಜೇಯ 99 ರನ್ ಬಾರಿಸಿದ್ದಾರೆ.