IPL 2024: ಪ್ಲೇಆಫ್ ಪಂದ್ಯಗಳಲ್ಲಿ ಕಿಂಗ್ ಕೊಹ್ಲಿ ಆಟ ಹೇಗಿದೆ ಗೊತ್ತಾ?
IPL 2024: ವಿರಾಟ್ ಲೀಗ್ ಪಂದ್ಯಗಳಲ್ಲಿ ಉತ್ತಮವಾಗಿ ಬ್ಯಾಟ್ ಮಾಡುತ್ತಾರೆ. ಆದರೆ ಪ್ಲೇಆಫ್‌ಗಳಲ್ಲಿ ವಿರಾಟ್ ಬ್ಯಾಟ್ ಮೌನಕ್ಕೆ ಶರಣಾಗಿರುವುದರನ್ನು ಅಂಕಿ ಅಂಶಗಳಿಂದ ಗಮನಿಸಬಹುದಾಗಿದೆ. ಐಪಿಎಲ್ ಇತಿಹಾಸದಲ್ಲಿ ವಿರಾಟ್ ಅವರ ಪ್ಲೇಆಫ್ ಪಂದ್ಯಗಳ ದಾಖಲೆಯ ಬಗ್ಗೆ ನಾವು ಮಾತನಾಡುವುದಾದರೆ, ಇಲ್ಲಿಯವರೆಗೆ ಕೊಹ್ಲಿ 14 ಪಂದ್ಯಗಳನ್ನು ಆಡಿದ್ದು ಅದರಲ್ಲಿ 308 ರನ್ ದಾಖಲಿಸಿದ್ದಾರೆ.
ಎಲಿಮಿನೇಟರ್ ಪಂದ್ಯದಲ್ಲಿ ಆರ್ಸಿಬಿ ಮತ್ತು ರಾಜಸ್ಥಾನ್ ರಾಯಲ್ಸ್ ತಂಡಗಳು ಇಂದು ಮುಖಾಮುಖಿಯಾಗಲಿವೆ. ಈ ಪಂದ್ಯ ಅಹಮದಾಬಾದ್‌ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ರಾತ್ರಿ 7:30ಕ್ಕೆ ನಡೆಯಲಿದೆ. ಎರಡೂ ತಂಡಗಳು ಈ ಪಂದ್ಯವನ್ನು ಗೆದ್ದು ಕ್ವಾಲಿಫೈಯರ್ 2ಕ್ಕೆ ಹೋಗುವ ಇರಾದೆಯಲ್ಲಿವೆ.
1 / 6
ಇತ್ತ ಸತತ ಸೋಲುಗಳಿಂದ ಆರಂಭಿಸಿ ಇದೀಗ ಪ್ಲೇಆಫ್‌ಗೆ ಅರ್ಹತೆ ಪಡೆದಿರುವ ಆರ್ಸಿಬಿ ಶತಾಯಗತಾಯ ಈ ಪಂದ್ಯವನ್ನು ಗೆಲ್ಲಲೇಬೇಕಾಗಿದೆ ಗುರಿ ಇಟ್ಟುಕೊಂಡಿದೆ. ಈ ಪಂದ್ಯದಲ್ಲಿ ಆರ್ಸಿಬಿ ಗೆಲ್ಲಲೇಬೇಕೆಂದರೆ, ಇಡೀ ತಂಡ ಒಟ್ಟಾಗಿ ಅದ್ಭುತ ಪ್ರದರ್ಶನ ನೀಡಬೇಕಿದೆ. ಅದರಲ್ಲೂ ಇಡೀ ಟೂರ್ನಿಯಲ್ಲಿ ರನ್ಗಳ ಮಳೆ ಹರಿಸಿರುವ ವಿರಾಟ್ ಕೊಹ್ಲಿ ಅಬ್ಬರಿಸಬೇಕಿದೆ.
2 / 6
ಆದರೆ ಲೀಗ್ ಹಂತದಲ್ಲಿ ರನ್ ಮಳೆ ಹರಿಸುವ ಕಿಂಗ್ ಕೊಹ್ಲಿಯ ಪ್ಲೇಆಫ್ ಪ್ರದರ್ಶನ ಅಷ್ಟಾಗಿ ಕಾಣದ ಕಾರಣ ಈ ಪಂದ್ಯಕ್ಕೂ ಮುನ್ನ ಆರ್ಸಿಬಿ ಅಭಿಮಾನಿಗಳಲ್ಲಿ ಆತಂಕ ಕೊಂಚ ಹೆಚ್ಚಿದೆ. ವಾಸ್ತವವಾಗಿ ಐಪಿಎಲ್‌ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಬ್ಯಾಟ್ಸ್‌ಮನ್ ವಿರಾಟ್. ಅಲ್ಲದೆ ಈ ಆವೃತ್ತಿಯಲ್ಲೂ ಆರೆಂಜ್ ಕ್ಯಾಪ್ ಅವರ ಬಳಿ ಇದೆ.
3 / 6
ವಿರಾಟ್ ಲೀಗ್ ಪಂದ್ಯಗಳಲ್ಲಿ ಉತ್ತಮವಾಗಿ ಬ್ಯಾಟ್ ಮಾಡುತ್ತಾರೆ. ಆದರೆ ಪ್ಲೇಆಫ್‌ಗಳಲ್ಲಿ ವಿರಾಟ್ ಬ್ಯಾಟ್ ಮೌನಕ್ಕೆ ಶರಣಾಗಿರುವುದರನ್ನು ಅಂಕಿ ಅಂಶಗಳಿಂದ ಗಮನಿಸಬಹುದಾಗಿದೆ. ಐಪಿಎಲ್ ಇತಿಹಾಸದಲ್ಲಿ ವಿರಾಟ್ ಅವರ ಪ್ಲೇಆಫ್ ಪಂದ್ಯಗಳ ದಾಖಲೆಯ ಬಗ್ಗೆ ನಾವು ಮಾತನಾಡುವುದಾದರೆ, ಇಲ್ಲಿಯವರೆಗೆ ಕೊಹ್ಲಿ 14 ಪಂದ್ಯಗಳನ್ನು ಆಡಿದ್ದು ಅದರಲ್ಲಿ 308 ರನ್ ದಾಖಲಿಸಿದ್ದಾರೆ.
4 / 6
ಇದರಲ್ಲಿ ಕೇವಲ 2 ಶತಕಗಳು ಸೇರಿವೆ. ಈ ಅವಧಿಯಲ್ಲಿ ಕೊಹ್ಲಿ ಸ್ಟ್ರೈಕ್ ರೇಟ್ 120 ಆಗಿದ್ದು ಸರಾಸರಿ 25.66 ಮಾತ್ರ. ಇದರಿಂದಾಗಿ ಆರ್‌ಸಿಬಿಯ ಟೆನ್ಷನ್ ಕೊಂಚ ಹೆಚ್ಚಾದರೂ ಈ ಸೀಸನ್ನಲ್ಲಿ ಕೊಹ್ಲಿ ಅದ್ಭುತ ಫಾರ್ಮ್‌ನಲ್ಲಿದ್ದಾರೆ. ಇಂತಹ ಪರಿಸ್ಥಿತಿಯಲ್ಲಿ ವಿರಾಟ್ ಇಂದಿನ ಎಲಿಮಿನೇಟರ್ ಪಂದ್ಯದಲ್ಲಿ ಲೀಗ್ ಪಂದ್ಯಗಳಂತೆ ಉತ್ತಮ ಪ್ರದರ್ಶನ ನೀಡಲಿ ಎಂದು ಅಭಿಮಾನಿಗಳು ಹಾಗೂ ತಂಡದವರು ಹಾರೈಸಿದ್ದಾರೆ.
5 / 6
ಈ ಸೀಸನ್ನಲ್ಲಿ ಬ್ಯಾಟಿಂಗ್ನಲ್ಲಿ ಅಬ್ಬರಿಸಿರುವ ವಿರಾಟ್ ಆಡಿರುವ 14 ಪಂದ್ಯಗಳಲ್ಲಿ 155.60 ಸ್ಟ್ರೈಕ್ ರೇಟ್‌ನಲ್ಲಿ 708 ರನ್ ಗಳಿಸಿದ್ದಾರೆ. ಇದರಲ್ಲಿ 1 ಶತಕ ಕೂಡ ಸೇರಿದೆ. ಐಪಿಎಲ್ 2024 ರಲ್ಲಿ ಇಲ್ಲಿಯವರೆಗೆ, ವಿರಾಟ್ 59 ಬೌಂಡರಿ ಮತ್ತು 37 ಸಿಕ್ಸರ್‌ಗಳನ್ನು ಕೂಡ ಬಾರಿಸಿದ್ದಾರೆ.
