IPL 2023: ಐಪಿಎಲ್ ಮಿನಿ ಹರಾಜಿಗಾಗಿ ಹೆಸರು ನೀಡಿದ 991 ಆಟಗಾರರು..!
TV9kannada Web Team | Edited By: Zahir PY
Updated on: Dec 01, 2022 | 11:02 PM
IPL 2023 Auction: ಸದ್ಯ ಮಿನಿ ಹರಾಜಿಗಾಗಿ ಒಟ್ಟು ಒಟ್ಟು 991 ಆಟಗಾರರು (714 ಭಾರತೀಯ ಮತ್ತು 277 ವಿದೇಶಿ ಆಟಗಾರರು) ಹೆಸರು ನೀಡಿದ್ದಾರೆ.
Dec 01, 2022 | 11:02 PM
ಇಂಡಿಯನ್ ಪ್ರೀಮಿಯರ್ ಲೀಗ್ ಸೀಸನ್ 16 ಮಿನಿ ಹರಾಜಿಗಾಗಿ ಒಟ್ಟು 991 ಆಟಗಾರರು ಹೆಸರು ನೋಂದಾಯಿಸಿಕೊಂಡಿದ್ದಾರೆ. ಇವರಲ್ಲಿ 714 ಭಾರತೀಯ ಆಟಗಾರರಿದ್ದರೆ, 277 ವಿದೇಶಿ ಆಟಗಾರರಿದ್ದಾರೆ ಎಂದು BCCI ತಿಳಿಸಿದೆ.
1 / 5
ಇನ್ನು 991 ಆಟಗಾರರಲ್ಲಿ 19 ಭಾರತೀಯ ಕ್ಯಾಪ್ಡ್ ಆಟಗಾರರು (ಭಾರತದ ಪರ ಆಡಿದ), 166 ವಿದೇಶಿ ರಾಷ್ಟ್ರೀಯ ಆಟಗಾರರು ಕಾಣಿಸಿಕೊಂಡಿದ್ದಾರೆ. ಹಾಗೆಯೇ ಅಸೋಸಿಯೇಟ್ ದೇಶದ 20 ಆಟಗಾರರು ಹೆಸರು ನೀಡಿದ್ದಾರೆ.
2 / 5
ಅದೇ ರೀತಿ ಈ ಪಟ್ಟಿಯಲ್ಲಿ ರಾಷ್ಟ್ರೀಯ ತಂಡದ ಪರ ಆಡದ, ಐಪಿಎಲ್ನಲ್ಲಿ ಆಡಿದ 91 ಭಾರತೀಯ ಹಾಗೂ 3 ವಿದೇಶಿ ಆಟಗಾರರು ಕೂಡ ಕಾಣಿಸಿಕೊಂಡಿದ್ದಾರೆ. ಹಾಗೆಯೇ ಭಾರತದ 604 ಆಟಗಾರರು ಹಾಗೂ 88 ವಿದೇಶಿ ಆಟಗಾರರು ಚೊಚ್ಚಲ ಐಪಿಎಲ್ ಅವಕಾಶ ಹೆಸರು ನೀಡಿದ್ದಾರೆ.
3 / 5
ಆದರೆ ಈ ಆಟಗಾರರ ಪಟ್ಟಿಯನ್ನು ಶಾರ್ಟ್ ಲೀಸ್ಟ್ ಮಾಡಿದ ಬಳಿಕವಷ್ಟೇ ಹರಾಜು ನಡೆಯಲಿದೆ. ಅಂದರೆ ಐಪಿಎಲ್ ಮಿನಿ ಹರಾಜಿಗೂ ಮುನ್ನ ಎಲ್ಲಾ ಫ್ರಾಂಚೈಸಿಗಳು ಬಿಡ್ಡಿಂಗ್ ಮಾಡಲು ಇಚ್ಛಿಸುವ ಆಟಗಾರರ ಅಂತಿಮ ಪಟ್ಟಿಯನ್ನು ಸಲ್ಲಿಸಲಿದೆ. ಅದರಲ್ಲಿ ಸ್ಥಾನ ಪಡೆಯುವ ಆಟಗಾರರು ಮಾತ್ರ ಹರಾಜಿನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
4 / 5
IPL 2023 ರ ಮಿನಿ ಹರಾಜಿಗಾಗಿ ಒಟ್ಟು 991 ಆಟಗಾರರು (714 ಭಾರತೀಯ ಮತ್ತು 277 ವಿದೇಶಿ ಆಟಗಾರರು) ಹೆಸರು ನೀಡಿದ್ದು, ಡಿಸೆಂಬರ್ 23 ರಂದು ಕೊಚ್ಚಿನ್ನಲ್ಲಿ ನಡೆಯಲಿರುವ ಹರಾಜಿನಲ್ಲಿ ಇವರಲ್ಲಿ ಯಾರಿಗೆಲ್ಲಾ ಅವಕಾಶ ಸಿಗಲಿದೆ ಕಾದು ನೋಡಬೇಕಿದೆ.
